Американскиот претседател Доналд Трамп на приемот во Пекинг наздрави за блиските и историски врски помеѓу САД и Кина. Тој средбите во Пекинг ги оцени како исклучително позитивни и продуктивни и му се заблагодари на кинескиот претседател Си Џинпинг на големата чест и величествена церемонија за добредојде.

Според Трамп односот помеѓу САД и Кина е „еден од најзначајните во светската историја“. Тој потенцира дека двете земји имаат „многу заеднички работи“ како што се „напорна работа“, „храброст“ и „достигнување“.

– Светот е посебно место кога ние двајцата сме обединети и заедно – посочи Трамп.

Тој го покани кинескиот претседател да ги посети САД на 24 септември.

Претходно, Си изјави дека Кина и САД треба да бидат партнери, а не соперници.

– И кинескиот и американскиот народ се големи народи. Остварувањето на големата преродба на кинеската нација и враќањето на величината на Америка можат да одат рака под рака, наведе Си.

Тој додаде дека двете држави можат да работат за општото добро.

– Можеме да си помагаме едни на други да успееме и да придонесеме за благосостојбата на целиот свет. Нашите две земји треба да бидат партнери, а не соперници – истакна Си.

The post ДОНАЛД ТРАМП ГО ПОКАНИ СИ ЏИНПИНГ ДА ГИ ПОСЕТИ САД Средбата би била на 24 септември appeared first on plusinfo.mk.

Претседателката Силјановска Давкова при посетата и разговорот со припадниците на Армијата рече дека видела импресивна воена опрема и дека се работи на држење чекор со најсовремените трендови.

– Тоа е логично кога зборуваме за НАТО Армија. Се разбира, моето последно прашање беше колку чини сето тоа. Секогаш јас мислам дека оние 2 проценти се голема сума, секогаш размислувам за тие 2 проценти во други сфери и посакувам да нема потреба да се користи ова оружје. Тоа го посакувам и заради овие зад мене и заради овие пред мене и заради началникот, посакувам свет во којшто мирот ќе биде главната опција, а нема да размислуваме за вооружување. Се разбира јас ги разбирам потребите, меѓутоа исто така прашав дали се ова донации или пак одвојуваме од буџетот. Она што е најважно не е всушност оружјето, туку луѓето – изјави Сиљановска Давкова.

Таа посочи дека припадниците кои се дел од Вториот пешадиски баталјон извонредно ја поминаа евалуацијата во 2022 година.

– Знам дека оваа година е најважната пред новата евалуација во 2026 година. Но, од редовните контакти со началникот, со генералите јасно ми е дека подготовките се постојани, дека тие се во кондиција, во тек со современите доктрини на војување. Но, дозволете ми како некој кој не сонувал дека ќе биде сведок на презентирање на вакво современо оружје, да кажам дека јас отсекогаш сум била за мирот, секогаш сум давала предност на мирот и мислам дека е многу почовечки и многу поумно секогаш превентивно да се постапува. Кога ќе дојде до војна, тоа е веќе пораз на оние кои не смееле да доведат до тоа – рече Силјановска-Давкова.

Шефицата на државата додаде дека 2025 е година кога ќе се слави 80 години од ООН. Како што рече, Обединетите нации настанаа како еден базично мировен концепт и тогаш сите се колнеа дека никогаш повеќе нема да дозволиме војна.

– Но, се соочуваме со војна. И Европската Унија настана како мировен концепт и нејзините основачи Шуман, Аденауер, Де Гаспери, Моне, тогаш велеа дека таквата организација ќе обезбеди траен мир, а она што ме загрижува е што денес војуваат европски држави, Украина и Русија. Значи, се надевам дека 2025 година ќе биде година во којашто местото каде што треба да решаваат проблемите Њујорк, ООН навистина ќе биде искористено – изјави Сиљановска Давкова.

Началникот на Генералштабот на Армијата, генерал мајор Сашко Лафчиски, рече дека војниците се високо мотивирани и спремни за изведување на своите задачи.

На крајот од посетата, претседателката Сиљановска Давкова на Вториот пешадиски баталјон му подари видео проектор и присуствуваше на заедничкиот ручек.

The post 📷 МАКЕДОНСКАТА АРМИЈА Е ПОЧИТУВАНА И КОМПАТИБИЛНА СО НАТО Претседателката посакува свет во кој мирот е главната опција appeared first on plusinfo.mk.