„Славјанка Петровска сама се донела во ситуација да се стави под знак прашалник нејзината способност да го води Министерството за одбрана. Извештајот за психичката состојба на Петровска, кој говори за нејзината опседнатост, инхибиција и третманот со седативи, кој, патем самата го нарачала, доколку е во целост вистинит, треба да резултира со нејзина оставка и одземање на нејзиниот безбедносен сертификат.

Доколку пак Славјанка Петровска извршила влијание користејќи ја својата позиција врз лекарот специјалист да напише Извештај кој ги преувеличува нејзините симптоми, само за да добие оштета на суд, треба да си даде оставка од морални причини.

Тргнуваме од претпоставката дека Извештајот кој Петровска го нарачала е вистинит, бидејќи самата го доставила до пратеникот Ковачки, и оттука ја повикуваме ДБКИ веднаш да ѝ биде одземен безбедносниот сертификат.

Имено, согласно чл. 4 точка 13 од Уредбата за безбедност на лицата корисници на класифицирани информации вели дека лице кое страдало или страда од каква било болест или ментална или емоционална состојба, која може да предизвика значителни недостатоци во неговото расудување или доверливост или може да го направи лицето, ненамерно, потенцијален безбедносен ризик, што се утврдува врз основа на медицинска документација, е пречка за издавање на безбедносен сертификат“ – укажува ВМРО-ДПМНЕ во соопштението.

Дополнително, ВМРО-ДПМНЕ го повикува премиерот Димитар Ковачевски, да не чека, и да ја разреши Петровска.

„Во Извештајот, која самата го нарачала, Петровска е опишана како личност која не може да ги извршува непречено своите работни обврски, која е нервозна, збунета, конфузна, која нема волја, која чувствува бесцелност во работата и редица други дијагнози, кои алудираат дека Петровска не е во целосна способност за извршување на своите работни задачи“ – се вели во соопштението на ВМРО-ДПМНЕ.

The post НА СЛАВЈАНКА ПЕТРОВСКА ДА Ѝ СЕ ОДЗЕМЕ БЕЗБЕДНОСНИОТ СЕРТИФИКАТ! Опозицијата смета дека министерката за одбрана треба да си даде оставка поради психичката состојба appeared first on plusinfo.mk.

 Од 2017 до 2020 година бројот на вработени во министерствата пораснал за три, а во општините за два отсто. Најголем скок на бројот на нововработени има во полицијата, а најголем пад во одбраната.

Во министерствата и во Владата има 540 повеќе вработени или ангажирани луѓе, а во општините 154. Бројот на привремено вработени во министерствата скокнал за повеќе од 300 проценти. Кај општините, пак, бројот на ангажираните на договор на дело се намалил за 31 процент, покажува истражувањето и анализата што ги направил Центарот за граѓански комуникации.

Од јануари 2017 до февруари 2020 година, во министерствата и во Владата се вработени или ангажирани 540 повеќе луѓе. Од овие новопримени или ангажирани луѓе, во редовен работен однос се примени 154, на договор на дело се ангажирани 177, а привремено се вработени 209 луѓе. Додека бројот на нововработени е зголемен за 0,9 проценти, бројот на ангажирани на договор на дело скокнал за 125 проценти, а привремено се вработени дури 337 проценти повеќе луѓе.

По институции, во споменатиот период од три години, најмногу нововработени или ангажирани луѓе во апсолутен број имало во Министерството за внатрешни работи – 570 што е зголемување од скоро 5 проценти. Сепак, во процентуален износ, најмногу нововработени или ангажирани имало во Министерството за култура, дури 23,7 отсто.

Спротивно, најголемо намалување на вработените или ангажираните луѓе во апсолутен износ имало во Министерството за одбрана – 168 луѓе или 18,6 отсто помалку. Процентуално, пак, најголемо намалување на вработените или ангажираните луѓе од 20,2 отсто имало во Министерството за труд и социјална политика.

– Кога станува збор за одделните категории вработени, најголем пораст на нововработени во редовен работен однос, односно 515, имало во Министерството за внатрешни работи. Кај привремените вработувања, најмногу нови, 48, имало во Министерството за земјоделство. Кај ангажирањето преку договорите на дело, најмногу нови, 69, имало во Владата. Инаку, најмногу вработени по сите основи има Министерството за внатрешни работи – 12.263, по што следува Министерството за земјоделство со 1 096. Најмалку вработени, односно 60 луѓе, има Министерството за локална самоуправа, а следно со 163 луѓе е Министерството за здравство – појаснуваат од Центарот за гражански комуникации.

Кај општините, во споменатиот период од три години, вкупно се вработени или ангажирани нови 154 луѓе. Овде, бројот на нововработени пораснал за 2 отсто, но на оние со привремено вработување скокнал за 25 проценти. Бројот на луѓе ангажирани на договор на дело по општините се намалил за 31 отсто.

По одделни општини, рекордер и според апсолутниот и според процентуалниот износ на зголемување на бројот на нововработени или ангажирани луѓе е Општина Бутел, која во 2020 споредено со 2017 имала 122 повеќе луѓе, односно 207 проценти зголемување на кадарот. Втора, исто така и апсолутно и процентуално е Општина Кавадарци со 87 луѓе или 77 отсто повеќе вработени или ангажирани луѓе.

Спротивно, најголемо намалување има кај вработените или ангажираните во Општина Карпош, која има намалување од 124 луѓе. Процентуално, пак, најголемо намалување има кај Општина Чашка, односно 64,6 проценти помалку вработени или ангажирани луѓе.

По одделни категории вработени или ангажирани, најмногу нововработени во редовен работен однос, 35, има Општина Куманово. Кај привремените вработувања, најмногу нови, односно 89 има Општина Бутел, додека кај договор на дело, најмногу новоангажирани по оваа основа, по 15 имаат Општина Бутел и Општина Гевгелија.

Спротивно, најголемо намалување на вработените во редовен работен однос од дури 49 луѓе има Општина Тетово, најголемо намалување на привремено вработени од дури 108 луѓе има Општина Карпош, додека најголемо намалување на ангажираните по договор на дело, односно 57 луѓе помалку има Општина Ресен.

Најмногу вработени или ангажирани луѓе меѓу единиците на локална самоуправа има Градот Скопје, 747 луѓе, а од другите општини следна е Карпош која има 312 луѓе, иако во анализираниот период го намалила бројот на вработени или ангажирани за 124 луѓе. Над 300 вработени има уште само и Општина Охрид, 308.

Истражувањето е спроведено врз основа на одговорите на институциите на барањата за слободен пристап до информации од јавен карактер за бројот на вработени во редовен работен однос, преку привремени вработувања и со договор на дело на 31.12.2016 и на 29.02.2020 година.

На барањата не одговориле Министерството за политички систем и односи меѓу заедниците и Општина Сарај, додека Општина Тетово одговорила само делумно. Оттука, во пресметките за вкупниот број вработени во министерствата не е вклучено новоформираното Министерство за политички систем и односи меѓу заедниците.

The post Центар за граѓански комуникации: Најмногу нововработени во полицијата, најмалку во одбраната appeared first on plusinfo.mk.

Почит им оддадоа делегација од Министерството за одбрана и Армијата на Република Северна Македонија предводена од началникот на Генералштабот, генерал-потполковник Васко Ѓурчиновски и државниот секретар во Mинистерството за одбрана, Драган Николиќ, претставници на Владата, од кабинетот на Претседателот, Собранието, општина Прилеп, семејствата на загинатите, политичката партија ВМРО ДПМНЕ и поголем број здруженија на бранителите, како и граѓански организации.

-Денеска одбележуваме 19 години од погубието на Карпалак. Деветнаесет години на ова исто место со една иста изјава сме барајќи да се направи достоинствено обележје за загинатите, мислам дека тие тоа го заслужија.  И медиумите се сведоци дека и денес цвеќето беше положено на банкина, што не е достоинствено. Го положија животот на браникот на Република Македонија за идеалите за опстој на оваа земја како Република Македонија. Ние преживеаните следбеници на нивните дела со гордост ги почитуваме. Тој кобен 8 авгсут 2001 се случи, но ни тие случки не престануваат, тука е кумановско Диво насеље, Смилковско езеро, да не зборуваме за другите настани као што се Вејце, Бриони, Љуботенски бачила за кои многу малку е кажано за нив, изјави Ацо Јовановски-Реган, кој бил дел од резервните припадници на Армијата во конвојот од Прилеп.

Од одборот на бранителите исто така сметаат дека треба подостоинствено одбележување на местото на настанот.

– Како и претходните години и оваа година сѐ помал е бројот на луѓе за чествување на овој настан. Причините не ни се познати, но некој очигледно работи овој настан полека да се заборава. Затоа што и оваа година како и минатата година никој од државните власти тука на местото не истакна  ниту еден збор зошто се дојде овде и што е тоа што денес одбележуваме. Мислам дека Министерството за одбрана ќе смогне сили и подостоинствено ова го чествува, а на бранителите да го даде местото за кое се заслужни. Апелирам и до бранители да смогнат сили да се организираат во смисла да не не заборави нивниот придонес во Република Македонија, изјави Марин Најдов од Одбор на бранители.

На 8 август 2001 околу 10 часот конвој на АРМ беше подмолно нападнат од заседа. При тоа беше погодено едно транспортно возило на  Армијата  во кое беа осум војници и двајца офицери, сите од резервниот состав. Загинаа Нане Наумоски (48) ,Сашо Китаноски (39) Бранко Секулоски (42), Горан Миноски (29) Ердован Шабаноски (20), Веби Рушитоски (26) сите од Прилеп, Марко Деспотоски (27) од прилепско Новоселани, Љубе Грујоски (31) од прилепско Пашино Рувци, Дарко Велјаноски (27) од прилепско Ропотово,  и Пеце Секулоски )29) од прилепско Бело Поле.

The post Кај Карпалак оддадена почит кон 10-те загинати бранители од Прилепско appeared first on plusinfo.mk.