The post ТРИПУНОВСКИ НАЈАВИ „ПОРТА ЗА ИЗВОЗ“ Во Скопје ќе се градат два големи агро-објекти appeared first on plusinfo.mk.

МВР ги потврди претходните неофицијални информации дека поранешниот министер за земјоделство Љупчо Николовски бил повикан на распит во полиција и треба да одговара за злоупотреба од повеќе од 800 илјади евра.

„По пристигната пријава до ОЈО за член 353 Злоупотреба на службена положба и овластивање во однос на Распишување јавен повик во 2023 година за финансиска поддршка на микро земјоделски производители на вино, каде без никаков основ законски се поделелени над 50.000.000,00 (над 820.000 евра) средства од буџетот на Министерството за земјоделство, шумарство и водостопанство (МЗШВ) без никаква законска надлежност, по наредба од ЈО, три лица, едниот од кои тогаш бил министер, а другите двајца членови на комисии за распределба, а сега не работаат веќе во Министерството, повикани се во полиција да дадат исказ за наводите во пријавата – потврдија од МВР за Плусинфо.

Испратено е барање до МЗШВ за прибирање на допонителна документација по барање на ЈО, истата СВР Скипје по комплетирање ќе ја оспрати до ОЈО, додава МВР во информацијата.

Николовски, пак, денеска во реакција на „Фејсбук“, напиша дека не се работи за прекршување на Законот за јавните набавки, ниту за пријава од земјоделци, и притоа обвинува дека „станува збор за монтиран случај, кој треба да го оттргне вниманието од вистинските прашања“.

The post НИКОЛОВСКИ СЕ ГОНИ ЗА НЕЗАКОНСКО ДЕЛЕЊЕ 820.000 ЕВРА НА МИКРО-ВИНАРИИ На распит се викнати и двајца бивши членови на комисија appeared first on plusinfo.mk.

Министерството за земјоделство, шумарство и водостопанство најостро го осудува секое незаконско постапување и противправно дејствување, вклучително и последниот случај со директорот на Државниот инспекторат за земјоделство, соопшти министерството.

„Очекуваме надлежните институции, Министерството за внатрешни работи и Основното јавно обвинителство, целосно да го расчистат случајот и да постапат согласно законите и прописите на државата. Секое прекршување на законите, користење на службената положба за личен интерес мора и ќе биде санкционирано, и секој што се огрешил пред законот ќе сноси одговорност. Нагласуваме дека никој не е над законот и дека борбата против корупцијата е врвен приоритет на Владата“, соопшти министерството.

За разлика од претходно кога СДСМ и ДУИ беа на власт и ги штитеа своите високи владини и партиски функционери, оваа Влада предводена од ВМРО-ДПМНЕ спроведува неселективна правда, без оглед на функцијата, позицијата или политичката припадност, се додава во соопштението.

„Повеќе нема привилегирани и заштитени, ќе одговара секој, без исклучок. Ги охрабруваме земјоделците доколку во иднина се соочат со вакви работи, веднаш да пријават. Институциите функционираат и така ќе продолжат во иднина, транспарентно и одговорно во интерес на граѓаните и земјоделците се со цел заштитата на правниот поредок и владеењето на правото“, се вели во соопштението на Министерството за земјоделство.

ДИРЕКТОРОТ МИТАЏИЈА ВАСЕ АНАКИЕВ ЗАВРШИ ВО ПРИТВОР За да земе 100.000 евра држел производи на граница со образложение дека се забранети за увоз

The post НЕМА ПРИВИЛЕГИРАНИ, КОЈ ЗГРЕШИЛ, ЌЕ ОДГОВАРА Министерството за земјоделство ја осуди постапката на директорот на инспекторатот appeared first on plusinfo.mk.

Министерството за земјоделство, шумарство и водостопанство започнува кампања под наслов „Гласот што го слушаме – македонско најдобро“, во чии рамки тимови од институциите ќе посетат десетици општини и населени места за директни средби со земјоделците.

Планирано е два големи тима да посетат повеќе од 30 општини, додека шест помали тимови ќе обиколат над 120 населени места низ државата. Средбите со поголемите тимови ќе се одржуваат секоја среда и сабота, а помалите тимови во петок ќе имаат директни разговори со земјоделците на терен.

Помалите тимови ќе ги предводат директорката на Агенцијата за финансиска поддршка во земјоделството и руралниот развој, Даниела Иротова, директорот на АД Водостопанство, Филип Филиповски, директорот на Државниот инспекторат за земјоделство, Васе Анакиев, директорот на Агенцијата за храна и ветеринарство, Оливер Миланов, директорот на ЈП Национални шуми, Здравко Трајанов, како и министерот за земјоделство, кој ќе предводи еден од тимовите.

Во теренските посети ќе се вклучат и претставници од повеќе институции во секторот – Управата за водостопанство, Управата за хидрометеоролошки работи, Агенцијата за поттикнување и развој на земјоделството, Државната фитосанитарна лабораторија и Фитосанитарната управа, како и локалните структури на Министерството.

На средбите со земјоделците ќе се разговара за проблемите со кои се соочуваат на терен, ќе се слушнат нивните предлози и идеи, а ќе бидат претставени и мерките и политиките за поддршка на земјоделството, како и резултатите од досегашната работа на Владата во овој сектор.

Од Министерството посочуваат дека земјоделците имаат клучна улога во руралниот развој, зачувувањето на традицијата и стабилноста на домашното производство на храна, поради што нивните искуства и предлози се важни при креирањето на идните политики.

Со кампањата се повикуваат и самите земјоделци активно да се вклучат во разговорите, со цел да се создадат подобри услови и посигурна иднина за македонското земјоделство.

The post МИНИСТЕРСТВОТО ЗА ЗЕМЈОДЕЛСТВО ЌЕ ЈА „ОРА“ МАКЕДОНИЈА Тргнува кампања „Гласот што го слушаме – македонско најдобро“ appeared first on plusinfo.mk.

Секој земјоделец кој сериозно и посветено работи и продуцира земјоделски производ го нарекувам вистински земјоделец, а сите оние кои сакаат да импровизираат или да го заобиколуваат процесот се т.н. ловци на субвенции, вели министерот за земјоделство, шумарство и водостопанство, Цветан Трипуновски.

– Ги следам реакциите и можам со сигурност да кажам дека најгласни се оние кои не учествуваат во земјоделскиот процес и се чувствуваат загрозени дека ќе бидат елиминирани од новата програма за субвенции. Тие се многу погласни од оние кои сериозно и посветено работат на своите површини и продуцираат земјоделско производство – рече министерот во гостување на ТВ Стар.

Тој појасни дека е направена детална анализа за тоа каде била државата, каде е сега и каде треба да стигне во наредниот период. За таа цел е формирана посебна работна група што изработила анализа за стратешкиот период 2021–2027 година, со цел утврдување на приоритетите и целите што треба да ги постигне стратегијата.

Според министерот, податоците од анализата се загрижувачки, поради што се одлучило да се воведат новини со кои средствата што ги обезбедува државата ќе завршуваат кај вистинските земјоделци.

Тој нагласи дека со новините во програмата ќе се воспостави ред во целиот сектор.

– Ако од 2007 година до минатата година се поделени над 1,8 милијарда евра во вид на субвенции, а денес состојбите се безмалку слични или исти како претходните години, неминовно е дека треба да направиме промени – порача Трипуновски.

Тој кажа дека има случаи каде лица поседуваат земјоделско земјиште, но не го обработуваат, туку го издаваат под наем на некој што навистина сака да произведува храна.

– Вистинскиот земјоделец му плаќа на сопственикот за користење на земјиштето. Сопственикот аплицира за субвенции, државата му ги исплаќа, а тој воопшто не го обработува земјиштето. Вистинскиот земјоделец, кој плаќа закуп за земјоделско земјиште, не може да добие никаква поддршка од државата, бидејќи таа ја користи сопственикот на земјиштето – посочи Трипуновски, образложувајќи ги причините за новините во програмата.

На тој начин се одлеваат средства од државата кон категорија на луѓе кои не произведуваат, додава Трипуновски.

– Затоа велиме, ако имате земјоделско земјиште, треба да докажете дека најмалку 30 проценти од вашето производство сте го предале во некој од регистрираните откупни или преработувачки капацитети. Теренските контроли и оваа условеност ќе резултираат субвенциите да завршуваат кај вистинските земјоделци – вели министерот.

The post ЛОВЦИТЕ НА СУБВЕНЦИИ ЌЕ ОСТАНАТ БЕЗ ПЛЕН Помошта од државата ќе оди кај вистинските земјоделци appeared first on plusinfo.mk.

Денеска е реализирана исплата на средства во вкупен износ од 39.065.031 денари (околу 635.000 евра) кон 663 оризопроизводители, соопшти Министерството за земјоделство.

– Исплатата се однесува за финансиска поддршка од 6 денари по килограм предадена оризова арпа во откупни центри, за периодот од 1 март до 30 септември 2025 година, со ова се опфатени сите оризопроизводители од минатата реколта – целат од Министерството.

Оттаму додаваат дека целта е  да се зајакне домашното производство и поддршката на земјоделците.

The post ПОВЕЌЕ ОД 635.000 ЕВРА ИСПЛАТЕНА ПОДДРШКА ЗА ПРЕДАДЕН ОРИЗ Парите легнаа на сметките на 663 оризопроизводители appeared first on plusinfo.mk.

Креаторот на сите проблеми и коруптивни дејанија во времето додека беа на власт, не можат да бидат дел од решенијата кои што ги нудат, истакна министерот за земјоделство, шумарство и водостопанство, Цветан Трипуновски при гостување во „Тема на денот“ на Сител телевизија.

Трипуновски изјави дека има процесуирано постапки до ОЈО за незаконското работење на Љупчо Николовски, но нема никаква реакција.

– Гледам дека во изминатите денови е многу гласен во јавноста и се обидува да манипулира. Сакам да кажам дека станува збор за можеби за најкриминогениот министер во минатото. Ова, го говорам затоа што јас како министер по влегувањето во Министерството преземав низа на активности за проверка на неговото работење – посочи тој.

Јас имам поведено неколку постапки до Јавното обвинителство кои што повеќе од година дена не се процесуирани. Значи станува збор за постапки за сериозни злоупотреби на буџетски средства итн, додаде министерот.

Тој го повика Јавното обвинителство да презеде активности и да ги испитаат случаите.

– Овие поднесени документи и пријави не се единствени, изминатиот период фокусирани во работата на Министерството, враќање на довребата кон институциите, кон земјоделците, рабитевме и на дополнителни проверки. Овој министер кој што сега се обидува да се појави како спасител, во минатото ја заобиколил Платежната агенција како тело за спроведувач на програмите кои што ги носи Министерството и формирал тричлена комисија надвор од процедурите и поделил грантови по 10.000 евра за т.н. мали семејни винарии, се работи за над 800.000 евра буџетски средства – посочи министерот Трипуновски.

Тој додаде дека во процесот на делење на тие грантови бил и претседателот на партиската комисија за земјоделство, кој што по доаѓање на новата Влада даде отказ.

И ова како предмет, кој што е во завршна фаза ќе биде доставен до Јавното обвинителство, најави министерот.

– За министерот кој што се јавува како спасител, за него имаме уште еден предмет, а тоа е злоупотребата на партиски вработувања и унапредувања во Министерството на лица кои што без согласност на Министерството за финансии и запазенаа процедура ги унапредувал и има штета по буџетот – додаде тој при своеото гостување.

The post КРИМИНОГЕНИОТ МИНИСТЕР ЗА КОЈ СЕ ПОВЕДЕНИ ПОСТАПКИ НЕ МОЖЕ ДА БИДЕ РЕШЕНИЕ Трипуновски бара да се истражи работата на неговиот претходник appeared first on plusinfo.mk.

Јавното петпријатие „Национални шуми” ќе купува механизација и опрема во шумарството и заштита од природни непогоди во вкупен износ од 48 милиони денари (780.488 евра).

Инвестицијата целоно ќе биде реализирана со поддршка на Министерството за земјоделство за што денеска беше потпишан договор меѓу министерот за земјодлество Цветан Трипуновски и директорот на ЈП „Национални шуми”, Здравко Трајанов.

– Финансиската поддршка се доделува во висина од 100% од вредноста за инвестициони вложувања за набавка на механизација и опрема во шумарството и заштита од природни непогоди но не повеќе од 48.000.000 денари со вклучен ДДВ, соопштија од Министерствоот за земјодлество.

Планирано е да се купи специјална опрема за гасење на шумски пожари – пумпи; булдожери; дизел – компресор комплет за потребите при изградба на патишта и трактор со витло.

-Оваа директна инвестиција има за цел модернизација на ЈП „Национални шуми” во делот на заштитата на шумите и ефикасното справување со природните непогоди – велат од Министерството.

The post ЈП „НАЦИОНАЛНИ ШУМИ“ ЌЕ КУПУВА ОПРЕМА ЗА СПРАВУВАЊЕ СО ПОЖАРИ Инвестицијата изнесува повеќе од 780.000 евра appeared first on plusinfo.mk.

Македонија е земја со силна земјоделска традиција, но овој сектор денес се соочува со една од најголемите кризи во својата историја – недостиг на работна сила.

Негативниот тренд, кој трае веќе со години, сега ескалира со зголемената старосна структура на земјоделците, слабиот интерес од страна на младите и со ниската вклученост на жените во земјоделството.

Според податоците на Државниот завод за статистика (ДЗС), просечната старост на земјоделците е над 50 години, од кои две третини се мажи, а жените сочинуваат само една третина од земјоделската работна сила.

Во меѓувреме, младите се сè помалку заинтересирани за работа во земјоделството, што дополнително го загрозува секторот. Ова создава двоен притисок врз земјоделството: недостиг на млади луѓе кои би го продолжиле производството и огромна зависност од увоз на храна.

Бројот на регистрирани земјоделци во Македонија изнесува околу 65.000, што е значително намалување во споредба со земјоделците од пред десетина години, кога биле 90.000.

Коренот на проблемот

Причините за ваквата состојба се повеќеслојни, коментираат економските аналитичари со коишто разговаравме. Тие велат дека младите се одвраќаат од земјоделството поради неколку причини: недостаток на финансиска поддршка за започнување земјоделски бизнис, недоволно развиена инфраструктура во руралните средини, како и поради неспособноста на селата да понудат квалитетен социјален и културен живот.

Што се однесува до жените-земјоделки, пак, кои сѐ помалку ги има на нивите, експертите наведуваат дека тие се соочуваат со бариери: непостоење детски градинки, што им оневозможува да работат додека ги згрижуваат децата, како и недостиг од домови за стари лица, што ја отежнува грижата за постарите членови на семејството.

Експертите предлагаат неколку мерки за решавање на проблемот:

• Поддршка за младите земјоделци – обезбедување финансиски стимулации за започнување земјоделски бизниси, субвенции за млади, грантови за технолошки иновации и бесплатни обуки.
• Предлагаат и инвестиции во руралната инфраструктура – изградба на патишта, снабдување со вода, поставување стабилни интернет мрежи, што ќе го направи животот во селата попривлечен.
• Зголемена улога на жените – отворање градинки и домови за стари лица во руралните општини за да се ослободат жените за пазарот на труд.

Што мислат земјоделците?

Од друга страна, земјоделците се убедени дека загрантираниот пласман и добрите цени ќе можат да ги задржат, односно да ги вратат младите на нивите.

Ристо Велков, земјоделец од Василево, забележува дека една третина од струмичкото поле е празно и необработено, додека во селата нема млади, а по нивите останале само повозрасните.

– Некогаш се произведуваа секакви работи, а сега нивите се претворија во депонии. Но, ако може да се постигне тоа да порасне откупната цена на земјоделските производи, јас мислам дека голем дел од луѓето ќе се вратат на нивите, вклучувајќи ги и младите. Наместо да ја напуштаат татковината и фамилијата со цел да аргатуваат и да слугуваат надвор од државата, нашиот земјоделец ќе си се врати дома и ќе живее од земјоделството – изјави Велков.

Драги Памуков од Здружението „Кукла Градинар“ им порачува на советниците од Агенцијата за поттикнување на развојот на земјоделството да излезат на терен и да им помогнат на младите земјоделци.

Помошта, додава тој, треба да биде стручна и административна, за користење средства од фондовите.

– Нека излезат советниците на терен и нека почнат да комуницираат со земјоделците. Зарем не гледаат дека нема млад човек на нивите? Затоа велам, ако целта им е да ги задржат младите во земјава и да ги натераат да се занимаваат со земјоделство, тогаш треба на тие млади луѓе да им изработат соодветни програми – вели Памуков.

Аларм за развојни мерки

Наместо земјоделството да се смета за сектор за дополнителна дејност на семејствата, треба да биде главен сектор односно да се сфаќа како сериозен бизнис

Арбен Халили ЦЕСАРД

Арбен Халили, претседател на Центарот за одржливо земјоделство и рурален развој (ЦЕСАРД), вели дека моменталната состојба со работната сила во земјоделството е далеку од задоволителна, па ако не се реагира веднаш со развојни политики, предупредува тој, тогаш не ни преостанува ништо друго освен да почнеме да увезуваме сезонски работници како што тоа го прават многу земји како Грција, Словенија, Шпанија…

– Домашната економија се соочува со огромен предизвик, а посебно земјоделскиот сектор е пред една таква состојба што бара значителена посветеност од страна на државните институции како кројачи на развојните политики. Сметам дека овој предизвик од година во година ќе биде уште поголем. Дополнителен проблем е тоа што на нивите не можете да видите помлад земјоделец од 50 години. Тоа е уште еден аларм за развојни мерки. Решение секогаш има, но мора овој сектор прво да премине во развоен, односно да стане стратешки сектор за државата. Наместо земјоделството да се смета за сектор за дополнителна дејност на семејствата, треба да биде главен сектор, односно да се сфаќа како сериозен бизнис – објаснува Халили.

На прашањето дали унгарскиот кредит ќе има ефект во руралните средини, Халили не очекува директно значително влијание.

– Добро би било ако општините се сетат и доколку ги искористат парите од унгарскиот кредит за да отворат патишта до нивите, за да ја подобрат постоечката инфраструктура, за да ги прилагодат државните површини во инвестициски проекти со концептот јавно-приватно партнерство, за да отворат нови откупни центри. Погледнете ги селата низ Македонија. Скоро и да не постои село што не е испразнето за најмалку половина од населението. Убаво е да се градат детски градинки и домови за стари лица со цел помладите да имаат можност целосно да се посветат на земјоделството, но од друга страна, бадијала имате нова градинка ако земјоделскиот сектор не ви обезбедува солидна заработувачка, односно ако не можете да добиете добра откупна цена за производите што сте ги произвеле – објаснува Халили.

Влог во технологијата

Според професорот на Факултетот за земјоделски науки и храна, Михаил Петков, недостигот на работна сила истовремено значи и намалено производство на домашна храна, што ја зголемува зависноста од увоз.

– Во овој момент е навистина тешко било што да се каже и да се прогнозира. Пред сѐ, ние имаме сериозен проблем со недостиг на работна сила во земјоделството, а и таа работна сила што ја имаме е непостојана. Главно располагаме со сезонски работници, а и тие не се многубројни. Сите знаеме дека сезонските работници секогаш одат да работат некаде во друга земја каде што се подобро платени и затоа кај нас ги има сѐ помалку. Другиот дел во врска со работната сила е што станува збор главно за повозрасни земјоделци, од кои не може да се очекува премногу. Затоа, не ни останува ништо друго, освен да се прилагоди земјоделството и да се овозможи максимална механизирана обработка на земјиштето и на земјоделските насади. Треба да инвестираме во технологијата и полека да почнеме да го исклучуваме човечкиот фактор, кој досега беше клучен во земјоделството – советува професорот.

Тој додава дека проблемот со работната сила во земјоделството не ѝ натежнува само на Македонија, туку е присутен секаде во светот. Но, како што објаснува, развиените земји многу порано ја имаат детектирано опасноста и многу одамна почнаа да вложуваат во целосна автоматизација и отфрлање на човечкиот фактор од земјоделството.

– Не можеме да очекуваме брзи резултати. Не одат работите така брзо во земјоделството, особено ако се работи за едногодишни насади. Но, треба од некаде да се почне. Имајќи ги предвид лозјата, на пример, имаме прилично голем број насади кои се стари, над 30-40 години, и кои и така треба да се обновуваат. А кога ќе се обноват, добро би било новите насади да ги запазат новите стандарди – објаснува Петков.

Во однос на прашањето како да се натераат младите да го засакаат земјоделството, тој вели дека државата со години наназад креира разни програми за привлекување на младата работна сила, но очигледно тие не вродуваат со плод.

– Кој млад човек во денешно време сака да работи на нива? Плус, овој сектор секогаш е ризичен затоа што зависи и од надворешниот фактор. Затоа велам, ние како држава треба да се насочиме кон максимално користење на  технологијата. Само така ќе можеме да го спасиме земјоделството и да ги вратиме младите на нивите. Младите сакаат да работат со технологија, а од ден на ден имаме сѐ понови програми и технолошки решенија. Оставете им на младите преку компјутер да направат анализа на почвата, да ја измерат влажноста на почвата, оти само така ќе им ја вратите љубовта кон земјоделството – објаснува професорот Петков.

Селата ќе се урбанизираат

Прашањето колку проекти за градинки и за старечки домови се планирани во руралните средини со цел да се ослободат жените од домашните обврски и да се посветат на земјоделството, му го поставивме на претседателот на Заедницата на единиците на локална самоуправа (ЗЕЛС), Орце Ѓорѓиевски.

Тој вели дека во моментот ЗЕЛС нема конкретна и сумирана бројка на планирани проекти од тој тип, бидејќи, како што вели, за вакви капитални проекти општините допрва треба да аплицираат за средства до Владата со изработена проектна документација.

Со отворање на градинки, жените ќе добијат повеќе време за личен развој и можност активно да се вклучат во земјоделството или на пазарот на трудот. Дополнително, старечките домови ќе обезбедат грижа и поддршка за постарите лица, што дополнително ќе ја растовари домашната динамика во овие средини

Орце Ѓоргиевски Претседател на ЗЕЛС

– Сепак, во дискусија со градоначалниците од различни општини, јасно е дека постои голем интерес и очекуваме изградба на значителен број градинки и старечки домови. Овие инвестиции се од исклучителна важност, бидејќи ќе придонесат за олеснување на секојдневните обврски на жените, кои досега во голем дел го носат товарот на грижата за децата и постарите членови на семејствата. Со отворање градинки, жените ќе добијат повеќе време за личен развој и можност активно да се вклучат во земјоделството или на пазарот на трудот. Дополнително, старечките домови ќе обезбедат грижа и поддршка за постарите лица, што дополнително ќе ја растовари домашната динамика во овие средини – ни изјави првиот човек на ЗЕЛС.

За тоа дали и колку унгарскиот кредит ќе има ефект во руралните средини, Ѓорѓиевски смета ефектот ќе биде огромен врз целата држава.

– Со овој кредит ќе се подобрат инфраструктурните услови во многу општини, а особено во руралните подрачја. На пример, ќе се уредат улиците, ќе се изградат или обноват водоводните и канализациските системи, ќе се реновираат и отворат нови училишта и градинки… Овие инфраструктурни подобрувања ќе придонесат кон намалување на разликата помеѓу урбаните и руралните средини. Кога ќе се создадат услови за живот достојни за 21 век, жените ќе имаат повеќе време за себе, можност за вклучување на пазарот на трудот и поголема улога во земјоделскиот сектор. На пример, отворањето градинки ќе им овозможи на жените поголема флексибилност за економски активности, што ќе има директен позитивен ефект врз локалната економија. Реновирањето на локалните училишта ќе овозможи младите да останат во руралните средини, наместо да мигрираат во градовите. Очекуваме овие проекти да го направат животот во руралните средини поатрактивен, што директно ќе придонесе кон развој на земјоделството и економската активност во овие региони – објаснува Ѓорѓиевски.

Тој додава дека ЗЕЛС постојано работи на идентификација и застапување на потребите на руралните општини.

– Еден значаен успех е обезбедувањето на 3 милиони денари од ДДВ за секоја општина, независно од нејзината големина или географска локација. Оваа мерка овозможи руралните општини да ги покријат основните оперативни трошоци, како што е исплатата на платите на вработените. Исто така, ЗЕЛС активно учествува во проекти за унапредување на родовата рамноправност. Во соработка со Советот на европски општини и региони (CEMR), формирани се комисии за еднакви можности помеѓу мажите и жените во општините. Ние помагаме во изработката на стратегии и конкретни акции за поддршка на жените, со цел тие да се чувствуваат рамноправни во локалната заедница. Со ваквите активности, како и со подобрување на инфраструктурата и услугите, создаваме услови за сите – вклучително и жените и младите – да останат и да се развиваат во руралните средини. ЗЕЛС останува посветено на поддршката на општините за креирање на стратегии и проекти кои ќе го унапредат квалитетот на живот во сите делови на државата – изјави Ѓорѓиевски.

Стимулација за земјоделците

Од Министерството за земјоделство, шумарство и водостопанство тврдат дека се свесни за постоечките проблеми со работната сила во секторот, но како што посочуваат, имаат план како да ја подобрат состојбата.

– Подобрувањето на конкурентноста и на одржливоста на приходот на земјоделските стопанства, влијанието на климатските промени и прилагодување кон истите, како и обезбедувањето одржлив развој на руралните средини се генералните точки кон кои сме насочени – ни изјавија од Министерството за земјоделство, шумарство и водостопанство.

Преку мерки и програми, посочуваат оттаму, како ќе се потрудиме да дадеме стимулација за земјоделците, особено на младите лица.

– Мерките на поддршка во форма на директни плаќања имаат позитивно влијание на дополнување и зголемување на приходите на земјоделските производители. Поддршката игра клучна улога во одржливоста на дејноста за најголем дел на македонските земјоделски стопанства, односно придонесува во зголемување на развојниот и инвестициски потенцијал кај оние со поголеми производни капацитети и подобро управување со бизнисите. Преку надополнување на приходите на земјоделците и одржување на земјоделското производство, директните плаќања влијаат и на обезбедувањето социјална стабилност на руралното население, особено она кое живее во подрачја со природни ограничености. Образовниот систем во земјоделството го сочинуваат средните земјоделски училишта и високообразовните институции. Високото образование од областа на земјоделските науки, шумарството, дрвната индустрија, ветеринарната медицина и прехранбените технологии се многу значајни преку своите студиски програми да ги мотивираат младите да се занимаваат со гранки кои порано беа многу почитувани и барани. Земјоделскиот факултет, заедно со Финки, минатата година отворија студиска програма „Дигитално земјоделство“ – објаснуваат од Министерството за земјоделство.

На прашањето дали постои стратегија за подобрување на инфраструктурата во руралните средини, како што се градинки и домови за стари лица, за да се овозможи поголема вклученост на жените во земјоделските активности, оттаму посочуваат дека инфраструктурата се уредува преку мерките за рурална инфраструктура.

– Кога се објавува оваа мерка самите општини си аплицираат со проекти со коишто сметаат дека се приоритетни за нивната општина. Министерството ги одобрува и тие подоцна се спроведуваат. Условите за живот и работа во руралните средини се клучни за задржување на руралното население во земјоделските региони и во таа насока ќе продолжат инвестициите во комуналната инфраструктура и уредувањето на населените места. Ќе ги забрзаме заглавените постапки кои треба да овозможат повеќе средства за овој тип на инвестиции кои се на располагање преку ИПАРД подолг период, но не се користат заради неакредитирање на мерката – појаснуваат од Министерството за земјоделство.

Со овој текст, Плусинфо се приклучува на иницијативата за зголемена транспарентност на институциите што Институтот за комуникациски студии ја спроведува во соработка со медиумите во рамките на проектот „Користи факти“, кој е поддржан од Британската амбасада.

The post САМО ТЕХНОЛОГИЈАТА МОЖЕ ДА ГО СПАСИ ЗЕМЈОДЕЛСТВОТО Недостигот на работна сила станува алармантен appeared first on plusinfo.mk.

– Денеска во просториите на Министерството за земјоделство, шумарство и водостопанство остварив заедничка средба со преработувачите  и откупувачите на црвена пиперка. Постигнавме договор за откупни цени на црвената пиперка и тие истите според класи ќе бидат:

 прва класа – 40 денари за килограм

 прва/втора класа – 30 денари за килограм

 втора класа – 20 денари за килограм

трета класа – 12 денари за килограм – соопшти Трипуниовски.

Министерот Трипуновски во неколку наврати одржа состаноци со земјоделците, преработувачите и откупувачите каде што глава тема беше откупната цена и текот на откупот на црвената пиперка.

– Откупувачите и преработувачите се согласија дека ќе се придржуваат до договорените цени во текот на целиот откуп, но во согласност на побарувачката истите имаат тенденција да се зголемуваат за што Државниот инспекторат за земјоделство ќе биде постојано на терен и ќе се грижи за да се запази динамиката и откупните цени на црвената пиперка. Вистински се грижиме за македонските земјоделци, тие конечно имаат партнер во Министерството. – заврши Трипуновски.

The post ПОСТИГНАТ ДОГОВОР ЗА ОТКУПНАТА ЦЕНА НА ЦРВЕНАТА ПИПЕРКА Првата класа ќе се откупува за 40 денари по килограм appeared first on plusinfo.mk.