Американскиот претседател Доналд Трамп денеска ја разреши државната обвинителка Пем Бонди од функцијата, поради растечкото незадоволство од нејзиниот учинок, објави „Ројтерс“.

Разрешувањето следува по критиките за бавното водење на истрагите, особено оние поврзани со покојниот финансиер и сексуален престапник Џефри Епстин, како и поради недостатокот на активности во гонењето на критичари и политички противници на Трамп.

За време на нејзиниот мандат, Бонди беше енергичен застапник на агендата на Трамп и ја демонтираше долгогодишната традиција на Министерството за правда за независност од Белата куќа во истрагите. Меѓутоа, повторените критики околу досиејата за Епстин, како и од сојузници на Трамп и некои републикански пратеници, ја направија контроверзна личност во правосудните кругови.

Бонди беше обвинувана дека лошо раководела со објавувањето на записите од истрагите за сексуалната трговија поврзана со Епстин, што создаде политички главоболки за Трамп, посебно поради неговото поранешно пријателство со Епстин.

Овој потег на Трамп може да доведе до промена на стратегијата во Министерството за правда и потенцијално до зголемен притисок врз американскиот правосуден систем во случаите поврзани со неговите политички и приватни ривали.

Бонди е втор висок функционер на Трамп што неодамна беше отстранет. На 5 март, претседателот ја разреши и министерката за внатрешна безбедност, Кристи Ноем, по критики за управувањето со агенцијата и имиграциската политика.

Пем Бонди, поранешна републиканска државна обвинителка на Флорида, тврдеше дека нејзиниот приоритет бил да се насочи Министерството за правда кон борба против насилниот криминал и да ја врати довербата кај поддржувачите на Трамп, но нејзиниот мандат беше проследен со остри забелешки поради отстранувањето на искусни обвинители и критики за транспарентноста во објавувањето на материјалите поврзани со Епстин.

The post ТРАМП ЈА РАЗРЕШИ ОБВИНИТЕЛКАТА БОНДИ Претседателот на САД бил незадоволен од бавното гонење на неговите противници, а и поради Епстин appeared first on plusinfo.mk.

Документи од американското Министерство за правда повторно го отворија случајот „Епстин“. Меѓу материјалите се појави и фотографија од покојниот физичар Стивен Хокинг.

На сликата физичарот лежи на плажа со 2 жени во бикини. Не е познат точниот датум. Се знае дека во 2006 година присуствувал на научна конференција организирана од сексуалниот престапник Џефри Епстин на Девствените Острови.

„Научниот филантроп Епстин“

Се смета дека фотката е снимена 5 месеци пред Епстин да биде обвинет за подведување малолетници. Хокинг бил дел од група од 21 научник што го посетиле Свети Тома и приватниот остров Литл Сент Џејмс.

На блог на фондацијата поврзана со Епстин било наведено дека гостите се собрале за „разговори, одмор на плажа и патување до блискиот приватен островски одмор на научниот филантроп Џефри Епстин, кој го финансираше настанот“. Конференцијата се одржала во хотелот „Риц-Карлтон“.

Ноќевањето, според медиумски извештаи, чинело околу 1.600 долари.

250 спомнувања, малку докази

Хокинг се појавува најмалку 250 пати во над 3,5 милиони документи. Самото споменување не значи кривично дело.

Во објавени електронски пораки од Епстин се појавуваат неосновани тврдења поврзани со Вирџинија Џуфре.

„Можете да понудите награда на секој пријател, познаник или член на семејството од Вирџинија кој ќе се појави и ќе помогне да се докаже дека нејзините обвинувања се лажни. Најсилна (лага) е вечерата со Клинтон и новата верзија на Девствените Острови дека Стивен Хокинг учествувал во оргии со малолетници “, напишал Епстин.

Обвинувањата не се поткрепени со докази.

Џуфре почина во април 2025 година. Таа го обвини принцот британаскиот принц Ендру за сексуален напад. Случајот беше решен надвор од суд. Принцот се согласи на исплата од 12 милиони фунти, без признание на вина.

Ендру неодамна беше уапсен, па пуштен од британската полиција и е под истрага за злоупотреба на службената должност.

9,1 милиони за Харвард од Епстин

Досиејата сугерираат дека сексуалнит претстапник Епстин се претставувал како филантроп. Остварил контакти со научници и универзитети. Универзитетот Харвард соопштил дека примил 9,1 милиони долари донации од него меѓу 1998 и 2008 година.

Федералното истражно биро примило и непотврдена дојава дека Епстин и Хокинг посетиле „геј клуб само за мажи“ во 2011 година. Нема јавно објавени докази што ја потврдуваат таа информација.

Хокинг почина во 2018 година на 76 години. Боледуваше од амиотрофична латерална склероза повеќе од 50 години.

The post ХОКИНГ МЕЃУ ДЕВОЈКИ ВО БИКИНИ НА ОСТРОВОТ НА ЕПСТИН Снимка од 2006 повторно ја разгоре контроверзата околу физичарот appeared first on plusinfo.mk.

Моќниот тајкун од Дубаи, Султан Ахмед бин Сулајем, ја загубил позицијата претседател и извршен директор на глобалниот оператор на пристаништа DP World, откако американското Министерство за правда објавило документи што откриле долгогодишна комуникација со осудениот сексуален престапник Џефри Епстин.

Канцеларијата за медиуми на владата на Дубаи соопштила дека компанијата назначила нов претседател и извршен директор. Во соопштението не го споменала Бин Сулајем. Потврдата стигнала и од самата компанија за Си-Ен-Ен.

„Најдобар пријател, најдоверлив“

Во најновата серија документи, името на бин Сулајем се појавувало илјадници пати. Епстин во приватни пораки го опишувал како „забавен“, „образован“, „мајстор занаетчија“ и „најдобар, најдоверлив пријател“.

Комуникацијата траела најмалку 10 години. Продолжила и по 2009 година, кога Епстин излегол од затвор откако се изјаснил за виновен за подведување малолетници.

Епстин починал во 2019 година во притвор во Њујорк, додека чекал судење за нови обвиненија поврзани со сексуална злоупотреба и трговија со луѓе.

Американските власти не го обвиниле бин Сулајем за кривично дело. Министерството за правда нагласило дека појавувањето на нечие име во документите не претставува доказ за вина.

Anyone who thinks that Bin Sulayem was merely a guest of Epstein is ignorant and uninformed; he is a key member and partner,andDP Worldis a cover for their crimes.This company must be shut down, its dealings with Epstein halted,and its connection to child trafficking investigated pic.twitter.com/jO7m7tUgJE

— السعودية :خط احمر (@DRAST0000GADOA) February 13, 2026

„Ми се допадна видеото од тортурата“

Во една електронска порака од 2009 година, Епстин напишал:

„Каде си? Добро ли си? Ми се допадна видеото од тортурата“.

Името на примачот првично било цензурирано. Американскиот конгресмен Томас Маси објавил дека примачот бил „Султан“. Заменик-генералниот обвинител потврдил дека адресата е поврзана со електронската пошта на бин Сулајем.

Не е разјаснето на кое видео мислел Епстин.

Дипломатски канали и деловни пораки

Документите откриле контакти со високи политички фигури. Во преписката се споменувале средби со рускиот претседател Владимир Путин и со поранешниот британски премиер Дејвид Камерон.

Епстин нудел совети за пристап до британската влада за проект на DP World во Лондон. Во 2012 година иницирал контакт меѓу бин Сулајем и тогашниот израелски министер за одбрана Ехуд Барак.

Во 2017 година бин Сулајем прашал дали да прифати покана за инаугурацијата на Доналд Трамп и дали ќе може да се ракува со него.

Пазарот реагирал, довербата се ниша

По објавувањето на документите, најмалку 2 институционални инвеститори најавиле преиспитување на соработката со DP World. Канадскиот пензиски фонд La Caisse изјавил за Си-Ен-Ен дека очекува компанијата да ја објасни ситуацијата и да преземе соодветни мерки.

Бин Сулајем важеше за еден од највлијателните бизнисмени во Обединетите Арапски Емирати. Често се појавуваше со владетелот на Дубаи, шеикот Мухамед бин Рашид ал‑Мактум и бил фотографиран со светски лидери.

The post МОЌНИОТ ТАЈКУН ОД ДУБАИ ОТПУШТЕН ПОРАДИ ВРСКИТЕ СО ЕПСТИН Бин Сулајем ги држеше клучевите од морските коридори appeared first on plusinfo.mk.

Лавиринт од мејлови, пријателства и покани повторно ја отвори сенката на аферата со Џефри Епстин. Овојпат во фокусот се најде Кимбал Маск, брат на познатиот милијардер Илон Маск и долгогодишен директор во Тесла.

Министерството за правда на САД објави нов сет документи на 30 јануари. Меѓу нив се и електронски пораки од периодот 2012–2015 година. Во дел од нив се спомнува Маск. Некои пораки упатуваат на контакт со жени поврзани со Епстин.
Во мејл од октомври 2012 година, Кимбал Маск им напишал на Епстин и на неговиот соработник Борис Николиќ:

„Одлично што се дружевме денес. Ви благодарам што ме поврзавте со Џенифер. Верувам дека двајцата одигравте улога“, напишал Маск.

Николиќ возвратил со предупредување:

„Подобро да бидеш љубезен. Џефри полудува кога некој се однесува лошо кон неговите девојки“, се вели во пораката.

Размената покажува опуштен тон. Се споменуваат забави. Се споменува и можноста за посета на островот на Епстин. Кон крајот на јануари 2013 година, Епстин го поканил Маск „на островот неколку дена“. Не е јасно дали Маск ја прифатил поканата.

Епстин во 2008 година се изјаснил за виновен во Флорида за две обвиненија поврзани со сексуални престапи. Во 2019 година почина во затвор во Њујорк. Властите соопштија дека станува збор за самоубиство.

Во 2026 година повторно се објавуваат милиони страници од неговите преписки. Дел од извештаите ги пренесе и „Блумберг“.

„Мојата единствена средба со демонот“

Кимбал Маск се огласи преку соопштение на Икс. Тој навел дека во 2012 година започнал врска со 30-годишна жена. Тврди дека ја запознал преку пријател. Нагласил дека „Епстин не нè запознал“.

„Мојата единствена средба со тој демон беше во неговата канцеларија во Њујорк во текот на денот. Никогаш не отидов на неговиот остров“, напишал Маск.

Според него, честото споменување на неговото име во документите било резултат на билтен што го испраќал до илјадници луѓе.

Семејни врски и деловни империи

Кимбал Маск ја градел својата кариера и надвор од технолошкиот свет. Во 2004 година ја коосновал „Kitchen Restaurant Group“. Бил член на одборот на „Chipotle Mexican Grill“. Ја основал и непрофитната организација „Big Green“.

Браќата Маск се меѓу најдолгогодишните членови на одборот на Тесла. Кимбал поседува околу 1,4 милиони акции. Според податоци на „Блумберг“, уделот вреди повеќе од 500 милиони долари. Од 2010 година продал акции во вредност од 346 милиони долари.

Бил член и на одборот на Спејс Икс до 2022 година.

„Сега си назад со полно работно време“

Во април 2013 година, односот меѓу Маск и жената по име Џенифер се влошил. Во порака тој ѝ напишал дека „не е во можност да воспостави вистинска врска“. Таа ја препратила пораката до Епстин. Тој одговорил:

„Добри вести, сега повторно те имам назад, со полно работно време“, напишал Епстин.

Во јуни 2015 година, Епстин во порака до трето лице напишал дека „му дал уште една девојка на Кимбал“.

Нема докази во објавените документи дека Маск бил обвинет за кривично дело. Нема ниту официјална истрага против него. Документите, сепак, ја отворија дебатата за кругот на луѓе со кои Епстин одржувал контакт и по неговото прво осудување.

The post ЕПСТИН МУ „МЕСТЕЛ“ ДЕВОЈКИ НА БРАТОТ НА МАСК? „Се сретнав со демонот, но не отидов на островот“ appeared first on plusinfo.mk.

Новообјавени документи од американското Министерство за правда отворија прашање кое досега живееше во зоната на шпекулации. Во интерни досиеја на ФБИ, покојниот финансиски брокер и осуден сексуален престапник Џефри Епштајн бил опишан како „менаџер на средства“ за рускиот претседател Владимир Путин.

Во други документи се спомнуваат обиди на Епштај да оствари средба со Путин и да го советува во врска со претседателот на САД Доналд Трамп.

Најконтроверзниот документ е извештај на ФБИ од 27 ноември 2017 година. Во него, врз основа на доверлив извор, стои дека Епштајн бил „управувач со средства“ за Путин и дека наводно извршувал слични услуги и за поранешниот претседател на Зимбабве, Роберт Мугабе.

Министерството за правда на САД претходно истакна дека објавените материјали не значат автоматска потврда на сите наведени тврдења, туку претставуваат дел од долготрајна истрага за мрежата на контакти и активности на Епштајн.

„Еве како да се однесуваш со Трамп“

Во преписки од 2018 година, Епштајн тврдел дека може да му понуди на Кремљ корисни информации тогашниот американски претседател Доналд Трамп, пред самитот во Хелсинки.

Во комуникација со Торбјорн Јагланд од Советот на Европа, Епштајн сугерирал дека може да му „пренесе порака“ на Путин за тоа како да се однесува кон Трамп. Јагланд одговорил дека ќе ја пренесе пораката, без дополнителни детали.

ФБИ белешки, илјадници страници, тешки прашања

Материјалот, објавен од Министерството за правда на САД, опфаќа повеќе од 3.000.000 страници документи, околу 180.000 фотографии и над 2.000 видеа. Дел од архивата содржи лична електронска пошта и приватна кореспонденција на Епштајн.

Рускиот истражувачки медиум „Агентство“, кој ги анализираше досиејата, соопшти дека името на Путин се појавува повеќе од 1.000 пати, додека Русија е спомената речиси 5.900 пати.

Е-пошта, визи и обиди за средби

Во електронска пошта од октомври 2010 година, Епштајн прашувал дали Путин бил „на вашиот брод“. Неколку месеци подоцна, при апликација за руска виза, напишал дека „има пријател на Путин“ и се распрашувал дали тоа му ја олеснува процедурата.

Во 2011 година, во преписка со бизнисмен од Обединетите Арапски Емирати, Епштајн наведувал дека „Путин можеби ќе дојде во САД“ и дека би сакал средбата да се случи таму, а не во Сочи.

Е-пошта од септември истата година зборува за наводна „средба со Путин“ во Русија. Нема потврда дека таа средба навистина се одржала.

Украина и откажаната агенда во 2014 година

Во 2014 година, јапонскиот бизнисмен Џои Ито го информирал Епштајн дека американскиот милијардер Рид Хофман нема да присуствува на планирана средба со него и со Путин.

Подоцнежна порака сугерира дека плановите биле откажани по соборувањето на авионот на „Малезија ерлајнс“ над Украина, кога загинаа 298 лица.

ФСБ, уцени и „пријатели во разузнавањето“

Документите откриваат дека Епштајн во 2015 година комуницирал со Сергеј Бељаков, тогаш заменик-министер во Русија и поранешен кадар на ФСБ. Во една порака, Епштајн предупредувал за „девојка од Москва“ која наводно се обидувала да уценува моќни бизнисмени во Њујорк.

Во друг интерен е-мејл, испратен самиот до себе, Епштајн пишувал за своите „пријатели во ФСБ“.

Американски безбедносни извори во досиејата наведуваат сомнеж за негови врски со руски организиран криминал, особено во контекст на регрутирање млади жени од Русија.

Сомнеж за Мосад и за Барак

Еден од документите на ФБИ бележи предупредување дека Епштајн можеби бил поврзан со израелската разузнавачка служба Мосад. Извор навел дека бил близок со поранешниот израелски премиер Ехуд Барак и дека бил „обучуван како шпион“, тврдење кое никогаш не било јавно потврдено.

Во е-пошта од 2013 година до Барак, Епштајн пишувал дека Путин планира реорганизација на својот најтесен круг и дека „повеќе информации“ може да даде само по телефон или лично.

The post ЕПШТАЈН БАРАЛ ПАТ ДО ПУТИН, САКАЛ ДА ГО СОВЕТУВА? Рускиот лидер се појавува 1.000 пати во документите appeared first on plusinfo.mk.

Имињата на двајца поранешни претседатели на Косово, Атифете Јахјага и Беџет Пацоли, се спомнуваат во досиејата на сексуалниот престапник Џефри Епштајн, пишува весникот „Коха“. И Јахјага и Пацоли негираа дека го познавале или се сретнале со Епштајн.

Министерството за правда во владата на Соединетите Американски Држави на крајот на јануари објави над 3 милиони документи на Епштајн.

Во е-пошта испратена на адресата на Епштајн, од Даниел Сиад, име кое често се споменува во неговата преписка, се споменува претседателот на Косово.

„Принцезата од Тајланд ќе биде во Њујорк во Обединетите нации со претседателот на Косово, таа би сакала да се сретне со вас“, се вели во е-поштата од 16 септември 2012 година.

Во тоа време, функцијата претседател ја вршеше Јахјага. Валентина Абази, советничка на Јахјага, одговори во име на поранешниот претседател и негираше дека имало средба меѓу Епштајн и Јахјага.

„Претседателката Јахјага никогаш не се сретнала со него, никогаш не побарала средба со него и дури не знае ни кој е тој“, рече Абази. Друг е-мејл испратен од Даниел Сиад на адресата на Епштајн е насловен „Кој е Беџет Пацоли?“ и вклучува линк до видео на Јутјуб, кое сега е неотворено.

Е-мејлот гласи:

„Здраво Џефри, принцезата сака да го гледате ова видео“.

Принцезата спомената во оваа преписка е Луанд Раџадарсри Џајанкура, членка на тајландското кралско семејство, која често се претставува во преписките со Епштајн како почесен конзул на Република Косово во Тајланд.

Весникот „Коха“ не можел да најде никаков јавен документ издаден од косовските власти каде што Џајанкура е спомената како конзул на земјата.

КОХА, исто така, го праша Пацоли дали го познава Епштајн, дали го запознал и дали некогаш го посетил неговиот остров. Но, Пацоли негираше дека слушнал за него.

– Никогаш не сум се сретнал, ниту сум комуницирал, ниту пак сум бил на неговите имоти. Дури сега (кога има гласини за него) слушам за неговото постоење – рече Пацоли.

Поранешниот генерален секретар на Советот на Европа, Торбјорн Јагланд, познат по своите остри изјави против Косово, неодамна беше вмешан и во протечени документи поврзани со осудениот сексуален престапник Џефри Епштајн.

Е-поштата открива детали за плановите за патување, транспортот и кој ќе го чека Јагланд и неговото семејство по пристигнувањето на островот, каде што наводно се случиле многу од сексуалните злоупотреби за кои подоцна беше обвинет Епштајн.

Во својот одговор, Јагланд напиша дека не може да патува поради руската анексија на Крим, објави весникот „Дагбладет“.

Во 2004 година, Јагланд тврдеше дека мафијата ја презела контролата врз голем дел од косовската влада, велејќи дека „Косово произведува малку освен криминал“.

Во објавените документи на Епштајн, сегашниот претседател на САД, Доналд Трамп, но и поранешниот претседател Бил Клинтон и други познати личности се во центарот на вниманието.

Исто така, поради неговата вмешаност во овој скандал, поранешниот претставник на ЕУ за дијалог, Мирослав Лачак, поднесе оставка од функцијата советник на премиерот на Словачка, Роберт Фицо.

Џефри Епштајн беше обвинет за испраќање малолетни девојчиња на неговиот приватен остров „Мал Сент Џејмс“ на Карибите, каде што сексуално ги злоупотребувал и ги користел за меѓународна трговија со луѓе, додека ги користел врските со моќни луѓе за да ги прикрие своите активности.

Епштајн почина во 2019 година, додека беше во затвор.

The post КОСОВО СПОМНАТО ВО ДОСИЕЈАТА ЕПШТАЈН Eкс-претседателите Јахјага и Пацоли демантираа дека го познаваат престапникот appeared first on plusinfo.mk.