Поврзаноста денес претставува клучен елемент за економската отпорност, регионалната стабилност и за одржливиот развој, особено во услови на зголемена геополитичка неизвесност и трансформација на глобалните синџири на снабдување, рече министерот за надворешни работи и надворешна трговија, Тимчо Муцунски, на Дипломатскиот форум во Анталија, каде се обрати на панел посветен на новите можности во регионалната и интерконтиненталната поврзаност, на тема „Нови можности за поврзување“

Муцунски нагласи дека Македонија, како држава со стратешка позиција на крстопатот меѓу Европа и поширокиот евроазиски простор, има активна улога во унапредувањето на регионалната инфраструктурна и транспортна поврзаност, информира Министерството за надоврешни работи.

Посебен акцент беше ставен на значењето на Коридорот 8, како еден од клучните источно-западни правци што ја поврзуваат Јадранската и Црноморската област. Министерот нагласи дека неговата целосна доизградба и функционално поврзување со соседните земји претставува стратешки приоритет и ја истакната и важноста на железничкото поврзување со Бугарија како дел од европските транспортни мрежи.

Во контекст на новите глобални иницијативи за диверзификација на транспортните и трговските рути, Муцунски се осврна и на Коридорот 10, нагласувајќи ја улогата на Македонија во европските иницијативи за поврзаност, вклучително и напорите на Европската Унија за развој на одржлива инфраструктура што ги поврзува Западен Балкан, Источна Европа и поширокиот евроазиски простор.

Дополнително, ја истакна подготвеноста на земјата активно да учествува во мултилатерални формати на соработка за надминување на техничките, регулаторните и финансиските бариери. Во таа насока, ја потенцира важноста од засилената координација меѓу владите, меѓународните финансиски институции и приватниот сектор.

Учеството на министерот Муцунски на овој панел ја потврди определбата на Македонија за активна регионална соработка, промоција на инфраструктурни проекти со додадена вредност и придонес кон стабилна, безбедна и економски поврзана Европа, додаваат од МНР.

The post ИЗГРАДБАТА НА КОРИДОРОТ 8 И ЖЕЛЕЗНИЦАТА ДО БУГАРИЈА СЕ ПРИОРИТЕТ Муцунски учествува на Дипломатскиот форум во Анталија appeared first on plusinfo.mk.

Првата група македонски државјани евакуирани од Израел вечерва пристигна во Скопје, откако претходно беа пренесени преку Египет во сложена операција организирана со помош на дипломатско-конзуларните претставништва.

На скопскиот аеродром патниците ги пречека заменик-министерот за надворешни работи и надворешна трговија, Зоран Димитровски, кој информираше дека евакуацијата била целосно организирана од македонската амбасада.

– Вечерва пристигна првата група наши сограѓани од Израел, кои беа евакуирани преку Египет. Таму беше целосно организиран превоз за нив од страна на Амбасадата. Во Израел остануваат уште седуммина граѓани кои во моментов не се расположени за евакуација, односно чекаат да се ослободи воздушниот простор и евентуално да се вратат подоцна со приватен лет преку приватна компанија – изјави Димитровски.

Тој нагласи дека институциите прават напори најдоцна до понеделник сите македонски државјани кои сакаат да се вратат да бидат пренесени во земјата.

– Наредните денови тие ќе бидат пренесени со чартер летови, организирани од Владата и Министерството за надворешни работи. Еден од летовите ќе тргне од Ријад, Саудиска Арабија – посочи Димитровски.

Според него, граѓаните кои пристигнале во Скопје изразиле голема благодарност што им било овозможено безбедно да се вратат дома.

– Граѓаните кои пристигнаа вечерва велат дека секојдневно морале да одат во засолништа кога се огласувале сирени. Иако за израелските граѓани тоа е дел од секојдневието, за нашите било необично и тешко искуство. Некои биле затекнати во Израел токму кога сакале да се вратат, но аеродромите биле затворени. Тие изразија голема благодарност за комуникацијата со нашата амбасада и за тоа што им било овозможено безбедно да се вратат дома – рече Димитровски.

Меѓу евакуираните имало и двајца ракометари кои се вратиле заедно со своите родители.

Димитровски информираше и дека во земјите од Заливот моментално има околу 600 македонски државјани, од кои најголем број се во Абу Даби и Дубаи, околу 140 во Катар, а помал број и во Бахреин и Кувајт.

The post 📷 МАКЕДОНЦИ БЕГАА ОД СИРЕНИ И РАКЕТИ Првата група пристигна во Скопје appeared first on plusinfo.mk.

Министерството за надворешни работи и надворешна трговија информира дека, по трагичната несреќа во бар во швајцарскиот скијачки центар Кран Монтана, по која беше активиран европскиот механизам за цивилна заштита, министерот за надворешни работи и надворешна трговија, Тимчо Муцунски, по остварена консултација со претседателот на Владата, Христијан Мицкоски и со министерот за здравство, Азир Алиу попладнево оствари телефонски разговор со швајцарскиот амбасадор во земјава, г. Кристоф Зомер.

Mинистерот Муцунски изрази искрено и длабоко сочувство до семејствата на загинатите, како и до народот на Швајцарија, упатувајќи желби за брзо и успешно закрепнување на повредените, соопшти МНР.

Во таа насока, министерот ја изрази подготвеноста на Македонија да прифати повредени пациенти, како и да обезбеди соодветна медицинска поддршка во домашните здравствени установи.

„Дополнително, министерот изрази подготвеност, доколку има потреба, македонски лекари – специјалисти, кои беа директно вклучени во лекувањето на пациентите по трагедијата во Кочани, веднаш да заминат во Швајцарија и да се вклучат во процесот на лекување на повредените“, се вели во соопштението на Министерството.

МАКЕДОНСКАТА АМБАСАДА ВО ШВАЈЦАРИЈА ОТВОРИ ТЕЛЕФОНСКА ЛИНИЈА ПО СТРАОТНИОТ ПОЖАР Да се јават оние на кои им е потребна помош

The post МАКЕДОНИЈА Ѝ ИЗРАЗИ СОЧУВСТВО НА ШВАЈЦАРИЈА Муцунски понуди медицинска помош и лекување на повредените appeared first on plusinfo.mk.

Да биде кристално јасно, не постои политика за прифаќање мигранти во каква било форма, пишува шефот на македонската дипломатија Тимчо Муцунски во објава на својот Фејбук профил. Министерот Муцунски ги нарекува крајно неодговорни, лажни и сензационалистички прес-конференциите на СДСМ во врска со наводните мигрантски кампови.

Во продолжение реакцијата на Муцунски:

„Владата е целосно посветена на економскиот развој и на подобрување на квалитетот на живот на граѓаните. Градиме партнерства што носат конкретни придобивки за секое семејство, за секоја општина и за државата како целина.

И сакам да бидам кристално јасен: оваа Влада ниту водела, ниту ќе води политика за прифаќање мигранти – во каква било форма.

Нема договори, нема преговори, нема квоти, нема центри, нема транзитни аранжмани. Таква иницијатива ниту е разгледувана, ниту постои политичка намера во таа насока. Сето тоа е апсолутна невистина.

Стратешкото партнерство со Обединетото Кралство се темели на меѓусебно почитување и доверба, како и на соработка во политиката, економијата и безбедноста. Тоа значи реални иницијативи и проекти што го забрзуваат економскиот развој, отвораат работни места и носат опипливи придобивки за граѓаните,а не сценарија измислени за дневнополитички потреби.

Темата за наводно прифаќање мигранти претставува класичен дневнополитички обид за дефокус,  последица на драматично нискиот рејтинг и безидејноста во која СДСМ е заглавен подолг период.

Крајно неодговорно е да се одржуваат прес-конференции врз основа на сензационалистички, непроверени и неточни информации, со што намерно се создава лажна перцепција во јавноста и, заради партиски интерес, се злоупотребуваат чувствителни теми“, вели министерот за надворешни работи и надворешна трговија.

The post ДА БИДЕ КРИСТАЛНО ЈАСНО, НЕМА ПОЛИТИКА ЗА ПРИФАЌАЊЕ МИГРАНТИ Лажни, неодговорни и сензационалистички се наводите на СДСМ appeared first on plusinfo.mk.

Министерството за надворешни работи на Србија изрази изненаденост од коментарите на портпаролката на руското Министерство за надворешни работи, Марија Захарова, по повод изјавата на претседателот на Србија, Александар Вучиќ, за продажбата на муниција на Европската Унија — дури и по цена таа да заврши во Украина.

Захарова претходно денеска изрази надеж дека Србија ќе остане доследна на своите ветувања и нема да ја вооружува Украина, нагласувајќи дека „српскиот лидер дава едни изјави кога е во Москва, а сосема други во други региони, што создава впечаток дека во Србија можеби постои уште еден претседател Вучиќ“.

Таа потсети дека Србија повеќепати нагласила оти извозот на муниција е под строга контрола и дека нема да биде испорачувана на Украина.

– Повеќепати, вклучително и на највисоко ниво, од раководството на Србија сме добивале уверувања дека извозот на муниција од српско производство е под строга контрола и дека таа стока нема да се испорачува на Украина, за Киев да не може да ја користи против нашите војници – истакна Захарова.

Државната секретарка во српското МНР, Невена Јовановиќ, во објава на Икс што медиумите ја добија од министерството, посочи дека Србија не испорачува оружје и воена опрема на страните во вооружени конфликти било каде во светот, дека е суверена и независна држава што своите одлуки ги донесува во согласност со националните интереси, и дека од пријателските држави и нивните претставници српските власти очекуваат почитување на таа фактичка состојба.

„Потсетуваме ја госпоѓата Захарова дека токму благодарение на претседателот Александар Вучиќ, Србија е единствената земја во Европа, надвор од Заедницата на независни држави, што не воведе санкции кон Руската Федерација. Таа одлука не беше ниту лесна ниту едноставна, но беше донесена од убедување дека историските пријателства не се напуштаат под притисок“, напиша Јовановиќ.

Јовановиќ додаде дека Србија, и покрај исклучително сложениот меѓународен контекст, ги задржала отворените канали на соработка со Русија, вклучувајќи ги и редовните директни авионски линии кон повеќе руски градови, и дека поради Русија од 2021 година не отворила ниту едно поглавје во пристапниот процес кон Европската Унија, иако, како што тврди, можела.

– И додека Србија останува доследна на своите принципи и обврски, вреди да се потсетиме дека нашата земја од декември 2021 година нема отворено ниту едно поглавје во процесот на пристапување кон Европската унија, иако можеше. Интересно е, и секако не случајно, што тој датум се поклопува со почетокот на војната во Украина – додаде таа.

Јовановиќ напиша дека не е првпат Захарова да користи реторика која „не го одразува духот на односите што постојат меѓу државите и народите“.

The post ЗАБОРАВАТЕ ДЕКА СРБИЈА НЕ ВИ ВОВЕДЕ САНКЦИИ Српското МНР ѝ врати на Захарова appeared first on plusinfo.mk.

Министерот за надворешни работи и надворешна трговија Тимчо Муцунски попладнево преку објава на својот Фејсбук профил посочи дека во целост ја отфрла дезинформацијата дека Владата или Министерството разговарале или склучиле било каков договор со Обединетото Кралство за прифаќање мигранти.

Претседателот на СДСМ, Венко Филипче, денеска го повика министерот Муцунски најдоцна до утре да ја информира јавноста дали се разговара со Велика Британија за лоцирање на мигранти во нашата земја. Филипче ова го кажа коментирајќи го објавениот текст во „Политико“, дека Британија е сè поблиску до договор за отворање центар за враќање мигранти во една земја од Западен Балкан.

– Во целост ја отфрлам дезинформацијата дека Владата или Министерството за надворешни работи и надворешна трговија разговарале или склучиле било каков договор со Обединетото Кралство за прифаќање мигранти. Такво нешто не постои – ниту како иницијатива, ниту како политичка намера – изјави Муцунски.

Министерот нагласи дека ваквите шпекулации се неосновани, штетни и служат исклучиво за дневнополитички поени.

– Наместо ширење лажни вести, очекуваме сите политички чинители да се држат до фактите и да покажат минимум одговорност. Ваквите изјави, за жал, се израз и на целосно непознавање на состојбите и на тековните дипломатски ангажмани на државата. Со Обединетото Кралство имаме стратешко партнерство засновано на заемна доверба, политичка, економска и безбедносна соработка, а не на шпекулации и сензационализам – порача Муцунски во својата објава.

Од друга страна, Филипче побара од министерот да објасни дали се водат какви било разговори со Велика Британија, поврзани со мигранти или со финансиски договори.

– Министерот Тимчо Муцунски треба да каже дали разговара за тоа мигранти да се носат во нашата земја. Треба да каже има ли тоа некаква врска со тој пакет со заемот од седум милијарди евра? Има ли некаква врска? Условена ли е Владата за тие пари, да го направи тоа? – рече Филипче.

Муцунски засега не најави дополнителна прес-конференција, но неговата реакција беше јасна: Македонија нема никакви разговори со Британија за мигрантски центри.

The post ФИЛИПЧЕ БАРАШЕ ОДГОВОР, А МУЦУНСКИ ГО ДАДЕ Македонија нема да прифаќа мигранти од Британија, тоа се лаги, рече министерот appeared first on plusinfo.mk.

Македонија не е единствената земја која прифати да ги зголеми трошоците за НАТО на 5% бруто домашниот прозивод до 2035 година, туку тоа го прифатија сите, а причината беше шда се спречи кризно трошење во време на евентуален конфликт.

Вака ја објасни министерот за надворешни работи Тимчо Муцунски одлуката на сојузниците на НАТО пред самитот во Хаг одговарајќи на новинарско прашање.

– Тие 5% се за никогаш да не мора да потрошиме 40%. Се работи за историска, дури генерациска одлука за стабилност во НАТО-чадорот во кој припаѓаме. Идните генерации ќе мора да ја спроведат оваа одлука, не само сегашната влада и сегашниот состав на министерството за одбрана – вели Муцунски.

Муцунски вели дека не само што ќе бидат пресметани сите трошоци при зголемувањето на процентот во следните години, туку дека на списокот ќе влезат клучни проекти во индустријата, но и во инфраструктурата како Коридорите 8 и 10.

– Тука е и сајбербезбедноста. Во изминатиот период често бевме мета на ваков тип напади. Исто така, тука се стартапите кои ќе имаат пристап до НАТО-фондовите. Нам ни фали индустриска база, наменска опрема. Зависници сме од светската автоиндустрија која доживува турбулентни времиња. Наместо тоа, зошто да не привлечеме инвеститори во наменската индустрија за овој сектор? – истакнува министерот.

На денешната пресконференција министерството за надворешни работи и наворешна трговија го претстави сработеното во првата година од новиот состав.

Беа презентирани и бројните економски придобивки, меѓу кои и рекордни странски и капитални инвестиции и најава дека 4 мултинационални компаии ќе инвестираат повеќе од 150 милиони евра во индустриските зони.

The post СЕ ДВИЖИМЕ КОН 5% ЗА НАТО, ЗА НИКОГАШ ДА НЕМА ПОТРЕБА ОД 40% Муцунски објасни што опфаќаат трошоците освен одбраната appeared first on plusinfo.mk.

Министерството за надворешни работи и надворешна трговија информира дека за утре е потврдена евакуација на четири лица, односно едно семејство (мајка и три деца). Местата се обезбедени преку израелското министерството за транспорт на Израел, во рамки на организираните летови кои се користат за евакуација на странски државјани од Израел.

Летот е планиран од Тел Авив до Атина.

„Согласно оваа, како и претходната евакуација реализирана со владин авион на 17 јуни, заклучно со 23 јуни, вкупниот број на заинтересирани македонски државјани за евакуација од Израел изнесува 25. Меѓутоа, не сите изразиле подготвеност тоа да го направат веднаш. Се очекува следните денови дополнителен број на наши државјани да добијат можност за евакуација од Израел“, соопшти министерството.

Министерството за надворешни работи и надворешна трговија, преку Амбасадата во Тел Авив, останува во постојана комуникација и целосно на располагање на македонските државјани сè до нивната безбедна евакуација.

The post СЕМЕЈСТВО ОД МАКЕДОНИЈА ЌЕ БИДЕ ЕВАКУИРАНО ОД ИЗРАЕЛ Мајка и 3 деца ќе летаат за Атина appeared first on plusinfo.mk.

Согласно влошената безбедносна состојба на Блискиот Исток, Министерството за надворешни работи и надворешна трговија апелира до сите државјани на Македонија, кои се наоѓаат на територијата на Израел и Иран, доколку им е потребна конзуларна помош, веднаш да стапат во контакт со надлежните институции преку дежурните (СОС) телефонски броеви.

Воедно, Министерството апелира до сите државјани да се воздржат од патувања кон земјите од овој регион, сè до подобрување на безбедносната состојба.

За помош и за асистенција, граѓаните можат да се обратат на следните контакти:

• Амбасада на Република Северна Македонија во Тел Авив:

– Тел: +972 54 500 8566 / +972 54 967 0546

– Е-пошта: telaviv@mfa.gov.mk

• Министерство за надворешни работи и надворешна трговија:

– Тел: +389 75 273 732 / +389 75 268 736

– Е-пошта: globalsos@mfa.gov.mk

Во рамките на Министерството е формиран кризен штаб кој континуирано ја следи состојбата и е достапен 24 часа дневно за сите потреби поврзани со помош, поддршка и со асистенција.

„На крај, уште еднаш ги повикуваме нашите државјани, кои се наоѓаат во погодените региони, доколку им е потребна конзуларна помош, без одложување да се обратат на наведените СОС контакти“, соопшти Министерството за надворешни работи и надворешна трговија.

The post МАКЕДОНСКОТО МНР ОБЈАВИ СОС БРОЕВИ ЗА СИТЕ НАШИ ГРАЃАНИ ВО ИРАН И ВО ИЗРАЕЛ Еве каде да се обратите за помош appeared first on plusinfo.mk.

Владата на вчерашната седница одлучи целосно да ги покрие трошоците за сместување и превоз на семејствата на повредените лица кои се лекуваат во странство.

За побрза и поефикасна комуникација во таа насока е отворена и телефонска линија, а бројот е 070 270 370.

Роднините на лицата коишто се лечат во странство можат да го контактираат Министерството за надворешни работи и лица кои можат да им помогнат да добијат информации во земјите во кои има на лекување повредени од трагедијата во Кочани.

Еве ги телефоните:

Министерство за надворешни работи и надворешна трговија:

075/273-732

075/268-736

Турција-Анкара

+90 5316579200

+90 5335725684

Турција -Истанбул

+90 542 810 99 78

+90 552 561 80 09

Грција -Атина

+30 6944190134

+30 6947736602

Грција-Солун

+30 694 525 8536

Бугарија

+359 876123768

+359 876112993

+359 889210005

Србија

+381 601382942

+381 601427455

Унгарија

+363 03037377

Литванија-Полска

+48 608141191

Австрија

+436644680520

+436767069209

Словенија

+386 41 353 198

+386 40 800 747

Хрватска

+385 99 524 4741

+385 91 608 2944

Норвешка

+47 406 31 613

+47 922 34 630

Италија

+39 3384079247

+39 3518504187

Полска

+48 608 141191

Шведска

+46 701844605

+46 768792019

The post ТЕЛЕФОНИ ЗА КОНТАКТ ВО ЗЕМЈИТЕ КАДЕ ШТО СЕ ЛЕКУВААТ ПОВРЕДЕНИТЕ ОД КОЧАНИ Владата отвори посебна линија за контакти со семејствата appeared first on plusinfo.mk.