Министерството за култура и туризам информира дека е завршена постапката за избор на изведувач за реализација на проектот за реконструкција на објектот на Универзална сала во Скопје. Денес е донесена Одлука за избор на најповолен понудувач по јавната набавка за „Изведба на градежни и градежно-занаетчиски работи и ентериер на објект Универзална сала во Скопје – по принцип на изградба Клуч на рака“.

„По завршување на законските рокови за доделување на договорот ќе биде потпишан договорот за изведба, а по исполнување на сите потребни предуслови за почеток на градба и воведување на изведувачот во работа, ќе следи официјалното започнување на градежните активности.

Рокот за реализација на проектот е предвиден до декември 2027 година. Набавката се реализира по принципот Клуч на рака, што значи дека во предвидениот рок објектот ќе биде целосно изграден, уреден и подготвен за користење, односно за одржување на концерти, настани и други културни содржини“, велат од Министерството.

Од  Министерството за култура и туризам потсетуваат дека по преземањето на објектот на Универзална сала од Градот Скопје, а особено по настанатиот пожар, Министерството спровело низа активности со цел успешна реализација на проектот за нејзина реконструкција.

Како дел од овие активности, Министерството преку измени и дополнувања на проектната документација преземена од Градот Скопје, обезбедило целосно нова проектна документација на ниво на основен проект за реконструкција на Универзална сала.

„Овој проект беше претставен пред македонската јавност, а со неговата реализација ќе се зачува споменот и колективната меморија за објектот, а воедно  ќе му се даде и нов, современ и повеќенаменски  карактер“, велат од  Министерството за култура и туризам.

Според соопштението, Манифестацијата  „Скопје – Европска престолнина на културата 2028“ покрај во останатите објекти од областа на културата во градот ќе се одвива и во обновената Универзална сала.

The post ИЗБРАН ИЗВЕДУВАЧ ЗА РЕКОНСТРУКЦИЈА НА УНИВЕРЗАЛНА САЛА До декември 2027 треба да заврши изведбата по принцип „клуч на рака“ appeared first on plusinfo.mk.

Во првите пет месеци од 2025 година, туризмот во Македонија доживеа драматично зголемување, особено кога станува збор за посетите од странски туристи од Западна Европа. Анализата на Министерството за култура и туризам покажува пораст од 23,6% во бројот на странски туристи, како и раст од 18,7% во бројот на ноќевања, споредено со истиот период од 2024 година.

Најголемото изненадување доаѓа од Франција, која бележи импресивен скок од 398% повеќе туристи и 303% повеќе ноќевања. Со ова, француските туристи брзо се искачија до врвот на приоритетите на македонските туристички политики.

Германските гости, исто така, покажале силен интерес – со раст од 219% во туристи и 146% во ноќевања, додека туристите од Велика Британија се зголемиле за 204%, со соодветен раст од 139% во остварени ноќевања.

Иако Турција останува на првото место според вкупниот број на туристи и ноќевања, растот од 11% во туристи и 21% во ноќевања ја задржува нејзината доминантна позиција како стабилен пазар.

Она што дополнително го издвојува периодот јануари-мај 2025 е растечкиот интерес за културен туризам надвор од главната сезона, што според Министерството има исклучително значење за анулирање на сезонскиот туризам. Овој тренд носи економски ефект низ целата година, со ангажирање на водичи, угостители, занаетчии и локални заедници.

Таквиот континуитет на туристички движења носи рамномерна распределба на приходите, подобрување на локалната економија и силна поддршка за руралниот туризам и новите дестинации.

Министерството за култура и туризам најави дека ќе ги искористи овие податоци за:

– Планирање на нови промотивни кампањи насочени кон Западна Европа,

– Засилување на авионските линии со Франција, Германија и Велика Британија,

– И поддршка на туристичките оператори кои работат на промоција на Македонија како дестинација со автентична понуда.

Сето ова треба да ја потврди Македонија како силен играч на туристичката мапа на Европа, со раст кој може да донесе рекордни приходи до крајот на годината.

The post ЗАПАДНОЕВРОПЕЈЦИТЕ ЈА „ОКУПИРАА“ МАКЕДОНИЈА Секој четврти турист е странец, омилени дестинации Охрид, Битола и Скопје appeared first on plusinfo.mk.

Агенцијата за поддршка и промоција на туризмот престанува да постои како самостојна институција и ќе биде во состав на Министерството за култура и туризам, што е официјализирано со измените на Законот за туристичката дејност што вчера беа усвоени во Собранието.

Триесетина вработени во Агенцијата ќе бидат префрлени во секторот за туризам на Министерството кој ќе има и нови простории за што нема да се плаќа кирија како досега.

– Сите постапки и сите вработени ќе преминат на една адреса, а тоа е Министерството за култура и туризам. Се надевам дека после осумте дена по објавувањето во Службен весник, ќе пристапиме кон преземање на вработените, на имотот, сѐ она што поседува Агенцијата за поддршка на туризмот. Сите адреси ќе бидат упатени само кон една институција и повеќе нема да се плаќа кирија, којашто ја плаќаше Агенцијата во ГТЦ. Обезбедивме нови просторни услови, тоа се првите два ката во зградата што сега ја користи Министерството за енергетика. Така што и тука ќе се намалат трошоците, ќе добиеме многу посоодветни услови, поцентрално место, повидливо и, конечно, сега продолжуваме комплетно како Министерство за култура и туризам – изјави министерот за култура Зоран Љутков.

Обезбедени околу 10 милиони евра

Претходно била направена измена во систематизацијата во Министерството.

– Со ребаланс на буџетот веќе го имаме обезбедено и буџетот од Агенцијата за поддршка на туризмот, така што сме веќе комплетирани – додаде министерот.

Со ребалансот на буџетот наменет за Агенцијата за поддршка на туризмот, во Министерството за култура и туризам дополнително се обезбедуваат 605 милиони денари или околу 10 милиони евра. Тие се распределени во неколку ставки и ќе бидат искористени за поддршка и промоција на културата и туризмот: за активности на Плаошник, Скопското кале, за Агенцијата за филм итн.

Ќе се решава и болката на туристичките водичи

Министерот соопшти дека е формирана работна група за унапредување на дејноста на туристичките водичи на состанок што го имале со нив и со здруженијата од земјава.

– Донесовме неколку заклучоци, за големите болки што ги имаат туристичките водичи, а и ние како држава – искривувањето на вистината на нелегалните туристички водичи коишто доаѓаат и од други земји, но и од нашава земја, и кои прават голема штета на Македонија. Во наредниов период ќе треба да ги спроведеме заклучоците и да се заштитиме од таквите влијанија понатаму – рече Љутков.

Паралелно со подготовка на нова стратегија за културата, по истекот на претходната во 2022, Министерството подготвува и Стратегија за туризмот за периодот 2027-2032.

The post НЕМА ВЕЌЕ ДА СЕ ПЛАЌА КИРИЈА ЗА АГЕНЦИЈАТА ЗА ТУРИЗАМ Вработените се префрлени во Министерството за култура и туризам appeared first on plusinfo.mk.

Законските пропусти со кои се овозможува странски туристички водичи да ја кажуваат македонската култура и истирија конечно дојдоа на ред во државните институции. Проблемот беше издвоен како приоритетен на денешната седница на работната група која е формирана во рами  на Министерството за култура и туризам. Групата треба да ги идентификува и да предложи решенија на сите проблеми со кои се соочуваат туристичките водичи.

Работна група е составена од претставници од секторот туризам вои Министерството, Македонска асоцијација на туристички водичи и продружници, Здружението на туристички водичи (ЗТВПМ), како и од експерти и претставници од високообразовните институции кои стручно ќе ги квалификуваат идните туристички водичи и придружници.

Туристичките водичи од Македонија, на седницата, изнесоа јасни и конкретни барања за подобрување на условите за работа, со цел стандардизација на дејноста и унапредување на туристичката понуда на државата.

Министерот Зоран Љутков кој учествуваше во дискусијата нагласи дека инвестирањето во квалитетот и професионалноста на туристичките водичи е еден од најважните чекори за развој и позиционирање на Македонија како конкурентна и атрактивна туристичка дестинација.

-Акцентиравме проблеми кои се резултат на одредени слабости во регулативата поради кои професијата туристички водич не е на нивото кое го заслужува, а со тоа квалитетот и конкурентноста на туристичкиот производ не достигнува задоволителен стандард. Овие слабости овозможуваат водичи од различни држави да ги презентираат културните добра, традиционалните културни вредности гледани низ нивните наочари, тука е и слабата заштита на домашните туристички водичи. Одлучивме да ги отстраниме овие слабости и да ги заштитиме домашните туристички водичи, за таа цел формирани се стручни работни групи – рече Љутков.

Меѓу приоритетните задачи на кои се работи во министерството околу оваа дејност се усвојување поквалитетни стандарди за едукација на стручни и професионални водичи, подигнување на квалитетот на туристичките услуги и  основање на туристичка инспекција со широки надлежности која ќе ги спречи нелиценцираните водичи и неовластеното вршење на дејноста, со што ќе се заштитат професионалците и ќе се зачува угледот на туристичката индустрија.

Приоритет е и координација и усогласување на законската регулатива во насока на јасен и ефикасен правен систем за унапредување и заштита на професијата туристички водич, какои заштита на државата од ширење на невистини и искривување на историјата и културното наследство, со цел зачувување на веродостојноста и интегритетот на културните вредности.

The post ЉУТКОВ НАЈАВИ ДЕКА ЌЕ СПРЕЧИ СТРАНСКИ ТУРИСТИЧКИ ВОДИЧИ ДА ЈА КАЖУВААТ НАШАТА ИСТОРИЈА Формирана е работна група која ќе нуди решенија за проблемите на водичите appeared first on plusinfo.mk.

Злонамерни и лажни се и обвинувањата на СДСМ за повластување на „шоферот на министерот“ за кабинетски службеник, реагираат од ВМРО-ДПМНЕ на обвинувањата на СДСМ велејќи дека возач на министерот е лице определено од Службата за општи и заеднички работи и не е кабинетски службеник.

„Именување на претседател на УО на Македонската Опера и Балет е лице кое е вработено во МКТ, но не е кабинетски службеник на министерот за култура и туризам, туку е професионалец кој работи во МКТ 15 години. Да не се навраќаме на потрошените буџетски средства на претходната ваша министерка и на вашите директори кои во исто време беа и директори и селектори и членови на комисии во Министерството за култура.

Сите овие обвинувања се само конструкции и злонамерен обид да се прикријат седумте катастрофални години на владеење на СДСМ, особено душманскиот однос кон македонската култура. Ако е и од СДСМ партијата која брусеше шахти, го продаде македонскиот идентитет и безочно го понижуваше македонскиот граѓанин на сметка на туѓи интереси – премногу е!

На актерката Катерина Илиевска ѝ посакуваме својот талент на интерпретација да го насочи кон театарските сцени, а од СДСМ очекуваме јавно извинување за искажаните небулози и дезинформации. Доколку тоа не се случи, Министерството ќе ги преземе сите правни мерки за заштита на својот углед и на угледот на своите претставници.

Во интерес на јавноста најостро реагираме на целосно шпекулативните информации и невистинити тврдења дека министерот Љутков потрошил над 50.000 евра за патувања. Потенцираме, потрошените средства за Јапонија кои се споменуваат изнесуваат точно 3.485.080 денари и не се искористени за бројна делегација од МКТ како што СДСМ сакаат да прикажат туку наменети се исклучиво за патните трошоци, билети, сместување и дневници за уметниците од НУ Ансамбл Танец!

Сите службени патувања на министерот Љутков и вработените во МКТ се реализирани со јасна културна и дипломатска агенда. Секој трошок е транспарентно објавен и достапен за јавноста. Обидите да се проблематизираат службено оправданите патувања, се класичен пример на сензационализам и манипулација. Сакаме да потенцираме дека патувањето во Јапонија, кое тенденциозно се споменува, е дел од официјална програма за меѓународна културна презентација на државата и е во духот на историскиот Договор за соработка кој беше потпишан минатата година со оваа држава. Единствен критериум при изборот на програмата за Експо Осака е квалитетот!

Овој пат наместо препарираниот рис и орел кои беа едни од главните содржини на Експо Дубаи 2021 кога тие владееја , пред јапонската и светската јавност ги нудиме нашите амбасадори, Танец, Ана и Игор Дурловски, Кирил Џајковски и Владимир Василевски-Четкар! Наместо да го поздравиме видливото присуство на нашата држава на овој настан, СДСМ најбезочно ги омаловажува уметниците, и ја извртува вистината.

СДСМ била и е партија која секогаш ги омаловажува уметниците и не може да се помири во евидентната разлика на работа, посветеност во културата“, велат од ВМРО-ДПМНЕ.

The post ЗЛОНАМЕРНИ СЕ ОБВИНУВАЊАТА ДЕКА ЉУТКОВ ПОСТАВИЛ ШОФЕР ЗА СЛУЖБЕНИК Од ВМРО-ДПМНЕ реагираат на обвинувањата на СДСМ appeared first on plusinfo.mk.

„Денес бев во Драмски театар на увид на штетите предизвикани од поплавите од дождот. Ако во 2017 година Владата на СДСМ го реализираше проектот за изградба на нов современ објект на Драмски, како што претходно се планираше, денеска немаше да бидеме сведоци на овој потоп. Седумгодишната негрижа за Драмскиот театар не само што стана видлива, туку денеска дождот го онеспособи да биде храм на уметноста. На сцената главната улога од денеска наместо актерите ја имаат кофите“, напиша Љутков на својот ФБ.

Оваа Влада, како што наведува тој, нема да дозволи да продолжи понижувањето на уметниците и целосно ќе се вложи на создавањето на достоинствени услови за креативна работа на уметниците.

На фотографиите и видеото што ги објави Љутков се гледа уништен ентериер, поплавени ѕидови, подови, кофи кои ја собираат водата…

The post 📽️ НАМЕСТО АКТЕРИТЕ ИГРАА КОФИТЕ ВО ДРАМСКИ ТЕАТАР Ова е резултат на седумгодишната негрижа, вели новиот министер Љутков appeared first on plusinfo.mk.