Лани се наплатени вкупнo 1.223.455.203 денари (околу 19,9 милиони евра) од концесии за експлоатација на минерални суровини, што споредено со претходните години е рекорден износ.

Според Министерството за енергетика, рударство и минерални суровини, во 2025 година се склучени 289 договори за концесии при што вкупно се  наплатени 1.223.455.203 денари (околу 19,9 милиони евра) за разлика од 2024 година кога биле склучени 342 договори, а наплатени 561.544.717 денари (околу 9,2 милиони евра), што е зголемување од 218%.

Извор: Министерство за енергетика и рударство

Бројките, како што Министерството за енергетика и рударство, претставуваат историски напредок и силна основа за понатамошно подобрување на системот на концесии.

– Овие резултати се директна последица на посветените активности на Министерството за подобрување на наплатата и зајакнување на контролата врз обврските на концесионерите, вклучувајќи засилени инспекциски контроли и теренски проверки, испраќање писмени опомени и прекршочни постапки за доцнење со обврските, едностраниот раскин на 46 договори со концесионери како и новиот Тарифник со кој се зголемени износите на концесискиот надоместок до 100% – велат од Министерството за енергетика и рударство.

Зголемената наплата, велат оттаму,  директно придонесува за зголемување на буџетите на општините каде работа концесионерите.

– Тоа ги зголемува инвестициите во комунална инфраструктура и е поддршка на енергетската транзиција и проекти за обновливи извори – велат од Министерството.

Оттаму додаваат дека една од придобивките е и тоа што се обезбедени повеќе пари за заштита на животната средина.

Министерството за енергетика, рударство и минерални суровини останува посветено на воспоставување на највисоки стандарди за транспарентно и фер управување со природните ресурси.

The post РЕКОРДНИ 19,9 МИЛИОНИ ЕВРА НАПЛАТЕНИ ОД РУДАРСКИ КОНЦЕСИИ ВО 2025 ГОДИНА Голема придобивка за општините на чии територии се рудниците appeared first on plusinfo.mk.

Во услови на динамични глобални енергетски предизвици, 2025 година беше година на интензивна, теренска и стратешка работа во енергетиката и рударството. Преку засилена институционална активност, широка вклученост на стручната јавност и постојана комуникација со сите релевантни чинители, Министерството за енергетика, рударство и минерални суровини постави јасни основи за ред, стабилност и долгорочен развој на секторот, со фокус на транспарентност, одговорно управување и активна енергетска дипломатија, оцени министерката за енергетика и рударство Соња Божиновска.

Во соопштение на Министерството за активностите спроведени лани се наведува дека се направени неколку значајни исчекори во однос на енергетската политика на земјата.

„За првпат е усвоен Годишен план за изградба на енергетски објекти за 2025 година, кој воведе ред и јасни приоритети. Планот ги дефинира насоките за изградба на нови објекти и зајакнување на енергетските мрежи. Планот за 2025 опфаќа 481 енергетски објект со вкупна моќност од 1.265 MW, сите со уредна документација. Доминираат обновливите извори – над 812 MW соларни и 426 MW ветерни капацитети, како и значајни инвестиции во складирање на електрична енергија“, се вели во соопштението.

Во 2025 година се исплатени околу 650.000 евра премии за производство од фотоволтаици.

„Во тек е постапка за нов Закон за обновливи извори на енергија, усогласен со ЕУ директивите. Оперативен е и пазарот на гаранции за потекло, со над 122.000 издадени гаранции. Истовремено, донесени се измени на Законот за енергетска ефикасност и усвоен тригодишен план за реконструкција на јавни згради. Ќе се реновираат 14 јавни згради со вкупна корисна површина од 102.992 m², во кои функционираат 33 институции, што секојдневно ги користат повеќе од 5.000 лица“, се наведува во соопштението.

Земјата бележи значителен напредок во имплементацијата на обврските од Енергетската заедница, со раст кај пазарната интеграција (61%), сигурноста во снабдување (41%) и институционалната подготвеност (76%), што ја позиционира земјата над или блиску до регионалниот просек.

Во фокус на ланските активности кои ќе продолжат и годинава се гасните интерконектори со Грција и Србија, како и повторното активирање на нафтоводот Солун–Скопје, со што се зајакнува енергетската безбедност и диверзификацијата на снабдувањето.

„Гасната линија Македонија – Грција е во вкупна должина: околу 123 км (66–68 км во Македонија). Првичен капацитет: 1,5 милијарди m³ годишно, со можност за проширување на 3 милијарди m³/год. Се очекува овој проект да проработи во  2027 година. Интерконектор со Србија – Предвидена должина: околу 65–70 км (Клечовце — Врање). Очекуван рок на завршување: 2027 година, со гас во текот на 2028 година“, се вели во соопштението.

Лани  Владата донесе одлука за повторно отворање на нафтоводот „Тесалоники – Скопје“ со проток на 400.000 тони дизел годишно. Оваа линија беше неактивна 12 години, со многу години инфраструктура оставена неискористена.

Министерството за енергетика лани исплати 687.000 евра субвенции за ранливи потрошувачи, со намалување на сметките за струја од 1.000 денари месечно, како и 2,7 милиони евра за субвенции за инвертер-клими.

Во 2025 година е остварена рекордна наплата од 15 милиони евра концесиски надоместоци, што е 2,4 пати повеќе од истиот период во 2024 година. Раскинати се над 45 концесии поради непочитување на законите, а воведен е и дигитален надзор со дронови за поголема контрола и транспарентност.

Со активна правна стратегија, Министерството ја намали вредноста на судските предмети против државата од 421,8 на 106,8 милиони денари, при што се одбиени тужби вредни 5,1 милион евра, а покренати се и тужби за наплата на долгови.

Започнати се нови законски решенија за геологија и рударство, процес за заштита на македонскиот рубин како национално минерално наследство.

The post ВО 2025 ГОДИНA Е ВОВЕДЕН РЕД ВО ЕНЕРГЕТИКАТА И ВО РУДАРСТВОТО Божиновска најавува интензивирање на значајните проекти за енергетска независност appeared first on plusinfo.mk.

Владата, по предлог на Министерството за енергетика еднострано раскина 3 договори за концесија за експлоатација на минерални суровини и одби едно барање за концесија. Одлуките се веќе објавени во Службен весник.

Министерството за енергетика и рударство соопшти дека ги засилува и контролите на субјектите кои имаат добиено концесии.

– Нашата цел е транспарентно и одговорно управување со природните ресурси. Со засилената контрола и примената на законските мерки, обезбедуваме фер и одржлива експлоатација, која носи економски придобивки за државата и поддршка за локалните заедници. Овие одлуки се директна последица на посветените активности и системската работа на Министерството за воспоставување на највисоки стандарди за транспарентно и фер управување со природните ресурси, подобрување на наплатата и зајакнување на контролата врз обврските на концесионерите – вели министерката за енергетика, рударство и минерални суровини Сања Божиновска.

Како што информира Министерството за енергетика и рударство, од формирањето на ресорното министерство досега, се донесени 34 одлуки за едностран раскин на концесии меѓу кои 11 за истекување на договорот за концесија.

-Причините се: непочитување на законските одредби за експлоатација на минерални суровини, неплаќање на концесиски надоместоци согласно утврдениот тарифник, непочитување на мерките за заштита на животната средина, пренесување на концесијата на друг субјект без согласност и експлоатација надвор од одобрениот експлоатационен предел како и истекување на договорот за концесија – велат од министерството.

Минисерството веќе води регистар за одземени концесии кој наскоро ќе го објавен на неговата интернет страница.

Министерството соопшти и дека спроведуваат редовни и вонредни теренски проверки за усогласеност со законските обврски, а испратени се предупредувања до концесионерите, а едностран раскин на договори се применува кон оние кои не ги почитуваат законите.

The post РАСКИНАТИ 3 КОНЦЕСИИ ЗА ЕКСПЛОАТАЦИЈА НА МИНЕРАЛИ Концесионерите не го почитувале договореното appeared first on plusinfo.mk.