Премиерот Христијан Мицкоски денеска се обрати на свечениот почеток на новата учебна година во основното училиште „Кирил Пејчиновиќ“ во Кисела Вода, каде што присуствуваше на приемот на првачињата.

Во своето обраќање, Мицкоски нагласи дека оваа година е значајна за учениците и за наставниците, бидејќи за првпат по седум години сите ученици ќе имаат учебници навремено пред себе.

– Ова е чекор напред и многу важно достигнување. Сакам да им се извинам на родителите за претходните години, но и да им ветам дека преку вештачката интелигенција ќе зборуваме за иднината и за предизвиците што таа ни ги носи – истакна премиерот.

Тој додаде дека за првпат по долго време учениците ќе имаат и учебници по странски јазици, што ќе придонесе за подобрување на наставниот процес.

Премиерот ѝ се заблагодари на министерката за образование и наука, Весна Јаневска, за целиот труд што таа го вложи во досегашниот нејзин мандат, а посебна благодарност упати и до градоначалникот на Кисела Вода, Орце Ѓоргиевски, кој, како што нагласи, неуморно работи само за доброто на општината.

До учениците и наставниците премиерот испрати порака со две главни вредности:

– Учете со љубов, ама не заборавајте дека најважни се семејството и татковината – порача премиерот.

На крајот, тој им посака на најмладите ученици успешна учебна година, исполнета со радост и нови знаења.

The post ВЕШТАЧКАТА ИНТЕЛИГЕНЦИЈА ЌЕ ИМ ПОМОГНЕ НА УЧЕНИЦИТЕ ДА СЕ ПОДГОТВАТ ЗА ИДНИНАТА Мицкоски посака успешен почеток на учебната година appeared first on plusinfo.mk.

– Поради огромно незадоволство и жалби на родители и наставници дека не им е блиска концепцијата и како се применува, одлучивме дека дел од концепцијата треба да се промени и одлучивме да го задржиме она што наставниците и учениците сметаат дека е добро, а да направиме измени каде што сметаме дека не е добро – рече министерката за образование и наука Весна Јаневска во интервју за „Топ тема“ на ТВ Телма.

Ќе останат изборните предмети од кои има задоволство, рече, како што е на пример Медиумска писменост. Министерката рече дека преодот од шесто во седмо нема да предизвика „дупки во знаењето“ и пропуштени резултати во учењето и на состаноци со БРО ја утврдиле целта: „да не направиме штета на децата односно да овозможиме континуитет во учењето“.

– Со БРО утврдивме дека нема значителни разлики во наставната програма по која ќе учат. Оваа година ќе ја поминеме така, следната година БРО почнува со нова наставна програма која се базира на забелешки на наставниците и родителите, за што на сајтот на МОН е отворена јавна расправа за тоа што не им се допаѓа или сметаат дека предизвикува тешкотии, за од септември да можеме да правиме програма што ќе дава резултати – рече Јаневска.

Континуирано ќе има, рече, и програма за осмо одделение со јавна расправа, а потоа и за деветто одделение. -И тоа да го оставиме десет години за да ги видиме резултатите од тоа што се имплементира, додаде Јаневска. Притоа соопшти дека на денот на преземање на функцијата ниту еден учебник за седмо одделение по новата концепција не бил даден на печатење иако МОН соопштувало дека сите учебници ќе стигнат на 1 септември.

За дигитализацијата на учебниците рече ќе продолжи „но тоа ќе биде добро испланирано“. За дигитални учебници од прво до трето одделение ќе се консултираат стручни лица зашто се работи за мали деца на кои, рече таа, треба да им се развива моториката, нивната концентрација да пишуваат и читаат, а за горните одделенија ќе зависи од буџетските можности.

Во однос на планот за оптимизација на училиштата рече дека се предвидува затворање на подрачни училишта во кои има по неколку ученици и тие да се префрлат во централни училишта.

– Има училишта само за седум или 15 деца. Тие деца се изолирани, живеат во своето село. Немаат контакт со другарчињата во градот и за да се социјализираат и имаат компетитивна средина треба да се префрлат во централни училишта каде наставата ќе биде поорганизирана, со подобра опрема и услови… Имаме училишта кои се на два до пет километри до овие училишта, а имаат паралелки со по две деца, во прво, во второ одделение, или мешани паралелки со деца од различни одделенија што не треба да постои и не е во ред ако сакаме подобар квалитет на образование – рече Јаневска.

Анализа на МОН ќе покаже и во кои училишта може да се спроведе планот за работа во една смена. Како што рече, некои имаат услови за едносменска настава, а работат во две смени. Од анализата ќе се знае дали и каде треба да се доградат простории, притоа посочувајќи дека во општина Аеродром има училиште што работи во три смени што, рече, е недозволиво.

Се работи и на нова формула за распределба на средства и соодветно решение на финансирање на општините во образованието коишто блок-дотациите од МОН сега ги користат само за плати.

Јаневска посочи дека „премиерот најави поголема сума за развој на општините“, но и ги пофали директорите на училиштата кои сами се залагаат за подобри услови во училиштата, а „не чекаат се од државата“.

Се осврна и на идејата за документ – стратегија или декларација која ќе ја одреди насоката на образовниот систем и нема да зависи од секој следен министер и за која ќе има консензус од сите политички субјекти.

The post НЕМА СПОЕНИ ПРЕДМЕТИ ОД СЕПТЕМВРИ Догодина ќе се сменат и наставните програми според забелешките, најави Јаневска appeared first on plusinfo.mk.

Како што изјави по средбата, многу скоро ќе започне процесот на темелна обнова на сите степени на формалното образование, но и на неформалното, а образовниот систем ќе биде синхронизиран со потребите на пазарот на трудот, за да не мора младите да бараат работен ангажман надвор од границите на татковината.

– Немаме намера да импровизираме во образованието. Имаме првичен и добар план за промени кои се креирани врз база на темелна анализа на моменталните состојби, во консултации со стручни лица и пошироката популација. Така што, од сите чинители на воспитно – образовниот систем очекувам поддршка за процесите кои предвидуваат крупни промени. Секако, во меѓувреме секоја сугестија ќе биде добредојдена – рече Јаневска.

Таа се заблагодари на довербата дадена од мандатарот на Владата да раководи со ресорот, од кој како што рече, најмногу зависи иднината на државата и нагласи дека секоја конструктивна идеја додека е таа министерка, ќе се разгледа со должно внимание, независно од каде истата доаѓа.

– Сите сме согласни дека промените се неопходни и важно е единството и енергијата да ги одржиме на високо ниво во периодот што следи, затоа што нè чека многу работа. Младите мора да ги задржиме тука, каде што и припаѓаат, а квалитетното образование и можностите за искористување на личниот потенцијал во својата земја, се најголем мотив за тоа. Во никој случај нема да бидат заборавени ниту научните работници, затоа што, науката како што доликува, мора да биде клучен столб на кој ќе се потпира нашиот национален просперитет – додаде таа.

Јаневска рече дека особено внимание ќе се посвети на инклузивното образование, со цел, како што рече, да го развиеме и унапредиме во најдобар интерес на учениците со попреченост, во соработка со нив и нивните родители.

Весна Јаневска е родена на 27.6.1958 година во Скопје. Таа е доктор на медицина, специјалист по патологија и доктор на науки. Од 2011 година е редовен професор на Иститутот за патологија при Медицинскиот факултет во Скопје, каде и го стекнува своето академско образование.

The post НЕМА ДА СЕ ИМПРОВИЗИРА ВО ОБРАЗОВАНИЕТО Јаневска најавува крупни промени во воспитно-образовниот систем appeared first on plusinfo.mk.

Царовска го повтори она што го кажува речиси на секој јавен настан изминатиот период а тоа дека државната матура е обврска за сите оние коишто сакаат да го продолжат своето образование кон високо во државата или надвор од неа.

– Учениците имаат право, а ние имаме обврска да им го оствариме тоа право на полагање на државна матура. Сите ученици коишто сакаат да полагаат државна матура до крајниот рок, крајот на декември, ги пријавија и предметите и проектната задача. Голем дел од нив и се спремаат и сметам дека ние навистина немаме право да им го ускратиме правото на полагање матура заради тоа што ако министерот покаже дека не го почитува Законот што останува за останатите. Ние треба да бидеме пример и затоа согласно Законот јас немам друга опција освен да ја спроведам државната матура – нагласи министерката за образование и наука.

Во врска со евентуалната можност за измени на Законот, откако матурантите добија поддршка и од некои политички партии, Царовска потенцира дека тоа ќе биде можност за следната матура.

– Можеби во наредниот период за идната матура заради тоа што имаме направено работна група заедно со средношколците, со Државниот испитен центар која што се однесува на нов концепт за полагање матура, треба да се осовременува. Ние и оваа година направивме на почетокот мали прилагодувања, воведовме информатика, географија за што беа известени сите средношколци, беа известени Унија на средношколци, проектната задача ја променивме – тие сето тоа го поздравија. И сега, и со нив се видовме и пред еден месец и утврдивме дека за наредна година тие ќе учествуваат во новиот концепт за матура, ќе го правиме заедно, но за оваа сите рокови се одминати и ние имаме обврска кон учениците коишто пријавиле матура – вели министерката.

За тоа дали има сознанија како би изгледала матурата од следната година и дали новото решение се приближува на сегашните барања на матурантите, Царовска истакна дека има воспоставено работна група, но не би сакала да говори предвреме.

-Тие се експерти од Државниот испитен центар, ќе има средношколци и наставници коишто заеднички ќе треба да утврдат нов модел на полагање матура и секако дека ќе има јавна дискусија за тоа прашање, ќе биде објавена, може некој ќе даде коментар, па дури после тоа ќе можеме да ја усвоиме како таква – додаде Царовска.

Како лажна вести ги окарактеризира тврдењата на опозициската ВМРО-ДПМНЕ дека таа преку директорите на училиштата врши притисок врз матурантите и професорите.

За реформи во средното образование, нагласува дека најпрво да почне имплементацијата на реформите во основното, а потоа ќе се оди на следното ниво.

-Да го завршиме основното, да започнеме имплементација. Има група која што работи на средното гимназиско, но нема тоа да се воведува оваа година, наредната учебна 2021/2022 можеби за таа по неа таман да го фати чекорот и со она кое што ќе се јавува како концепциска промена во основно и да продолжи во средното гимназиско. Секако дека треба и во уметничкото, средното стручно веќе е во тек, министерот Арбер интензивно работеше и министерката Рената на тоа, сега веќе одиме на локален социјален дијалог за усогласување на потребните профили коишто треба да се едуцираат во средните стручни согласно потребите на реалниот сектор – додаде Царовска во интервју за МИА.

The post Царовска: Немам друга опција освен да ја спроведам матурата appeared first on plusinfo.mk.