Се покренува постапка пред надлежните органи од страна на Државната комисија за спречување на корупција против поранешната министерката Бисера Костадиновска Стојчевска откако е потврдено дека трошела буџетски средства за приватни цели.

На денешната седница од Комисијата информираа дека ги потврдуваат наводите за употреба на буџетски средства за приватни цели при службеното патување на поранешната министерка во Велика Британија и Ирска по повод 30 години дипломатски односи.

– Наводите за употреба на буџетски средства за приватни цели се потврдуваат, со што се констатира дека биле потрошени средства за приватни цели. ДКСК ќе постапи во рамки на своите надлежности и ќе иницира постапка до надлежните органи – рече членот Зоран Богоевски.

Според извршениот увид во документацијата, од ДКСК велат дека министерката за култура во 2023 година остварила билатерална посета со трошоци од 1.300 британски фунти аванс, од кои 229 фунти се признаени како трошоци за репрезентација, а 600 фунти за сместување.

Од 292 фунти, 280 се трошоци кои ДКСК смета дека не може да се квалификуваат како трошоци за репрезентација. Дополнително, 528 фунти биле подмирени со службена картичка на Министерството за култура, од кои 485 фунти се трошоци кои, како што дополнуваат од ДКСК, не може да се квалификуваат како направени за службени цели.

The post ДАЛИ ТРОШЕЛА БУЏЕТСКИ ПАРИ ЗА ПРИВАТНИ ЦЕЛИ? Антикорупциска отвори постапка против поранешната министерка за култура appeared first on plusinfo.mk.

„Министерката изјавува дека осознала за пожарот пред 9 часот и дека објектот е осигуран. Противпожарната бригада на Град Скопје информира дека пожарот е пријавен од случаен минувач во 9: 50 часот, а бригадата за пет минути, односно во 9:55 часот пристигнала на местото и пристапила кон гаснење на пожарот со девет возила и 24 пожарникари. Зошто ако министерката осознала за пожарот пред 9 часот, истото не го пријавила?“.

Вака праша градоначалничката на Скопје Данела Арсовска на денешната прес-конференција посветена на пожарот кој минатата недела ја зафати металната конструкција на Универзалната сала која се реконструира.

Скопската градоначалничка постави дилема и околу изјавата која по опожарувањето на Универзалната сала ја даде Лазар Арсовски, сопственик на фирмата „Универзал Балкан“, која работи на реконструкцијата на салата. Тој тогаш изјави дека двајца работници и инженер кои во моментот на избивање на пожарот биле во Универзалната сала, пробале да го изгасат огнот со противпожарен апарат, но дека не успеале.

– Зошто ако работниците и инженерката на фирмата ‘Универзал Балкан’ се обидувале да го гасат пожарот, и откако не го локализирале и дозволиле истиот да се прошири, не пријавиле и не побарале помош од противпожарната бригада Скопје, каде многу подоцна во 9:50 е пријавено од страна на случаен минувач? – праша скопската градоначалничка.

Арсовска побара одговор и на прашањето, на што сопственикот на фирмата која ја реконструира Универзалната сала ја темели констатацијата дека пожарот најверојатно настанал од стар кабел или стара инсталација, како и на која локација во објектот започнал пожарот односно каде работниците почнале да интервенираат.

Според Арсовска, Град Скопје како сопственик на Универзалната сала, не добил никакво известување ниту информација за отпочнување на градежните активности во објектот за кои, како што рече, се дознава од изјавите на министерката за култура.

The post АКО МИНИСТЕРКАТА ЗНАЕЛА ЗА ПОЖАРОТ ПРЕД 9 ЧАСОТ, ЗОШТО НЕ ПРИЈАВИЛА? Данела се огласи во врска со пожарот во Универзална сала appeared first on plusinfo.mk.

Таа открива дека разговарала со инвеститорот кој е ангажиран за реновирање на објектот и дека според неговите информации металната конструкција не е премногу оштетена и дека може да се спасат одредени делови.

– Чекаме да заврши гаснењето на пожарот и потоа да разговараме со командирот на противпожарната бригада Звонко Томески и ќе се види причината за избувнување на пожарот – вели Костадиновска-Стојчевска.

Пред салата е присутен и градоначалникот на Општина Центар Горан Герасимовски кој заедно со вработени во општината им дели вода и благо на пожарникарите.

Тој за Плусинфо изјави дека Општина Центар испратила две цистерни со вода, како и пајак-служба која ги отстранува возилата кои се паркирани близу Универзалната сала.

– Не постои опасност по другите објекти во близината. Според првичните информации немало никој во зградата. Апелирам граѓаните да го избегнуваат овој дел од градот додека трае интервенцијата. Исто така апелирам да не се шират шпекулации додека да се добијат официјални информации што е причината за пожарот – додаде Герасимовски.

Пожарот веќе е ставен под контрола. Во Универзална сала во тек беа работи за нејзино реновирање.

Министерството за култура соопшти дека се одложува настанот на ресорната министерка Бисера Костадиновска –  Стојчевска која требаше денеска да направи увид во градежните работи на објектот на Турскиот театар во Скопје поради избувнувањето пожар во Универзалната сала.

The post 📷 НЕ Е СÈ ИЗГОРЕНО, МОЖЕ ДА СЕ СПАСИ ДЕЛ ОД МЕТАЛНАТА КОНСТРУКЦИЈА Сета среќа што нема повредени, вели министерката за култура appeared first on plusinfo.mk.

Одговарајќи на новинарско прашање Костадиновска Стојчевска рече дека одредени проекти се во опасност затоа што треба да се реализираат во овој период, истакнувајќи дека за статусот на хонорарните соработници треба да одговори Државната комисија за спречување на корупцијата (ДКСК).

– Бев исконтактирана од неколку корисници на проекти од МКЦ кои користат средства преку Министерство за култура преку нивната програма и од нив ми беше кажано дека ќе се обратат до Министерството за култура. Меѓутоа, се уште немаме конкретен одговор, затоа што тоа не е нешто што треба да го одговори Министерството за култура, туку Државната комисија за спречување на корупцијата. Од она што јас го имам како информација е дека тие се хонорарци кои се ангажираат месец за месец и токму тука настанал проблемот иако на нив како што слушнав од медиумите директорот им ветил дека по изборите ќе им ги продолжи договорите – рече Костадиновска Стојчевска.

Таа дополни дека има одредени проекти кои се во опасност затоа што треба да се реализираат во овој период.

– Ги советувавме корисниците дека е најдобро да го одложат одржувањето на проектите за после изборите, доколку е можно, за да може овие договорци – долгогодишни соработници на МКЦ, да се вратат назад на работа и да ги реализираат проектите. Тоа може да советуваме од Министерство за култура, сепак за нивниот статус ќе мора да одговори ДКСК – изјави Костадиновска Стојчевска, која беше на увид во почетокот на реновирањето на просторот доделен на НУ Национален џез оркестар.

Раководството на МКЦ Скопје, според објавите во медиумите, не ги продолжило договорите на хонораците по известување од ДКСК дека согласно со членот 8 -а од Изборниот законик, во изборен процес е противзаконски да се злоупотребува буџетот на установата.

The post ХОНОРАРЦИТЕ ВО МКЦ ДА ПОЧЕКААТ ИЗБОРИТЕ ДА ЗАВРШАТ Министерката за култура гледа начин тие да останат на работа appeared first on plusinfo.mk.

„Упатувам јавен апел до претседателот на Комисијата за култура во македонското Собрание, Кастриот Реџепи да ја активира работата на Комисијата и да обезбеди амандманска расправа за Предлог-законот за употреба на македонскиот јазик. Секое одложување на овој процес е во директна спротивност со меѓусебното и меѓукултурно почитување на различните заедници во нашето општество. Јазиците се средство за комуникација, но и културно наследство и идентитетско обележје, а македонскиот јазик е прв официјален јазик на нашата држава. Неговата заштита, промоција и употреба е приоритет кој мора да биде обезбеден и испочитуван”, напиша на својата Фејсбук страница министерката за култура Костадиновска-Стојчевска.

Предлог-законот за употреба на македонскиот јазик е изготвен и усогласен со Советот за македонски јазик, а во негова изработка учествуваше и пошироката стручна јавност. Носењето на новиот закон е поддржано од сите пратенички групи кои изразија подготвеност амандмански да учествуваат во неговата финализиција.

Министерката Костадиновска-Стојчевска на крај пишува:

„Уште еднаш апелирам до претседателот на собраниската Комисија за култура, Кастриот Реџепи да покаже политичка одговорност кон македонските граѓани за важноста од донесувањето на овој закон”.

The post МАКЕДОНСКИОТ ЈАЗИК НЕМА ДА БИДЕ ПРАШАЊЕ НА КОМПРОМИС Министерката за култура го повика Кастриот Реџепи веднаш да ја свика Комисијата за предлог-законот за употреба на македонскиот јазик appeared first on plusinfo.mk.

Институтот за земјотресно инженерство ИЗИС смета дека Универзалната сала во Скопје е во опасност да се урне, поради тоа што подолго време е оставена отворена и не се реконструира, информира министерката за култура Бисера Костадиновска Стојчевска на денешниот брифинг со новинарите.

– Во јуни годинава добив две известувања од ИЗИС дека Универзална сала веќе е во опасност и дека може да падне. Многу долго е отворена, а следува време на зима, на дождови, на ветрови и на снегови и мора да се затвори. Затоа, јас неколку пати се јавував, апелирав и на последната прес-конференција, а градоначалничката (Данела) Арсовска рече дека службите го подготвуваат процесот. Но, Универзална сала уште е на Град Скопје. Тоа е децентрализирана установа на Градот – рече Костадиновска Стојчевска.

Таа информираше дека Градот и Министерството за култура сè уште немаат потпишано договор за примопредавање ниту на ингеренциите за реконструкција, ниту на проектната документација.

– Постои само една одлука на Совет која што ја изгласаа советниците и толку. Отогаш, со службите во Град Скопје се обидувавме да комуницираме, но немавме никаков одговор. Пред два дена правниот сектор во Министерството за култура направи договор за примопредавање на ингеренциите за реконструкција на Универзална сала и го прати до Градот. И денеска добивме одговор дека утре ќе имаме состанок со нивниот сектор и се надевам дека ќе има некое поместување – рече Костадиновска Стојчевска.

The post ИЗИС ПРЕДУПРЕДИЛ ДЕКА УНИВЕРЗАЛНА САЛА МОЖЕ ДА СЕ УРНЕ! Обновата не може да почне зашто Градот не предал никаква документација appeared first on plusinfo.mk.

– Го повикав директорот на СВП, Тодорче Тасевски, како прв човек на оваа престижна поетска манифестација од светски ранг, да понесе целосна одговорност за овој занемарен факт. Од одговорните за веб-страницата на Фестивалот побарав да се изврши итна корекција на внесените податоци со достојна почит кон великаните на македонската култура – вели Костадиновска-Стојчевска.

Таа додава дека променетиот назив на државата под имињата на македонските лауреати е пропуст кој предизвика оправдани реакции.

– Венценосците Блаже Конески и Матеја Матевски, како и бројни поети, добитници на наградата „Браќа Миладиновци“, станаа носители на овие врвни признанија во периодот пред 2019 година. Организаторот морал да го има предвид овој факт – вели Костадиновска-Стојчевска.

Корекцијата на интернет-страницата на СВП е веќе направена.

The post ПОВИКАВ TOA ВЕДНАШ ДА СЕ КОРИГИРА Министерката за култура реагираше за натписот „С. Македонија“ покрај името на Конески appeared first on plusinfo.mk.

– Поради Охридско лето и годинава на гости ќе ни дојдат многубројни уметници од целиот свет. Ги замолувам угостителите да не им наплатуваат како да треба да платат воена оштета или некои други ненамерни долгови од векови наназад – рече министерката за култура Костадиновска Стојчевска.

Ваквата изјава предизвика револт кај угостителите. Според нив „Охридско лето“ не е место за испраќање вакви пораки. Тие го оценуваат настапот на министерката за култура како политички. Тие додават дека цените на угостителските услуги во Охрид се пазарно формирани и не се разликуваат од сличните во развиени дестинации во регионот.

На изјавите на министерката реагираше и партијата ВМРО ДПМНЕ, која ја има локалната власт во Охрид.

Партијата побара извинување од министерката за култура за, како што вели, искажаните навреди не само кон угостителите, туку и кон сите охриѓани.

„Како можете да ги потценувате угостителите и нивните угостителски капацитети и услуги кон туристите? Со што им помогнавте како влада и Министерство, па сега уште и да ги навредувате за цените кои се формираат врз основа на многу фактори? Не министерке, ако имавте малку чест тогаш овие зборови ќе допреа до Вашата совест и никогаш немаше да ги изговорите. Како се грижите за културата кога годинава за „Охридско лето“, одобривте 2.000.000 денари помалку од минатата година за реализација на програмата? Што направивте како Министерка за култура за летната сезона да трае подолго време“ – се вели во соопштението на охридскиот комитет на ВМРО ДПМНЕ, во кое се бара министерката Костадиновска Стојчевска веднаш да си поднесе оставка.

The post „НЕ ИМ НАПЛАЌАЈТЕ НА СТРАНСКИТЕ УМЕТНИЦИ КАКО ДА ВИ ДОЛЖАТ ВОЕНИ РЕПАРАЦИИ“ Говорот на министерката за култура на „Охридско лето“ ги налути охридските угостители appeared first on plusinfo.mk.

„Македонската култура и уметност – богатство кое вреди да се погледне, почувствува и чува.

По повод Светскиот ден на културното наследство БЕСПЛАТЕН ВЛЕЗ во сите музеи и локалитети низ државата. Дојдете, посетете и истражете на 18. април.” – напиша Костадиновска – Стојчевска.

The post ВО ВТОРНИК ВО СИТЕ МУЗЕИ БЕСПЛАТЕН ВЛЕЗ Ден на светското културно наследство appeared first on plusinfo.mk.

Премиерот посочи дека го цени трудот на секој уметник, но одговорот е кај Комисијата која го носи одлуките.

– Знам дека секој ументик го цени својот труд. И јас го ценам трудот на сите уметници, но сепак одговорот е кај Комисијата која одлучува и кај второстепената Комисија која одлучува по жалбите и се надевам дека на крајот сите ќе бидат уверени во одлуките кои ги носела Комисијата за доделување на средствата за поддршка на културните настани и проекти за оваа година – рече Ковачевски на прес-конференција за време на отворањето на детската градинка „Сонце“ во Волково, во одговор на новинарско прашање.

The post ГО ЦЕНАМ ТРУДОТ НА УМЕТНИЦИТЕ, АМА КОМИСИЈАТА ГО ИМА ПОСЛЕДНИОТ ЗБОР Ковачевски застана во одбрана на министерката за култура appeared first on plusinfo.mk.