Министерот за земјоделство, шумарство и водостопанство, Цветан Трипуновски денеска во Прилеп ќе одржи работен состанок со Сојузот на одгледувачи на овци и со претставници на здруженијата, на кој ќе разговараат за актуелните состојби во делот на овчарството и откупот на јагнето.

– Досега се откупени и заклани некаде околу 100.000 јагниња. Цената по која што моментално се откупува јагнето е околу 280 денари, која што е многу повисока од минатата година. Во наредниот период ќе продолжи откупот на јагнето – рече министерот.

Тој посочи дека денеска со здруженијата ќе разговара за идните активности на оваа сточарска гранка.

– Согласно ветувањата дадени пред одгледувачите на овци, ги исплативме субвенциите за грло овца кои што се за 2025 година, речиси над милијарда денари. Со ова практично ја затвораме исплатата кон оваа сточарска гранка – истакна тој.

Министерот Трипуновски нагласи дека се посветува сериозно внимание за да се раздвижи сточарството во земјата.

The post ОТКУПЕНИ 100.000 ЈАГНИЊА Исплатени над милијарда денари субвенции за грло овца за 2025 година appeared first on plusinfo.mk.

Треба да има одговорност за сите злоупотреби со земјоделското земјиште што се случиле во минатото – истакна министерот за земјоделство, шумарство и водостопанство, Цветан Трипуновски во своето гостување во емисијата „Клик плус” на ТВ21.

– Изминатава година и половина, покрај враќањето во нормала на македонското земјоделство, работиме и на откривање на евентуални злоупотреби што се случувале, затоа што ветувањето пред граѓаните беше дека ќе провериме како секој работел во минатото. За мојот ресор можам да кажам и да потсетам дека изминативе месеци имам поднесено повеќе од шест кривични пријави против поранешни функционери во Министерството – посочи министерот Трипуновски.

Тој додаде дека при секоја прилика апелира да се постапи по овие случаи, бидејќи станува збор за народни пари.

– Една од првите пријави што ја поведов како министер беше за една фирма од Струмица, која има склучено над 19 договори со Министерството. Управителот на таа фирма бил помлад од 40 години и затоа бил ослободен од плаќање на закуп кон државата. Понудената закупнина, претпоставувам намерно, била повисока за да биде избран како најповолен понудувач и да се елиминира конкуренцијата – појасни министерот.

Министерот Трипуновски додаде дека при првичните контроли на терен утврдиле дека во најголем дел земјиштето не било обработувано, а имало и случаи каде концесионерот го давал земјиштето под закуп на трети лица, што е спротивно на Законот.

– Истата компанија се обврзала да реализира инвестиција од над два и пол милиони евра. Во контролата утврдивме дека речиси никаква инвестиција немаше на предметното земјиште. Дополнително, во овој период биле искористени средства по основ на субвенции, кои Платежната агенција ги исплатила кон овој правен субјект – рече министерот.

Тој појасни дека фирмата земала земјоделско земјиште, не го обработувала, дел од него го давала на трети лица, а притоа земала субвенции во износ од над 20 милиони денари.

– Втор пример за злоупотреба на земјоделско земјиште е субјект кој имал раскинат договор со Министерството, но не му било одземено владението. За тоа требало да биде известена Агенцијата за катастар на недвижности, за да се избрише корисничкото право, а не било. Не била известена ниту Платежната агенција дека имаме раскинат договор, па фирмата продолжила да користи субвенции на кои не смеела да има право – истакна министерот Трипуновски.

Министерот додаде дека секоја злоупотреба мора да биде санкционирана и очекува надлежните органи да реагираат.

– Во време на опозиција алармиравме по добиени информации од свиркачи дека се злоупотребуваат државните резерви. Сега слушаме дека биле отпишани над 1.500 тони пченица и 500 тони јачмен од стоковите резерви. Начинот на кој тоа е направено, дали е направено и како е изведена целата операција, на тоа треба да одговорат токму тие за кои сега читаме дека се обвинети – истакна министерот за земјоделство Tрипуновски.

Тој нагласи дека никој не смее да се поставува над Законот и да презема дејствија што се на штета на државата и на буџетот.

– Ќе почекаме да заврши истрагата и го охрабрувам Јавното обвинителство и за овој случај, и за сите претходни што јас ги имам поднесено, да отвори постапки и да утврди евентуална одговорност и оштета на државниот буџет”, посочи министерот Трипуновски.

Министерот Трипуновски додаде дека стоковите резреви се нешто што треба да биде заштитетно како државен интерес.

– Во минатото стоковите резерви со пченица се полнеа преку посебни набавки, во кои во најголем дел учествуваа компании од Македонија што увезуваа пченица од странство. Една од првите активности што ги презеде Министерството заедно со Владата беше стоковите резерви да се полнат од сопствено производство – додаде министерот.

The post ЗЕМАЛЕ ЗЕМЈА ПОД КОНЦЕСИЈА, НЕ ЈА ОБРАБОТУВАЛЕ, ЈА ИЗНАЈМУВАЛЕ НА ДРУГИ И ПАК ДОБИВАЛЕ СУБВЕНЦИИ!? Министерот Трипуновски открива тешки злоупотреби во неговиот ресор и бара одговорност appeared first on plusinfo.mk.

– Откако сум министер со помош на Владата се поведе една сериозна акција во делот на злоупотребата на земјоделското земјиште. Се раскинаа и неколку договори, се ослободија над 2.000 хектари земјоделско земјиште кое што беше злоупотребувано од претходната власт – појасни министерот.

Во првите месеци од мојот мандат, додаде тој, се поделени 967 договори за распределба на земјоделско земјиште.

– Во моментов тече Јавен повик којшто се работи, во кое ќе биде ставено сето преостанато земјоделско земјиште коешто се наоѓа ширум Република Македонија. И сето тоа се работи само во интерес на сите оние земјоделци кои што сакаат да обработуваат земјоделско земјиште – истакна тој.

Тој додаде дека тренд на правична распределба на земјоделско земјиште додека е тој министер ќе продолжи.

– Државното земјиште треба да биде ставено во функција кај вистинските земјоделци – посочи министерот Трипуновски.

Во делот на сточарското производство, посочи министерот, во наредните месеци ќе има наменски огласи за сточарите каде што ќе имаат предност при добивање на земјоделско земјиште.

– На сточарите им е потребно земјиште за производство на храна, за да ги намалат загубите во делот на производство на храна, но и да имаат сигурен прилив на храна кој што им потребен – истакна тој.

Министерот Трипуновски најави дека утре ќе го посети Пелагонискиот регион за да оствари средби со земјоделците.

– ЗК Пелагонија е во фаза на склучување на Анекс на договор каде што се ослободуваат околу 1.600 хектари државно земјоделско земјиште и ќе се стави на располагање на сточарите од Пелагонија – нагласи министерот.

The post САМО ВИСТИНСКИ ЗЕМЈОДЕЛЕЦ МОЖЕ ДА ДОБИЕ ДРЖАВНО ОБРАБОТЛИВО ЗЕМЈИШТЕ Трипуновски им става крај на злоупотребите appeared first on plusinfo.mk.

Новоизбраниот претседател на САД, Доналд Трамп, ја номинираше Брук Ролинс за министер за земјоделство. Таа е основач и претседател на „Америка фрст полиси инститјут“ (America First Policy Institute) – аналитички центар кој тесно соработуваше со предизборната кампања на Трамп и во текот на изминатите четири години помогна во обликувањето на политиките на неговата идна администрација.

За време на првиот претседателски мандат на Трамп, Ролинс беше на чело на Советот за внатрешна политика.

– Како нов министер за земјоделство, Брук ќе ги насочи своите напори кон заштита на американските фармери, кои се вистинската база на нашата земја. Брук е целосно посветена на тоа да го поддржи американското земјоделство, да ја заштити прехранбената независност на Америка и да ги обнови малите градови кои зависат од земјоделството – изјави Трамп.

Ако нејзината номинација биде одобрена од Сенатот, Ролинс ќе раководи со институција со околу 100.000 вработени и со канцеларии во секој округ на земјата. Нејзините одговорности вклучуваат програми за развој на фармерството, исхраната и на шумарството; кредитирање на домаќинствата и на фармите; подобрување на безбедноста на храната; развој на руралните подрачја; земјоделски истражувања; трговија и многу други области.

Буџетот на Министерството за земјоделство во 2024 година изнесуваше 437,2 милијарди долари. Како министер, Ролинс исто така ќе ја советува администрацијата за прашања кои се поврзани со воведување даночни поволности за биогорива.

• ДАЛИ ДОКТОР ОЗ ЌЕ ГО ОДНЕСЕ АМЕРИКАНСКОТО ЗДРАВСТВО ВО ПРОПАСТ? Изборот на Трамп има контроверзно минато

The post АМЕРИКАНСКИТЕ ФАРМЕРИ Ѝ СЕ НА ПРВО МЕСТО Трамп ја номинираше Брук Ролинс за министер за земјоделство appeared first on plusinfo.mk.

Шаќири досега беше на чело на Министерството за информатичко општество и администрација. Според договорот меѓу премиерот Зоран Заев и лидерот на Алтернативата, Африм Гаши, Алтернатива го презема МИОА.

Ресорот земјоделство, на чие чело беше Аријанит Хоџа од Беса, ѝ припадна на ДУИ.

The post РОКАДИ ВО ВЛАДИНИТЕ РЕСОРИ Јетон Шаќири нов министер за земјоделство appeared first on plusinfo.mk.