„Време е Европската Унија да нè сретне на половина пат и да ја врати вербата на граѓаните во евроинтеграциите“.

Ова го истакна министерот за европски прашања, Орхан Муртезани, на „Балканскиот интегративен форум 2024“ (BIF2024), кој се одржува од денеска во Подгорица, Црна Гора.

– Додека еднаш имаше ентузијазам за европските интеграции, сега има незадоволство за европскиот сон. За Македонија и за Западен Балкан, Европската Унија не смее да биде илузорна цел. Стратешки интерес на ЕУ е Западиот Балкан да не го изгуби интересот – порача Муртезани.

Тој истакна дека евроинтеграциите се морален императив, посветеност на мир, демократија и иднината на граѓаните.

– Овој процес претставува егзистенцијален избор кој го преобликува општеството. Верувам дека интеграцискиот процес е можна алатка за трансформација – дополни министерот за европски прашања, Орхан Муртезани.

The post „ПОРАНО ИМАВМЕ ЕНТУЗИЈАЗАМ ЗА ЕВРОПСКИТЕ ИНТЕГРАЦИИ, НО СЕГА…“ Стратешки интерес на ЕУ е Балканот да не го изгуби интересот, порача Муртезани appeared first on plusinfo.mk.

Разговорите, како што соопшти Министерството за европски прашања, беа фокусирани на тековниот евроинтегративен процес и на чекорите што претстојат за понатамошен напредок.

Министерот Муртезани ја нагласи цврстата посветеност на Северна Македонија кон процесот на пристапување кон ЕУ, како и подготвеноста на земјата да се усогласи со стандардите на Унијата.

Комесарот Вархеји го поздрави придонесот на Владата во контекст на интензивните подготовки за Планот за раст на ЕУ за земјите од Западен Балкан, истовремено потенцирајќи ја потребата од брзо преминување на следната фаза – исполнување на одредниците (бенчмарк) за отворање на Првиот Кластер. Тој нагласи дека ЕУ останува посветена на поддршката на Северна Македонија во надминување на преостанатите предизвици на нејзиниот европски пат, особено преку техничка и финансиска помош за продлабочување на институционалните реформи.

Беа разменети мислења и информации и за Планот за раст на ЕУ за ЗБ , кој претставува клучен механизам за зголемување на инвестициите и зајакнување на економската отпорност на земјите од регионот. Вархеји ја поздрави активната улога на Северна Македонија во регионалните иницијативи и нејзиното усогласување со стратешката агенда на ЕУ за 2024-2029, нагласувајќи ја континуираната европска поддршка, особено во области кои се клучни за трансформацијата на Северна Македонија: владеење на правото, реформи во јавната администрација и борба против корупцијата. Муртезани истакна дека е важно овие реформи не само да се имплементираат, туку и да бидат длабоко вкоренети во општествените секојдневни текови.

Во однос на добрососедските односи, Муртезани повторно ја нагласи посветеноста на Северна Македонија кон нивно зајакнување и продлабочување, истакнувајќи дека овие односи се фундаментални за регионалната стабилност, економскиот просперитет, но и за кредибилитетот на Унијата.

Министерот Муртезани ја реафирмираше  подготвеноста за решително дејствување во контекст на следните чекори поврзани со европското досие на земјата, суштински работејќи на реформите како би се обезбедил стабилен напредок во исполнувањето на стратешката цел на Владата – членство во Европската Унија, стои во соопштението од Министерството за европски прашања.

The post СПРЕМНИ СМЕ ЗА ДИЈАЛОГ СО БУГАРИЈА Потребна е соодветна политичка клима, му рече министерот Муртезани на Вархеји appeared first on plusinfo.mk.