Вредноста на синдикалната минимална кошница за месец октомври 2025 година изнесува 65.544 денари и е зголемена за 467 денари во однос на минатиот месец кога изнесуваше 65.077. Со изнајмен стан од 60 квадрати изнесува 80.919 денари.

Според податоците на ССМ најголем дел од парите четиричлено семејство без автомобил  во октомври  потрошило за храната и пијалаци, 23.772 денари, што е повеќе за 378 денари во однос на потрошеното во септември (23 394 денари).

Тие што се под кирија имаат дополнителен трошок за станарина, вода, електрична енергија и греење, кој според пресметката на синдикатот изнесува  21.505 денари.

Структура на новата СMK за месец октомври 2025 година

The post МИНИМАЛНАТА КОШНИЧКА ВО ОКТОМВРИ ИЗНЕСУВА 65.544 ДЕНАРИ Половина од износот се троши за храна appeared first on plusinfo.mk.

Министерката за финансии Гордана Димитриеска Кочоска со свој статус на Фејсбук реагира на ставовите изнесени на денешната прес-конференција на лидерот на СДСМ Венко Филипче кој обвини дека економската политика на Владата на ВМРО-ДПМНЕ е најлошата во историјата и дека граѓаните тонат во сиромаштија.

Кочоска вели дека по подолго време во Македонија закрепнува економијата со забележлив раст од 3% во првиот квартал оваа година, кој е еден од највисоките во Европа притоа споредувајќи ги податоците за работата на владата со економијата од времето на претходната влада.

„Наместо да се манипулира со јавно објавени и достапни податоци и показатели за економската состојба, во продолжение неколку факти за ‘успешните економски’ политики на претходната Влада (на СДСМ) за која што говореше лидерот на опозицијата:

Просечниот раст на БДП во периодот 2017-2023 во Македонија изнесуваше 1,8% што е едно од наjниските во Европа и за жал најмало споредено со земјите од регионот (БиХ 2,9%, Словенија 3,2%, Хрватска 3,5%, Албанија и Црна Гора 3,5%, Србија 3,6% и Косово 3,8%).

Како Владата се справи со кризата и пандемијата говори и фактот што и тука податоците покажуваат дека повторно земјата имаше најнизок просечен раст од 1,2% споредено со земјите од регионот, што говори за успешноста и ефективноста на мерките.

Оттаму, посочените „2 милијарди евра“ за поддршка на граѓаните и фирмите резултираа во зголемување на државниот долг во однос на БДП за повеќе од 10 процентни поени во 2020 година споредено со 2019 година, што повторно е најголемо зголемување споредно со земјите од непосредното опкружување, а резултатите од тоа задолжување е најнизок раст.

Дополнително за тоа како се потрошени парите за мерките и активностите за поддршка за вработувањето погодени од здравствената криза предизвикана од Ковид-19 говори и извештајот на Државниот завод за ревизија.

Постојаната манипулација и извртување на тезите (спинување) не можат да го оспорат фактот дека по подолг период економијата закрепнува три последователни квартали, при што во првиот квартал растот од 3% е еден од највисоките во Европа и регионот односно 6 ти највисок по објавувањето на податоците за сите земји, податок објавен на Евростат.

Во периодот од јули 2024 година до јуни 2025 година, просечниот раст на нето платата во Македонија изнесува 10,1%. За споредба, во текот на целото седумгодишно владеење на СДСМ, просечната плата се зголемуваше во просек за 8,2%.

Поразително е што и ваквиот раст е во најголема мера резултат на драматичниот пораст на цените, којшто беше меѓу највисоките во регионот и Европа. Доколку се исклучи ефектот на растот на цените, просечниот раст на реалната нето плата изнесуваше само 3,5%, и покрај потрошените милијарди евра за справување со кризите и наводно зачувување на животниот стандард.

За споредба, во периодот од јули 2024 година до јуни 2025 година, реалниот раст на платите, оној од кој се исклучени ефектите од цените, изнесува 6,4%, односно е речиси 3 процентни поени повисок во споредба со претходната власт.
И доколку се гледа синдикалната минимална кошничка, во мај 2024 година просечната плата покривала 68,7% од кошничката, додека во јуни 2025 година нејзината покриеност изнесува 70,3%.

Земјите од ЕУ и регионот исто така се соочија со значителни инфлациски притисоци, но повеќето земји успеаја успешно да го амортизираат ударот од ценовниот шок, додека Македонија во периодот на кризата регистрираше рекордно високи стапки на инфлација кои кулминираа во октомври 2022 година (19,8% на годишно ниво).

Од земјите од Западен Балкан во 2022 година, Македонија има највисока стапка на инфлација од 14,2% и додека стабилизирањето на цените кај повеќето земји од регионот во 2023 година одеше со побрзо темпо, Македонија повторно се најде во групата на земји со висока инфлација односно 9,4% во 2023 година.

Неуспешното менаџирање со ценовната криза и популистичките мерки доведоа трајно зголемување на нивото на цените кое сега го плаќаат граѓаните. Цените во категоријата Храна и безалкохолни пијалаци кои имаат најголем придонес во пресметката на вкупната инфлација во 2022 и 2023 година регистрираа двоцифрени стапки на раст од 20,9% и 11,7%.

„Ефектот“ од политиките најдобро се огледа во фактот што во периодот 2020-2023 просечната плата се зголеми за 34,7%, а минималната за 35,1%, но цените на храната и безалкохолните пијалаци во истиот период се зголемија за 39,2% и тука завршува манипулацијата за зголемувањето на стандардот особено на најзагрозените категории граѓани“, објаснува министерката финансии во исцрпниот одговор кон обвинувањата на лидерот на опозицијата Венко Филипче.

The post ЕКОНОМИЈАТА ЗАКРЕПНУВА, РАСТОТ ВО ПРВИОТ КВАРТАЛ Е МЕЃУ НАЈВИСОКИТЕ ВО ЕВРОПА Министерката за финансии му одговори на Филипче со бројки и со факти appeared first on plusinfo.mk.

Тој рече дека не знае колкава ќе биде реалната потрошувачка кошница кој ќе се пресметува во иднина.

– Можеби ќе биде поголема, односно цените ќе бидат повисоки, нема да бидат пониски. Но, навистина треба да создадеме таква потрошувачка кошничка, минимална зборам, којашто навистина ја користат граѓаните, бидејќи оваа мислам дека не е минимална потрошувачка кошничка – додаде Мицкоски.

Прашан зошто сега реагира за методологијата за минималната потрошувачка кошничка, а не реагирал додека бил во опозиција кога ги користел податоците од истата, Мицкоски потсети дека кошничката е воведена во 2010 година, кога Владата ја предводеше ВМРО-ДПМНЕ.

– Така што јас не би го поделил периодот кога сме биле ние на власт или во опозиција и не би сакал на тоа ниво да го сведеме разговорот. Што се однесува до промената на новата методологија од декември 2023 година ние не сме ја имале на увид. Откако ја добивме на увид разговаравме најпрвин со синдикатите. Ние не излеговме во јавност од сето тоа да правиме естрада. Разговаравме со синдикатите и кога ќе забележите кои производи се вклучени, тогаш навистина се збунувате. Збунувачки делува, бидејќи дел од производите граѓаните не ги користат или не ги користат во тој обем – рече Мицкоски.

The post РЕАЛНАТА МИНИМАЛНА КОШНИЧКА ЌЕ БИДЕ МОЖЕБИ И ПОСКАПА ОД СЕГАШНАТА Мицкоски кажа зошто треба да се смени методологијата на нејзина пресметка appeared first on plusinfo.mk.

Според пресметката на ССМ, од минималната синдикална кошничка едно четиричлено семејство за храна и пијалаци треба да одвои  23.075 денари или 36,7 %, за облека и обувки 5.728 денари или 9,1%о, за станарина, вода, електрична енергија и греење 6.020 денари или 9,6%, за лична хигиена и одржување на хигиена во домот 2.087 денари или 3,3%, за здравје 1.135 денари или 1,8%, за транспорт 4.727 денари или 7,5%.

За комуникации на едно четиричлено семејство во декември годинава  му биле неопходни 3.417 денари или 5,4%,  за рекреација и култура 4.458 денари или 7,1%, за образование 6.984 денари или 11,1%, за ресторани и хотели 4.131 денар или 6,6%, а за останати стоки и услуги 1.100 денари или 1,7%.

Доколку живеат во изнајмен стан потребни им се дополнителни 21.395 денари.

– Забележително е дека од септември кога беше воведена првата мерка од страна на Владата за ограничувањето на маржите и со последната мерка односно акција за намалување на цените за најмалку 10 отсто, тие даваат резултат, делот на храната и пијалаци во Синдикалната минимална кошница кој за декември изнесува 23.075 денари спореден со септември 2024 година (23.034,00 денари) е зголемен за 41,00 денари, со што се потврдува дека мерки се потребни почесто имајќи предвид дека од страна на трговците се злоупотребува секоја прилика за да се богатат на грбот на граѓаните и работниците, се вели во соопштението.

Загрижува тоа што трговците повторно го искористија периодот пред стапување на сила на последната акција и, како што се наведува, евидентно ги зголемија цените, а дополнително и вредноста на Синдикалната минимална кошница за храна и пијалаци за 63 основни производи кои се дел од истата за декември изнесува 23.075 денари е зголемен за дополнителни 397 денари, наместо да биде намален за најмалку 10%.

– Сојузот на синдикатите на Македонија бара мерките да траат подолго, за да може Владата значително да придонесе за зачувување на животниот стандард на граѓаните, а за следната мерка трговците однапред да не бидат информирани за да не направат повторно злоупотреби на грбот на граѓаните и работниците, стои во соопштението од ССМ.

The post СИНДИКАЛНАТА КОШНИЧКА ЗА ДЕКЕМВРИ ИЗНЕСУВА 62.861 ДЕНАРИ Трошокот за храна и пијалаци пораснал за 397 денари appeared first on plusinfo.mk.

Минималните трошоци на едно четиричлено семејство во јули изнесувале 60.570 денари и во споредба со јуни трошоците се зголемени за 245 денари, објави денеска Сојузот на синдикати на Македонија.

Според новата методологија на пресметување на синдикалната кошничка, со изнајмен стан од 60 кавдарати трошоците се зголемуваат на 75.945 денари.

Вообичаено, најмногу пари се потребни за храна за што во јули за основните потреби биле потребни 22.008 денари, додека за режиски трошоци биле потребни 6.014 денари.

The post 60.570 ДЕНАРИ МЕСЕЧНО СЕ ПОТРЕБНИ ЗА ПРЕЖИВУВАЊЕ НА СЕМЕЈСТВО ОД 4 ЧЛЕНА Колку пари се потребни, ако се плаќа и кирија? appeared first on plusinfo.mk.

Според пресметката на ССМ, од минималната синдикална кошничка едно четиричлено семејство за храна и пијалаци треба да одвои 22.200 денари или 36,9 отсто, за облека и обувки 4.866 денари, односно 8,1 отсто, за станарина, вода, електрична енергија, и греење 6.014 денари или 10 отсто, за лична хигиена и одржување на хигиена во домот 1.827 денари или 3 отсто, за здравје 1.059 денари или 1,8 отсто, за транспорт 5.068 денари, односно 8,4 отсто.

За комуникации на едно четиричлено семејство во април годинава му биле неопходни 3.004 денари, односно 5 отсто од износот на минималната кошничка, за рекреација и култура 4.378 денари или 7,3 отсто, за образование 6.955 денари или 11,6 отсто, за ресторани и хотели 3.890 денари или 6,5 отсто, а за останати стоки и услуги 950 денари, односно 1,6 отсто.

Доколку живеат во изнајмен стан потребни им се дополнителни 15.375 денари.

The post СИНДИКАЛНАТА КОШНИЧКА ПОСКАПЕ ЗА 1.214 ДЕНАРИ Априлската кошничка со кирија изнесува 75.587 денари appeared first on plusinfo.mk.

Од нив 20.004 денари или 44,6 отсто биле неопходни за исхрана и пијалаци, 13.664 денари, односно 30,46 отсто за домување, 3,247 денари или 7,24 отсто за хигиена, 3,720 денари или 8,29 отсто за превоз, 2.327 денари за облека и обувки, 1.068 денари за култура и 822 денари за одржување на здравје. Вкупно за сите потреби биле потребни 44.853 денари, а кога на тоа ќе се додадат трошоците на животот 3.768 денари или поточно инфлацијата од 8,4 отсто се доаѓа до сумата од 48.620 денари.

-Иако се намалува инфлацијата од месец за месец и за јули изнесува 8,4 отсто, сепак минималната кошница е зголемена од претходниот месец јуни за 441,00 денар. Тоа зголемување го трпат работниците и граѓаните во оваа држава, а најголемо зголемување има во домување односно комунални трошоци за 2,4 отсто и кај исхрана и пијалаци за еден отсто, велат од ССМ.

The post МИНИМАЛНАТА КОШНИЧКА ЗА ЈУЛИ Е 48.620 ДЕНАРИ Од нив 20.004 денари за храна appeared first on plusinfo.mk.

Според пресметките на Сојузот на синдикати на Македонија (ССМ) во декември 2022 година на четиричлено семејство му биле неопходни 19.226 денари за исхрана и пијалаци, 13.093 денари за домување, 3.050 денари за одржување на хигиена, а 3.668 денари за превоз. За облека и обувки едно семејство во декември требало да издвои 2.255 денари, за култура 1.067, а за одржување на здравје 801 денар.

-Вкупно на едно четиричлено му биле неопходни 43.163,17 денари за задоволување на минималната синдикална кошничка, а кога на тоа ќе се додадат трошоците на живот, односно инфлацијата од 18,7 отсто или 8.071 денари се доаѓа до бројката од 51.234 денари – велат од ССМ.

The post СИНДИКАЛНАТА КОШНИЧКА НАДМИНА 800 ЕВРА Речиси половина од парите одат за храна appeared first on plusinfo.mk.