ВЛЕН јасно и без никаква резерва го осудува величењето на воениот злосторник Ратко Младиќ. За ваква објава мора да има политичка и институционална одговорност. За геноцидот во Сребреница нема релативизација, оправдување и нема две вистини. ВЛЕН никому ништо не му должи. Единствената обврска ја има кон граѓаните што му ја дадоа довербата – се вели во соопштение на партијата ВЛЕН.

„Што и да каже оваа нереформирана и лицемерна ДУИ, која функционира како старо политбиро, на крајот завршува со автогол. Толку долго ја преправа сопствената историја, што веќе почна и самата да си верува во сопствените лаги.

Токму овие дежурни патриоти беа дел од власта што со сите сили го туркаше проектот мини-Југославија, попознат како „Отворен Балкан”, кој самите го продаваа како нова регионална иднина, а денес го опишуваат како инфраструктура на „српскиот свет”.

ДУИ го бара „српскиот свет” кај другите, но бега од сопствената политичка биографија. Зборува за српско политичко, економско и медиумско влијание како дваесет години да живеела на друга планета, а не да седела во секоја влада, да раководела со клучни министерства и директно да учествувала во носењето одлуки.

Затоа, ако ДУИ сака да зборува за „српскиот свет”, ќе зборуваме. Но со датуми, нивни изјави и документи. Ќе потсетиме што зборуваа и што премолчуваа додека беа на власт, како и што се случуваше пред нивни очи“ – се вели во соопштението на ВЛЕН.

The post СЕГА ЗБОРУВААТ ЗА СРПСКИ СВЕТ, А ТУРКАА ПРОЕКТ ЗА МИНИ-ЈУГОСЛАВИЈА НАРЕЧЕН ОТВОРЕН БАЛКАН Реплика од ВЛЕН на нападите од ДУИ appeared first on plusinfo.mk.