На протестите беа подметнувани пожари, кршење и грабежи, а ситуацијата е најдраматична во Минеаполис, градот каде беше убиен Флојд.

Бесот на хулиганите кои се инфилтрираа во демонстрантите траеше цела ноќ, а според американските медиуми, пред утрото, полицијата во голем број излезе на улиците. Тие се обидоа да го вратат редот во градот, и притоа тим на Си-Ен-Ен беше уапсен за време на операцијата.

Новинарот на Си-Ен-Ен, Омар Хименез се јави во живо во програма на тој канал кога му пристапија специјалци и беше уапсен. Јасно се слушаше дека Хименез рече дека е новинар и дека тој и тимот ќе се преселат таму каде што не би ги вознемириле полициските службеници при нивната интервенција, но полицијата не реагираше на негвоите зборови. Тие му ставија лисици на рацете и го одведоа.
Медиумот на Твитер објави дека полицијата го крши првиот Амандман на Уставот на САД и ги повика властите да го ослободи новинарот.

The post Полицијата во Минеаполис приведе новинар на Си-Ен-Ен при пренос во живо (видео) appeared first on plusinfo.mk.