– Отворањето училишта ќе биде предизвик. Тоа е одлука што мора да ја донесат националните власти. Треба да се земат предвид голем број различни фактори и да се изврши проценка на ризик. Се препорачува да се земат предвид епидемиолошката состојба и оперативните и капацитетите на системот – нагласи Брајовиќ.

Таа напомена дека сите земји треба да го имаат предвид пренесувањето на вирусот кај детската популација и дека пренесувањето на инфекцијата во училишните институции треба да се гледа од поширока перспектива.

– Децата мора да имаат соодветни услови. Да ги мијат рацете редовно со сапун и вода и знаеме дека има случаи во училиштата каде санитарните јазли не се во ред – рече Брајовиќ.

Таа истакна дека блокирањето и затворањето на општеството поради вирусот не е опција, ниту избор, но дека мора да се научи да се живее со тоа.

Црногорското Министерство за образование објави пред два дена дека се уште не се знае дали учениците ќе се вратат на училиште од септември, но и дека се прават подготовки за редовна настава, и за „План Б“, односно часови преку интернет

The post СЗО во Црна Гора: Училиштата да се отворат кога епидемијата ќе биде под контрола appeared first on plusinfo.mk.