Идните чекори во надворешната политика мора да бидат преземани внимателно и со јасни гаранции со цел реален напредок кон ЕУ – истакна Антонио Милошоски, член на ИК на ВМРО-ДПМНЕ и пратеник, на вчерашното гостување во дебатната емисија „Анализа” на телевизија 24.

– Токму последиците од Преспанскиот договор и добиеното вето од страна на Франција, а потоа и од Бугарија, коешто не беше најавувано од СДСМ, напротив имавме кампања за бесплатно здравство, отворени врати кон ЕУ, бесплатни вакцини, стипенди итн., на крајот, после тој референдум на којшто дојдоа и германската канцеларка Меркел, австрискиот канцелар, британската канцеларка, тогаш Велика Британија беше членка на ЕУ – наместо отворање на преговори добивме вето – рече Милошоски.

Пратеникот Милошоски дискутираше за евроинтегративниот процес на државата и посочи дека идните чекори во надворешната политика мора да бидат преземани внимателно и со јасни гаранции, со цел реален напредок кон ЕУ.

– Поучени од ова разочарување и од ова брзоплето прифаќање на такви обврски и потоа нестигнување до целта и до доаѓање до едно разочарување во целото општество, сметаме дека не треба да се продолжи на истиот брзоплет начин по однос на преземените обврски од страна на Ковачевски и Бујар Османи кон соседна Бугарија – рече Милошоски.

The post НЕ СМЕЕМЕ ДА СИ ДОЗВОЛИМЕ УШТЕ ЕДНО РАЗОЧАРУВАЊЕ ОД ЕУ Милошоски вели дека идните чекори во надворешната политика не смеат да бидат брзоплети appeared first on plusinfo.mk.

Пратеникот од ВМРО-ДПМНЕ Антонио Милошоски денеска на прес-конференција изнесе два податока со кои, како што рече, се докажува поврзаноста на и блискоста на обвинителката Коларевиќ, моминско презиме Маркова, со партиите СДСМ и ДУИ.

-Таткото на Коларевиќ, Павле Марков, е избран за државен правобранител од владата на СДС во 1998 г. Мајката на обвинителката Колеревиќ, Вера Маркова, во 2004 од коалицијата СДС и ДУИ е избрана за уставен судија. Овие фамилијарни кариери на родителите во семејството Коларевиќ се цврсто поврзани со политичките номинации на владите на СДСМ – рече Милошоски.

Тој праша дали затоа обвинителката Коларевиќ , за осомничени како Васко Ковачевски, Адријан Муча, Асмир Јахоски и други блиски до Ахмети, Заев и Филипче, не постапувала со мотив да ја открие вистината, туку со мотив да го заташка предметот Мазут тежок 167 милиони евра.

-Обвинителката Коларевиќ, која што е блиска до СДС и ДУИ, добро знае дека во економскиот криминал, како што е случајот со ТЕЦ Неготино, штетата се утврдува со економско вештачење, а не со изјава дадена од некомпетентен или поткупен сведок или вработен во ЕСМ. Ваквото селективно постапување им дава повластена позиција на осомничените Васко Ковачевски, Адријан Муча, Асмир Јахоски и другите, а го деградира владеењето на правото – рече Милошоски.

Тој додаде дека ЕСМ во соопштение јасно кажува дека тие коишто биле испитани во постапката, не биле ниту одговорни лица, ниту компетентни лица да проценат штета и да утврдат економски криминал со мазутот во ТЕЦ Неготино.

-Но, со прекинувањето на истрагата за овој 167 милионски евра скандал со силни индиции за перење на пари и тендерски криминал станува јасно дека решението на Абази и Коларевиќ не е поткрепено со правно-обвинителски аргументи, но веројатно е добро подмачкано со прескап мазут.За да имаме владеење на правото и за довербата во правосудството да биде поголема од 2%, треба и обвинителите да подлежат на професионална, на дисциплинска, па и на кривична одговорност, кога има докази за истото – рече Милошоски.

Тој праша:

Дали Коларевиќ како обвинителка поради свои интереси и насоки од блискиот до ДУИ, Ислам Абази, кои што доѓаат од врхушката на СДС и ДУИ, односно од Ахмети, Заев и Филипче, ја сопреа постапката за овој случај вреден 167 милиони евра?

Тој додаде дека јавноста има право да знае, а Советот на јавни обвинители има обврска да се позанимава со професионалното или непрофесионално работење на обвинителите Абази и Коларевиќ.

The post МИЛОШОСКИ СО НОВИ ПОДАТОЦИ ЗОШТО Е ЗАПРЕНА ИСТРАГАТА ЗА СЛУЧАЈОТ „МАЗУТ“ Обвинителката Коларевиќ имала блиски врски со СДСМ appeared first on plusinfo.mk.

За донесување на скандалозната одлука за запирање на истрагата за мазутот вреден 167 милиони евра, функционирал тандем обвинители Абази-Коларевиќ, коишто се нешто како коалиција ДУИ-СДСМ, но не во собраниските клупи, туку во обвинителството за криминал и корупција – обвини денеска на прес-конференција Антонио Милошоски, пратеник и член на Извршниот комитет на ВМРО-ДПМНЕ.

– Дури и во прибирањето на докази можевме да забележиме дека овие обвинители биле селективни. Со вчерашниот демант на ЕСМ станува јасно дека обвинителите Абази и Коларевиќ повеќе се занимавале со земање на изјави од некомпетентни лица наместо да истражуваат сериозно и да обезбедат докази за оваа набавка на мазут скапа 167 милиони евра – рече Милошоски.

Тој додаде дека може да се заклучи дека обвинителите биле селективни и воопшто не ги прочитале извештаите на релевантните органи како што се Државниот завод за ревизија и слични на нив.

– Државниот завод за ревизија во 2024 година утврдил дека при оваа милионска набавка се испорачувал мазут од различен добавувач од оној којшто бил утврден во договорот на ЕСМ, ТЕЦ Неготино и добавувачот и второ, стручни лица од ЕСМ утврдиле дека мазутот бил со голем број на нечистотии коишто предизвикувале дефекти во мазутната станица на ТЕЦ Неготино.

И покрај ваквата утврдена лоша состојба и квалитет на мазутот, сепак ТЕЦ Неготино склучил анекс за да може овој скап договор да ја достигне сумата од 167 милиони евра. Но очигледно е дека ваквите извештаи на Државниот завод за ревизија не биле забележани од Абази и Коларевиќ коишто поголемо внимание посветувале на изјави коишто им одговараат од некомпетентни лица наместо да ги земат во предвид релевантните извештаи коишто даваат сериозни индиции дека овој скандал вреден 167 милиони евра е поврзан и со направена штета во ТЕЦ Неготино, но исто така и со перење на пари и стекнување на противправна имотна корист.

За Абази и Коларевиќ сметаме дека не се достојни на функцијата да бидат во Јавното обвинителство за гонење на криминал и корупција, затоа што и двајцата имаат свои лични, семејни или политички долгови за нивниот кариерен напредок, а истите се поврзани со политичките партии ДУИ и СДСМ. Овој јавнообвинителски тандем Абази и Коларевиќ повеќе е приврзан за нивните ментори Заев, Ахмети и Венко Филипче отколку што е посветен на владеењето на правото и гонењето на организиран криминал и корупција. Со вакви обвинители осомничените како Васко Ковачевски, Јахоски, Сулкоски, Капушевски, Адријан Муча и други секогаш ќе бидат слободни луѓе, наместо да бидат изведени при лицето на правдата – рече Милошоски.

Тој уште еднаш го повика Советот на јавни обвинители да се позанимава со овој случај, да го истражи постапувањето на Абази и на Коларевиќ и да утврди кои намерни или ненамерни пропусти се направени, при носењето на одлуката да биде прекината истрагата за случајот „мазут за ТЕЦ Неготино“.

– Истовремено сакаме да им порачаме дека нивната лукративна одлука или политички инспирирано решение да ја запрат истрагата нема да ја сокрие вистината и сите факти поврзани со овој скандалозен тендер ќе излезат на виделина. Сакале тоа да го направат или не сакале Абази и Коларевиќ. Сепак, мислиме дека јавноста ја заслужува вистината, а секој којшто бил инволвиран и има сомнежи за висок криминал и корупција заслужува да биде процесуиран и неговата невиност или вина да биде докажувана пред суд – рече Антонио Милошоски.

The post АБАЗИ И КОЛАРЕВИЌ НАМЕРНО ГИ ИСПУШТИЛЕ РЕВИЗОРСКИТЕ ИЗВЕШТАИ ЗА СЛУЧАЈОТ „МАЗУТ” Во нив е утврдена штетноста на мазутот набавен за „ТЕЦ Неготино“ appeared first on plusinfo.mk.

Во Македонија нема да се градат бегалски кампови, категорични се од ВМРО ДПМНЕ, а тоа, како што рече денеска на прес -конференција пратеникот Антонијо Милошоски, во изјава го потврдил и амбасадорот на Oбединетото кралство во земјава.

– Британија откако излезе од ЕУ со сите земји од Западен Балкан, но и со самата ЕУ  склучува вакви договори каде што Британија ја враќа легалната основа на Фронтекс за борба против организирана, нелегална, миграција….Тоа го прави со овој дополнителен механизам кој е комплементарен со Фронтекс. И на крај, нема подобар демант за ваквите спинови од на некои опозициони партии од изјавата на британскиот амбасадор кој изјави дека Британско – македонскиот стратешки договор предвидува и потврдува  инвестирање во инфраструктура, во образование  и во одбрана, но не предвидува во Македонија изградба на бегалски кампови во Македонија – рече Милошоски.

Тој реагираше на изјавите на опозиционите партии кои се потпираат на текст на британски медиум дека Британија преговара со Македонија прима депортирани одбиени азиланти во земјава. Според објавите, двете држави од есенва биле влезени во формални преговори за да се реализира овој план.

The post 🎥 ВО МАКЕДОНИЈА НЕМА ДА СЕ ГРАДАТ БЕГАЛСКИ КАМПОВИ Милошоски вели тоа го потврдува во изјава и британскиот амбасадор во земјава appeared first on plusinfo.mk.

Стратегија  усвоена вчера на Конгресот на партијата во Кавадарци „Ново поглавје –Македонија 2030“ значи визија за модерна, стабилна и европски ориентирана Македонија, со јасно дефиниран политички и развоен правец за следната деценија, изјави денеска Антонијо Милошоски пратеникот на ВМРО-ДПМНЕ.

Милошоски рече дека Стратегијата се заснова на идејата дека државата мора да излезе од циклусот на краткорочни одлуки и да воведе долгорочен план и систем за управување, а тоа се создава преку институции со силен интегритет, конкурентна економија и општество засновано на вредности и национална самодоверба.

-Документот ја позиционира ВМРО-ДПМНЕ како политичка сила подготвена да ја преземе одговорноста и улогата за ова државничко лидерство. И ова се разбира не е список на политички кампањски предизборни желби, туку е документ со јасни цели коишто би биле национална траекторија во следните 10-15 години. Клучната амбиција е оваа Стратегија Македонија до 2030 година да стане земја што создава стабилност, економска додадена вредност и институционална зрелост, со национален идентитет што се почитува, а не се условува дневно политички – рече тој.

Милошоски објасни дека Стратешката рамка за 2025–2030 ги содржи шесте клучни стожери што ќе водат развој на државата.

-Прво, државната безбедност. Тоа значи модерна армија, современа полиција, национална сајбер-заштита и систем за справување со хибридни закани. Безбедноста е нашата основа и АРМ и МВР мора да бидат максимално подготвени за овој предизвик. Второ е економската конкурентност. Тоа значи напуштање на моделот на евтина работна сила и создавање на конкурентна економија заснована на знаење, на додадена вредност и технолошки иновации. Се разбира мораме да имаме поддршка за домашните компании, стабилен даночен систем, зелена енергетска транзиција и повторно создавање на услови за странски инвестиции. Трето, правна држава. Целта е да имаме независно судство, департизирано обвинителство, професионална администрација и системска борба против корупцијата преку дигитализирана контрола на движењето на парите и на имотните прашања. Четврто, демографските политики. Потребна е вистинска поддршка за младите, станбени програми, политики за поврат на дијаспората, достоинствена грижа за постарите лица. За да можеме преку една стабилна популациона политика, во Македонија да имаме секогаш доволен ресурс во луѓе за да можеме да ја развиваме и економијата и државата –  рече Милошоски.

Според него, петтиот и шестиот стожер се европска интеграција и надворешната политика и образованието, културата и идентитетот се клучни.

– Партнерства со јасни црвени линии ни се најбитен дел, затоа што ние како политичка партија сме определени за Европската Унија како еднаков партнер, без дополнителни билатерални условувања кои што би го допирале идентитетот или националната самобитност на македонскиот народ и да државата. И шестиот стожер е образованието, културата и идентитетот каде што мора да вложуваме во модерни програми, дигитален дел, да речам, на културата, исто така, и на образованието, поддршка за науката, заштита на македонскиот јазик и неговата промоција. Бидејќи без силна култура и образование не би имале толку силно општество, и промоција на нашите одлики во европско ниво – рече Милошоски – изјави тој.

Според  Милошоски, стратегијата носи нови теми што ја подготвуваат Македонија за иднината и оваа национална стратегија обрнува внимание и вештачка интелигенција како еден нов дел од технолошкиот натпревар, не само во Европа, туку и на глобално ниво.

-Имаме стратегија за сајбер-безбедност, стратегија за една геоекономска дипломатија, што ќе ја поврзе и дипломатијата со геополитичките поместувања во последниве неколку години. Исто така и основање на Фонд за иднината, односно државен инвестициски инструмент којшто ќе поддржува технологии, иновации, истражување и вештачка интелигенција, за да може Македонија да биде поконкурентна со партнерите во регионот, но исто така и на европско ниво – рече тој.

Милошоски подвлече дека визијата на ВМРО-ДПМНЕ за Македонија 2030 година е јасна.

-Тоа е држава која што има брза и растечка економија, држава со институции кои што имаат интегритет, има функционална демократија, држава со европски идентитет и национална самобитност како дел од европскиот мозаик и држава што инвестира во знаење, во култура и во генерациите што доаѓаат. Ова е повик за ново поглавје на стабилност, развој на Македонија и државничко водство. Македонија може и мора многу повеќе. Македонија треба да си ја врати својата самодоверба со работа и со дела. И време е државата да продолжи да се гради, таква каква што граѓаните ја заслужуваат – рече Милошоски.

The post НОВО ПОГЛАВЈЕ ЗА СТАБИЛНОСТ И РАЗВОЈ НА ДРЖАВАТА „Стратегијата Македонија 2030“ е визија за модерна, стабилна и европски ориентирана Македонија appeared first on plusinfo.mk.

ВМРО – ДПМНЕ во првиот круг од изборите ќе победат и ќе добијат градоначалници во Кисела Вода, Гази Баба, Ѓорче Петров, Аеродром, Охрид, Ресен, Градско, Василево, Радовиш, Штип, во Струмица, Босилово, Ново Село и Вевчани и Прилеп, најави вечерва членот на Извршниот комитет на партијата Антонио Милошоски повикувајќи се на прелиминарни резултати од Аналитичкиот центар на партијата.

Милошоски истакна дека првпат по 20 години ВМРО-ДПМНЕ ќе добие градоначалник во Струмица.

Тој рече дека за Град Скопје очекувањата се дека нивниот кандидат Орце Ѓеорѓиевски ќе има убедлива предност и дека можеби неколку илјади гласови ќе одлучуваат дали тој ќе победи во првиот круг од изборите.

Според аналитичкиот центар на ВМРО-ДПМНЕ во првиот круг избрани се градоначалници во Охрид, Штип, Радовиш, Сопиште, Ресен, Свети Николе, а дека на прагот е огромна победа во Струмица.

Во и пред штабот на ВМРО-ДПМНЕ вечерва се собираат членови на партијата и веќе е се подготвено за прославување на победата на кандидатите на партијата.

The post ПО 20 ГОДИНИ, ВМРО-ДПМНЕ ПОБЕДУВА ВО СТРУМИЦА Во прв круг победуваме и во најмалку 14 други општини, објави Милошоски appeared first on plusinfo.mk.

Однесувањето на бугарските парламентарци во врска со извештајот на Европската комисија за Македонија кој беше усвоен, а треба да биде изгласан на почетокот на јули, на еден начин претставува отрезнување за оние коишто сметаат дека Бугарија не бара ништо освен мало корегирање на Уставот, смета пратеникот Антонио Милошоски.

– Однесувањето на бугарските парламентраци во Европскиот парламент не е изненадување, но можеби е добро отрезнување за одредени левичари коишто создаваат илузија дека Бугарија не бара ништо многу освен едно мало корегирање на Уставот. Менувањето на Уставот за Бугарија е само отварање на вратата низ која тие имаат намера да протнат уште десетина такви тешки барања – истакна Милошоски во гостување на „За или против“ на ТВ Алфа.

Тој вели дека каков и да биде исходот од претстојното гласање, сето тоа што се случувало во Комисијата за надворешни работи на Европскиот парламент треба да се смета за успех затоа што веќе сите знаат дека Македонија кредибилно тврдеше дека менувањето на преамбулата не е единствено барање од страна на Бугарија.

– Каков и да биде исходот, тоа што се случуваше во Комисијата за надворешни работи на Европскиот парламент за нас треба да биде сметано како успех, затоа што сите видовме дека Македонија кредибилно тврди дека менувањето на преамбулата не е единственото барање и пречка зошто ние не ги отвараме преговорите за членство. Дури и да се случи во Европскиот парламент да има и пресврт и извештајот да не помине заради противењето на бугарските европратеници тогаш барем ќе бидеме на јасно за што станува збор, дека не станува збор за реформи во здравство, во образование туку станува збор за менување или одново пишување на историските читанки во изминативе 150 години – дециден е Милошоски.

На самиот почеток Милошоски истакна дека Македонија не случајно е домаќин на самитот ЕУ-Западен Балкан, од причина што акцентот е ставен на планот за раст на Европската комисија рефлектиран преку реформските агенди на коишто Македонија покажа најдобри резултати.

– Според мене не беше случајно одбрана Македонија да биде домаќин на овој состанок, затоа што главната тема беше планот за раст на Европската комисија, рефлектиран преку реформските агенди на сите земји од регионот, во тој дел Македонија досега направи најдобри резултати, покажа една добра реформска агенда и во однос на нејзината реализација мислам дека сме една од земјите коишто имаа подобар просек на реализација. Сето ова е на некој начин признание за реформската определба на Владата, и искажување на еден респект кон македонската Влада, да биде домаќин на една ваква средба каде што Европската комисија ги презентираше следните чекори во однос на земјите кандидати за членство на ЕУ – објасни Милошоски.

Пратеникот истакна дека Македонија е над просекот од 75% по однос на исполнување на реализација на реформската агенда.

– Моите информации се дека Македонија е над од оној просекот од 75% што го спомна еврокомесарката Кос по однос на исполнување на реализација на реформската агенда. Тоа покажува дека кога на државата и на македонската Влада ќе ѝ се дадат параметри коишто се мерливи и не зависат од билатерални препреки, злоупотреби тогаш резултатот и исходот и оценките се високи.

The post ЗА СОФИЈА УСТАВНИТЕ ИЗМЕНИ СЕ ВРАТА КОН ДЕСЕТИНА НОВИ БАРАЊА Милошоски вели дека во Европарламентот знаат што прави Бугарија appeared first on plusinfo.mk.

• МИЛОШОСКИ СО КРИТИКА ДО ФИЛКОВ ЗА СЛАБИ ПЕРФОРМАНСИ „Очекував досега да ги достави законот за судови, за судски буџет, новиот кривичен законик“

The post „ЗА КОГО ОДРАБОТУВА КУСУРОТ НА ГРУЕВСКИ?“ Министерот Филков распали по пратеникот Милошоски appeared first on plusinfo.mk.

Министерот за правда Игор Филков има слаб придонес во областа со која раководи, рече вечерва пратеникот на ВМРО-ДПМНЕ и потпретседател на Собранието, Антонио Милошоски.

– Ова е мој личен став, не значи дека е став на партијата или пратеничката група. Јас сметам дека министерот за правда има слаби перформанси по однос на обврските коишто ги има преземено за реформите во правосудството – рече Милошоски.

Тоа е мое мислење, повтори тој.

– Очекував досега барем во нацрт верзија до Собранието да бидат доставени законот за судовите, законот за судскиот буџет, законот за јавнообивнтелстка служба, новиот Кривичен законик – рече Милошоски.

Министерот за правда Игор Филков е од редовите на ЗНАМ, коалициски партнер во Владата.

The post МИЛОШОСКИ СО КРИТИКА ДО ФИЛКОВ ЗА СЛАБИ ПЕРФОРМАНСИ „Очекував досега да ги достави законот за судови, за судски буџет, новиот кривичен законик“ appeared first on plusinfo.mk.

Измените на законите по трагедијата во Кочани ќе треба да се поделат на две фази, вели пратеникот и член на ИК на ВМРО-ДПМНЕ Антонио Милошоски.

– Едната фаза би била брзи интервнции се надевам во што помалку закони, едноставни, како што беше и онаа денешната за забрана за употреба на пиротехника, од тој вид интервенции коишто не би биле преголеми зафати, а би подобриле конкретни стандарди при забележани пропусти. Другиот пакет на закони би требало да биде посистемски обработен и интересорски. Да не биде тоа предложено од еден, двајца пратеници или од едно министерство на брза трака, туку да има малку подобар пристап – истакна Милошоски во гостување на Телма.

Милошоски како трета работа ја напомена важноста на имплементацијата на законите.

– Трета работа која исто така сакам да ја напоменам, а сметам дека во овој дел треба да се зголеми и свеста и на тие кои видливо се вклучени во јавниот и политички живот, но и на оние кои имаат надлежности, тоа е имплементацијата на законските норми. Бидејќи, овде ако го гледаме цел случај, од тоа што го знаеме како јавни информации достапни за нас, не секогаш имало погрешни закони или одредби, претежно пропустите се во непримената на соодветните законски одредби во одредена материја, дали е тоа угостителство, лиценци, дали е тоа обезбедување или заштита од пожар или нешто друго – рече Милошоски.

Милошоски уште еднаш потенцираше дека сите чинители треба да придонесат за зголемување на свеста и за почитување на законите.

– Не само Собранието, туку и сите други чинители, вклучително медиумите, општинските совети, инспекторите, надлежните институции, опозицијата и секој оној кој може да даде придонес, би требало да работиме за зголемување на свеста за почитување и имплементација на постоечките законски норми. Бидејќи, ние можеме и најдобрите норми да ги пресликаме денес од кое било законодавство, дали ќе го одбереме тоа на Литванија, Шведска, Словенија на Австрија или на други, доколку не се применуваат тие законски одредби, повторно ќе ни се случат пропусти – рече Милошоски.

The post ЏАБЕ СЕ И НАЈДОБРИТЕ ЗАКОНИ, АКО НЕ СЕ ПРИМЕНУВААТ Милошоски апелира да се зголеми свеста, за да се зголеми и безбедноста appeared first on plusinfo.mk.