Претседателот на ВМРО- ДПМНЕ, Христијан Мицкоски денес во изјава за медиуми најави вкупно 17 инвестиции во вредност од околу 650 милиони евра кои треба да креираат до 5.000 нови работни места, а кои се почнати, се реализираат или се во фаза на договарање.

– Втората тема која што е многу важна е економијата. Мојата борба е да донесеме свеж капитал. И кога доаѓа моментот кој треба да направи разлика меѓу нас и нив од СДСМ и ДУИ, е фактот што со огромно задоволство најавувам дека инвестициите коишто или се почнати, или се реализираат или се во фаза на договарање на државна помош, а се дел од портфолиото на ТИРЗ зоните изнесуваат околу нови 650 милиони евра, тоа се 17 инвестиции коишто треба да креираат до 5.000 нови работни места. Ете тоа е нашата борба – посочи Мицкоски.

Претседателот на ВМРО-ДПМНЕ, Мицкоски ја истакна и јасната разлика помеѓу економските политики на владеењето на ВМРО-ДПМНЕ, со кои во првите шест квартали реалниот раст е 3,5%, за разлика од политиките и владеење на СДСМ, кои во првите шест квартали реален раст бележеше скромни 2%17.

– Тоа е разликата помеѓу оваа Влада и онаа влада која што ја водеше СДСМ. Во 28 квартали, влада СДСМ – ДУИ, имаме реален раст на македонската економија од скромни 2%. Во првите шест квартали од нивното именување, односно избор како влада, па и ако кажам именување нема да погрешам бидејќи знаете како беа октруирани, тогаш како влада после оној политички инженеринг којшто се случуваше во 2017 година. Во првите шест квартали имаа раст од 2%, во првите шест квартали од оваа власт, просечниот раст на македонската економија, реален раст е 3,5%, скоро два пати повеќе – изјави Мицкоски.

Тој вели дека тоа се бројки и дека тоа е разлика која што ја прави ова Влада многу поразлична од владата на СДСМ и ДУИ.

– Тоа е разликата меѓу нас, додека тие лажат, шират паника и пробуваат да ги злоупотребат чувствата на луѓето и играат на создавање емоции, ние работиме и се трудиме колку можеме да направиме да биде подобро за нашите сограѓани.

The post 17 ИНВЕСТИЦИИ ВРЕДНИ 650 МИЛИОНИ ЕВРА ТРЕБА ДА ДОНЕСАТ 5.000 РАБОТНИ МЕСТА Toa e разликата меѓу нас и СДСМ и ДУИ, вели Мицкоски appeared first on plusinfo.mk.

„Сакам да информирам за донесената пресуда во арбитражната постапка „Казандол“ каде државата беше тужена од неколку инвеститори. Нивното барање беше 115 милиони евра отштета, но можам со гордост да кажам дека овој случај го добивме, сите 11 основи по кои државата беше тужена се одбиени и заштедени се 115 милиони евра. Пресудата е целосно во наша корист, а случајот не беше воопшто лесен“.

Вака изјави виецпремиерот и министер за транспорт Александар Николоски на денешната прес-конференција во Владата.

Тој смета дека државата ќе добие уште најмалку два случаја.

– Ова се затворени процеси и до донесување пресуда детали не смеат да се изнесуваат. Постапките се многу комплицирани. Но, ако продолжи овој след, а јас сум убеден дека ќе продолжи, тогаш надлежните органи ќе треба сериозно да се позанимваат со тоа како биле отворани арбитражите и како бевме сите убедувани дека Македонија ќе губи стотици милиони евра, а некогаш и милијарди, а еве не ги губи и зошто овој случај бил затворен во декември 2023 година. Ние повторно го отворивме, имало простор и еве го добивме – објасни Николоски.

Меѓу другите теми, вицепремиерот информираше дека Владата донесе одлука за почнување подготвителни работи за целосна реконструкција на железничката линија од Скопје до Кичево на Коридиорот 8 со модерна сигнализација и дизел локомотиви.

Реконструкцијата ќе овозможи, потенцира вицепремиерот, поврзување на Скопје – Јегуновце – Тетово – Гостивар – Кичево.

The post ДРЖАВАТА ГО ДОБИ СЛУЧАЈОТ СО КАЗАНДОЛ Заштедени се 115 милиони евра appeared first on plusinfo.mk.

Според грчките медиуми, речиси две децении, казните издадени на странски возачи и туристи во Грција останаа мртва буква.

Причината е едноставна, државата нема механизам за следење и наплата на долгови од оние кои, по сообраќајни прекршоци, ја напуштаат земјата, пишува „Грчка инфо“.

Милиони евра неплатени казни

– Според официјалните податоци, од 2008 година се издадени повеќе од 20.000 казни, а вкупниот износ на неплатени побарувања надминува 2,1 милион евра. Најголемиот дел од оваа сума паѓа на периодот од 2015 до 2024 година, кога се издадени дури 13.504 казни во вредност од 1,2 милиони евра. Само во првите два месеци од оваа година се регистрирани 230 нови казни, со вкупна вредност од „тешки“ 33.227 евра – наведува порталот.

Наскоро нова платформа за наплата

Опасноста од застарување на долгот сега се зголемува, но решението сè уште е на повидок. Наскоро треба да започне да се развива посебна платформа што ќе овозможи идентификација на странски регистарски таблички и проверка на евентуални неплатени долгови.

– Планот е да се собираат казни пред возачот да ја напушти Грција, со што ќе се спречи исчезнување на милиони евра без никаква компензација секоја година – пишува „Грција Инфо“.

Од порака на шофершајбната до отстранување на таблички

Претходно, регистарските таблички на возачите што паркираат непрописно ретко се отстрануваа – полицијата најчесто оставаше пораки со казни на стаклото. Сепак, во последниве години, сè повеќе се користи отстранување на таблички, а во некои случаи и привремено одземање на возачката дозвола.

Совет за возачите

– Иако системот за собирање на неплатени казни од странски возачи во Грција сè уште не е оперативен, нашите возачи не треба да се потпираат на фактот дека казната никогаш нема да биде наплатена ако ја напуштат земјата. Во некои ситуации, казните можат да се наплатат веднаш на лице место или по излегување од Грција, а полицијата има право привремено да ги отстрани регистарските таблички или да ви ја одземе возачката дозвола – наведува порталот и додава:

– Затоа е најбезбедно секогаш да се почитуваат сообраќајните прописи, ограничувања на брзината, забрани за паркирање, задолжително користење на сигурносен појас и правила за користење мобилен телефон. На овој начин, не само што ќе избегнете непријатности и дополнителни трошоци, туку ќе придонесете и за сопствената безбедност и безбедноста на сите учесници во сообраќајот – додава порталот.

The post ПОСТРОГИ КОНТРОЛИ И НОВИ МЕХАНИЗМИ ЗА НАПЛАТА Грција ги менува правилата за казнетите странски возачи appeared first on plusinfo.mk.

Тренерот на Реал Мадрид, Карло Анчелоти присуствуваше на почетокот на судењето за даночно затајување во Шпанија.

Еден од најдобрите тренери на сите времиња е обвинет од шпанските обвинители дека ја измамил државата за милион евра во 2014 и 2015 година. Тој помина два и пол часа во судница во Мадрид, пред да им каже на новинарите „се е во ред“ и да влезе во својот автомобил. Тој беше облечен во еден од неговите темносини костуми, кои ги носи на натпреварите.

Државното обвинителство бара затворска казна до четири години и девет месеци по две точки од обвинението за даночна измама. Тие го обвинија 65-годишниот тренер минатиот март дека користел лажни компании за да ја прикрие неговата вистинска заработка.

Анчелоти ги негираше сите обвинувања. Италијанецот е најуспешен тренер со пет трофеи во Лигата на шампионите, три со Реал Мадрид и два со Милан и е единствениот тренер кој има освоено титули во Англија, Шпанија, Италија, Германија и Франција.

Тој го водеше Реал од 2013 до 2015 година, а вториот мандат започнува во 2021 година. Тој рече дека е невин, откако првпат беше обвинет минатата година, тврдејќи дека не бил фискален жител на Шпанија во дел од тој период, тврдење со кое обвинителите не се согласуваат.

– Јас веќе ја платив казната, парите се кај нив, а сега адвокатите разговараат за да најдат решение. Да видиме што ќе каже судијата – изјави Анчелоти во март 2024 година. Тој е еден од бројните познати личности од светот на фудбалот на кои им се суди за неплатени даноци, а никој од нив не завршил во затвор.

Судијата во Шпанија може да ја суспендира казната од две години за оние кои првпат прекршуваат.

Поранешниот тренер на Реал Мадрид, Жозе Мурињо е осуден на условна казна од една година откако се изјасни за виновен за затајување данок во 2019 година. Исто така, големите ѕвезди Лионел Меси и Кристијано Роналдо беа прогласени за виновни за затајување данок. Португалецот мораше да плати казна од речиси 19 милиони евра и беше осуден на две години условно, додека Меси и неговиот татко проневериле 4,1 милиони евра, а исто така избегнаа затворски казни со плаќање на големи парични казни.

The post АНЧЕЛОТИ ДВА И ПОЛ ЧАСА ПРЕД СУДОТ ВО МАДРИД Обвинителството бара 5 години затвор, Италијанецот тврди дека е невин appeared first on plusinfo.mk.

Во текот на вчерашниот и денешниот ден, по повеќемесечна предистражна постапка, Основното јавно обвинителство за гонење на организиран криминал и корупција спроведе акција која се реализираше на повеќе локации во Скопје, Велес и Кичево. Во акцијата се лишени од слобода 11 лица, а против 13 физички и едно правно лице донесена е Наредба за спроведување на истражна постапка.

Меѓу осомничените се Васко Ковачевски кој е во бегство, бизнисмените Ратко Капушевски, сопственик на фирмата РКМ, Асмир Јахоски, сопственикот на Пуцко Петрол, Ерџан Сулкоски, партнер со Куштрим Смајлај кој е зет на Али Ахмети, Никола Стојановски, Емил Пецаков, Марија Нешовска, Благица Марковиќ, Ружди Рамадани, Душица Сеизовска Јовановиќ, Добрила Стефаноска и Данчо Стојановски.

„По кривичната пријава поднесена од МВР, денеска донесовме Наредба за истражна постапка против 13 физички и едно правно лице. Основано сомнение постои дека овие лица, како созвршители или помагачи, сториле кривично дело злоупотреба на постапка за јавен повик, доделување на договори за јавна набавка и јавни партнерства“, изјавија од Обвинителството.

Согласно обвинението, двајца осомничени, кои биле основачи и управители на правното лице, свесно повредиле прописите за постапката за јавни набавки при набавка на мазут за потребите на ТЕЦ Неготино. Тие поднеле невистинита документација, со цел да изиграат договори и ги повредиле обврските, што довело до нанесување штета на државниот буџет во вкупен износ од околу 167,5 милиони евра.

„Тие дејствувале во соработка со осомничени вработени во АД Електрани на Северна Македонија, кои биле на високи позиции, и извршувале постапки за јавни набавки спротивно на законските прописите и на Упатството за спроведување на јавни набавки. На овој начин, иако знаеле дека правното лице не ги исполнува критериумите за носител на јавната набавка, сепак им овозможиле да испорачуваат мазут до февруари 2023 година“, изјавија од Обвинителството.

Согласно истрагата, осомничените парични средства кои ги стекнале со кривичното дело ги пуштале во промет и ги менувале со цел да го прикријат потеклото. Дел од средствата биле искористени за купување скапи моторни возила, а други биле префрлени на различни банкарски сметки и подигнати во готовина.

„Со дел од средствата, осомничените ги купиле две моторни возила „Mercedes Benz“, дел ги префрлиле на своите сметки во разни банки, а потоа ги подигнале во готовина. Освен тоа, преку фиктивни договори, во два наврати биле префрлени 72.000.000 денари за наводно извршени работи кои биле само привидно средство за извршување на предметните трансакции“, додаваат од Обвинителството.

Поради сериозноста на делото, Обвинителството на судијата на претходна постапка при Основниот кривичен суд во Скопје предложи за пет лица да се определат мерки притвор. За едно од лицата, мерката ќе се применува по неговото пронаоѓање, додека за останатите осомничени се предложени мерки за обезбедување на присуство.

„Имајќи ги предвид тежината на стореното кривично дело, судијата на претходна постапка треба да ги донесе одлуките во најбрзо време. За едно лице кое веќе е осомничено во предметот „Адитив“, мерката притвор веќе е применета, а за останатите се предложени мерки за обезбедување присуство“, изјавија од Обвинителството.

Со оваа акција, Обвинителството продолжува со своите напори за справување со организираниот криминал и корупцијата, со цел да се обезбеди правдата и да се заштити јавниот интерес.

ПРИВЕДЕН Е БИЗНИСМЕНОТ РАТКО КАПУШЕВСКИ Поранешниот директор на „Борис Трајковски“ е приведен за сомнителни набавки на деривати

ПОЛИЦИСКА АКЦИЈА ПРОТИВ ТРУЈАЧИТЕ СО МАЗУТ Под контрола е и Асмир Jахоски

И ВАСКО КОВАЧЕВСКИ МЕЃУ ОСОМНИЧЕНИТЕ Ексдиректорот на ЕСМ е дел од групата која тргувала со отровен мазут

The post СЕ БАРА ПРИТВОР ЗА КАПУШЕВСКИ, ЈАХОСКИ И ЗА УШТЕ ЧЕТВОРИЦА Поднесени кривични пријави за 13 лица кои се сомничат за криминал тежок 167,5 милиони евра appeared first on plusinfo.mk.

Македонската влада денеска најави почеток на два големи проекти вредни 14,7 милиони евра.

Се работи за реконструкција и адаптација со опремување на интензивна нега на градската болница „8 Септември“, за што предвидени се 12 милиони евра, и реконструкција на охридскиот аеродром „Св. Апостол Павле“ во вредност од 2,7 милиони евра.

– Дел од договорот кој го постигнавме со компанијата ТАВ која е концесионер на македонските аеродроми и е дел од договорот за концесија, што ќе овозможи поголем квалитет во здравствените услуги и поголем број патници на охридскиот аеродром, како и нови помодерни услови – истакна вицепремиерот и министер за транспорт, Александар Николоски на денешната прес-конференција.

Проектот за реконструкција и опремување на ГОБ „8 Септември“ предвидува реконструкција на хируршкиот дел со вкупна површина од 2000 метри квадратни, односно седум операциони сали.

– Две ќе бидат за абдоминална хирургија, две за уролошки интервенции, една за уво нос и грло, една за очна хирургија и како новина роботска хирургија. Интензивна нега на површина од 500 м2. Предвидени се седум целосно опремени боксови за пациенти со најсовремени кревети, линиски поставени со централно мониторирање од страна на медицинскиот персонал, придружни простории од 800 м2, стерилизација, биохемиска лабораторија, микробиолошка лабораторија и патолошка лабораторија. Тука спаѓа и делот на целосна санација на кровото на болница и поставување на ефикасен систем на греење и ладење на болницата – истакна Николоски кој посочи дека планирано е во октомври да се заврши реконструирањето на градската болница.

Во однос на охридскиот аеродром, реконструкцијата ќе ја опфати новата административна зграда, нов канцелариски простор, помошни простории, нов наменски простор за обезбедување, реконструкција на терминалната зграда, нов сообраќаен режим на паркингот.

Николоски додаде дека со оваа реконструкција ќе се привлечат поголем број патници и ќе се подобрат условите за нив, но и за вработените. Овој проект планирано е да заврши до март 2026 година.

Премиерот Христијан Мицкоски посочи дека грижата на една влада за своите граѓани се гледа во капацитетите кои ќе ги изгради и ресурсите кои ќе ги стави на располагање.

– Здравството, морам да напоменам, беше една од најзапоставените области каде континуираната негрижа од минатата влада доведе до распаѓање и на така дотраените болници и капацитети. Тука морам да оддадам почит на голем дел од посветениот здравствен кадар, кој и во едни такви услови продолжи да работи посветено и во едни супстандардни услови го дава својот максимум. Сѐ на сѐ, ова се крупни инвестиции и зафати за објекти кои се од суштинско значење за нашата држава – посочи премиерот.

Тој додаде дека продолжуваат посветено да ги решаваат проблемите да создаваат додадена вредност и да се борат за подобар живот на граѓаните.

The post НОВИТЕТ ЌЕ БИДЕ РОБОТСКАТА ХИРУРГИЈА Владата ќе ги реконстуира „8 Септември“ и аеродромот во Охрид appeared first on plusinfo.mk.

Гоце Димовски, директорот на Дирекцијата за Технолошки индустриски развојни зони, во поткастот „ВМРО-ДПМНЕ зборува” се осврна на фактот дека, според најновите податоци од Народна банка за првите девет месеци од 2024 година, странските директни инвестиции во земјата изнесуваат над 830 милиони евра.

Според него, рекордниот пораст на инвестиции ја потврдува довербата во владината стратегија и притоа додаде дека владината политика создава поволна клима за инвестиции и раст.

– Последните информации од Народна банка за првите 9 месеци од 2024 година покажаа дека имаме прилив од повеќе од 830 милиони евра странски директни инвестиции. Нашата заложба и цел е да стигнеме до таа милијарда, иако 838 милиони евра е рекорд во историјата на независна Македонија. Целта ни е да стигнеме до над една милијарда странски директни инвестиции во Македонија. Ќе поставиме таргет, кој потоа ќе треба да го надминеме – рече Димовски.

Тој вели дека „целта на оваа Влада е компаниите, пред сè од приватниот сектор, да им дадеме сериозна поддршка, бидејќи оние компании кои даваат додадена вредност во самата економија треба едноставно да ги негуваме. Оваа Влада е сериозно посветена на оние компании, коишто навистина си го почитуваат законот и работат согласно него“.

Димовски соопшти дека тековно се водат преговори за привлекување странски директни инвестиции. Тој нагласи дека растот на стратешките инвестиции отвора можности за економски напредок, истакнувајќи дека овие инвестиции поттикнуваат иновации и создавање на нови работни места.

– Во тек се преговори и се надеваме дека ќе се реализираат. Станува збор за голема инвестиција вредна повеќе од 350 милиони евра, каде што таа компанија треба да изгради еден капацитет кој ќе има високо технолошко производство и ќе креира високо платени работни места, воедно ќе има сериозен извоз – објасни Димовски.

The post СТРАНСКИТЕ ИНВЕСТИЦИИ ИЗНЕСУВААТ НАД 830 МИЛИОНИ ЕВРА Целта на владата е да се создаде нова ера на раст appeared first on plusinfo.mk.

Меџити посочи дека новата гаража ќе има 371 паркинг место распоредени на две подземни нивоа со вкупна површина од повеќе од 13.000 квадратни метри.

– Во подземната гаража ќе бидат обезбедени и адекватни паркинг-места за лица со посебни потреби. Со таа инвестиција се заокружува плоштадот „Скендербег“ и се демонстрира нашата посветеност кон решавање на инфраструктурните предизвици со кои се соочува нашиот главен град, Старата скопска чаршија, општина Чаир и општина Центар – рече Меџити.

The post ЌЕ СЕ ГРАДИ ПОДЗЕМНА ГАРАЖА КАЈ „СКЕНДЕРБЕГ“ Владата за овој проект одобри 20 милиони евра, вели Меџити appeared first on plusinfo.mk.

Десетици вработени кои биле затекнати во кол-центарот во Белград се испитуваат за учество во измамнички активности.

Според информациите во официјалното соопштение на Европол, досега се идентификувани околу 120 жртви, кои загубиле околу 12 милиони евра. Сепак, натамошните проценки на германските истражители покажуваат дека има многу повеќе жртви ширум светот и дека измамата изнесува најмалку 300 милиони евра.

Како резултат на оваа истрага, беа идентификувани голем број осомничени, меѓу кои и главниот сторител од Кипар, кој сега е уапсен.

– По операцијата, Сојузното обвинителство и полицијата на Германија изразија благодарност до Службата за борба против високотехнолошкиот криминал и до регионалните полициски управи на Полициската управа, како и до Специјалното одделение на Обвинителството за борба против високотехнолошкиот криминал, за нивно учество во споменатата акција бидејќи при претресот за водење на кривична постапка и понатамошна обработка на осомничените од страна на германските истражни органи пронајдени се материјални докази – изјави министерот Дачиќ.

The post ЛАЖНИ КОЛ-ЦЕНТРИ ИНКАСИРАЛЕ 300 МИЛИОНИ ЕВРА ШИРУМ СВЕТОТ Во Белград беше откриен еден од центрите appeared first on plusinfo.mk.

По извршената евалуација од страна на ресорните министерства, Владата соопшти дека одлучила оваа година да бидат финансирани вкупно 274 проекти во 77 општини, со вкупна вредност од нешто над четири милијарди денари или околу 65 милиони евра.

„Владата изрази благодарност на општините за максималната посветеност и ангажираност, што само ја докажува нивната способност и волја за инфраструктурен напредок, за што, во изминативе години немале можност поради ограничените финансиски средства. Почнувајќи од оваа година и во наредните години, на општините им се отвара нова можност да ги реализираат приоритетните проекти, да ги подобрат основните услови за живеење за граѓаните, да можат општините да се развиваат побрзо и да се создаваат нови можности за граѓаните“, стои во владиното соопштение.

Фазата на евалуација не ја поминаа само четири општини: Струмица, Град Скопје, Теарце и Сарај.

The post 274 ПРОЕКТИ СО ВРЕДНОСТ ОД 65 МИЛИОНИ ЕВРА Владата донесе одлука да им помогне на општините appeared first on plusinfo.mk.