Претседателот на САД Џо Бајден воведува строги мерки за вработените во јавните институции и владата за и приватните фирми да преземат такви мерки.

Една од мерките која Бајден ќе ја наложи со потпишување на извршна уредба е дека ќе се бара вакцинација на сите вработени во владата.

Вработените повеќе не ќе можат да се извлекуваат преку редовното тестирање, јавува Си-Ен-Ен.

Претседателот ќе потпише и извршна уредба за институциите кои соработуваат со сојузната власт – Министерството за одбрана, Одделот за ветерани, Индиската здравствена служба и со Националниот институт за здравје.

Белата куќа проценува дека двете одредби покриваат 2,5 милиони луѓе.

Бајден исто така планира да најави големо проширување на бесплатното тестирање, што е мерка за која здравствените работници рекле дека е од клучна важност за сузбивање на вирусот, особено по враќањето на децата во училиштата и на некои работници во канцелариите.

Се очекува Бајден да открие повеќе и за третата доза на вакцината против ковид-19, но нема да открие кога за граѓаните на САД ќе биде достапна дополнителната доза.

The post БАЈДЕН ЌЕ НАРЕДИ ВАКЦИНАЦИЈА НА СИТЕ ВРАБОТЕНИ ВО ВЛАДАТА Станува збор за милион луѓе appeared first on plusinfo.mk.