Европол и Евроџаст запленија 3,5 милиони евра криптовалути од киберкриминалците низ светот демонтирајќи клучен софтвер во голема меѓународна операција наречена „КРАЈ НА ИГРАТА“. Се работи за софтверот Ransomware кој ги заклучува или шифрира податоците на заразениот компјутер, а потоа бара откуп (најчесто во криптовалути) од жртвата за да ѝ овозможи повторно пристап до тие податоци.

Од 19 до 22 мај, властите во ЕУ соборија околу 300 сервери низ целиот свет, неутрализираа 650 домени и издадоа меѓународни потерници за 20 лица, задавајќи директен удар врз синџирот на убивање на рансомвер.

Операцијата на Европол и Евроџаст следува против слична опреација против ботнет мрежи во 2024 година. Малициозниот софтвер и хакерите повторно се појавиле по акцијата во 2024 година, а овојпат фокусот бил на начинот на кој киберкриминалците се инфлитрираат во компјутерските системи пред да го распоредат рансмовер-от.

Со уништување на овие влезни точки бил оштетен целиот синџир и биле неутрализирани софтверите Bumblebee, Lactrodectus, Qakbot, DanaBot, Trickbot и Warmcookie. Овие софтвери обично се користат за да се отвори патот за поголеми сајбер-напади.

Покрај тоа, издадени се меѓународни налози за апсење против 20 клучни актери за кои се верува дека обезбедуваат или управуваат со услуги за почетен пристап до оператори на рансомвер.

Во акцијата учествуваа Канада, Данска, Франција, Германија, Холандија, Велика Британија и САД.

The post КРАЈ НА ИГРАТА ЗА КИБЕРКРИМИНАЛЦИТE, ЗАПЛЕНЕТИ МИЛИОНИ Во меѓународна акција се неутрализирани повеќе малициозни софтвери appeared first on plusinfo.mk.

Тој рече дека новиот пакет помош за Украина вклучува противтенковски ракети, ракети земја-воздух и беспилотни летала.

Макрон имаше средба со својот украински колега Володимир Зеленски, кој денеска пристигна во Париз за да учествува на утрешниот самит организиран од францускиот лидер, посветен на темата Украина.

– Руската агресивност има многу директно влијание врз нашата безбедност во Европа. Ние сме во одлучувачка фаза да ставиме крај на агресијата. Го поздравувам претседателот Трамп и неговите напори за прекин на огнот – рече Макрон.

Тој додаде дека 30-дневниот прекин на нападите врз енергетската инфраструктура на Украина е „прв чекор“, пишува парискиот весник „Фигаро“.

– Русија ја покажа својата подготвеност да води војна и да продолжи со својата агресија. Ја чекаме посветеноста и договорот од Москва за 30-дневен прекин на огнот без предуслови – рече Макрон.

За време на заедничката прес-конференција во Париз, Зеленски ја пофали „непоколебливата поддршка на Париз за Украина“ и го нарече Макрон пријател.

– Нашата соработка станува сè поконкретна. Сакам да ги истакнам напорите на Франција да ја обезбеди нашата одбрана од руските напади. Ги видовме вашите борбени авиони Мираж во акција и тие станаа дел од нашиот воздушен штит против руските беспилотни летала – рече Зеленски.

Во договорот постигнат во Саудиска Арабија со американско посредство, Русија и Украина ветија дека ќе обезбедат безбедност на пловидбата во Црното Море, ќе ја елиминираат употребата на сила и ќе спречат употреба на комерцијални бродови за воени цели.

The post 2 МИЛИЈАРДИ ЕВРА ВОЕНА ПОМОШ ОД ПАРИЗ ЗА КИЕВ Макрон очекува Москва да поддржи 30-дневно примирје appeared first on plusinfo.mk.

– Државните инвеститори ќе инвестираат капитал од 1,7 милијарди евра, што, благодарение на заедничките инвестиции со приватни инвеститори, ќе ни овозможи да инвестираме до 5 милијарди евра дополнителен капитал за поддршка на секторот – рече Ломбард, наотворањето на конференција во Париз на која се собраа инвеститорите и производителите на одбранбени производи за да разговараат за финансирање на секторот.

Ломбард додаде дека е „одговорно“ да се инвестира во одбранбениот сектор.

The post ФРАНЦИЈА ВЛОЖУВА МИЛИЈАРДИ ВО ОДБРАНАТА Нови инвестиции за зајакнување на воената моќ appeared first on plusinfo.mk.

Трошоците за обновата на украинската економија по завршувањето на руската инвазија се проценуваат на 524 милијарди долари, објавија денеска Светската банка, Обединетите нации, Европската комисија и владата во Киев.

Британските медиуми пренесуваат дека најтешко погодени сектори се домувањето, транспортот, енергијата, трговијата и образованието.

Украинската влада со поддршка од донатори годинава издвои речиси 7,4 милијарди долари за приоритетни потреби, но сепак ѝ недостигаат речиси 10 милијарди.

Директната штета од руските напади достигна 176 милијарди долари, што е за 24 милијарди повеќе од пред една година.

Околу 13 отсто од становите во Украина се оштетени или уништени, погодувајќи повеќе од 2,5 милиони луѓе.

Во текот на изминатата година евидентирани се 70 отсто повеќе штети на електраните.

Беше наведено дека за реконструкција на станбениот сектор ќе бидат потребни околу 84 милијарди евра, додека само чистењете на урнатините ќе чини речиси 13 милијарди евра. сд/

The post НЕВЕРОЈАТНИ 524 МИЛИЈАРДИ ДОЛАРИ СЕ ПОТРЕБНИ ЗА ОБНОВА НА УКРАИНСКАТА ЕКОНОМИЈА Светска банка ги пресмета штетите од војната appeared first on plusinfo.mk.

Старо-новиот американски претседател Доналд Трамп одобри инвестиција од 500 милијарди долари во вештачката интелигенција. Со вложувањето на три гигантски фирми треба да се изградат масивни компјутерски центри во САД, кои ќе црпат многу, многу струја, пишува Футуризам.

Првиот од овие објекти, според извештајот, ќе биде изграден некаде во Тексас. Проектот наводно се нарекува „Ѕвездена порта“.

Се работи за заедничко вложување помеѓу креаторот на ЧатГПТ ОпенАИ, јапонската инвестициска групација СофтБанк и корпорацијата Оракл.

За да ја овозможи инвестицијата Трамп поништи одлука од ерата на Бајден со која беа дадени насоки за регулирање на вештачката интелигенција.

Сега, со укинувањето на таа наредба, индустријата за вештачка интелигенција е повторно слободна да ужива во дерегулаторното игралиште.

Директорите на СофтБанк и ОпенАИ одбија да коментираат за договорот. Но, извршниот директор на ОпенАИ, Сем Алтман, присуствуваше на инаугурацијата оваа недела и, како и многу други високи технолошки директори во последните недели, донираше готовина во инаугуративниот фонд на Трамп.

Исто така, извршниот директор на Оракл, Лари Елисон, е долгогодишен сојузник и донатор на Трамп, а извршниот директор и милијардер на СофтБанк, Масајоши Сон, беше еден од многуте технолошки лидери кои патуваа на имотот на Трамп во Мар-а-Лаго по изборите.

Трамп на брифинг со новинарите го спомна Елисон заедно со Илон Маск како едни од луѓето кои би сакал да ја купат социјалната мрежа Тик-ток. Трамп ја тргна законската забрана за Тик-ток во САД  во следните 75 дена за да се реши проблемот.

The post ТРАМП ОТВОРА „ЅВЕЗДЕНА ПОРТА“ ЗА ВЕШТАЧКАТА ИНТЕЛИГЕНЦИЈА 500 милијарди долари ќе бидат вбризгани за дата центри во САД appeared first on plusinfo.mk.

Судот во Делавер пресуди дека главниот извршен директор на Tесла, Илон Маск, нема право на финансиски пакет од 56 милијарди долари, иако акционерите на компанијата за електрични возила гласаа за тоа во јуни.

Пресудата на судијката Кеталин Мек Кормик следи по нејзината одлука во јануари, која го нарече пакетот претеран и го поништи, изненадувајќи ги инвеститорите и фрлајќи сомнеж врз иднината на Маск во највредниот производител на автомобили во светот.

Во објавата на Икс по одлуката на судот, Маск рече дека „акционерите треба да ги контролираат гласовите на компанијата, а не судиите“. Компанијата Тесла на Икс објави:

„Пресудата е погрешна и ќе се жалиме“, додавајќи дека судијата го отфрлил огромното мнозинство акционери.

Маск и Тесла може да се жалат до Врховниот суд во Делавер штом МекКормик ја објави пресудата, што би можело да се случи оваа недела.

Разгледувањето на жалбата може да потрае и до една година.

Тесла напиша во судските поднесоци дека судот треба да го признае гласањето во јуни од страна на неговите акционери во корист на пакетот плати за Маск, движечката сила на компанијата одговорна за многу од нејзините аванси, и да го одобри тој надомест за неговата работа.

Судијката Мек Кормик рече дека одборот на Тесла нема право да го стори тоа за да го врати финансискиот пакет на Маск на маса.

„Доколку судот им дозволи на поразените странки да создаваат нови факти заради преиспитување на пресудите, судскиот спор ќе стане бескраен“, напиша таа во образложението од 101 страница.

Таа, исто така, рече дека компанијата Тесла направила повеќе материјални грешки при гласањето во судските постапки и не може да тврди дека гласањето било „лек“ за да се оправда враќањето на пакетот за плати на Маск.

Пакетот на Маск вклучуваше опции за акции доколку компанијата исполни одредени цели. Тој првично беше проценет на 56 милијарди долари, но акциите на Тесла пораснаа за 42 отсто од 5 ноември, кога републиканскиот кандидат Доналд Трамп, поддржан од Маск, победи на претседателските избори во САД.

По тоа зголемување, неговиот пакет би вредел околу 101 милијарда долари.

The post МАСК ПАК НЕ ДОБИ 56 МИЛИЈАРДИ ДОЛАРИ Милијардерот ги убедувал акционерите да му ги отстапат парите? appeared first on plusinfo.mk.

Премиерот Христијан Мицкоски вели дека состојбата со Буџетот е алармантна и дека недостигаат пари за што истражните органи ќе имаат многу работа во следниот период. Пари за ветеното зголемување на пензиите, вели дека ќе има.

Во централниот дневник на телевизија „Сител“, Мицкоски рече дека за „Национални шуми“ каде вработените немаат земено плата четири месеци, потребни се од 250 до 300 милиони денари, за „Водовод“ од 60 до 100 милиони денари, а недостигаат и три милијарди и 700 илјади денари за земјоделците.

– Направиле Буџет за шест месеци како да знаеле дека нема да бидат повеќе Влада па се труделе што повеќе проблеми да ѝ остават на новата Влада така што милијарди и милијарди денари останале непокриени. Има законски обврски кои морале да ги направат, не ги предвиделе во Буџетот и.т.н. но мислам дека периодот што следи истражните органи ќе имаат многу работа – рече Мицкоски.

Милијарда и двесте илјади денари, според Мицкоски, треба да се платат и по основ на казни поради тоа што некои од министрите ги прераспределувале вработените во институциите надвор од законот.

Во однос на изградбата на автопатските делници за што претходната влада потпиша договор со „Бехтел и Енка“, Мицкоски рече дека реализацијата е околу четири до пет милијарди и дека не се решени имотно-правните односи иако државата се обврзала дека тоа ќе го заврши до средината на минатата година.

– Државата презела обврска дека ќе треба да го отвори теренот за работа за компанијата изведувач до средината на минатата година. Од средината на минатата година до сега тоа што треба ние како пенали да го платиме кон изведувачот, доколку одлучи да го фактурира, е околу 36 милиони евра односно три милиони евра месечно треба да плаќаме – рече Мицкоски.

За заемот од 500 милиони евра од Унгарија, Мицкоски рече дека тоа била најдобрата понуда во моментот и дека отворени се за разговор со секоја финансиска институција која ќе даде подобри услови. Смета дека со заемот од Унгарија не би требало да се нарушат односите со меѓународните финансиски институции.

– Жалам што опозицијата не најде за сходно да го пофали потегот и да честита. Тоа што го гледав повеќе личеше на трагична комедија. Тоа е подеднакво трагично како што велат овие инвестции што Мицкоски ги најавува, ние ги работевме, ама не успеавме да ги срабтиме, па мораше да дојде Мицкоски со неговите соработници да ги сработи. Парите немаат боја, ниту национална припадност. Нека ни дадат други држави подобри услови, ќе ги земеме од таму – рече Мицкоски.

За платите на функционерите кои со одлука на Уставниот суд беа зголемени за 78 проценти, Мицкоски рече дека проблемот треба да се реши системски.

The post НЕДОСТИГААТ ПАРИ, ИСТРАЖНИТЕ ОРГАНИ ЌЕ ИМААТ МНОГУ РАБОТА Состојбата со Буџетот е алармантна, вели Мицкоски appeared first on plusinfo.mk.

Вака изјави неименуван француски службеник за најавената помош од 50 милијарди долари која треба да ја добие Украина од Западот во форма на заеми од замрзнатите руски средства.

Макс Бергман, директор на Програмата за Европа, Русија и Евроазија во Центарот за стратешки и меѓународни студии, минатата недела изјави дека постои загриженост меѓу европските министри за финансии дека нивните земји „ќе останат да ја  држат прaзната тoрба ако Украина не плати“, пишува Јаху.

Како ќе функционира договорот кој седумте најмоќни земји во светот го потпишаа на самитот Г-7 во јужна Италија и дали постојат правни пречки? Заемите би биле гарантирани од американската влада, но повеќе од вкупните 260 милиајрди долари се наоѓаат во Европска унија.

Повеќе од парите се профити од готови замрзнати средства бидејќи е полесно да се пристапи до тој извор на пари. Но, во случај да треба запленетиот руски имот да се претвори во пари, тоа е потешко и постојат одредени правни недоумици.

Американски функционер, кој сакаше да остане анонимен, рече дека официјалната изјава на лидерите на Г7 што треба да биде објавена во петок ќе ја остави отворена вратата за обид за целосна конфискација на рускиот имот.

– Зошто едноставно не ѝ дадете на Украина замрзнати средства? Тоа е многу потешко да се направи – изјави американски функционер кој сакаше да остане анонимен.

Одделно, САД оваа година усвоија закон наречен REPO Act – кратенка од Законот за обнова на економскиот просперитет и можности за Украинците. Актот ѝ дозволува на администрацијата на Бајден да заплени 5 милијарди американски долари руски државен имот во САД и да ги искористи за да биде во корист на Киев. Тој закон е на сила.

Украина ќе може да ги троши парите во неколку сфери, вклучително и воена, економска и хуманитарна, но и за реконструкција, изјави американскиот претставник.

Трошоците за обнова на Украина по војната, според последната проценка на Светската банка се 486 милијарди долари во следните 10 години.

Францускиот функционер рече дека заемот може да биде „дополнет“ со европски пари или придонеси од други земји.

Некои земји имаат критички став кон планот за конфискација на руски имот.

Портпаролот на кинеската амбасада Лиу Пенџу изјави за Асошиејтед прес дека САД ги охрабруваат борбите и охрабруваат конфронтација.

„Ги повикуваме САД веднаш да престанат со наметнување нелегални еднострани санкции и да одиграат конструктивна улога во завршувањето на конфликтот и враќањето на мирот.

Говорејќи на заедничката прес-конференција со американскиот претседател Џо Бајден по потпишувањето, украинскиот лидер Володимир Зеленски рече дека „најсилниот договор“ меѓу Вашингтон и Киев „јасно кажува дека Америка ги поддржува напорите на Украина да победи во оваа војна“ против Русија.

– Договорот „има добри одредби за оружје за нашата одбрана, многу конкретно за системите „Патриот“, многу конкретно за снабдување на борбени ескадрили за Украина – така е, во множина, „ескадрили“ – вклучително, но не ограничувајќи се на Ф-16 – тврди Зеленски.

– Ние работевме долго време за ова – додаде тој коментирајќи го потпишаниот десетгодишен договор.

Американската министерка за финансии Џенет Јелен во четвртокот рече дека ова нема да бидат последни средства за Украина:

– Ова не е последен пат да се направи ова. Ова е прва транша и ако е потребно, има повеќе зад неа – рече Јелен, која активно беше вклучена во преговорите за договорот.

– Ги тераме Русите да помогнат да ја платат штетата што е предизвикана.

Американскиот претседател Џо Бајден и украинскиот претседател Володимир Зеленски го потпишаа билатералниот десетгодишен договор што доаѓа откако 15 земји склучија слични долгорочни безбедносни договори со Киев, вклучувајќи ги Велика Британија, Франција и Германија.

Земјите од Г-7 начелно се договорија за планот за финансирање на Украина со заеми, но допрва ќе треба да ги договорат деталите.

ЗЕЛЕНСКИ И БАЈДЕН СИ ПОДАДОА РАКА Украина и САД потпишаа долгорочен безбедносен договор на Г7

The post „ШТО АКО РУСИЈА ГИ ВРАТИ ЗАМРЗНАТИТЕ СРЕДСТВА?“ Еве како ќе функционира десетгодишниот договор за снабдување на Украина со милијарди долари appeared first on plusinfo.mk.

Вака им рече милијардерот Илон Маск на толпата ентузијастички акционери кои се собраа во Тексас на годишниот состанок на фирмата. Акционерите изгласаа дека на Маск треба да му се исплатат до 56 милијарди долари.

Договорот е вреден околу 300 пати повеќе од она што го направи шефот со најголема заработка во САД минатата година. Сепак, гласањето не е обврзувачко и правните експерти рекоа дека не е јасно дали судот што го блокираше договорот ќе го прифати повторното гласање и ќе ѝ дозволи на компанијата да го врати пакетот за плаќање.

– Гласањето не менува ништо – рече Матје Шапиро, управен партнер во адвокатската фирма Obermayer Rebmann Maxwell & Hippel.

HOT DAMN I LOVE YOU GUYS!

一 Elon Musk pic.twitter.com/mIt1fZ9Qi3

— DogeDesigner (@cb_doge) June 13, 2024

– Тоа само му нуди на Тесла можности да се обиде да го искористи гласот за да добие подобра одлука понатаму. Ќе биде интересно да се види дали некој друг суд е подготвен да го признае гласањето донесено по одлуката на судечкиот суд.

Неверојатната сума предизвика критики и ја зголеми загриженоста дека управниот одбор на Тесла е премногу покорен и близок со Маск.

Во јануарската судска одлука , судијката во Делавер, Кеталин Мекормик, пресуди дека сумата е „неправедна“ и дека процесот за одредување на пакетот, од одбор во кој доминира г-дин Маск, бил „длабоко погрешен“.

Судијката Мекормик истакна дека Антонио Грацијас, кој бил директор на одборот на Тесла, имал „таков личен однос поради кој редовно летувал со семејството на Маск“.

Маск објави дека сака да го премести правното седиште на фирмата во Тексас, откако судот во Делавер, каде што моментално е инкорпориран, го поништи неговиот пакет за плаќање, застанувајќи на страната на мал инвеститор кој го тужеше за договорот.

Борбата околу планот предизвика загриженост за раководството, во време кога цената на акцијата на Тесла падна од својата висина и нејзината позиција во индустријата за електрични автомобили е под притисок.

Но, Маск ја собра својата база на фанови за поддршка на договорот, апелирајќи особено до индивидуалните инвеститори, кои сочинуваат невообичаено голем дел од акционерската база на фирмата.

Планот за компензација му дава на Маск права на приближно 300 милиони акции – што е еквивалентно на 10% од акциите во фирмата – како награда за исполнување на бројни цели поставени во 2018 година, кои се поврзани со продажбата, профитот и цената на акциите.

The post 📽 ЖЕШКО, ПРОКЛЕТО Еве како реагираше Маск кога дозна дека ќе добие 56 милијарди долари appeared first on plusinfo.mk.

Полицијата доцна во средата соопшти дека истрагата за трансферите и перењето пари е завршена, објави Ројтерс.

Државните медиуми објавија дека Труонг Ми Лан незаконски префрлила пари во странство во вкупна вредност од 4,5 милијарди долари.

Медиумите не прецизираа во кои земји е извршен трансферот на пари.

Таа, исто така, беше обвинета за перење пари, вклучително и пари што таа и нејзините соучесници ги извлекле од Комерцијалната банка во Сајгон.

Таа беше осудена на смрт во април на судот во Хо Ши Мин Сити во јужен Виетнам за банкарска измама од повеќе милијарди долари во најспектакуларното судење во историјата на Виетнам, објави локалниот портал „Тан Ниен“.

Труонг Ми Лан (67), која има кинеско потекло, беше осудена за грабеж на една од најголемите виетнамски банки, „Saigon Commercial Bank“, во износ од 44 милијарди долари во период од 11 години, а таа ги отфрли обвиненијата.

Обвинителите велат дека 27 милијарди долари можеби никогаш нема да бидат вратени.

Обвинителите повикаа 2.700 лица да дадат исказ за време на судењето, во кое учествуваа 10 државни обвинители и околу 200 адвокати. Доказниот материјал бил во 104 кутии со вкупна тежина од шест тони.

Покрај Труонг Ми Лан им се суди на уште 85 лица, а 13 други се соочуваат со можна смртна казна.

Таа, исто така, беше осудена за поткуп за да се осигура дека нејзините заеми никогаш не биле проверени, а еден од обвинетите е поранешен главен инспектор во централната банка, кој се соочува со можна доживотна затворска казна за примање поткуп од пет милиони долари.

Труонг Ми Лан, кој беше претседателка на компанијата за недвижнини ВТП, беше уапсена во октомври 2022 година.

The post 27 МИЛИЈАРДИ МОЖЕ НИКОГАШ ДА НЕ БИДАТ ВРАТЕНИ! Богатата жена која беше осудена на смрт незаконски префрлала пари во странство appeared first on plusinfo.mk.