Драстично зголемување на паричните казни за физички лица, од 400 евра за несоодветно чување и шетање на куче, до 5.000 евра за мачење, сурово и нехумано постапување или убивање животно, предвидува предлог-законот за заштита и благосостојба на животните, објави Телма.

Измените главно се насочени кон решавање на проблемот со напуштањето на домашните миленици, нивното неконтролирано размножување и трговија за што краен резултат треба да биде намалување на бројот на бездомни кучиња.

„На сопственикот кој ќе го напушти својот миленик трајно му се забранува држење на миленици; Се забранува неконтролирано размножување, продажба и давање на подарок домашни миленици… Се забранува чување на домашен миленик – куче, постојано врзано на ланец или во затворен дел од ограден простор, без да се овозможи слободно движење надвор од тој простор најмалку еднаш во денот, со цел да се задоволат неговите физиолошки и физички потреби… Се збаранува зашеметување, колење или усмртување на животни за ритуални цели…“, се дел од измените предвидени со предлог-законот.

Предлог-законот предвидува и задолжителна стерилизација на домашни кучиња, забрана за продажба и давање на подарок домашни миленици од нерегистрирани одгледувачи, а одгледувачниците, пред да го направат тоа, ќе мора новите легла да ги пријават кај ветеринар, но и кому ги дале. Една мачка или кучка нема да смее да има повеќе од едно легло годишно.

Се предвидува и формирање на Центар за трајно згрижување, сместување и посредување при вдомување на напуштени и бездомни животни, но и сместување кај привремени вдомувачи.

Регулирана е и регистрација на пансиони за миленици, продавници, одгледувачници.

Освен инспекторите на АХВ должност да вршат контроли на спроведува на законот ќе имаат и Државниот комунален инспекторат, општинските комунални инспектори и на градот Скопје, како и МВР.

Законското решение е изготвено од Агенција за храна и ветеринарство, а усогласено со Ветеринарната комора, Ветеринарниот факултет, министерствата за животна средина и локална самоуправа, како и ЗЕЛС и здружението Анима Мунди, во рамки на Работната група за стратегија и управување со популацијата на бездомни животни.

The post КАЗНИ ДО 5.000 ЕВРА, ДОЖИВОТНА ЗАБРАНА ЗА ЧУВАЊЕ МИЛЕНИК, ЗАДОЛЖИТЕЛНА СТЕРИЛИЗАЦИЈА… Што предвидува новиот предлог-закон за благосостојба на животните appeared first on plusinfo.mk.

Според новото истражување презентирано на Конгресот на Европското респираторно друштво во Амстердам, децата кои биле повеќе изложени на кучешки алергени во првите месеци од животот имале 48% помал ризик од развој на астма до петгодишна возраст.
Истражувачот Џејкоб Мекој од Болницата за болни деца во Торонто истакнува:

– Откривме дека изложеноста на кучешки алергени ја подобрува функцијата на белите дробови и го намалува ризикот од астма, додека алергените од мачки не покажаа ист ефект.

Како е спроведено истражувањето?

Научниците анализирале примероци од прашина од домовите на 1.050 канадски бебиња на возраст од 3 до 4 месеци. Прашината била тестирана за три алергени:

Can f1, протеин што се наоѓа во кучешко крзно и плунка
Fel d1, протеин што се наоѓа во мачкино крзно и плунка
ендотоксин, супстанца што се наоѓа на површината на бактериите.

Кога децата наполниле пет години, истражувачите повторно ја тестирале нивната белодробна функција и присуството на астма.

Повеќе за ова прочитајте на порталот „Мајка и дете“.

The post НОВО ОТКРИТИЕ ЗА ДОМАШНИТЕ МИЛЕНИЦИ Кучињата ги штитат децата од честа болест – мачките, за жал, не! appeared first on plusinfo.mk.

„Првпат видовме една лисица пред неколку дена, но сега се појавуваат по неколку одеднаш. Стравуваме за безбедноста на децата и на милениците“.

Вака за 24инфо вели еден загрижен жител на скопската населба Козле откако лисици се појавија на улицата Ловќенска во близина на домовите. Жителите се жалат дека лисиците напаѓаат миленици и бараат реакција од надлежните.

Појавата на животни во градските населби не е новост за скопјани.

Додека се чека летото, најмалку две вести за змии одекнаа во регионот. На 10 јуни змија влезе во собранието на Босна и Херцеговина што ја прекина работата на пратениците. Змија беше снимена на улица во населбата Дорчол во Белград претходно во јуни.

The post 📽 ЛИСИЦИ СЕ ПОЈАВИЈА НОЌЕ ВО КОЗЛЕ Жителите на улицата Ловќенска се загрижени appeared first on plusinfo.mk.

Важат за тивки миленичиња коишто всушност го подобруваат здравјето на нивните сопственици. Мачката го намалува стресот. Галењето со миленичето, се вели, ослободува хормони на среќа коишто го намалуваат стресот. Дополнително, луѓето, кои чуваат мачка, имаат понизок крвен притисок и помала опасност од кардиоваскуларни болести, пишува порталот Кликс.

Тука се наведува и предењето коешто емитува фреквенција од 25 – 150 херци и, исто така, има терапевтски ефект врз здравјето на човекот, според „Кетс лав ас“ (Cats Luv Us). Овие фреквенции се сметаат за лековити бидејќи ублажуваат болки и ја стимулираат регенерацијата на коските.

Мачките имаат важна улога и во намалувањето на чувството на осаменост. Луѓето со маче, како домашно милениче, честопати имаат подобра емоционална состојба бидејќи животното благотворно влијае на анксиозноста и на депресијата.

За крај, се истакнува дека мачките создаваат емотивна врска, корисна за менталното здравје, а тоа ги прави совршени миленици за современиот начин на живот.

The post АКО ЧУВАТЕ МАЧКА, ЌЕ ИМАТЕ ПОМАЛ ПРИТИСОК И ПОЗДРАВО СРЦЕ Науката покажува дека предењето има лековит ефект appeared first on plusinfo.mk.

„Со задоволство сакам да објавам една нова мерка, а тоа е субвенционирање на граѓаните за стерилизација на домашните миленици. Ова е уште една мерка која ја реализираме како одговорна локална самоуправа во насока на системско решавање на проблемот со бездомните миленици на долг рок. Придобивките од стерилизацијата на милениците се многубројни и подеднакво важни за здравјето на миленикот и за околината. Стерилизацијата е најдобро решение за контрола и за намалување на популацијата на бездомни животни, а со сеа се намалува и нивната агресивност“, напиша градоначалникот на Гази Баба, Бобан Стефковски на Фејсбук.

Јавниот повик и условите за учество се објавени на веб-страната на Општина Гази Баба.

The post ГАЗИ БАБА ЌЕ ПЛАЌА ЗА СТЕРИЛИЗАЦИЈА НА ДОМАШНИТЕ МИЛЕНИЦИ Нова мерка за помалку бездомни кучиња и мачки appeared first on plusinfo.mk.

Жителите на општината Бронкс, во градот Њујорк, забележаа зголемување на бројот на којотите ова лето, па затоа некои посетители на познатиот парк Клермонт, на пример, стравуваат за својата и за безбедноста на нивните миленици.

Сепак, Одделот за паркови и рекреација на Њујорк вели дека којотите се вообичаени низ целата сојузна држава Њујорк, вклучително и во урбаните области. Според надлежните, при средба со којот, не треба да се паничи.

„Повеќето од нив не се опасни за луѓето… Нема причина да се верува дека којотите за коишто станува збор се нездрави (заболени или заразни) или претставуваат закана за безбедноста на луѓето. Меѓутоа, како и со сите диви животни, ги советуваме сите да се држат на растојание и да избегнуваат блиска средба со животното“, соопшти Одделот за паркови и рекреација на Њујорк.

Којотите, иако вообичаено живеат во дивината и вон градовите, се присутни во Њујорк од 1930-те, а некои од овие диви животни во Бронкс се населиле во 1990-те, според наводите. Во последно време се забележуваат и во њујоршките општини Квинс и Менхетн.

The post НАEЗДА НА КОЈОТИ ВО ЊУЈОРК Луѓето се во паника, се плашат за својата безбедност appeared first on plusinfo.mk.

Во болница во Ковентри, Велика Британија, седуммесечно девојче неодамна почина откако ја каснало куче, домашно милениче. Полицијата и болничарите биле повикани во домот на семејството, пристигнале брзо и му укажале прва помош на бебето кое потоа итно било пренесено во болница, но починало.

Во соопштението за овој настан е потврдено дека семејното куче, кое е хумано евтаназирано потоа, не било од опасна раса. Ветеринарот од установата „Мај петс вет“, д-р Ник Хорнимен, објаснува зошто дури и најдобро воспитаните кучиња може да ги нападнат членовите на семејството и ги истакна предупредувачките знаци на коишто сопствениците треба да обрнат внимание.

– Дури и најмирното и најпослушно куче може да го промени своето однесување и да стане опасно… Семејните кучиња се склони кон напади, а причините за агресијата честопати се игнорираат од сопствениците, или пак погрешно се протолкувани – тврди Хорнимен.

Ветеринарот вели дека клучните предизвикувачи на нагонот за напад се страв кај кучето, болка и ненадејни движења што го плашат животното.

– Кучињата може агресивно да реагираат ако помислат дека нивната територија е загрозена или ако се појави потреба да си ја заштитат храната или своите играчки. И новата средина или присуството на нови лица може да доведе до вознемиреност и до одбранбени дејствија – појасни ветеринарот.

Ваквите напади може да се спречат доколку сопствениците можат да ги препознаат скриените предупредувачки знаци коишто укажуваат на тоа дека на кучето му е непријатно или е вознемирено. Тие се: ‘Ржење, покажување заби, кочење на телото, избегнување погледи со очите. Нервозното мафтање со опашката, особено во комбинација со напнато тело и однесување, исто така може да биде знак на стрес кај кучето. Сопствениците мора да ги препознаат овие знаци и да ги оддалечат кучињата од ситуациите за да се избегне ескалација која може да доведе до потенцијално опасни случки, напад, па и смртен случај.

The post СОПСТВЕНИЦИТЕ ГИ ИГНОРИРААТ СКРИЕНИТЕ ЗНАЦИ Зошто семејните кучиња стануваат агресивни кон газдите? appeared first on plusinfo.mk.

Сопствениците на кучиња и други животни во Македонија за кои е задолжителна патна исправа за патување во странство треба да имаат патни исправи со Cеверна Македонија наместо со Република Македонија, објави Република.

Сепак, ветеринарните амбуланти, кои ги издаваат овие документи, засега немаат добиено известување дали тие што имаат патни исправи за милениците со старото име на државата задолжително треба да ги сменат или, пак, пасоши со новото уставно државно име ќе добијат само сопствениците кои отсега ќе вадат нови документи за своите миленици.

Добрата вест е дека за разлика од пасошите за луѓе, пасоши за миленици со „Северна“ се издаваат веќе неколку години, па релативно мал е бројот на сопственици на животни кои поседуваат пасоши со старото државно име.

The post И КУЧИЊАТА СИ ИМААТ МАКА СО ЛИЧНИТЕ ДОКУМЕНТИ Ќе го пренесете миленикот преку граница само ако пишува „Северна“ во пасошот! appeared first on plusinfo.mk.

Студија на научници во Австралија ги покажува ризиците за човечката психа при насилно разделување од милениците во ситуација кога има семејно насилство и разделување на партнерите или природна катастрофа, пишува „Неуросајнс њуз“.

Главната авторка на студијата, Џесмин Монтгомери, кандидатка за докторат на универзитетот „Џемс Кук“ разгледала 42 студии за врската меѓу луѓето и животните во случаи на разделба поради домашно насилство, бездомништво или природни несреќи.

Разделбата е процес полн со емотивен набој поради длабоката емоционална поврзаност меѓу луѓето и милениците. Поради недостатокот на служби за поддршка, многумина не бараат заштита, а тоа им создава психолошки проблеми на сопствениците. Милениците, пак, добиваат лош третман или умираат.

– Силната емоционална поврзаност меѓу луѓето и животните им предизвикува ранливост на двете страни кога врската е под закана – објаснува главната Монтогмери и додава:

– Разделбата од милениците во кризи како природните катастрофи, бездомништвото или домашното насилство ги влошува благосостојбата, безбедноста и здравјето. За жал, потврдивме дека милениците честопати трпат насилство и/или умираат во случаите на домашно насилство – тврди Монтгомери.

Во случаите со семејно насилство, луѓето го одложуваат прекинувањето на нивната врска за да ги заштитат милениците. Недостатокот на засолништа за милениците, а и недостатокот на доверба во локалните системи за поддршка се чести причини за непреземањето никакви чекори.

Насилникот некогаш се заканува дека ќе му наштети на миленикот, па жртвата се враќа за да го заштити миленикот, но тоа ја зголемува опасноста за неа и за миленикот. При природни катастрофи во период на опасност, сопственикот честопати се враќа кај миленикот или останува за да го заштити, што ги става во ризик него и другите.

Според Монтгомери, светогледот на сопствениците треба да се смени за да се земат во обзир потребите на милениците. Вториот чекор вклучува анализирање на комплексноста на кризната ситуација при овозможувањето услуги за поддршка на жртвите.

– Луѓето честопати ги одбираат човековите интереси пред тие на животните, без обзир на поврзаноста меѓу луѓето и животните. Мораме сериозно да ја сфаќаме вредноста на нашите миленици. Како колектив, делиме одговорност, па потребите на милениците мора да се земат предвид во законодавството. Вдомувањето ги спречува непосакуваните исходи како насилството врз животните и нивната смрт. Жените кои се предмет на домашно насилство треба да бараат засолниште за нив, за децата и за милениците. Истото важи и за бездомниците – заклучува авторката на истражувањето.

The post НАСИЛНАТА РАЗДЕЛБА СО МИЛЕНИКОТ E РИЗИК ЗА ПСИХАТА Науката потврди дека сме длабоко поврзани со нашите сакани животни appeared first on plusinfo.mk.

– Примарно е милениците да се микрочипираат и да се вакцинираат против беснило, обврска која треба да се спроведува секоја година и со која ќе се обезбеди здравје и заштита од беснилото на милениците, но и на семејството и општеството во целина – рече Бабовски.

Фокусот на светската кампања годинава е ставен на соработката и вакцинацијата, како основи на кои се темели борбата против беснилото и во земјава.

– За среќа, во Република Северна Македонија во однос на оваа болест епидемиолошката состојба е стабилна. Од последните евидентирани случаи на беснило во 2012 година, кај мачка во радовишкото село Аргулица и кај волк во кочанското село Главовица, во земјава нема беснило. Како одговорна институција, навреме ги преземаме потребните мерки за контрола на состојбата. Во моментов, во тек е спроведувањето на информативна кампања Стоп Беснило, која се реализира на 12 локални радио станици со емитување на едукативни радио спотови за препознавање на болеста и пријавување на сомнителни случаи. Во рамки на оваа кампања на АХВ, подготвени се и постери и флаери – информира Бабовски.

Во однос на дивата популација, почнувајќи од 2011 година, со поддршка на Европската Унија, Агенцијата за храна и ветеринарство спроведе 19 кампањи на орална вакцинација на лисиците. Оваа година спроведени се две кампањи, во јануари и во мај. Според планираното, есенва ќе се спроведе уште една кампања за орална вакцинација на лисиците против беснило, со авионско фрлање на мамки на целата територија на земјава, информира директорот Бабовски.

The post НЕ ЗАБОРАВАЈТЕ ДА ГИ ВАКЦИНИРАТЕ МИЛЕНИЦИТЕ ПРОТИВ БЕСНИЛО Болеста е подмолна и мора превентивно да се делува, велат од АХВ appeared first on plusinfo.mk.