Д-р Цана, инфектолог на Клиниката, го презема местото на д-р Милена Стевановиќ, која седум години беше директор на инфективната клиника, опфаќајќи го и периодот на пандемијата со ковид-19.

Засега нема информации за причината за смена на д-р Стевановиќ и назначувањето на д-р Цана.

Цана е кадар од Алијанса за Албанците.

Тој ја извршуваше функцијата претседател на УО на Фондот за здравство, а неговото име се споменуваше и за министеркото место.

The post РАЗРЕШЕНА Е ДИРЕКТОРКАТА НА ИНФЕКТИВНА КЛИНИКА Фадил Цана ќе го заземе местото на Милена Стевановиќ appeared first on plusinfo.mk.

– Шестмина хоспитализирани пациенти имаме во моментов, примени изминатите денови, повозрасни, над 70 години, сите со сериозни коморбидитети и тешки болести, како малигност, срцева болест. Двајца од нив се во сериозно тешка состојба. Во тек на вчерашното дежурство, има десетина амбулантски прегледи на ковид позитивни, со лесна клиничка слика, за лекување во домашни услови. Повеќето пациенти се со лесна клиничка слика. Веројатно ќе се зголемува бројот, со оглед на тоа што луѓе се вратија од различни страни на светот. Епидемиолошки, тоа е многу логичен след – појасни докторката.

Таа нагласи дека во секој случај, во болнички установи и аптеки, обавезно треба да се носат заштитни маски. Главно е, додаде, да се лимитира комуникацијата со болни и не е сменета препораката за заштита.

Во текот на август, во нашата држава пријавени се вкупно 112 случаи на ковид-19, покажуваат податоците на Институтот за јавно здравје.

„Во однос на претходниот месец, јули, се регистрира зголемување на бројот на пријавени од ковид-19 за 4,6 пати, a во однос на месец август 2022 година, се регистрира многукратно намалување на заболените. Од заболените во август 2023, најголем број на заболени се пријавени од Скопје, а највисока инциденца се регистрира во Кавадарци“, пишува во Извештајот на Институтот за јавно здравје.

Триесет и пет од заболените лица се реинфекции. Во текот на месецот пријавено е едно починато лице. Регистрирани се заболени лица во сите возрасни групи, со најголем број на случаи пријавени во возрасната група над 60 години.

Во лабораториите во кои се спроведува молекуларно тестирање и антигенско тестирање за присуство на SARS-CoV-2, во текот на месец август се тестирани вкупно 512 материјали со зголемување на бројот на тестирани за 1,4 проценти во однос на минатиот месец. Од почетокот на пандемијата, заклучно со 31 август годинава, пријавени се вкупно 348.491 потврден случај на ковид-19 и 9.942 смртни случаи. Бројот на аплицирани дози на ковид-19 вакцина во текот на август останува непроменет во однос на претходниот месец.

The post КОРОНАТА СЕ ШИРИ ИСТО КАКО ГРИПОТ Д-р Стевановиќ тврди дека нема простор за паника appeared first on plusinfo.mk.

Годинава, од регистрираните случаи, од машки пол се 31 лице, од женски пол се 4, а регистрирано е и едно трансродово лице.

Возраста кај новорегистрираните случаи се движи од 20-64 години, а најголема застапеност е кај возрасната група од 40-44 години. Најголем број од случаите се во Скопје.

Според начинот на трансмисија, најголем број од случаите се кај МСМ популацијата, а хетеросексуалниот начин на пренос е регистриран кај 10 случаи.

Во 2022 година, регистрирани се 3 починати лица поради причини поврзани со СИДА.

Македонија се смета за земја со ниска преваленција на ХИВ. Директорката на Инфективната клиника во Скопје, Милена Стевановиќ, смета дека е загрижувачка ситуацијата со кратењето на средствата наменети за Програмата за заштита на населението од ХИВ.

– Кратењето значи помалку ХИВ тестирања и советувања за ХИВ кај клучните популации. Тоа се тестирања и советувања, кои се прават на терен, а тоа е многу важно бидејќи услугите се даваат на терен и најбитно, секое ново откриено лице со ХИВ е откриено во рана фаза на болеста, што за нас, како инфектолози е најбитно. Навремена дијагностика, значи навремен третман и очекуван просечен животен век како и кај ХИВ негативните лица – посочува директорката Стевановиќ за Радио МОФ.

Лицата кога не се свесни за својот ХИВ позитивен статус ненамерно ја шират инфекцијата со што се зголемува бројот на пациенти.

– За жал, лицата со ХИВ и ден денес се соочуваат со пречки при добивањето здравствена услуга и се одбивани само поради фактот дека се ХИВ позитивни – додава Стевановиќ.

Во моментов на Клиниката за инфективни болести се третираат 359 пациенти, од кои, како што информира директорката, 99% се недетектибилни за ХИВ, што значи дека инфекцијата е под контрола и не може да го пренесат ХИВ.

Од 1987 година до 30.11.2022 година се регистрирани вкупно 580 случаи на ХИВ/СИДА во Македонија. Од нив починале вкупно 123 лица.

The post 36 НОВИ СЛУЧАИ СО ХИВ ГОДИНАВА Од нив 31 се мажи, 4 се жени и едно е трансродово лице appeared first on plusinfo.mk.

– Без разлика што бројките не се такви какви што беа, не смееме да си дозволиме да не се заштитиме. Не е поентата да се плашиме и да паничиме, туку да се грижиме и да бидеме одговорни – порача д-р Стевановиќ.

На Универзитетската клиника за инфективни болести и фебрилни состојби – Скопје во моментов има 5 до 6 хоспитализирани пациенти, додека во амбулантата дневно доаѓаат околу десеттина пациенти. Директорката на Клиниката за инфективни болести вели дека дијагностички, ковидот и грипот имаат слични симптоми во дадениот момент, како покачена температура, сериозна главоболка, омалаксаност и од таа причина бараат пациентите да се тестираат.

Согласно податоците од Институтот за јавно здравје, во период од 21 до 27 ноември 2022 година регистрирани се 174 нови случаи на ковид-19. Пријавени се две починати лица во изминатата недела. Се работи за едно лице од Скопје и едно лице од Куманово, со коморбидитети и починати во болнички услови. Во моментов активни се 172 случаи.

Според извештаите од болниците, моментално се хоспитализирани вкупно 33 лица, со 32 проценти зголемување во споредба со претходната недела, од нив 6 се на кислородна поддршка и нема пациенти на инвазивна/неинвазивна механичка вентилација.

The post КОВИД-19 Е НЕПРЕДВИДЛИВА БОЛЕСТ Д-р Стевановиќ препорачува да се почитуваат мерките за заштита appeared first on plusinfo.mk.

Во моментов, како што информираше таа, хоспитализирани се десет пациенти на Инфективната клиника и само неколку се со тешка клиничка слика.

– Тоа што може да се забележи е дека за разлика од претходните денови, сега има по 20 пациенти дневно за преглед – вели Стевановиќ.

Апелот на директорката е дека е потребно се зголеми процентот на вакцинирани лица, бидејќи повеќе од јасно е дека вакцините даваат заштита и полесна клиничка слика доколку се дојде во контакт со вирусот.

Согласно податоците од Институтот за јавно здравје, во периодот од 1 до 3 јули, од 1 695 тестирања, регистрирани се 290 нови случаи на ковид-19, од кои најмногу се од Скопје, 186 лица.

Од вкупниот број позитивни, 49 се реинфекции. Оздравени се 250 пациенти, а не е пријавено ниту едно починато лице.

Во моментов, активни се 935 случаи на коронавирусот. Согласно податоците од ИЈЗ, најголем број од активните случаи се во главниот град, и тоа 536, потоа во Битола – 59 и 42 во Куманово. Без ниту еден активен случај се Валандово, Кратово, Демир Капија, Македонска Каменица, Пехчево и Дојран.

Препораките од Комисијата за заразни болести остануваат исти како и досега. Комисијата препорачува граѓаните да бидат совесни и да го заштитат сопственото и јавното здравје и да ги применуваат општите мерки за заштита, како што се заштитна маска, одржување растојание и почесто миење раце.

Засега во сила останува само обврската за задолжително носење маски во здравствените установи, згрижувачките установи, аптеките и јавниот превоз.

The post ПАЃА ИМУНИТЕТОТ, РАСТЕ БРОЈОТ НА ЗАБОЛЕНИ Зголемената раздвиженост си го направи своето appeared first on plusinfo.mk.

Ова во изјава за МИА го посочи директорката на Инфективната клиника Милена Стевановиќ, откако во текот на вчерашниот ден беа регистрирани над илјада заразени со ковид-19.

– Во изминативе две години бевме сведоци на сериозно непочитување на и далеку построги мерки за превенција на ковид, нашиот народ очигледно не може никој и ништо да го спречи во прославите независно од висината на чекот кој ќе го платат лично, фамилијарно, а на жалост и колективно. Белиот мантил интензивно и гласно повикуваше за сериозна потреба од одговорно однесување за пред празничен и празничен период, но на жалост толку е вербата во нас и респектот кон нас белите мантили, се разбира додека не дојде маката на врата – вели Стевановиќ.

Таа нагласува дека би биле среќни кога граѓаните што сакаат поголема сигурност се вакцинираат редовно и според препораките се во поголем број. Третата доза вакцина, додава, е неопходна за потенцирање и зголемување на имунитетот и заштитата од ковид-19.

– Ниту, пак, прележаните за кои некои мислеа дека се повеќе заштитени, денеска гледаме дека не се. Омикронот има далеку поголема моќ за реинфекција што деновиве ја констатираме по нашите амбуланти. Што се однесува до заштита на вакцините никогаш ниту една вакцина не обезбедила 100 процента заштита. Нивната заштитна моќ ќе биде различна зависно од мутациите на одредени соеви на вирус. Но, од секоја една од нив очекуваме далечна заштитна моќ зависно од мутациите на одредени соеви од вирус, од секоја очекуваме далеку полесна болест – посочува Стевановиќ.

Таа, како што рече, нема да го коментира развојот на пандемијата со омикрон, бидејќи смета дека никој толку далекусежно не може да ја процени состојбата во дадениот момент.

Интензитетот на амбулантски прегледи, информира таа, сериозно е зголемен на Клиниката за инфективни болести и затоа апелира пациентите прво да се обратат кај своите матичните лекари за првични инструкции и третман со цел да овозможат време и простор за секој еден потежок пациент да добие соодветно внимание.

– И покрај очекувањата инфекцијата со омикрон е лесна секако дека и голем број на инфицирани случаи ќе имаат потреба и од болничко лекување што секако ќе ги пополни болничките капацитети. Мораме да мислиме и на фактот дека интензивно осцилираат и другите зимски вируси пред се инфлуенцата кое се манифестира со сериозни симптоми и потреба од болничко лекување, мора да обезбедиме простор за секој еден пациент кој има потреба од лекување – нагласува Стевановиќ за МИА.

The post СЕ ПРОСЛАВУВА БЕЗ РАЗЛИКА НА ЧЕКОТ ШТО ПОДОЦНА СЕ ПЛАЌА Стевановиќ очекува зголемен број на хоспитализации во следниот период appeared first on plusinfo.mk.

– Во моментот имаме 80 хоспитализирани пациенти на различна возраст, на жалост меѓу нив има и млади пациенти во тешка здравствена состојба – рече таа и додаде дека е тешко да се предвиди каква ќе биде состојбата со ковид-19, особено зимава.

Загрижувачки е порастот на заболени од Ковид 19 кај младата и кај невакцинираната популација.

– Пациентите кои претходно биле вакцинирани имаат далеку полесна клиничка слика од тие што не се вакцинирани – вели д-р Стевановиќ.

Таа предвидува дека пандемијата веројатно ќе трае до крајот на идната година.

The post ИНФЕКТИВНА Е ПОЛНА, ВАКЦИНИРАЈТЕ СЕ! Д-р Милена Стевановиќ очекува пандемијата да трае до крајот на 2022 година appeared first on plusinfo.mk.

„До пожарот и до жртвите веројатно никогаш немало ни да дојде доколку кај инвеститорот на модуларните болници (Владата, односно Министерството за здравство) ги читале и се придржувале до препораките од Европската комисија, поточно на Здружениот истражувачки центар, којшто од поодамна донел низа препораки за изградба на болниците, по избувнувањето на дваесетина пожари во разни ковид центри ширум светот, како последица на високата концентрација на кислород во воздухот“, пишува професорот од Битола, познат по своите анализи на статистиките за ширењето на пандемијата.

Чиновникот којшто го составувал текстот на тендерот, додава Трајковски, овие препораки сигурно не ги прочитал, неговиот шеф уште помалку, а конструкторот во градежното претпријатие – ич. „Формално-правно сè било во ред (хартијата трпи сè), но суштински сè било промашено уште од самиот почеток. Несреќна комбинација на незаинтересираност, неукост и неодговорност“, заклучува тој.

Модуларните болници се произведени и монтирани според спецификацијата на Светска банка и се со висок квалитет

Дали е во право професорот? Да, но сепак само делумно.

Директорката на Инфективната клиника во Скопје, д-р Милена Стевановиќ, неодамна предупреди дека тетовската трагедија сепак не треба да биде причина да се спори квалитетот на модуларните болници и да се негира фактот дека тие сепак битно ги зголемија болничките капацитети за справување со кризата.

– Сите тие болници имаат свој технички прием и градежни документи без никаква замерка. Еве, да зборувам за модуларната болница која има капацитет дури од 70 легла и е припоена кон Клиниката за инфективни болести. Да ве потсетам, илјадници пациенти беа спасени од тешка клиничка слика, од средно тешка клиничка слика и ние не можеме да кажеме дека модуларната болница е начин за едно квалитетно згрижување и третирање и нега на пациентите – изјави д-р Стевановиќ.

Нема дилеми дека новите 19 модуларни болници, од кои најголем дел (14) изгради велешки „Брако“, се произведени и монтирани според строгите барања и обемната спецификација што ја доставил инвеститорот. Од каде го знаеме ова? Од самиот факт дека парите за овој проект ги обезбедила Светска банка, а и експертите и лаиците знаат дека кога оваа институција дава пари, тука шега нема. Да е тоа некоја наша, локална „направија“, некако и да се посомневаме во тендерот и во сето она што вообичаено се случува во вакви ситуации. Но, фактот дека деталната спецификација, напишана на десетици страници, е составена од проектната единица на Светска банка во Министерството за труд и социјала, а по завршувањето на тендерот истата е повторно одобрена од Светска банка, ни кажува дека целиот процес бил не само што се вели „по пе-ес“, туку и под силен рефлектор на сите надлежни институции.

Шпекулациите дека за објектот во Тетово, на пример, не бил извршен технички прием и дека имало суштински забелешки на квалитетот на изведбата се далеку од вистината. Теориите дека нешто можеби било спорно со електричната инсталација исто така се неодржливи – токму за таа инсталација специјализирана фирма извршила ревизија, во која буквално се проверени квалитетот и монтажата на секој штекер или прекинувач. Поинаку и не може да биде, затоа што наспроти сиот одиум и повремени медиумски кампањи што се водат против Кочо Анѓушев, никој сериозен не може да каже дека „Брако“ не е производител што работи по врвни светски стандарди и дека Светска банка во Македонија се вплеткала во некакви валкани, коруптивни зделки.

Впрочем, во тоа многу брзо ќе се убеди и обвинителката за организиран криминал и корупција Вилма Русковска, со чија наредба од Бирото за јавни набавки и од „Брако“ била, како што се вели театрално, „одземена“ целокупната документација за јавните набавки за сите 19 изградени модуларни болници во Македонија. Се разбира, ништо не морало да се „одзема“, бидејќи партнер на производителот на модуларните објекти се владините ресори и сите документи за транспарентната постапка се лесно достапни. Во секој случај, добро е да се препрочитаат, за да се дојде, всушност, до вистинската насока во која треба да се насочи истрагата.

Кислородната инсталација и противпожарната заштита биле обврска на инвеститорите, а не на производителот на модулите

Што знаеме до сега за можните причини за тетовската трагедија, која однесе 14 човечки жртви? Знаеме три битни работи.

Прво, знаеме дека производителот „Брако“, според тендерската спецификација и склучениот договор, произвел, испорачал и монтирал модуларни објекти (во Тетово и уште во 18 други места), но без инсталација за кислород и без системи на противпожарна заштита. Чија обврска била тоа? На инвеститорите, на болниците. Во болницата во инсталацијата за кислород ја монтирала фирмата „Технички гасови“. Упатените велат дека работата е завршена итно, но никој не го спори квалитетот на извршената работа, барем засега. Допрва од истрагата ќе дознаеме дали и во модуларната болница во Тетово, како и во некои други „тврди“ болници, лекарите или пациентите биле принудени самите да бараат и да шетаат од оние големи „швајцерски“ боци за кислород, кои се практично кислородни бомби.

Второ, знаеме дека за безбедноста и за противпожарната заштита во модуларните објекти исто така требало да се погрижат инвеститорите. Од изјави на сведоци, но и од изјава на тетовската градоначалничка Теута Арифи, знаеме дека тетовската болница имала сериозни проблеми со безбедноста, за кои менаџерите на болницата ги предупредиле надлежните. Истрагата допрва треба да утврди за какви проблеми станува збор. Од она што можеше да се дознае од кредибилните медиумски извештаи, во болницата изгледа се влегувало лесно, обезбедување или немало или ако имало било скудно и немоќно, а најважно – се чини дека во објектите немало ни основни противпожарни апарати, што е страшен пропуст (ако имало ПП-апарати, на снимките од опожарените објекти тие ќе се видат).

И трето, на вознемирувачките снимки од трагедијата се слушаат експлозии, кои наведуваат на основано сомневање дека пожарот, кој можеби избил и од банални причини, всушност добил катастрофично забрзување и размери кога огнот дошол во допир со атмосферата заситена од кислород. При нестручно ракување со опремата за вентилација или кислородна поддршка, тоа присуство драстично се зголемува. „Ако се покаже дека во објектот експлодирале кислородни боци или друг вид кислородна инсталација, од какви било причини, ве уверувам дека исходот на несреќата би бил исто ваков дури и во случај модуларните објекти да биле изградени од бетон, дури и тие практично да биле бетонски бункери“, вели за Плусинфо експерт што го консултиравме, кој сака да остане анонимен.

Висока концентрација на пациенти на кислородна поддршка во мал простор – рецепт за трагедија

И тука доаѓаме до клучниот проблем, кој тетовската трагедија ја поврзува со сличните несреќи во ковид-центрите ширум светот. Од почетокот на пандемијата во март 2020 година, до јуни оваа година, се случиле околу 40 инциденти со пожар во ковид-центри во различни места низ светот, при што животот го загубиле повеќе од 200 лица. Повеќето биле пациенти со коронавирус со тешка клиничка слика. Инциденти сличен на оној во Тетово се случиле во Романија, Украина, Египет, Турција, Индија и во Русија. Во некои случаи причината била дефект со електриката и поради чистиот кислород, била предизвикана експлозија и пожар.

Најголемата трагедија се случи на 24 април оваа година, кога во болница во Багдад избувнал пожар во кој настрадале 82 лица, а повредени биле над 100 други. Случајот сè уште се истражува, локалните медиуми известуваат дека пожарот бил предизвикан од експлозија на резервоар со кислород, а по оваа трагедија министерот за здравство на Ирак си поднел оставка.

Истражувањето на Joint Research Centre (Заедничка европска комисија, Центар за истраги), реализирана во Турција на 19 декември 2020 година, по избувнувањето пожар во болницата во Газиантеп во кој настрадаа 11 лица, наведува над 20 инциденти со пожари во ковид-центри, предизвикани во простории богати со кислород. Истражувањето покажува дека овие инциденти се директен резултат на брзото зголемување на употребата на вентилаторот со кислород во болниците. Концентрираното присуство на кислород во затворен простор, како што е болничка просторија, може да создаде околина збогатена со кислород.

Погледнете го ова видео:

Кислородот не е токсичен, но го потпомага пожарот. Во атмосферата го има околу 21 отсто, но кога концентрацијата надминува 23 отсто, може да создаде опасност од пожар. Чистиот кислород реагира на обични материјали како што се масло и масти, кои можат да предизвикаат пожари и експлозии кога се под висок притисок. Други фактори кои придонесуваат во ширење на пожарот се ниските покриви на објектите, градежните материјали кои се лесно запаливи, но и високиот број пациенти на кислородна поддршка во мали простории.

Во модуларните болници не треба да се пружа интензивна нега на болни од ковид-19

Дали за сево ова се виновни „чиновникот којшто го составувал текстот на тендерот“, „неговиот шеф“ и „конструкторот во градежното претпријатие“, кои не ги прочитале овие препораки, како што се сомнева професорот Трајковски? Сепак не. Модуларните болници во Македонија почнаа да се градат како резултат на зголемената потреба од болнички легла. Овие контејнери се произведуваат брзо и квалитетно, со материјали кои обезбедуваат солидна изолација од атмосферските услови. Масовно ги користат воени и хуманитарни мисии ширум светот, во нив многу луѓе живеат квалитетно и безбедно.

Но, факт е дека ваквите објекти дефинитивно не се погодни за интензивно лекување на ковид-пациенти, кое изискува инсталации и апарати за кислородна поддршка, со што сериозно се зголемува опасноста од пожари. Тоа е суштината на препораката на експертите, а тоа е мислење и на некои од нашите македонски медицински лица.

Д-р Андон Чибишев, на пример, смета дека во модуларните болници не треба да се пружа интензивна нега и затоа не би требало да се користат за лечење на болни од ковид-19. Тој во изјава за ТВ Алфа праша зошто како држава се потпревме на модуларните болници, и покрај тоа што имаме одредени капацитети во инфективните одделенија и во интернистичките одделенија, каде што можевме да хоспитализираме вакви пациенти на кои им е потребна интензивна медицинска нега.

– Јас сметам дека модуларните болници не се капацитети во кои може да се пружа интензивна медицинска нега. Од почетокот на пандемијата, од февруари-март 2020 година, до денес, ние имаме четири бранови. Меѓу брановите имавме одредено смирување на епидемиолошката ситуација. Тогаш надлежните требаше да мислат како да се зголемат капацитетите, но и како да се зголеми стручниот кадар, затоа што ние немавме ни доволно инфектолози, ниту луѓе кои се оспособени да третираат такви тешки пациенти, поставени на респираторна машина – изјави Чибишев.

Не можеше ли да изградиме нова саглам ковид болница и зошто „Мала Богородица“ со 100 кревети седи празна?

Значи, проблемот сепак лежи во стратегијата на лекување на ковид-пациентите и соодветно на тоа, во прилагодувањето и менаџирањето со здравствените капацитети.

Оние 19 модуларни ковид болници, за кои сега се зборува поради тетовската трагедија, ги зголемија капацитетите на македонското здравство за околу 700 болнички кревети. Тоа не е малку и д-р Стевановиќ веројатно е во право кога вели дека во нив се спасени и допрва ќе се спасат многу човечки животи. Но, непобитна вистина е и тоа дека во овие модуларни објекти требало да се сместуваат само пациенти со средна клиничка слика, чие лекување не бара сложени и опасни кислородни инсталации. На тој начин во објектите од тврда градба, во кои има посериозни инсталации со централен кислород, би се ослободиле за лекување на нови пациенти на кои им била потребна интензивна нега.

Но, делумно поради притисокот на огромниот број пациенти (за што е виновен и нискиот степен на имунизација на населението, често неконтролираното попуштање на мерките за експанзија на заразата и слично), сите македонски ковид центри практично станаа центри за лекување само на пациенти на кои им е потребна кислородна поддршка. Во такви услови, практично прашање на денот беше кога ќе се случи инцидент како во Тетово. И нормално, се случи токму таму каде што имало неред, хаос и безбедносни проблеми. Народски кажано, секогаш се кине таму каде што е најтенко.

Прашањето што треба да се постави погласно е поврзано со темата на која наведува Чибишев – не можело ли во паузите меѓу четирите смртоносни бранови да се инвестира во прилагодување на некои од постоечките болници во ковид центри за болни со интензивна нега? Секако дека можело. Имаме такви објекти.

Неодамна, во Нови Сад, за само четири месеци, беше подигната нова ковид-болница (не модуларна) со површина од 19.500 квадрати, со 220 кревети во интензивна нега, со 404 кревети во полуинтезивна нега, со 2 операциони сали, со 1 ангиосала, со 2 рентгена и со 2 скенера. Во оваа болница работат 65 лекари и 200 медицински техничари. Повторувам, болницата е изградена само за четири месеци. Погледнете како е изградена:

 

View this post on Instagram

 

A post shared by Милош Вучевић (@milosvucevic_gradonacelnik)

Не сме ли ние во Македонија способни да изградиме болница како оваа? Немаме ли градежни претпријатија што бараат работа? Немаме ли пари? Немаме ли знаење? Ако ништо од тоа немаме, имаме барем една готова а празна болница со 100 болнички кревети, која беше понудена од „Аџибадем Систина“, за работа со кадар од трите големи приватни скопски болници (од „ковид-профитерите“, како што ги нарекуваа) и со целокупно преземање и менаџирање од страна на државата. Зошто се отфрли таа понуда која никој нормален не би смеело да ја одбие?

Погрешната стратегија упатува на вистинските адреси на кои треба да се бара одговорноста

Сето ова укажува дека Македонија има сериозни наследени слабости во поглед на менаџирањето на здравствениот систем, кои дојдоа до полн израз во услови на најголемата здравствена криза во историјата на земјата. Наспроти пожртвуваноста на голем дел од медицинскиот кадар во земјата, здравствените власти на чело со министерот д-р Венко Филипче потфрлија: дизајнираа погрешна стратегија за лекување на пациентите (задоцнета хоспитализација), доцнеа со процесот на имунизација (доцнеа со вакцините, кампањата не дава ефекти) и се однесуваа крајно популистички во поглед на воведување и укинување на мерките за спречување на ширењето на коронавирусот меѓу населението.

Тетовската трагедија не е само симболичен, туку и реален и директен резултат на тоа потфрлање. И затоа, вистинските адреси на кои треба да се бараат одговорните се Илинденска бб и 50 Дивизија. Тоа се адресите на Владата и на Министерството за здравство.

The post АНАЛИЗА Кој е виновен за трагедијата во Тетово – модуларните болници или модуларните политичари? appeared first on plusinfo.mk.

За тоа каква е клиничка слика со хоспитализираните пациенти со ковид-19 во моментов на Инфективната клиника во Скопје, кои се симптомите на вакцинираните и на невакцинираните пациенти, како и за тоа како се лекуваат, одговори побаравме од директорката д-р Милена Стевановиќ.

Таа за Плусинфо вели дека пациентите примени на Клиниката за инфективни болест во најголем број се многу тешко болни или средно тешко болни, лица кои имаат јасни предиспозиции за влошување на болеста, како и дека станува збор за претежно невакцинирани лица.

Директорката посочува дека нема разлика во симптомите кај вакцинираните и кај невакцинираните заболени и дека тие се исти во споредба со претходните три ковид бранови кои ја зафатија нашата земја.

– Симптомите се исти. Болеста започнува со зголемување на температурата и таа се движи од 37,4 степени, но некогаш достигнува и до 40 степени. Се јавува малаксаност, главоболка, болки во коските и во мускулите, болка во грлото, кашлица, отежнато дишење, проливи и повраќање. Се разбира, овие симптоми се јавуваат различно, не сите кај еден пациент. Симптомите се со различна јачина и времетраење. Никогаш не можете да знаете кој симптом кај кого ќе се развие, колку ќе биде интензивен и колку време ќе трае и какви дополнителни компликации ќе се појават – вели д-р Стевановиќ.

Таа додава дека главната разлика помеѓу вакцинираните пациенти и невакцинираните пациенти е пред сè во интензитетот на симптомите и во појавата на евентуални компликации.

Со оглед на тоа што досегашните студии велат дека вакцинираните заболени имаат полесна клиничка слика, поради тоа кај нив се менува и начинот на лекување.

– Најчесто пациентите кои биле претходно вакцинирани имаат лесни клинички слики на настинка кои брзо поминуваат и немаат потреба да бидат лекувани повеќе од симптоматски третман. Сепак, во зависност од симптомите, процесот на изолација останува ист и кај едните и кај другите – ни објасни директорката на Инфективна.

Д-р Стевановиќ вели дека има и разлика во терапијата со која се лекуваат заболените вакцинирани пациенти и таа зависи од неколку фактори.

– Терапијата која се дава кај болните зависи пред сè од тежината на клиничката слика, компликациите кои се развиени, евентуалните алергии што пациентот може да ги има, интеракциите се терапиите кои редовно ги примаат и така натаму – ни изјави Стевановиќ.

Директорката објаснува како влијаат хроничните болести на развојот на клиничката слика кај лицата кои заболеле од ковид, а се вакцинирани со две дози.

– Хоспитализираните, вакцинирани пациенти се примени пред сè поради интензивно влошување на претходно постоечка болест која има потреба да се лекува, најчесто ковид-19 симптомите се по лесни. Искуството што ние го имаме е со пациенти кои се сериозно возрасни со повеќе коморбидитети, најчесто тешки срцеви заболувања, невролошки заболувања, како и хронични белодробни или малигни болести – вели Стевановиќ.

The post Д-Р МИЛЕНА СТЕВАНОВИЌ ЗА ИСКУСТВАТА НА ЧЕТВРТИОТ БРАН Вакцинираните полесно се справуваат со делта сојот appeared first on plusinfo.mk.

Таа изјави дека не очекува олеснувањето на мерките за време на велигденските и првомајските празници да резултира со зголемување на бројот на новозаболени од ковид-19, бидејќи, како што нагласи, станува збор за многу кус период.

– И покрај олеснувањето на мерките, тоа не значи дека не треба да се почитуваат заштитните мерки. Маската и дистанцата се минумум мерки што секој еден поединец треба да ги применува, за своето, но и за општото добро – потенцира Стевановиќ во изјава за Сител.

Таа апелираше до граѓаните да не се собираат во поголеми групи во своите домови за време на Велигден и дека ако веќе сакаат да го чествуваат празникот со членовите на своите пошироки семјества тоа да го направат на отворен простор.

– Можеме да направиме еден поинаков Велиден со кршење и размена на јајца во природа, за што ќе бидат наклонети и временските услови. Мерките се многу едностави и се применливи, само треба да се сака да се применуваат – додаде Стевановиќ.

The post Стевановиќ: Олеснетите мерки за празниците нема да го зголемат бројот на новозаболени од ковид-19 appeared first on plusinfo.mk.