***

Лесно е да се извиниш.
Тешко е да изглумиш дека е искрено.

***

– Како се пишит правилно џоинт, со џ или ѓ?
– Не знам, немам пробано.

***

Заев: „Не сум сиромашен ама се залагам за правата на сиромашните.“
А која е алтернативата?! Сиромашните да немаат права?!

***

„Изградбата на затворениот базен во Охрид е до половина.“
Значит моментално Охрид имат отворен базен. Колку-толку.

***

Спасовски: „Груевски ќе го вратиме и ќе си ја одлежи казната.“
Заборај да спомнит дека во собата ќе имат само железна клупа напраена од оградата околу Влада, бројчаникот на триумфална ќе брои уште колку имат од казната, цимер ќе му е Сашо Мијалков, а Оли до тогаш ќе имат виткани локни, повиткани и од афро-фризурата на Бујар Османи.

***

Царовска: „Спојувањето на повеќе предмети во еден не значи дека тројца наставници ќе предаваат одеднаш.“
Одамна не сум прочитал попотценувачка изјава. Демек јас генијалката му цртам на плебсот како ќе изгледа реформираното образование. Носот кренат до Водно.

***

Теоријата на релативност докажана на македонски начин:
Кога ја гледаа од надвор како опозиција, „ружна“ беше Владата. Откако влегоа внатре и си ги сместија г’зињата во фотелја – се разубави.

***

Не е лесно да си партиски бот. Пример, до вчера си ги бранел ставовите на Заев за заедничка историја и млада нација, а денес треба да споделуваш дека Македонците постојат со векови.
Шизофренија на кило.

(Од афоризницата на Иљче Затаракоски, познат охридски мрчатор)

The post ПА(Р)ЛАМУДЕЊЕ Носот на Мила Цароска кренат до Водно appeared first on plusinfo.mk.

– Откако дојдово на оваа функција силно се посветивме на креирањеа на платформата за учење од далечина, која ќе ја презентираме денеска. Подготовката беше голем предизвик, но таа е влог во иднината и модернизација на образованието. Таа е алатка која во оваа учебна година значително ќе помогне да го задржиме квалитетот на образовниот процес и во услови на пандемија – рече Царовска.

Министерката истакна дека платформата е првиот чекор кон модернизација на образованието, нова алатка за која е убедена дека ќе биде значаен ресурс и по надминувањето на кризата со ковид-19. Таа додаде дека периодот што следи дека нема да биде лесен за никого, ниту за професорите, ниту за учениците, ниту за родителите, затоа што промените се секогаш тешки, а прилагодувањето бара огромна жртва од секого.

– Јас сум убдена дека моделот кој што го избравме ќе биде баланс на добро образование и заштита на јавното здравје. Платформата ќе биде предизвик за сите, но уверена сум дека секој ќе го совлада работењето на неа и дека сите ќе ја сакаме истата. Таа е практична, лесна за користење и прилагодена за сите кои ќе ја користат – изјави Царовска.

Министерката вели дека воведувањето на платформата како новина отвара можности наставниците на едноставен, прифатлив и креативен начин да ја одржуваат комуникацијата со учениците. Таа отвара можност за дигитализација и достапност на содржините кои се исклучително важни во оваа дигитална ера и го доближува образованието и наставните содржини до учениците на каналите кои што тие секако често ги користат.

– Националната плаформа ќе биде многу повеќе од добра замена на традиционалното учење. Ученикот преку компјутер, мобилен телефон ќе може да ја гледа училницата и наставникот и обратно. Дополнително ученикот ќе може да ги користи сите поставени аудио и видео материјали и да ги изработува домашните задачи и наставата нема да биде здодевна – објасни Министерката.

Според најавата платформата ќе има брзи квизови, брзи тестови и други содржини кои што ќе бидат поставени на неа, а исто така учениците ќе може да предлагаат надоградување и менување на платформата, па така тие директно ќе се вклучат во изработка на материјалите кои ќе сметаат дека се прилагодени на нив.

– Платформата практично ќе дозволи учениците и просветните работници заедно да го унапредуваат нашето образование, не само за сега, туку и за иднина. Тоа е огромна вредност со неизмерно заначење за нашата држава и за нашиот образовен процес – истакна Цароска.

Националната платформа за онлајн-учење е изработена од министерството за образование и наука, ФИНКИ и секако МАСИТ кои биле поддшка во изминатиот период. Во тек се обуките на наставниот кадар кој бил во три фази. Во првата биле опфатени 30 национални обучувачи од редот на наставниот кадар од различни основни и средни училишта. На второ ниво биле вклучени 1.600 наставници кои се номинирани за училишни обучувачи од сите училишта, кои во третото ниво нивното занаење за националната платформа треба да го пренесат на останатите наставници.

The post Царовска: Платформата ќе биде предизвик за сите, но верувам дека ќе ја засакаме appeared first on plusinfo.mk.

На состанокот преку апликацијата „ЗУМ“, информираат од Кабнинетот на Царовска, се дискутираше за спроведувањето на мерките и препораките на Владата во делот на заштита на работничките права, инспекциските надзори, почитувањето на протоколите од страна на работниците и копаниите и можностите за користење на државна помош во случај на губење на работа. Исто така, се зборуваше и за правото на користење на родителкото платено отсуство за работници коишто имаат деца на возраст до 10 години.

На состанокот граѓанските организации дадоа свои видувања, предлози и сугестии коишто ќе помогнат во носењето нови мерки за полесно справување со здравствено-економската криза предизвикана од Ковид-19.

– Царовска потенцираше дека според последните податоци од Агенцијата за вработување околу 3.900 лица досега побарале користење на надоместокот поради изгубена работа од кои на 1.900 веќе им е одобрен, а за останатите 1.900 разгледувањето на барањата е во тек. Исто така напомена дека околу 1.000 досега поднеле барања за користење на гарантиран минимален приход и над 100 барања се веќе одобрени. Ова укажува дека системот на државата е подготвен да одговори и да ги прифати лицата коишто останале без работа и на тој начин да обезбедиме основна егзистенција за оние коишто го изгубиле работното место – се вели во соопштението од Кабинетот на Царовска.

Со сервисите за поддршка на ранливи групи воспоставени преку програмата општинско корисна работа и УНДП во 27 општини, се додава, се вклучуваат околу 200 невработени лица како испорачувачи на услугите за над 1.500 лица крајни корисници.

– За дополнително зајакнување на најранливите семејства во овој исклучително тежок период почнато е вклучување во општинско корисна работа на околу 50 кориници на ГМП во вкупно 10 општини. Овие лица се активираат во одржување на хигиената во општините, за дезинфекција на јавните површини и влезовите во зградите за што им се плаќа надоместок – се потенцира во соопштението.

The post Царовска: Владата вложува максимални напори да ги заштити работниците и бизнисот appeared first on plusinfo.mk.