Тендерот за изградба на третата фаза за пругата кон Бугарија е веќе објавен на страната за јавни набавки на ЕУ. За тунелот, работните групи на Македонија и Бугарија веќе технички работат, додека проектот за брза пруга на Kоридор 10 се реализира согласно договорената динамика и рокови, изјави, заменик претседателот на Владата и министер за транспорт Александар Николоски.

–  Рокот за доставување понуди е четири месеци и завршува на 20 јануари. После тоа одиме во процес на евалуација кој што очекувам да биде некаде околу деведесетина дена, односно три месеци и тоа би значело дека некаде крајот на април месец би требало да имаме избрано изведувач којшто би требало веќе од мај-јуни да почне да ја гради третата фаза  -рече Николоски во интервју за Радио Лидер. .

Тој потенцираше дека втората фаза од Бељаковце до Крива Паланка се очекува да се заврши 2028 година.

– Рокот за завршување е до 2028 година, имајте предвид дека во моментов прогресот на работите е 40%, тоа што ќе го стигнеме во рок. Месечна динамика веќе оди на некаде помеѓу 2 и 2,5%, што значи дека стигннуваме до крајот на 2028 година, што ќе е прв видлив бенефит за македонскиот граѓанин, затоа што ќе има веќе меѓуградски воз кој што ќе сообраќа на линијата Скопје – Куманово – Крива Паланка- рече Николоски.

Во однос на брзата пруга на Коридор 10, вицепремиерот Николоски потенцира дека се работи согласно зададените рокови.

– Рокот беше до 31-ви август да бидат завршени сите студии, вкупно 6 студии се и истите се завршија во рок. Сега  влегуваме во финалната фаза, а тоа е избор на куќа која што ќе биде заемодавател. Заемопримател веќе имаме, тоа е Македонски Железници Инфраструктура и избор на Изведувач. Зависно од собраниските процедури кои што единствени се надвор моја и на Владата надлежност и зависно од временските услови ќе почнеме со активности на терен минимум март и април идната гoдина – рече Николоски.

Во однос на каматите тој истакна дека за овој проект ќе се плаќа најниска камата во целиот регион и најниска камата за било кој инфраструктурен проект  сработен во државата.

The post ТРЕТАТА ФАЗА НА ПРУГАТА КОН БУГАРИЈА ЌЕ ПОЧНЕ ДА СЕ ГРАДИ ВО МАЈ СЛЕДНАТА ГОДИНА Николоски очекува теренски активности на брзата пруга во април следната година appeared first on plusinfo.mk.