„Почивајте во мир маестро Теодоракис, нашите ставови беа тотално различни, но сепак ми беше чест за културната преписка околу Македонија која ја имавме преку медиумите пред неколку години. Вашите прекрасни ноти ќе останат во ушите на сите народи и ќе продолжат да го прават она што не им успева на политичарите: да нѐ соединуваат и да ги рушат предрасудите“, напиша Нацоски.

Пред неколку години тој напиша дека е длабоко изненаден читајќи ги изјавите на Теодоракис во грчкиот весник „Прототема“, а кои се однесуваа на проблемот на Грција со името на Македонија.

„Во 1997 Вашето најпознато дело ‘Гркот Зорба’ беше изведено во тогаш МАКЕДОНСКИОТ Народен Театар, денешна МАКЕДОНСКА Опера и Балет, заедно со МАКЕДОНСКАТА Филхармонија, во присуство на Претседателот Киро Глигоров и целокупниот државен врв на Македонија, настан пренесуван во живо од страна на МАКЕДОНСКАТА Радио Телевизија и грчката национална ТВ. Јас лично како ученик во средното музичко училиште во Скопје ги следев сите проби, а мојата мајка учествуваше во изведбата. Тогаш не се сеќавам дека имавте замерка да настапите во главниот град на Република Македонија диригирајќи лично со двата македонски национални оркестри и хор. Во таа прилика го посетивте и гробот на Зорба, кој се наоѓа во гробиштата во Бутел. Токму приказната за Зорба како историска личност и како книжевен лик, би можела да биде еден од позитивните примери и ‘адути’ за проникнувањата меѓу културите на балканските народи, но не како нов ‘мит’ туку како потстрек за барање на конструктивни решенија“, напиша тогаш Нацоски.

The post ИМАВМЕ РАЗЛИЧНИ СТАВОВИ, НО ВАШИТЕ НОТИ ЌЕ НЀ СПОЈУВААТ Нацоски се прости од Теодоракис appeared first on plusinfo.mk.

Од Комунистичката партија, денеска, по смртта на Теодоракис, го објавија писмото и соопштија дека неодамна, „претчувствувајќи го крајот на неговиот живот, телефонски разговарал со Куцубас“, на кој му ги пренел неговите последни желби.

Во писмото, испратено пред нешто помалку од една година, Теодоракис му пишува на Куцубас дека сега, на крајот од животот, од умот се губат деталите и остануваат „големите величини“.

„Па така, гледам дека најкритичните, најсилните и најзрелите години ги поминав под знамето на ККЕ. Затоа, сакам, овој свет да го напуштам како комунист. Би сакал да те замолам, во тој момент, ти лично да преземеш не само да биде испочитувана мојата идеологија, туку и моите борби за единство на Грците“, му напишал Теодоракис на Куцубас на 5 октомври минатата година.

Грчкиот композитор Микис Теодоракис почина утрово од срцев удар на 96-годишна возраст, а со одлука на Владата, од денеска во Грција е прогласена тридневна национална жалост.

The post СВЕТОТ САКАМ ДА ГО НАПУШТАМ КАКО КОМУНИСТ Теодоракис неодамна ја соопштил последната желба (ФОТО) appeared first on plusinfo.mk.

Теодоракис ѝ е познат на македонската јавност по концертот одржан во 1997 година во Скопје, но и по неговата поддршка на протестите против Договорот од Преспа и против употребата на терминот „Македонија“ во името на нашата земја.

Според грчките медиуми од 90-те години, за време на неговиот престој во Скопје, Теодоракис го посетил и гробот на Георгиос Алексис Зорбас, а на концертот одржан во МОБ, заедно со македонските уметници, го претставил своето музичко дело „Гркот Зорбас“.

На концертот присуствувале и претставници на државниот врв меѓу кои и тогашниот претседател Киро Глигоров.

Ова е архивска снимка од неговиот престој во Скопје во 1997 година:

Во 2018 година, кога во тек беа преговорите за името, како и една година подоцна по постигнувањето на Договорот од Преспа, а во Солун и Атина се одржуваа протести, Микис Теодоракис даде јавна и отворена поддршка на демонстрантите, неколку пати, преку грчките медиуми го изразуваше неговиот став против решението.

На еден од протестите во Атина, на 4 февруари 2018 година, беше еден од централните говорници и им се обрати на демонстрантите, упатувајќи порака дека „Македонија е една и грчка“.

Но, во таа 1997 година, тој имаше сосема спротивни ставови за македонско-грчките односи и проблемот со името. Во април 1997 година, пред Теодоракис да дојде и да одржи концерт во Скопје, весникот „Етнос“ откри дека на гробиштата „Бутел“ е погребан легендарниот јунак Јоргос Зорбас, од романот на Никос Казанѕакис „Гркот Зорба“.

Во изјава за весникот „Ексусија“ во истата година тој заговараше забрзано затоплување на односите меѓу двете земји.

– Зошто, на пример, да не направиме унапредување на односите, царинска унија или федерација? Мислам дека така прашањето на името ќе се надмине и дека односите на двете земји ќе се доведат до ниво на кое името веќе нема да биде важно – рекол тогаш Теодоракис.

Теодоракис е роден на 29 јули 1925 година на грчкиот остров Хиос, а во текот на неговиот живот, освен со музиката, се занимаваше и со политика и во периодот 1990-1992 година беше и министер и пратеник.

Членовите на грчкиот Парламент, утрово, на почетокот на денешната седница, со едноминутен молк го „испратија“ Микис Теодоракис.

Без оглед на драматичните разлики во неговите ставови во однос на Македонија, Теодоракис и кај нас ќе остане запаметен како врвен и обожуван композитор. Затоа, во придалагаме да уживате во две видео-снимки. Првата е темата „Гркот Зорбас“, а втората е компилација на неговите најдобри остварувања.

Уживајте!

The post ПОЧИНА ЛЕГЕНДАТА МИКИС ТЕОДОРАКИС Бараше Македонија и Грција да бидат федерација, а години потоа запеа друга песна (ВИДЕО) appeared first on plusinfo.mk.