Српскиот режисер Мирослав Мика Алексиќ почина вчера, 18 јануари, во Белград, на 73-годишна возраст. Против Алексиќ во изминатите години се водеше кривична постапка поради сомнение за силување и сексуално злоставување на неколку ученички во неговата школа за глума, случај кој предизвика силни реакции во јавноста и отвори поширока дебата за злоупотребите во културниот и образовниот сектор. Судскиот процес беше во тек во моментот на неговата смрт, а пресуда не беше донесена.

Во последниот период, судењата беа повеќепати одложувани поради неговата тешка здравствена состојба. Неговиот бранител информираше дека здравјето значително му се влошило, дека немал сила да зборува и дека комуникацијата со адвокатите се одвивала преку неговата сопруга.

Првата пријава против Алексиќ ја поднесе актерката Милена Радуловиќ, по што истото го направи и нејзината колешка Ива Илинчиќ. По нивните искази, на полицијата и обвинителството им се јавија и други девојки. Алексиќ беше уапсен во јануари 2021 година и околу осум месеци помина во притвор, по што му беше определен куќен притвор со електронски надзор. Во март 2022 година и таа мерка беше укината и тој се бранеше од слобода.

Веста за смртта на Алексиќ, предизвика студени реакции во Србија. Додека дел од јавноста молчи, познатиот водител Воја Недељковиќ реши отворено да проговори за човекот кој од „недопирлив гуру“ на српското актерство се претвори во симбол на најтешки обвинувања.

Познатиот водител без влакна на јазикот го опиша контроверзниот учител по глума со зборовите „Беше арогантен, агресивен и гледаше со висина на сите околу себе“.

Водителот откри дека го запознал Алексиќ пред три децении, но дека тој тогаш не оставил никаков позитивен впечаток, туку напротив, делувал надмено и гледал на околината со потсмев. Недељковиќ истакна дека со години слушал поплаки од родители за неговата непотребна агресија и престроги методи во неговиот драмски курс.

Мирослав Мика Алексиќ дипломирал филмска режија на Факултетот за драмски уметности, а од 1980 година бил уметнички раководител на Драмското студио на телевизија Белград, односно радио-телевизија Србија. Во текот на кариерата режирал документарни филмови, радиодрами, телевизиски емисии и серии, како и играни и телевизиски филмови, а важеше и за еден од највлијателните драмски педагози, кај кого своите први чекори ги направиле бројни истакнати актери од српската сцена. Неговиот авторитет беше апсолутен, а секој негов збор се почитуваше како закон, сè додека првите обвинувања не ја скршија тишината што траеше со години.

Иако неговата смрт ги прекина понатамошните рочишта и со тоа процесот остана без официјална правна завршница, сведоштвата на жртвите оставија траен печат врз неговиот имиџ. За неговите колеги, Мика Алексиќ веќе не е човекот кој ги создаваше глумците, туку предатор кој ги уништувал детските соништа.

The post НАМЕСТО КАКО АКТЕРСКИ ПЕДАГОГ И ГУРУ, ЌЕ СЕ ПАМТИ КАКО АРОГАНТЕН СЕКСУАЛЕН НАСИЛНИК Почина српскиот режисер Мирослав Мика Алексиќ appeared first on plusinfo.mk.

Милена Радуловиќ во своето сведочење упати бројни обвинувања кон Алексиќ.

„Кога првпат ми се случи, бев во шок, не можев да си објаснам, се обидов да си објаснам дека тоа е некаков тест. Кога ме допре, се исплашив, чувството на такво предавство. Човекот на кого му верував направи нешто толку болно, мислев дека ме казнува, се чувствував валкано. Потоа дојдоа заканите. Тој тоа го пренесе со љубезен тон. Ме претепа, ја удрив главата во шкафот, сите го видоа. Тој ми удри шлаканица, сите ракоплескаа потоа мислејќи дека тоа е вежбање“, рекла таа.

Милена рекла дека се плаши од Алексиќ затоа што „ја повредил како никој досега“ и дека не била сигурна на што е способен. Милена истакнала и дека Алексиќ ја „тепал“ и дека уживал во нејзината болка и плачење.

На распитот актерката рекла дека за другите жртви дознала откако го напуштила училиштето. Таа зборувала и за средбата што ја имала со другите жртви на насилство во декември.

„Разговаравме за тоа дека треба да кажеме што ни се случува. Дека родителите на децата што го посетуваат училиштето за актерство мора да знаат“, рекла таа.

Во продолжението на сведочењето пред судот, Милена Радуловиќ изјавила дека била „силувана и сексуално злоставувана во актерската школа“.

– Кога првпат ми се случи, мислев дека бакнежот е негов тест, можеби дали сум доволно силна. Потоа се случи пенетрирање со прстите во моето тело, бев исплашена и шокирана. Тоа беше чувство на предавство од човек во кој имав доверба, кон кого чувствував почит и стравопочит. Ја изгубив самодовербата, мислев дека ме казнува, се чувствував валкано. А тогаш се случија заканите, дека ако зборувам, тоа ќе влијае на тоа што ќе мислат моите пријатели за мене и дека ќе му се згадам на мојот тогашен партнер. А кога првпат се спротивставив, тој буквално ме удираше и тепаше пред цела група – изјави Милена Радуловиќ во преполната судница, од која гледаше нејзиниот партнер кој ја поддржуваше и ја држеше за рака додека не отиде на говорницата, пишува српски „Курир“.

„Стравував да излезам од мрежата во која ме вовлече. Имав суицидни мисли, мислев дека после сѐ што ми направи мојот живот повеќе не вреди“, раскажала актерката и додала:

Милена Радуловиќ на самиот почеток од судењето изјавила дека останува целосно при својот исказ, а право да ѝ постави прашање прв добил адвокатот Зоран Јаковлевиќ, адвокат на Алексиќ. Меѓутоа, поради неговиот начин на испрашување и непримерно однесување во судницата, судијата го прекинал и направил пауза со предупредување до Јаковлевиќ дека ќе биде најстрого казнет.

За потсетување, сопственикот на школата за глума, режисерот и сценарист Мирослав Мика Алексиќ беше приведен во 2021 година откако неколку жени го пријавиле за силување или сексуално вознемирување.

ФОТО: Инстаграм

The post ПОТРЕСНО СВЕДОШТВО НА СРПСКАТА АКТЕРКА МИЛЕНА РАДУЛОВИЌ НА СУД Мика Алексиќ ја тепал и сексуално злоставувал appeared first on plusinfo.mk.

Судијата на претходна постапка на Вишиот суд во Белград, одлучувајќи по предлогот за продолжување на притворот на Вишото јавно обвинителство, донесе решение за продолжување на притворот за Мирослав Алексиќ, кое може да трае најмногу 30 дена, се вели во соопштението на Вишиот судот во Белград.

Притворот беше продолжен поради постоење на посебни околности што укажуваат на тоа дека тој може да го повтори делото за краток временски период, како и затоа што делото за кое се товари се казнува со затвор над десет години и начинот на извршување на криминалот и сериозноста на последиците се доведени до јавно вознемирување што може да го загрози непречено и правично водење на кривичната постапка, се вели во соопштението.

Осомничениот и неговиот бранител имаат право на жалба против наведената одлука во рок од три дена од приемот на решението до кривичниот вонсудски совет на Вишиот суд во Белград.

Осомничениот Алексиќ се товари за сторено кривично дело силување.

The post Продолжен притворот на професорот Алексиќ, обвинет за силување appeared first on plusinfo.mk.

Сепак, правните експерти истакнуваат дека тоа нема да му биде од голема помош бидејќи Кривичниот законик на Република Србија веќе има предвидено вакви случаи.

Српскиот адвокат Зоран Јаковљевиќ даде детали за одбраната на неговиот клиент Мирослав Алексиќ- Мика, кој е обвинет за силување, и рече дека не е задоволен од начинот на кој овој случај е објавен во медиумите и смета дека е недопустливо анонимни лица да даваат наводно ексклузивни информации, за кои тврдеше дека се лаги.

– Одбив да се појавувам во телевизиски емисии, во принцип заради таквиот став на медиумите, кои во случајот на Мирослав Алексиќ се претворија во производители на измама. Не знам како би постапил ако бев ма мегово место. Сите овие напади, анонимни изјави и сведоци кои даваат читани интервјуа во медиуми, без имиња и презимиња, тоа е недопустливо – вели Зоран Јаковљевиќ.

Тој наведе дека неговата одбранбена тактика ќе се базира првенствено на избегнување давање изјави и враќање на случајот пред судските органи.

– Поради сето ова, имам намера да бидам принципиелен и да го вратам овој случај во судницата, наместо да зборувам на телевизиски емисии. После толку многу лаги и емитување глупости, јас нема да бидам „Дон Кихот што напаѓа ветерници“. Наместо тоа, ние ќе победиме ги со докази. Одбраната има многу да каже и открие – рече адвокатот на Мирослав Алексиќ.

Како што вели, одбраната има силни докази и чека вистински момент да ги презентира.

– Снимките споменати во медиумите не се ни клучни или важни. Јас само ќе кажам една едноставна работа што треба да им биде јасна на сите. Од здравствени причини, на Мирослав Алексиќ мораше да му биде отстранета простатата пред неколку години. Па, дали човек кој нема простата може да стане силувач?! Чекаме да видиме само со што се соочуваме, бидејќи наводно се појавуваат нови случаи секој ден. Нема потреба да се брза, овој случај треба да биде протеран до крај – вели Зоран Јаковљевиќ.

Од друга страна, адвокатот Светозар Вујачиќ објасни дека силувањето не е неопходно за да се дојде со полов однос.

– Ако лицето обвинето за силување навистина има здравствен и медицински дефект што спречува такво дејствие, вештачењето по судска медицина ќе го утврди со лекарски преглед. Доколку има сомневање за тоа, од која било причина, испитувањето ќе го изврши форензички одбор – вели адвокатот Вујачиќ.

The post Шокантен пресврт во случајот со силувањата! Мика Алексиќ ќе се брани тврдејќи дека е импотентен?! appeared first on plusinfo.mk.

– Кога првпат ме однесе во канцеларијата, две недели по мојот 18 роденден, се сеќавам дека зборуваше на еден час за самодовербата на жените и за фаталните жени. Тој велеше дека не постои самодоверба на жената што ветерот не може да ја однесе, треба само да штракнеш со прстите и жената ќе падне. Цело време ме гледаше во очи. Токму поради него самодовербата ми беше нула, но не бев ни свесна. Го гледав со воодушевување! Си мислев како тој знае сè и како гледа на сè! Тој ме процени и ме однесе во канцеларијата, каде ми рече дека ќе работиме на мојата самодоверба и дека тој ќе ми помогне. Тој е многу интелигентна личност, многу паметен човек кој подготвувал совршено злосторство. Кога започна, повраќав, изгубив 11 килограми. Се „исушив“. Не повраќав само по часовите, се случуваше и преку ден. Секој оброк го повраќав – рекла девојката за „Блиц“.

Нејзините пријатели забележале дека се повлекува во себе, престанала да излегува и да се дружи. Често плачела. Раскинала со дечкото. Знаела дека тоа што ѝ се случува не е добро, но не можела ништо да стори.

– Кога ќе се случеше тоа, по 10 пати се туширав. Без претерување, 10 пати. Знаев дека не е нормално некој на возраст од 66-67 години да ме допира, беше одвратно, но сепак не се ни посомневав дека има какви било намери што не беа педагошки и за мое добро. Тоа е тој болен страв, не можете да го разочарате, воопшто не! Се враќав на неговите часови, бидејќи се плашев тој да не помисли дека не сум дошла поради тоа – рекла девојката.

Таа вели дека сè уште „мириса“ на Алексиќ и дека понекогаш ѝ се причинува дека го гледа на улица, иако не го видела скоро две години.

Девојката тврди дека силувањето се повторувало скоро секој вторник седум месеци.

– Понекогаш ќе пропушташе еден или два вторници и мислев дека престанал и сè ќе биде како што треба. И потоа повторно ќе ме повикаше во канцеларија – вели таа.

На последниот час по глума се договорила со нејзините пријателки да се појават пред крајот на часот и на тој начин да спречат Алексиќ да ја однесе во канцеларија.

– Така и се случи. Тоа беше мојата последна средба со Мика. Летнав по скалите од училиштето до „Кнез Михајлова“ и повторно повратив. Беше еден вид олеснување измешано со страв, бидејќи се плашев дека може повторно да продолжи, дека ќе успее да ме собере и дури и кога веќе не одев повеќе во студиото – вели анонимната девојка.

Сепак, еден ден, на случајна средба во кафуле со другарки и колешки, кои знаеле што се случува се расплакала и сѐ им раскажала.

– Морав да им кажам затоа што знаев дека нема да можат да му кажат „не“. Им реков: или да се откажат од групата и да се запишат кај друг професор, бидејќи се талентирани и вредни, или воопшто да не се запишат на глума, за да не мора да одат на подготовки. Добро се чувствувам затоа што ги спречив да го преживеат истото – вели девојката.

The post Исповед на нова жртва на Алексиќ: Ме силуваше секој вторник, секој оброк го повраќав appeared first on plusinfo.mk.

Како што пишуваат српските медиуми, таа рекла дека злоупотребата започнала во 2005 година и детално опишала како Алексиќ ја соблекол гола.

Жртвата на Алексиќ дошла во полиција во придружба на нејзиниот адвокат. Таа едвај собрала храброст да раскаже што ѝ се случило, но решила да го стори тоа кога видела дека Мика, освен актерките Милена Радуловиќ и Ива Илинчиќ, сексуално искористил две девојчиња на возраст од 10 и 13 години. Според нејзиното сведочење, Алексиќ ја однел во канцеларија и ја натерал да легне на масата. Потоа тој ја лижел и ѝ ги допирал со прсти нејзините интимни делови. Ѝ рекол дека ако сака да биде актерка, треба да биде подготвена на сè.

Злоупотребата се повторувала неколку пати. Девојката многу се плашела од осомничениот професор и поради тоа досега не се осмелила да каже никому ништо.

The post Проговори нова жртва на професорот по глума: Имав 8 години, а тој ме лижеше! appeared first on plusinfo.mk.