Мишустин (54), кој ја презеде премиерската функција во јануари, му соопштил преку видео повик на рускиот претседател Владимир Путин дека заболел.

– Мојот тест на ковид-19 е позитивен. Согласно препораките морам да се самоизолирам и да ги следам советите на лекарите – изјавил Мишустин во разговорот со Путин.

Прес службата на премиерот нагласи дека сите кои во изминатите неколку недели биле во контакт со Мишустин ќе бидат изолирани и тестирани на коронавирус.

Тој истакна дека ќе продолжи да работи како и вообичаено и планира да биде во активен контакт со колегите преку телефон.

Во обраќањето до нацијата, рускиот премиер ги повика граѓаните да останат дома и да се спречи ширењето на новиот коронавирус.

– Уште еднаш ги молам граѓаните да ја сфатат заканата од инфекција со коронавирусот и неговото ширење со најголема сериозност. Сигурен сум дека заедно можеме да ја победиме оваа зараза и да му се вратиме на нормалниот живот, порача Мишустин.

Путин му посака брзо опоравување на Мишустин, а за вршител на должноста премиер, додека е отсутен, е именуван вицепремиерот Андреј Белоусов

The post Рускиот премиер хоспитализиран поради ковид-19 appeared first on plusinfo.mk.

Оперативниот штаб на руската Влада денеска соопшти дека се регистрирани 954 случаи во изминатите 24 часа, вкупно 6.343, од кои 4.484 заразени во Москва.

Рускиот претседател Владимир Путин прогласи неработни денови за поголемиот број граѓани за да се намали ширењето на вирусот.

Тој рече дека основните дејности ќе продолжат со работа и дека продавниците и аптеките ќе бидат отворени.

Путин посочи дека регионалните власти во своите области треба да одлучат, во зависност од ситуацијата, кои компании и организации можат да продолжат да работат.

Рускиот премиер Михаил Мишустин денеска ги предупреди регионалните гувернери да не ги затвораат административните граници меѓу покраините, истакнувајќи дека движењето на луѓето и стоката не треба да се ограничува.

The post Во Русија 954 заболени во изминатите 24 часа appeared first on plusinfo.mk.