Премиерот Христијан Мицкоски истакна дека редовно тече исплатата на субвенциите во земјоделството.

– Што се однесува до тој дел од општеството, катастрофална и алармантна беше состојбата. Се консолидира. Не велам дека е идеална. Ќе треба да се продолжи со консолидирање. Знам дека редовно тече исплатата, да не речам и пред време – рече Мицкоски посочувајќи дека интервентно се исплатени отприлика 140 милиони денари за земјоделците кои одгледуваат пченица.

Тој потенцира дека веќе нема да има доцнење во исплатата на субвенциите.

– На тој начин полека, но сигурно колку можеме да помогнеме – помагаме. Дали е доволно? Не е доволно. Треба уште. Но, истовремено сум убеден дека во периодот што следи, уште повеќе ќе има во таа насока. Нема веќе доцнење. Сето она кое што порано било долгови и се трудиме да го вратиме. Очекуваме околу 25 до 30 проценти, заедно со тековните исплати во следниот буџет да биде регулиран и веќе во 2026 година да имаме нормална состојба и да немаме веќе доцнење. Би сакал да имаме што повеќе посеани површини со земјоделски производи. Ние како Влада ќе сториме сѐ што е во наша моќ тоа да се случи – рече Мицкоски.

The post НЕМА ВЕЌЕ ДОЦНЕЊЕ ВО ИСПЛАТАТА НА СУБВЕНЦИИТЕ Наследивме катастрофална состојба во земјоделството appeared first on plusinfo.mk.

Премиерот Христијан Мицкоски вели дека тој и неговиот тим се подготвени за суштински разговори, но дека засега нема најава дека тоа може да се случи и со официјална Софија.

Тој повтори дека нема промени во неговиот став за уставни измени со одложено дејство, но дека сега промена има кај европските партнери, кои имаат разбирање за ваквата позиција.

Премиерот најави дека во декември два пати ќе има средби во Брисел.

The post ЗА ТАНЦ СЕ ПОТРЕБНИ ДВАЈЦА Мицкоски не знае дали е можен исчекор кон ЕУ до крајот на годинава appeared first on plusinfo.mk.

– Германскиот реномиран весник ФАЦ до срж практично ја разголе пирамидата на криминалот којашто функционира во Македонија и кога ние алармираме 6 години дека ова се случува, за жал и од страна на одредени европски политичари тоа наидува на игнорирање – потенцираше Мицкоски.

Мицкоски во врска со ова овој проблем укажа дека тој треба да се реши, а тоа ќе биде преку промени коишто ќе донесат една нова иднина, политичари со план и визија како да ја развиваат Македонија.

– Овде проблемот станува сѐ подлабок и потежок за решавање и тоа е наш проблем и треба ние да си го решиме. Како ќе го решиме? Се знае, со промени. Затоа е важно за неколку месеци од денес да направиме промени кои што ќе донесат една нова иднина, политичари со план и визија како да ја развиваат Македонија. Во спротивно ќе продолжиме да тонеме во криминал и политичка корупција која што ја гледаме 6 години и од ден во ден станува се поакутна и би рекол алармантна, се доведува под знак прашање непостоењето на системот, тука постоењето на државата – додаде Мицкоски.

Владата на ДУИ и СДСМ, додаде тој, за 6 години го зголеми долгот за речиси 2,5 милијарди евра за да имаат повеќе пари за наместени тендери, значи постои основано сомневање за историски политички грабеж од страна на политички криминалци

– Економската политика на Владата на СДСМ и ДУИ или ДУИ и СДСМ ја доведе Македонија до бездната. Тие не чувствуваат никаква патриотска припадност и должност кон државата и континуирано ја носат во бездна и провалија на начинот на кој тие работат. Долгот галопира дојде до 8,3 милијарди евра што претставува практично околу 58 проценти од БДП, рече претседателот на ВМРО-ДПМНЕ.

Ако направиме споредба со регионот, да речеме Србија едно време која беше многу напред сега е позади Македонија некаде отприлика 53,5 проценти, посочи тој, Косово кое сѐ уште реално нема оформено државност е некаде до 20 проценти.

– Така што политиките на Владата, додаде Мицкоски, се поразени тие капитулираа. Капитулираа и на друг план инфлацијата е некаде околу 8,4 проценти, а во еврозоната е 4,3 проценти речиси двојно помала. Што значи тезата дека е увезена не држи. Повторно е уште една лага на власта – укажа Мицкоски.

Мицкоски објасни зошто сето ова се случувало во изминатите години владеење на СДСМ и ДУИ.

– Владата на ДУИ и СДСМ во овие шест години за речиси 2,5 милијарди евра го зголеми долгот за да имаат повеќе пари за наместени тендери, тендери кои потоа ги договараат во 4 очи или со други зборови кажано постои основано сомневање за историски политички грабеж од страна на политички криминалци кои 6 години ја водат Владата – заклучи Мицкоски.

The post ГЕРМАНСКИОТ ВЕСНИК ДО СРЖ ЈА РАЗГОЛЕ ПИРАМИДАТА НА КРИМИНАЛОТ Мицкоски се согласува дека неказницноста ги разочарува граѓаните appeared first on plusinfo.mk.