Том Хенкс (69) им приреди на некои њујорчани најголемо изненадување во нивниот живот кога неодамна беше забележан како се вози со метро.

И покрај неговиот статус на член на А-листата, добитникот на Оскар се покажа како една од најприземните ѕвезди во Холивуд додека користеше јавен превоз за да се движи низ градот, пишува Дејли Мејл.

Актерот, чие богатство се проценува на 400 милиони долари, бил дискретно облечен и носел маска на лицето. Сепак, иако се обидувал да остане непрепознатлив, не можел да се скрие од своите обожаватели, а набрзо неговите фотографии од метрото се прошириле на социјалните мрежи.

What do you notice about these pictures?
I guess he doesn’t want to catch C19 again… pic.twitter.com/zAdywpXDHz

— Just A Neighsayer (@justaneighsayer) October 7, 2025

Хенкс изгледал целосно опуштен за време на возењето, стоејќи близу вратата и набљудувајќи ја толпата како и секој друг патник. Иако актерот сигурно има личен возач, тој се придружил на растечкиот број познати личности, како што е и актерот Харисон Форд, кои се видени како го користат метрото во последните месеци.
Јавното појавување на Хенкс доаѓа само неколку месеци откако неговата ќерка, Е. А. Хенкс, ја објави својата шокантна автобиографија, во која детално го опишува нејзиното наводно тешко детство.

Во книгата, Е. А. ги дискутира споровите меѓу нејзините родители, Хенкс и покојната актерка Саманта Луис, која почина во 2002 година по битка со ракот.

Е. А. ги поминала првите пет години од својот живот во Лос Анџелес со своите родители, сè додека не се развеле во 1987 година. Во книгата, таа се сеќава како нејзината мајка, без предупредување, одлучила да ги пресели неа и нејзиниот постар брат, Колин, од Лос Анџелес во Сакраменто. Таа, исто така, открила како емоционалното и физичкото злоставување од страна на нејзината мајка ја принудило да се врати кај својот татко.

Во мемоарите, Е. А. вели дека верува оти нејзината мајка, иако никогаш официјално не била дијагностицирана, страдала од биполарно растројство со епизоди на екстремна параноја и делузии. Во јуни, актерот ја пофали својата ќерка за нејзината искреност во справувањето со еден мрачен период во нејзиниот живот.

– Не ме изненадува што мојата ќерка имаше сила и љубопитност… да ја истражи оваа тема, што мислам дека беше неверојатно искрено – рече тој.

Хенкс се ожени со Рита Вилсон во 1988 година. Двојката е во брак 37 години и има две деца – Чет, 34, и Труман, 29.

The post ИМА 400 МИЛИОНИ ДОЛАРИ, А СЕ ВОЗИ СО МЕТРО Том Хенкс ги воодушеви обожавателите возејќи се во метрото заедно со обичните њујорчани appeared first on plusinfo.mk.

Голема експлозија разбуди стотици жители на Киев среде ноќ кога неколку беспилотни летала и ракети погодија повеќе делови од градот, јави Ројтерс.

Големиот руски напад доаѓа откако во неделата, 20 јули, Украина изврши со најмалку 93 дронови ги нападна регионите Брјанск, Курск и областа на главниот град Москва. Ден претходно, на 19 јули, украинскиот претседател предложи мировни преговори со руската страна во Истанбул.

Пожари избувнаа во детска градинка во главниот украинскки град рано наутро во понеделникот, гореа неколку станбени згради и киосци, а густ чад ги исполни метро-станиците, каде што граѓаните се засолнија за време на нападот.

Локалните власти соопштија дека најмалку едно лице загинало, а двајца се повредени.

Filthy Russian savages bombed Kyiv all night, raining missiles and drones onto apartment buildings, shopping areas, even targeting a metro station where hundreds of people were sheltering.

The world continues to allow it. Hopefully one day Ukraine can return the favor. pic.twitter.com/vHZzaJ1JYp

— Jay in Kyiv (@JayinKyiv) July 21, 2025

– Имаме информации за едно лице кое починало – потврди шефот на воената администрација на Киев, Тимур Ткаченко велејќи дека влезот во метро станицата е оштетен, но нема информации за повредени.

Градоначалникот на Киев, Виталиј Кличко изјави дека во пожар во станбена зграда уште едно лице е повредено.

Нападот почнал кога воздушната одбрана била активирана во 23:40 часот, а експлозиите траеле со часови низ Киев. Најмалку една од детските градинки била зафатена од пожар, но таму немало повредени, истакна Кличко.

A russian strike hit the entrance of a metro station in Kyiv packed with people sheltering from the ongoing attack. pic.twitter.com/1WZCW2gTWt

— Kate from Kharkiv (@BohuslavskaKate) July 21, 2025

Во западниот град Ивано-Франковск, градоначалникот Руслан Марцинкив рече дека воздушната одбрана реагирала во 3:13 часот наутро, а оштетени биле три села и дел од инфраструктурата.

– Ова е најголемиот напад од почетокот на инвазијата – рече Марцинкив.

Големиот руски напад доаѓа откако во неделата, 20 јули, Украина изврши со најмалку 93 дронови ги нападна регионите Брјанск, Курск и областа на главниот град Москва. Летовите на четирите аеродроми во рускиот главен град беа привремено прекинати поради нападот.

• УКРАИНА ИЗВРШИ МАСОВЕН НАПАД СО ДРОНОВИ ВРЗ РУСИЈА, ЦЕЛ БИЛЕ 10 РЕГИОНИ Москва на удар, Русите собориле 93 дронови

Украинскиот претседател во саботата, 19 јули, изјави дека Украина работи размената на затвореници договорена меѓу двете земји на претходната рунда преговори.

Според шефицата на руското Министерство за надворешни работи, Марија Захарова, Москва е подготвена да испрати делегација во Истанбул на нова, трета рунда преговори за можен крај на војната.

Рускиот напад рано изутрина ги кренал алармите и во Полска. Полската војска ноќеска ги кренала борбени авиони поради зголемена руска воздушна активност во близина на границата со Украина, соопшти Оперативната команда на вооружените сили на Полска.

ЗЕЛЕНСКИ БАРА СРЕДБА СО ПУТИН ЗА ДА СЕ ОБЕЗБЕДИ ВИСТИНСКИ МИР Предлага нова рунда преговори следната недела

The post 📽️ РУСКИ ДРОНОВИ УДРИЈА ПО КИЕВ, ОДМАЗДА ЗА УКРАИНСКИОТ НАПАД? Најмалку едно лице загина во масовните ноќни ракетирања appeared first on plusinfo.mk.

Силно невреме вчера попладне го погоди Њујорк, предизвикувајќи поплави и прекин на патниот и воздушниот сообраќај.

Предупредувања за ненадејни поплави беа издадени за градови, вклучувајќи ги Њујорк, Вашингтон, Балтимор, Њуарк, Њу Џерси и Арлингтон, Вирџинија, како и Националниот аеродром Реган, додека Националната метеоролошка служба предупреди дека се можни поплави опасни по живот во западниот округ Јунион, Њу Џерси.

Снимките што ги споделија жителите на Њујорк на социјалните медиуми покажуваат автомобили заглавени во вода, порои што се спуштаат по скалите на станицата на метрото во Њујорк и вода што се влева во самите вагони.

Footage shows flooding at the 28th Street station in New York City on Monday night as slow-moving thunderstorms hit the Northeast. https://t.co/Vc92EvHrBI pic.twitter.com/2a6YocdyPc

— ABC News (@ABC) July 15, 2025

Застрашувачките снимки покажуваат вода што достигнува речиси до прозорците на возот додека патниците седат или стојат во вагонот.

I’m from New York and I’ve never seen it like this.

Subway stations flooding. Streets turning to rivers. And the city that never sleeps just got soaked by the price of political cowardice.

We don’t need thoughts and prayers.
We need drains that work and leaders who give a… pic.twitter.com/rA8r9QFPuS

— Brian Allen (@allenanalysis) July 15, 2025

Воздушниот сообраќај беше парализиран, а Меѓународниот аеродром Кенеди пријави доцнења од повеќе од три часа за заминувачките летови.

„Сериозните временски услови влијаат на работењето на аеродромот Њуарк Либерти, а издадена е забрана за летови за управување со обемот на летови и ограничување на застојот“, се вели во соопштението на „Јунајтед ерлајнс“.

Патниците низ целата земја продолжуваат да се соочуваат со прекини во патувањето, при што 1.966 летови се откажани, а повеќе од 10.090 се одложени низ целата земја поради временските услови, а источниот брег го трпи најголемиот дел од бурите, според ABC News.

Државната полиција на Њујорк соопшти дека државниот автопат Таконик е поплавен, принудувајќи ги властите да го затворат патот во двата правци поради поплави, истакнува ABC News.

Гувернерот на Њу Џерси, Фил Марфи, прогласи вонредна состојба поради ненадејни поплави и „обилни врнежи од дожд во делови од државата“.

The post 📽️ НЕЗАПАМЕТЕНИ ПОПЛАВИ ВО ЊУЈОРК Водата навлезе и во метро станиците и возовите, сообраќајот се одвива отежнато appeared first on plusinfo.mk.

Во близина на метро станицата Клемансо во Брисел беше регистрирано пукање што предизвика и хаос на линиите на метрото и трамвајот во главниот град на Белгија.

– Фотографиите од надзорните камери покажуваат дека осомничените побегнале кон метро станицата Клемансо – изјави Сара Фредерик, портпаролка на јужната бриселска полиција.

Во престрелката нема жртви, но полицијата соопшти дека осомничените можеби се во тунелите на метрото, но линиите на метрото се затворени од безбедносни причини, јавија бриселските медиуми.

La vermine gangrène #Bruxelles. Le Gouvernement Arizona va prendre les mesures pour nettoyer les rues. Ce sont les bandes criminelles et les racailles qui doivent avoir peur. Vous n’aurez pas une seconde repos.
Pendant ce temps, certains estiment ne pas devoir faire un… pic.twitter.com/z3VmRdO30y

— Georges-L BOUCHEZ (@GLBouchez) February 5, 2025

The post 🎥 ПАНИКА ВО БРИСЕЛ Пукање во метрото, нема повредени appeared first on plusinfo.mk.

На граѓаните им беше ветено дека во метрото ќе има подземен музеј поради бројните артефакти пронајдени во 2006 година, кога метрото уште се градеше. Меѓу артефактите се и пазар од византиската ера и римски гробишта.

 

View this post on Instagram

 

A post shared by Grčka Info (@grckainfo)

Овие откритија ја забавија работата на проектот и поттикнаа дискусии за тоа како да се продолжи со изградбата со зачувување на богатото археолошко наследство. Решението е пронајдено во спој на модерно и историско – патниците треба да уживаат во артефактите пред да се качат во возот.

– Ова е можност Солун да стане втор Рим кога станува збор за антиквитети – велат археолозите.

Грчкиот премиер Киријакос Мицотакис, за време на посетата на метрото минатиот петок, истакна дека ова е веројатно единствен случај во светот – комбинација на метро и музеј.

Изградбата на солунското метро траеше речиси две децении делумно и поради финансиските тешкотии за време на грчката должничка криза во 2009-2018 година.

Изградено е на длабочина до 31 метар, што е подлабоко од првично планираното, така што археолошките локалитети би останале зачувани над тунелот.

Според изготвувачите на проектот, таквиот пристап обезбеди уникатна комбинација на модерен транспортен систем и историско наследство, што би можело да го направи Солун посебен на глобално ниво.

The post 📽 МЕТРОТО ВО СОЛУН СЕ РАСИПА ЗА САМО 2 НЕДЕЛИ Патниците не успеаја да го видат подземниот музеј appeared first on plusinfo.mk.

Претходно се одржа свечена церемонија со присуство на државниот врв, додека пак пред дел од метро станиците беа насобрани граѓани кои и покрај дождот, чекаа да се отворат станиците за да го видат метрото и да се повозат.

Главната линија на метрото е во должина од 9,6 километри со два независни тунели со една насока, има 13 модерни станици, ќе сообраќаат 18 најсовремени автоматски метроа без возач, но со придружник, максималниот капацитет е 18.000 патници на час во еден правец.

Процените се дека дневниот патнички сообраќај ќе биде околу 240.000 патници, но и дека на солунските улици секојдневно ќе сообраќајот 57.000 возила помалку.

Со метрото, за 17 минути ќе се стигнува од едниот на другиот крај на градот, билетот ќе чини 60 центи и ќе важи 70 минути.

Дополнително, на станиците ќе бидат вклучени и археолошките откритија пронајдени за време на изградбата, а на станицата „Венизелос“ се на површина од 1.260 метри квадратн, со што, како што информираа од грчката Влада е меѓународно најголемиот археолошки локалитет вклучен во голем технички проект.

На свеченото отворање меѓу другите, говореа и новиот грчки еврокомесар за транспорт и туризам, како и грчкиот премиер.

Мицотакис откри дека во ноември следната година ќе заврши продолжувањето на метрото до Каламарија, сп што на мрежата ќе додадат уште 4,8 километри железничка пруга и пет нови станици и истакна дека метрото во Солун е „најсовременото метро во Европа“.

-Ова е опиплив проект, за кој сигурен сум дека многумина во градов до последен момент не веруваа дека ќе се случи. И еве, сепак се случи. Со други зборови, рековме дека ќе го сториме тоа и го сторивте. И е симбол на напредокот на Македонија и на цела Грција, посочи Мицотакис.

По свеченото отворање и пуштањето во употреба, Сакеларопулу, Мицотакис и членови на грчката Влада влегоа во метрото и се возеа неколку станици.

The post СОЛУН КОНЕЧНО ДОБИ МЕТРО Изградбата траеше цели 18 години appeared first on plusinfo.mk.

Ова го изјави министерот за транспорт, Христос Стаикурас, за време на пробното возење на возовите минатата недела, објави порталот Франс 24.

– Мрежата ќе опслужува околу 250.000 патници дневно, во северниот град со над милион луѓе. Нејзините станици, исто така, ќе покажуваат  повеќе од 300.000 археолошки предмети, откриени за време на изградбата. Тоа беше проект кој беше одамна задоцнет. Тоа е и проект со многу  тешкотии и пречки – изјави Стаикурас.

Ова метро беше нарачано уште во 2003 година, а работата на истото започна во 2006 година и првично беше планирано да биде завршено во 2012 година. Станува збор за второто метро во земјата по она во Атина, кое беше отворено во 2000 година.

Патеката, долга 9,6 километри, ја отсликува богатата историја на Солун.

Трасата била изградена покрај римскиот пат што некогаш го минувал градот, стар 2.300 години, кој го носи името на полусестрата на Александар Македонски, Тесалоника Македонска.

Како резултат на тоа, проектот беше подложен на долги одложувања и пречекорувања на трошоците.

Новата траса и планираното продолжување на истокот на градот ќе чинат 3 милијарди евра. Некои компании, вклучени во неговата изградба, исто така, банкротираа за време на речиси децениската должничка криза на Грција, според изјавата на официјални лица.

Над 200 милиони евра беа потрошени за ископување и за отстранување антиквитети кои датираат од хеленистичката ера, од кои некои потоа беа вградени во новите станици.

Исто така, имаше контроверзии околу цената на логото на мрежата и околу тоа што тендерот ѝ бил даден на компанија во Атина – дополнителна навреда на жестоката независна локална чувствителност.

Откопани се многу археолошки предмети, од 50.000 монети до ранохристијанска црква

Меѓу откопаните археолошки предмети има околу 50.000 монети, два мермерни плоштади, огромна фонтана и ранохристијанска црква.

Златни круни и накит беа пронајдени во многу гробници долж трасата на метрото, во најголемото археолошко ископување кое било извршено во земјата според Министерството за култура.

На станицата „Агија Софија“ се прикажани слоеви фрагменти по ера од хеленистичкото доба до модерното доба.

– Целиот период од историјата на Солун е втиснат на овој ѕид. За археолошките активности, кои започнаа во 2007 година, а беа завршени во 2022 година, вкупните трошоци беа околу 203 милиони евра – рече заменик директорот на „Елинико метро“ (државната компанија која го разви метрото), Никос Денис.

Солун бил изграден во четвртиот век пред нашата ера од еден од наследниците на Александар Македонски, Касандар, кој се оженил со една од полусестрите на славниот воин. Градот прераснал во важен центар на Римската империја и подоцна станал вториот град на Византиската империја. Продолжил да расте под Отоманската империја во 15 век,  со доаѓањето на илјадници сефардски Евреи, протерани од Шпанија.

Колкав е капацитетот на новото метро?

Метрото ќе сообраќа 18 целосно автоматизирани возови со четири вагони без возач. Се проценува дека тоа ќе го намали дневниот метеж на патниот сообраќај во градот за меѓу 50.000 и 60.000 возила.

– Ова е многу модерно метро со високо ниво на автоматизација и безбедност – изјави заменик-министерот за инфраструктура, Никос Тачијаос, за новинарите на презентацијата.

Тој додаде дека другата централна станица, Венизелу, која се чува во тајност за саботното откривање, ќе содржи „целосна археолошка локација“.

Но, по две децении градба и одложувања, многу жители остануваат скептични.

– Овој проект беше шега на градот. Секогаш кога ќе слушавме нов датум за завршување на проектот, тој никогаш не беше исполнет. Многу бизниси во Игнација Одос, центарот на градот, исто така мораа да се затворат поради градежните работи – рече 36-годишната продавачка Анастасија Полихрониду.

Исто така, има поплаки за ограничениот дофат на мрежата, а дополнителни проширувања, за да можат луѓето да стигнат до градскиот аеродром, се планирани само за 2040 година.

Аеродромот „Македонија“ во Солун, трет по големина во Грција, е оддалечен 13 километри и опслужил над 7 милиони патници минатата година.

The post 🎥 ДРЕВНИ ТАЈНИ, ГРОБНИЦИ И ЦРКВА ПОД УЛИЦИТЕ НА СОЛУН Новото метро ќе овозможи единствено патување низ историјата appeared first on plusinfo.mk.

Мицотакис говореше на презентацијата на Националната стратегија за регионален развој, тој рече дека Солун се менува и тоа со многу брзо темпо.

– Ниедна Влада нема реализирано повеќе проекти за Солун од оваа Влада – рече тој.

Грчкиот премиер паралелно го најави датумот кога метрото ќе почне со работа.

– По многу свечени отворања, кои во реалноста не беа свечени отворања, по церади, презентации и оспорувања, со задоволство можам да ви соопштам дека солунското метро ќе биде пуштено во употреба, не свечено отворено, туку испорачано за граѓаните на 30 ноември 2024 година. За 95 дена отсега. Што значи дека часовникот одбројува – рече Мицотакис.

Во однос на изградбата на обиколницата во Солун, односно Флајовер (Flyover), Мицотакис истакна дека целта е да се заврши на пролет во 2027 година, односно непосредно пред парламентарните избори.

The post ОД ЕСЕНВА ВО СОЛУН ЌЕ МОЖЕТЕ ДА СЕ ВОЗИТЕ СО МЕТРО Кога ќе се пушти подземната железница во употреба? appeared first on plusinfo.mk.

Локалното обвинителство соопшти дека повредените не се во животна опасност.

„Осомничениот од мароканска националност и на возраст од 27 години, претходно не ѝ е познат на полицијата, но неколку пати бил хоспитализиран поради психијатриски проблеми“, соопшти полицијата.

Неименувани полициски извори за француски медуми изјавија дека нема елементи што би укажувале дека станува збор за терористички акт.

The post ВЛЕГОЛ ВО МЕТРО И ПОЧНАЛ ДА БОДЕ ЛУЃЕ СО НОЖ Уапсен е 27-годишен Мароканец во Лион appeared first on plusinfo.mk.

Несреќата се случила нешто пред 19 часот, кога последните два вагони на метрото се одвоиле од вагонот пред нив, соопштија властите.

„Вкупно 515 лица се испратени во болница на преглед, од кои 102 лица се здобиле со скршеници“ – објави во петокот  на државната телевизија ЦЦТВ.
До денеска во 6 часот, 423 лица се отпуштени од болница, соопшти ЦЦТВ, додавајќи дека 67 други сѐ уште се на лекување, додека 25 лица се под опсервација. Нема пријавени смртни случаи, објавија државните медиуми.

An major accident of the Chinese subway metro has occurred in #Beijing after failure of emergency breaking system. 102 people have been seriously injured with multiple fractures. Evacuation of victims is in process. pic.twitter.com/mK4R61mvU3

— Nepal Correspondence (@NepCorres) December 15, 2023

Прелиминарната истрага за инцидентот покажа дека снежното време предизвикало лизгави патеки и „деградација на сигналот“, што резултирало со несреќата, се вели во извештајот. Корисниците на социјалните мрежи објавија дека виделе патници како паѓаат на земја, а некои се жалеле на болки во грбот.
Снимките на социјалните мрежи покажаа патници на подот и делумно исклучени светла, додека некои патници користат чекани за итни случаи во обид да ги скршат прозорците на возот и да избегаат. На други видеа, пожарникарите помагаат да се евакуира постар возач, додека заглавените патници се борат низ длабок снег за да го напуштат местото на настанот.

More videos and pictures about the accident of the Beijing subway.pic.twitter.com/eoYJAJz6mm

— Open Resources Translation (@anonsuoi) December 14, 2023

-Искрено се извинуваме за несреќата што се случи вечерва.Патниците кои го напуштиле возот без придружба за време на евакуацијата и кои не се чувствуваат добро можат да не контактираат во секое време. Ние ќе ги покриеме трошоците за нега – објави операторот на возот во Пекинг.

The post 🎥 СЕ РАСПАДНА ВОЗ НА ПОДЗЕМНАТА ЖЕЛЕЗНИЦА ВО ПЕКИНГ Во несреќата се повредени над 500 луѓе appeared first on plusinfo.mk.