Австралиски научници развија нов метод за „разоткривање“ на ХИВ скриен во белите крвни клетки, што може да биде клучен чекор кон конечно лекување на вирусот, пишува „Гардијан“.

Вирусот станува видлив

Тимот од Институтот „Питер Доерти“ во Мелбурн успеа да вметне mRNA во т.н. резервоар-клетки на ХИВ, кои досега беа недостапни за терапијата. Со ова вирусот станува „видлив“ и потенцијално ранлив за имунолошкиот систем и идни третмани.

Клетките добиваат сигнал да го откријат вирусот

Истражувањето се базира на mRNA-технологија, позната од ковид-вакцините. Користени се специјално формулирани липидни наночестички (LNP X), кои првпат беа прифатени од клетките што го кријат ХИВ. Кога mRNA влегува внатре, клетките добиваат сигнал да го откријат вирусот.

Д-р Паула Севал, коавтор на студијата, изјави дека првите резултати биле толку добри што изгледале нереално.

– Претходно, овие клетки едноставно не ги примаа честичките. Овој нов дизајн може да отвори пат кон целосен лек.

Уште не се тестирани животни и луѓе

Околу 40 милиони луѓе во светот живеат со ХИВ. Според УНАИДС, во 2023 година, секоја минута умирало по едно лице од последици од вирусот.

Истражувањето е сè уште во рана фаза, лабораториско, врз донирани клетки. Пред клиничка примена ќе бидат потребни тестови врз животни, потоа безбедносни и ефикасносни испитувања кај луѓе.

Голем чекор, но лекот за ХИВ е само сон?

Дел од експертите, како проф. Томаш Ханке од Оксфорд, предупредуваат дека идејата да се откријат сите скриени клетки е „само сон“. Но, други, како д-р Џонатан Стој од Институтот Крик, го поздравуваат напредокот како „голем чекор“ во насока на универзална терапија со mRNA.

Истражувачите веруваат дека технологијата може да се примени и кај други болести, вклучително и рак.

The post НОВ МЕТОД ЗА ОТКРИВАЊЕ ХИВ ВИРУС ВО КЛЕТКИТЕ Пробивот може да биде клучен за изнаоѓање лек appeared first on plusinfo.mk.

Рускиот опозициски лидер Алексеј Навални бил ослабен на температури под нулата пред да биде удрен од послушниците на Путин со класична техника на КГБ, со еден удар во срцето, тврди активист за човекови права, објави Тајмс.

Модринките пронајдени на телото на опозицискиот лидер се во согласност со методот на егзекуција со „еден удар“, вели рускиот активист за човекови права Владимир Осечкин.

– Тоа е стар метод на одделот за специјални сили на КГБ. Тие ги обучувале своите оперативци да убијат човек со еден удар во срцето, во центарот на телото. Тоа беше заштитен знак на КГБ – изјави Осечкин за лондонски Тајмс.

Осечкин, основачот на Гулагу.нет, група која собира сведоштва од затвореници и работници во озлогласените руски затвори, вели дека неговите информации потекнуваат од извор кој работел во казнената колонија на Арктикот каде што Алексеј Навални починал во петокот.

Неговата вдовица Јулија Навални го обвини Путин за убиство на нејзиниот сопруг, тврдејќи дека тој бил отруен со нервниот агенс „новичок“ и дека руските власти се обидуваат да го прикријат тоа.

На мајката на Навални, наводно, и било кажано дека тој починал од синдром на ненадејна смрт.

Осечкин, сепак, не е убеден и вели дека властите би можеле да го убијат Навални на кој било начин и дека не би сакале „да остават трага во неговото тело кои би одвеле директно кај Путин“.

Тој тврди дека Навални бил принуден да помине помеѓу два и пол до четири часа во затворен простор на отворено каде што температурата можела да се спушти до минус 27 степени Целзиусови ден пред неговата смрт.

Затворениците обично се држат на отворено не повеќе од еден час и во многу помалку екстремни услови.

– Мислам дека прво го уништиле телото така што го држеле на студ долго време и ја успориле циркулацијата на крвта на минимум. А тогаш станува многу лесно да се убие некого, во рок од неколку секунди, ако оперативецот има искуство во тоа – објасни Осечкин.

Тогаш, како што вели осечкин , може да се употреби еден удар, техника на прикриен атентат која наводно ја користеле специјалните сили на КГБ за да избегнат било какви индикација за предизвикана насилна смрт.

The post НАВАЛНИ БИЛ УБИЕН СО ЕДЕН УДАР ВО СРЦЕТО? Експертите препознаваат стар метод што го користеле специјалните сили на КГБ  appeared first on plusinfo.mk.

Методот е објавен во научното списание “Foods“, соопшти Гринпис утрово, и овозможува да се детектира генетски модифицирана маслодајна репка од компанијата Цибус, отпорна на одредени хербициди. Според Гринпис методот одговара на сите законски критериуми на ЕУ и е веќе одобрен од страна на австриската агенција за животна средина.

– Новиот метод за детекција е огромен чекор во заштитата на потрошувачите и бизнисите во ЕУ. Властите сега ќе можат да почнат да идентификуваат неавторизирани генетски модифицирани култури. Ова ќе им помогне на пчеларите, земјоделците, одгледувачите, процесорите на храна и продавачите да ги задржат ГМО надвор од нивните ланци на снабдување и да ги почитуваат барањата на потрошувачите за храна без ГМО, изјави Хајке Молденхауер, од германското здружените за храна без ГМО.

Невладината Гринпис објаснува исто така дека овој нов метод на детекција се коси со тврдењата на биотехнолошката индустрија дека генетски модифицираните организми не се препознатливи од други немодифицирани организми и поради тоа не може да се воведе законска рамка во ЕУ.

– Новиот метод детектира вид на семе што е отпорно на хербицид и создадено преку нов вид на генетски инженеринг. Ова им овозможува на ЕУ земјите да воведат проверки за да се сопре влезот на недозволени ГМО во ланецот на снабдување на храна на ЕУ – изјавија од Гринпис.

Европскиот суд за правда пред две години дека сите форми на генетска модификација спаѓаат под ЕУ законодавството против ГМО, вклучително и најновите технологии.

Со овој метод Гринпис тврди дека и најмодерните методи на модифицирање на организмите сега можат да бидат детектирани и дека нема повеќе оправдувања за ЕУ да избегнува регулација согласно законот.

– Европската Комисија и владите мораат да градат врз овој успех и да развијат процедури на скрининг што ќе овозможат идентификација на производите – повикуваат од Гринпис.

The post Гринпис со нов метод за детекција на генетски модифицирана храна appeared first on plusinfo.mk.

Додека се ниша на стол со малата Чарли во раце, Остин вели дека се уште е вознемирена од промената на позицијата. Потоа тој почнува нежно да и ги масира веѓите, а малото заспива за неколку секунди.

Уште откако видеото се појави на Фејсбук на 26 август, родителите веднаш го побараа неговиот профил за да ја откријат тајната.

– Малечката е симпатична. Го испробав ова на моите три сина и сите спијат – напиша една жена.

– Го испробав ова на најмладото дете, таа исто така сака галење по носот – додаде друг.

– Како не го знаев ова пред 17 години – се пожали трет.

The post Татко откри неверојатен трик како да заспиеш бебе во секунда, родителите во шок (ВИДЕО) appeared first on plusinfo.mk.