Краткотрајно невреме со интезивен пороен дожд, силен ветар и изолирана појава на град, најавуваат метереолозите за попладневните часови.

Поради присуство на влажна и нестабилна воздушна маса, денес и во следните денови ќе има честа појава на пороен дожд и грмежи, особено во попладневните часови. Локално процесите ќе бидат во форма на краткотрајно невреме со интензивен пороен дожд, силен ветер и изолирана појава на град.

Во Скопје денес и во следните денови во попладневните часови, времето ќе биде нестабилно со пороен дожд и грмежи, а во делови од котлината можна е појава на краткотрајно невреме.
Во случај на појава на електрични празнења се препорачува поголема внимателност, да не се престојува на отворен простор.

The post ДОАЃА НЕВРЕМЕ Интензивен пороен дожд и грмежи во попладневните часови appeared first on plusinfo.mk.

За промена на времето и снежен зимски бран предупредува и познатиот хрватски метеоролог Дино Дундиќ. Според него, снежната граница би можела да се спушти дури и до 800 метри надморска височина.

Сето ова е поради спуштањето на значително поладниот воздух од Атлантикот, па преку северозападна Европа до Балканот и јужните делови од Европа. Најавениот ладен бран ќе зафати голем дел од европскиот континент и ќе донесе потпросечни температури на воздухот.

The post ПРОЛЕТВА Е КАКО ЛЕТО, АМА ЗИМАТА УШТЕ НЕ ЗАМИНАЛА Метереолозите најавуваат задоцнет зимски бран appeared first on plusinfo.mk.

Термометарот се искачи на над 25 степени во некои сојузни покраини во Германија во октомври. Откако септември веќе достигна рекордни температури, и октомври започна со летни температури. Но, на долгото топло лето му доаѓа крајот, а во Германија наскоро може да падне и првиот снег, пренесува магазинот Феникс.

Според прогнозата на германските метеоролози, времето во Германија ќе биде многу посвежо од 15 октомври и ќе завршат деновите со температури над 25 степени, пишуваат германските медиуми.

Европскиот временски модел покажува дека од викендот и следната недела кон Германија ќе се движат постудени воздушни маси. На надморска височина од 1.500 метри температурата паѓа на -2 до -1 степен. Совршени услови за првиот снег.

Од следниот вторник оваа комбинација може да доведе до снег меѓу 600 и 700 метри надморска височина. Ова не е нималку невообичаено за средината на октомври, нагласуваат метеоролозите

The post НА ДОЛГОТО ТОПЛО ЛЕТО МУ СЕ ГЛЕДА КРАЈОТ Доаѓа зима во Европа, за наредната недела најавени снежни врнежи во Германија appeared first on plusinfo.mk.

Американските научници предвидуваат дека 2023 година може да биде најтоплата година досега, а 2024 година се очекува да биде уште полоша. Досега, 2023 година е трета најтопла година досега, рече Сара Капник, главен научник на американската Национална управа за океани и атмосфера (НОАА).

– Веројатноста дека 2023 ќе стане најжешка година во историјата е 50% – додава Капник.

Покрај глобалното затоплување, за тоа придонесува и цикличниот феномен Ел Нињо, синоним за дополнително глобално затоплување, кој ја загрева површината на океаните. Треба да трае и по следната зима, предвидуваат експертите.

-Најсилното влијание на Ел Нињо ќе се случи во 2024 година. Затоа, очекуваме не само дека 2023 година ќе биде исклучително жешка, а можеби и рекордна, туку дека 2024 ќе биде уште пожешка – изјави климатологот на НАСА, Гевин Шмит.

Двајцата американски научници зборуваа на прес-конференција посветена на анализа на глобалните температури забележани минатиот месец, за кои НОАА потврди дека е рекорден месец.

Јули 2023 година беше најтоплиот месец досега забележан на земјата, потврди Европската служба Коперник минатата недела.

– Важно е да се запамети дека годинава е „свежо“ во споредба со средината на векот, ако продолжиме да ја загреваме нашата планета со емисија на стакленички гасови – вели Сара Капник.

Температурата на површината на океанот е особено загрижувачка за научниците, бидејќи таа достигнува рекорд четврти месец по ред, според НОАА.

– Повеќе од 40% од океаните моментално се под морски топлотен бран -предупреди Капник.

Ова има потенцијално катастрофални последици за видовите што живеат таму, особено за коралите.

– Мајката природа ни испраќа порака, а таа порака е: подобро да дејствуваме сега, пред да биде предоцна да ја спасиме нашата клима, или со други зборови, да ја спасиме нашата планета – рече шефот на НАСА, Бил Нелсон.

The post НАЈЛОШОТО ДОПРВА ДОАЃА! 2023 може да биде најтопла година досега, 2024 ќе биде уште полоша appeared first on plusinfo.mk.

Италијанскиот метеоролошки институт стравува од „најинтензивниот топлотен бран на летото, но и еден од најинтензивните на сите времиња“.

Италија, од север до југ, доживува топлотен бран со историски високи температурни рекорди кои се очекуваат денеска и во наредните денови. Денеска е прогласен црвен аларм за 16 градови низ земјата, а температурите се очекува да достигнат 36/37°C од Рим до Болоња уште пред врвот на топлотниот бран на почетокот на следната недела.

Италијанската влада ги советуваше сите во областите со црвена тревога да избегнуваат да бидат на отворено во средината на денот и да водат посебна грижа за старите и хронично болните.

Според весникот „Ил Месаџеро“, двајца фудбалери аматери, на возраст од 48 и 51 година, починале во петокот навечер откако им се слошило  поради жештините, за време на натпревари на југот на земјата.

Ниту северот од полуостровот нема да биде поштеден, а во вторник во Милано се очекуваат 38 степени Целзиусови.

Во Германија највисоки температури се измерени во саботата во баварскиот град Мерендорф-Клајнзебах (38,8 степени). Покрај тоа, во Берлин се забележани 35°C, а во Минхен 34°C, јави ДПА.

Во Франција, министерот за земјоделство, Марк Фесно, вчера беше жестоко критикуван, бидејќи увери дека температурите се „прилично нормални за лето“. Реагираа влијателни личности, како експертот за агроклиматологија Серж Зака. „Кога нашите политичари ќе ги разберат и прифатат предизвиците на климатските промени?“, се пожали тој на Твитер.

Јуни беше вториот најтопол месец од почетокот на мерењата во Франција, каде што неколку департмани беа ставени под портокалова тревога поради топлотен бран.

И Грција е погодена од топлотен бран, кој ги принуди властите да го затворат Акропол во Атина во најтоплите часови во неделата трет ден по ред, кога температурите во земјата достигнаа над 41 Целзиусови степени.

Во саботата температурите надминаа 40 степени Целзиусови на 87 мерни станици, јавија грчките медиуми. Екипите на Црвениот крст, распоредени во подножјето на Акропол за да им помогнат на туристите, интервенираа „десетици пати“ за да ги спасат посетителите во последните неколку денови.

Нов топлотен бран се очекува во Шпанија меѓу понеделник и среда, по  викендов  кога температурите надминаа 40 степени Целзиусови во Андалузија на југот на земјата, како и на Канарските Острови.

Од силниот топлотен бран зафатена е и Северна Африка. Во Мароко до вторник се предвидува нов топлотен удар, со температури меѓу 37 и 47°C во неколку провинции, соопшти Генералниот директорат за метеорологија (ДГМ).

Во Азија, неколку провинции во јужна и југоисточна Кина ќе имаат високи температури за време на викендот, кои ќе достигнат од 35 до 40 Целзиусови степени, соопшти Централната метеоролошка опсерваторија. На некои места на северозапад на земјата,температурата би можела да надмине 40°С.

Во Јапонија властите го повикаа населението да биде внимателно бидејќи се очекува температурите да достигнат до 39°C во недела и понеделник на истокот од земјата.

На другата страна на светот, јужниот дел на САД има невидени жештини: десетици милиони Американци, од Калифорнија до Тексас, трпат опасно високи температури кои се очекува да го достигнат својот врв во текот на викендот.

Во Феникс на југозападот на САД, во саботата се забележани речиси 44°C, а метеоролозите очекуваат живата да достигне 46°C. Во Долината на смртта во Калифорнија, едно од најжешките места на Земјата, денеска се очекуваат нови високи температури, веројатно и до 54°C, по високите 48°C напладне во саботата.

На југот на земјата американските пожарникари од петокот се борат со неколку многу жестоки пожари кои опустошија повеќе од 1.214 хектари и доведоа до евакуација на населението.

На глобално ниво, месец јуни бил најтопол измерен, според европскиот Коперникус и американските агенции НАСА и НОАА. Тогаш првата цела недела од јули беше најтоплата досега забележана, според прелиминарните податоци на Светската метеоролошка организација (СМО).

-Температурите ќе го достигнат врвот помеѓу 19 и 23 јули – не само во Италија, туку и во Грција, Турција и на Балканот. Неколку локални рекорди за топлина во тие области може да бидат урнати во текот на тие денови, најави италијанскиот метеоролог и експерт за клима, Џулио Бети за Би-Би-Си.

Европски топлотен бран ќе се прошири на Балканот подоцна следната недела.

Периодите на интензивни горештини поради глобалното затоплување стануваат се почести, поинтензивни и подолги.

-Топлинските бранови се зголемуваат секоја година по број и по интензитет и тие се меѓу најопипливите, евидентни, документирани и јасно видливи знаци на климатските промени. Европските лета станаа многу, многу пожешки во последниве години… Она што треба да не загрижува е дека лета без интензивни и продолжени топлотни бранови едноставно повеќе не постојат. „Нормалните“ лета станаа реткост, вели италијанскиот експерт за клима.

The post „НОРМАЛНИТЕ“ ЛЕТА СТАНАА РЕТКОСТ Рекордно високи температури од Сицилија до Калифорнија appeared first on plusinfo.mk.

Јавната противпожарна станица на Град Загреб била повикана на околу 15 интервенции за отстранување на паднатите дрвја и гранки.

Силниот ветер утрово корнеше дрвја и кршеше гранки и во Карловац, а за кратко време, за само неколку минути, направени се големи штети.

Невремето ги изненадило и метереолозите, пренесуваат храватските медиуми.

– Невремето не изненади дури и нас метереолозите. Се создаде изненадно преку ноќ и од Словенија стигна во Хрватска. Но, за среќа слабее. Добро е што облачноста и дождот донесоа малку пониска температура, па полесно ќе се дише. Топлотниот бран денеска е на врвот – изјави  за ХРТ метереологот Томислав Козариќ од Државниот хидрометеоролошки завод.

Според прогнозата од хрватскиот Хидрометереолошки завод, се очекува невремето брзо да помине, по што ќе следува развредрување и повторно високи дневни темепратури кои ќе достигнат до 37 Целзиусови степени.

На хрватското приморје за наредните денови е најавен силен топлотен бран. По врвот на жештините во среда, екстремните горештини на јадранското крајбрежје ќе продолжат и во четврток, додека нешто полесно ќе биде на копно. За четврток црвено предупредување е на сила во сплитскиот регион, кој е единствениот регион каде што врвот на топлотниот бран всушност ќе биде во четврток, предупредуваат метереолозите.

The post (ФОТО) ПОТОП ВО ЗАГРЕБ, ПЕКОЛ НА ЈАДРАНОТ Хрватска погодена од силно невреме appeared first on plusinfo.mk.