Обилни дождови го погодија Косово, носејќи со себе поплави што ги зафатија речиси сите региони. За само 24 часа, западниот дел од земјата доби повеќе од 50 милиметри дожд, а локалните метеоролошки станици во Малишева измерија дури 80 милиметри.

Додека 13.000 хектари плодни ниви во Албанија се под вода, селото Кузмин во близина на главниот град на Косово „плива“.

Снимките, пак, од поплавениот паркинг во Дреница (Глоговац) ги обиколија социјалните мрежи.

Метеоролозите дури 80 милиметри дожд  во Малишева на Косово, односно повеќе од 50 милиметри во речиси сите региони на запад од земјата.

Пороите што траеле од сабота до среда создадоа хидролошки хаос: реките ги пробија насипите, селата останаа отсечени, а цели домаќинства беа изолирани.

Во општините Дренас, Малишева и Раховец, трафостаниците беа поплавени, што доведе до прекин на електричната енергија и водоснабдувањето. Спасувачките екипи непрекинато работат, извлекувајќи жители заробени во своите домови.

Според извештаите на „Гардијан“, ситуацијата е „хаотична, но контролирана“, бидејќи локалните власти со помош на армијата ги зајакнуваат насипите и спроведуваат итни евакуации.

Во регионот Јуник, каде што паднале дополнителни 130 милиметри дожд, настанале и неколку лизгања на земјиштето што блокирале патишта.

Во Црна Гора, по силните врнежи од дожд неколку реки излегоа од коритата, предизвикувајќи поплави во населени места како Даниловград. Неколку семејства беа евакуирани, а сообраќајот беше прекинат на неколку регионални патишта поради излеани води и свлечишта. Водата од реката Зета ја блокираше сообраќајната мрежа и предизвика отежнато движење на теренот.

Зголемени водостои поради врнежите и поради снегот имаше во Босна и Херцеговина, Србија и во Македонија.

Бурата Горети, како што ја именуваше медиумот Метео-Франс, го зафати западниот брег на Европа. Британската метеоролошка служба издаде црвено предупредување за Корнвол и островите Сили, каде што налетите на ветер достигнале 100 километри на час. Во Нормандија ветерот дувал со 132 километри на час, а во Бретања со 94. Дури и Париз почувствувал налети од 65 километри на час.

На северниот брег на Франција биле забележани бранови високи до 9 метри, а властите предупредиле на можни крајбрежни поплави.

Бурата продолжува кон исток, носејќи снежни услови што би можеле да ја погодат Германија и земјите од Бенелукс за време на викендот.

The post 📽️ ПЛИВААТ ДРЕНИЦА И ЗАПАДОТ НА КОСОВО Ефектите од бурата Горети не го одминаа Балканот appeared first on plusinfo.mk.

Три лица го загубиле животот во Калифорнија откако обилните дождови предизвикале катастрофални поплави и лизгање на земјиште во повеќе окрузи. Националната метеоролошка служба на САД соопштила дека неколку региони добиле до 27 сантиметри дожд, што резултирало со евакуации и блокирани автопати.

Во округот Лос Анџелес, службите за итни случаи извлекувале луѓе заробени во своите возила. Гувернерот Гевин Њусом прогласил вонредна состојба. Градоначалничката Карен Бас ги повикала граѓаните „да не ја сфаќаат оваа бура несериозно“.

Severe flooding hits southern California after torrential rain.

Some major highways, including the I-15, have been closed pic.twitter.com/PRdzeV7L0g

— Visegrád 24 (@visegrad24) December 26, 2025

– Ги повикувам сите жители на Лос Анџелес да останат безбедни и да бидат исклучително внимателни на патиштата ако мора да патуваат – изјавила Бас.

Во округот Сан Диего, 64-годишен маж починал кога дрво паднало врз неговата куќа. Во градот Рединг, 74-годишна жена се удавила кога поплавите ја зафатиле нејзината кола. Третата жртва, жена во 70-тите години, била однесена од огромен бран во државниот парк Макеричер.

Метеоролозите предупредуваат дека опасноста не поминува. Нови врнежи се очекуваат до петок, додека брзината на ветрот во заливот Сан Франциско достигнала 161 км/ч. Областа Алтадена, веќе оштетена од пожар, доживеала ново лизгање на земјиште.

Над 100.000 домови останале без електрична енергија. Властите издале предупредувања за ненадејни поплави во делови од Сан Бернардино и заливот Сан Франциско. Националната метеоролошка служба нагласила дека реките може дополнително да надојдат, а некои потоци веќе се излеале.

The post 📽️ РЕКИТЕ НОСАТ КУЌИ, АВТОМОБИЛИ И СТРАВ ВО КАЛИФОРНИЈА Повеќе од 100.000 луѓе останаа без струја на Божиќ appeared first on plusinfo.mk.

Во местото Бремер утрово температурата достигна минус 23 степени, што не е забележано уште од 1995 година, а воедно тоа е најниска температура во месец февруари од 1955 година во Велика Британија.

– Можеме да потврдиме дека на 11 февруари ја имавме најстудената февруарска ноќ уште од 23 февруари 1955 година – соопшти британската метеоролошка служба

The post Сибирски студ во Британија, каков што немало од 1995 година appeared first on plusinfo.mk.