Данската премиерка Мете Фредериксен упати остра и директна критика до неименуван пластичен хирург, кој преку социјалните мрежи ѝ испратил несакана понуда да ѝ го „поправи“ носот. Наместо да го игнорира коментарот, 48-годишната лидерка одлучи јавно да го сподели за да укаже на притисокот и постојаното набљудување на изгледот со кој се соочуваат жените во политиката.

Фредериксен откри дека пораката ја дочекала веднаш по нејзиното враќање од официјална посета на Киев, Украина.

„Последното нешто што го слушнав кога си заминавме од Киев вчера беа сирените за воздушен напад. Војната продолжува во Европа. А една од првите пораки што ги добив кога се вратив во Данска беше оваа. Навистина, ајде веќе….

Изгубив број колку пораки сум добила низ годините за мојот изглед. Особено дека имам грди заби и тенка коса. Дека имам грда „брадавица“ на носот и добронамерни совети да ставам малку ботокс.

Јас не се мешам во тоа што другите прават со својот изглед. Самата јас си живеам сосем добро со моето тело. Такво какво што е кога си жена која се приближува кон 50-тите години.

Но, сепак, малку старомодно се револтирам. Ако веќе некој мора да ми пише (а за тоа секој е добредојден), тогаш се надевам дека ќе го искористи своето време за зборување на нешто поважно. А не за мојот нос.

Одговорот е ‘не, благодарам’ за таа понуда. И затоа, денес испраќам дополнителна топла мисла до сите вас кои секој ден морате да слушате коментари за совршените несовршености со кои сите ние живееме“, напиша премиерката на нејзиниот профил на Инстаграм каде ја сподели понудата од хирургот и нејзиниот одговор до него.

Таа објави скриншот од пораката во која хирургот ја прашува: „Дали сакате да го поправите тоа мало место на вашиот нос?“. Иако го заматила името на докторот за да го заштити неговиот идентитет, нејзиниот одговор бил брз и дециден:

„О, не. Јас сум среќна со моето тело — навистина не ми треба машки пластичен хирург да има мислење за тоа!“

Премиерката, која ја води Данска од 2019 година и моментално го тера својот трет мандат, призна дека со години добива безброј коментари за нејзиниот физички изглед.

Овој потег на данската премиерка наиде на силна поддршка од јавноста и повторно ја отвори дебатата во европските медиуми за сексизмот и двојните стандарди со кои се соочуваат жените на високи политички позиции. Додека машките лидери ретко се соочуваат со јавно оценување на нивните брчки или физички карактеристики, изгледот на нивните колешки редовно останува под лупа на јавноста.

Мете Фредериксен стана премиер на Данска во јуни 2019 година како втора жена во историјата на таа позиција.

The post ДАНСКАТА ПРЕМИЕРКА ЈА ОДБИ ПОНУДАТА НА ПЛАСТИЧЕН ХИРУРГ ДА Ѝ ГО СРЕДИ НОСОТ Среќна е со своето тело appeared first on plusinfo.mk.

Данската премиерка Мете Фредериксен денеска му ја поднесе оставката на својата влада на кралот откако нејзината трипартиска коалиција претрпе убедлив пораз на парламентарните избори, соопшти кралската палата.

Партиите се подготвени да влезат во потенцијално тешки и долги преговори за да утврдат дали Фредериксен или друг лидер на партијата ќе ја формира следната влада.

На власт од 2019 година, 48-годишната Фредериксен водеше кампања за да ги убеди гласачите дека нејзините докажани лидерски вештини ќе ѝ помогнат на земјата да се снајде во сложените односи со американскиот претседател Доналд Трамп и европскиот одговор на војната во Украина.

Но, вчера таа се соочи со ниска излезност и од левичарите и од десничарските гласачи, кои се најмногу загрижени за инфлацијата, велат набљудувачите.

Нејзините социјалдемократи освоија 38 места во парламентот Фолкетинг, во споредба со 50 пред четири години.

The post ДАНСКАТА ПРЕМИЕРКА ПОДНЕСЕ ОСТАВКА Следуваат долги и тешки преговори кој ќе ја води земјата appeared first on plusinfo.mk.

Данската премиерка Мете Фредериксен изјави дека е подготвена повторно да ја преземе функцијата претседател на Владата по вчерашните парламентарни избори на кои победи левиот блок, но не успеа да освои апсолутно мнозинство.

– Повторно сум подготвена да ги преземам одговорностите како премиерка на Данска за следните четири години – изјави Фредериксен, чија партија ги забележа најлошите резултати од 1903 година досега. Таа призна дека очекувале пад на поддршката со оглед на тоа што се појавуваат на избори по трет пат, но изрази жалење што не добиле повеќе гласови.

Според конечните резултати, владејачките Социјалдемократи се на првото место, но со значителен пад. Со освоени 21,9 отсто од гласовите, тие го забележаа својот најслаб резултат во повеќе од еден век, што е пад во споредба со 27,5 отсто во 2022 година. Петте партии од левиот блок освоија вкупно 84 од 179 места во парламентот, што е недоволно за мнозинство, додека десно-оријентираните партии освоија 77 места.

Одлучувачката улога во преговорите за новата влада ќе ја имаат центристите предводени од министерот за надворешни работи Ларс Локе Расмусен, кои освоија 14 мандати. Расмусен веќе упати повик до поранешните партнери да се приклонат кон центарот, критикувајќи го нивното „брзање кон екстремите“.

На овие избори, левичарската Социјалистичка народна партија за првпат стана втора по големина сила со 11,6 отсто, додека десничарската Данска народна партија тројно го зголеми својот резултат достигнувајќи 9,1 отсто. Исходот би можел да зависи и од автономните територии Гренланд и Фарски Острови, кои даваат по двајца пратеници. Додека Фарските Острови веќе ги реизбраа своите претставници (по еден за двата блока), во Гренланд се очекуваат конечните гласови кои би можеле да го натежнат тасот.

The post ДАНСКАТА ПРЕМИЕРКА Е СПРЕМНА ЗА НОВ МАНДАТ, НО НЕМА АПСОЛУТНО МНОЗИНСТВО Социјалдемократите победија ама со значителен пад на гласовите appeared first on plusinfo.mk.

Данска има намера да направи сè што може за да постигне договор со САД за Гренланд, освен да се откаже од територијата, изјави денеска премиерката Мете Фредериксен.

На прашањето дали територијата на Гренланд може да им биде предадена на САД, Фредериксен рече дека таков потег е незамислив.

Откако инсистираше дека САД треба да имаат сопственост врз автономниот дански остров, претседателот на САД Доналд Трамп минатата недела ја отфрли можноста за употреба на сила за да го стекне и рече дека постои „рамка за иден договор во однос на Гренланд“.

Неговите забелешки следеа по разговорите со генералниот секретар на НАТО, Марк Руте, на маргините на Светскиот економски форум во Давос.

Трамп, исто така, ја повлече заканата од санкции што претходно ги најави за европските сојузници кои ја поддржаа Данска.

Фредериксен го смета ова за успех во конфликтот со САД.

– Кога Европа се обединува, се брани и зборува со еден глас, тогаш функционира. Сега имаме дипломатски пат со Американците и мора да видиме дали можеме да постигнеме договор – рече таа.

Фредериксен одби да ја открие содржината на разговорите со САД и рече дека не е јасно колку долго ќе траат преговорите.

– Паралелно со разговорите што сега ги водиме со Американците, ние Европејците мора да си бидеме јасни дека стариот свет го нема. Не верувам дека ќе се врати. За нас Европејците, од таа причина е од најголема важност да се потпираме на вооружувањето – заклучи Фредериксен.

The post СЀ ЌЕ НАПРАВИМЕ ЗА ДОГОВОР СО САД, АМА ГРЕНЛАНД НЕ ГО ДАВАМЕ Стариот свет го нема, Европа мора да се потпре на вооружувањето appeared first on plusinfo.mk.

Премиерката на Данска, Мете Фредериксен по објавување на заедничката изјава на осумте европски земји за најавените дополнителни американски царини, истакна дека нејзината Влада има „интензивен дијалог“ со сојузниците, меѓу кои со германскиот канцелар, претседателот на Франција и британскиот премиер.

– Кралството Данска добива силна поддршка. Во исто време, сега е уште појасно дека ова е прашање што е надвор од нашите сопствени граници. Затоа е уште поважно да останеме цврсти во основните вредности врз кои е создадена европската заедница. Ние сакаме да соработуваме и не сме тие што бараат конфликт. Задоволна сум од конзистентните пораки од континентот: Европа нема да биде уценувана – вели Фредериксен.

Претходно, премиерот на Норвешка, Јонас Гар Сторе повика на претпазливост во евентуалната трговска војна со САД, по најавените царини за земјите кои го поддржуваат Гренланд.

– Мислам дека би требало да бидеме многу внимателни за да не дојде до трговска војна која би излегла од контрола. Мислам дека никој нема да има корист од неа – посочи Сторе.

И премиерот на Финска, Петери Орпо наведе дека царините „не служат никому“ и оти ќе им наштетат и на Европа и на САД.

– Ставот на Финска е дека сите прашања помеѓу сојузниците треба да се решаваат преку разговори, а не преку притисок – истакна Орпо.

Според него, безбедноста на Арктикот е клучно прашање за Финска.

– Ние се стремиме да ја зачуваме безбедноста на Арктикот заедно со сите наши сојузници, почитувајќи го територијалниот интегритет на Данска и на Гренланд – наведе Орпо.

Премиерот на Ирска, Мајкл Мартин најави дека ЕУ „очигледно ќе возврати“ на американските царини доколку тие бидат воведени на 1 февруари.

Тој нагласи дека „мора да се случи дијалог“ за да се спречи трговска војна. Но, според Мартин, барањата за активирање на инструментот на ЕУ против принуда се „малку прерани“.

Претседателот на Франција, Емануел Макрон ја повика Европската Унија да го користи својот инструмент против принуда, таканаречената „трговска базука“, како одговор на царините што би можеле да ги воведе администрацијата на Трамп.

Тоа е алатка што ЕУ може да ја користи кога владата на друга земја се обидува да изврши економски притисок врз земјите-членки. Тој инструмент, меѓу другото, може да се користи за да им се одземе правото на компаниите од одредена земја да инвестираат или да учествуваат во јавни тендери на територијата на Унијата.

Американскиот претседател Доналд Трамп вели дека поради националната безбедност и засиленото присуство на Русија и на Кина на Арктикот, САД треба да ја преземат контролата врз Гренланд. Тој најави дека од 1 февруари ќе воведе нови царини за 8 европски држави, што ќе бидат во сила додека „не биде склучен договор за целосна и комплетна продажба на Гренланд“. Трамп најави и дека царините би можеле да се зголемат и до 25 проценти од 1 јуни.

Данска, Финска, Франција, Германија, Холандија, Норвешка, Шведска и Велика Британија во денеска во заедничка изјава наведоа дека таквите чекори ги поткопуваат трансатлантските односи.

– Заканите со царини ги поткопуваат трансатлантските односи и носат ризик од опасна спирала надолу. Продолжуваме да бидеме обединети и координирани во нашиот одговор. Посветени сме на заштитата на нашиот суверенитет – се посочува во заедничката изјава.

Наведоа дека како членки на НАТО се посветени на зајакнување на безбедноста на Арктикот како заеднички трансатлантски интерес.

– Воената вежба на НАТО „Арктичка издржливост“ е одговор на тоа и не претставува закана за никого – се додава во заедничката изјава.

The post ЕВРОПА НЕМА ДА БИДЕ УЦЕНУВАНА Не бараме конфликт, сакаме соработка, порача данската премиерка appeared first on plusinfo.mk.

Американскиот претседател Доналд Трамп побара од Данска веднаш да се повлече од Гренланд.

„НАТО да ѝ каже на Данска веднаш да се губи оттаму! Две кучешки запреги не се доволни! Само САД можат!!!“, напиша Трамп на социјалната мрежа Трут Соушл.

Тој додаде и дека Данската разузнавачка служба (DDIS) минатата година предупредила на руските и кинеските воени цели кон Гренланд и Арктикот.

Трамп во објавата прикачи и текст од сајтот „JustTheNews“ во кој се наведува дека, додека данските лидери ја минимизираат заканата што ја претставуваат Русија и Кина за Гренланд, Данската одбранбена разузнавачка служба (DDIS) неодамна објавила проценка во која отворено предупредува на руските и кинеските воени амбиции за ширење на подрачјето околу Гренланд и Арктикот.

Изјавата на Трамп е објавена неколку часа пред планираниот состанок на американскиот државен секретар Марко Рубио и потпретседателот на САД, Џеј Ди Венс, со министрите за надворешни работи на Данска и Гренланд во Белата куќа, на кој би требало да се разговара за иднината на овој остров.

Гренланд е автономна територија во составот на Данска, но во последните месеци се најде во фокусот на вниманието на Трамп и американската администрација поради своето стратешко значење за Арктикот и безбедноста на САД.

Во меѓувреме, Данска го зголемува своето воено присуство во и околу Гренланд и одлуката стапува во сила веднаш. Вака се вели во заедничкото соопштение на данското Министерство за надворешни работи и Министерството за надворешни работи и истражување на Гренланд.

Потегот е поврзан со воени вежби кои вклучуваат авиони, бродови и војници, а ќе се спроведува во блиска соработка со сојузниците од НАТО. Соединетите Американски Држави се заканија дека ќе го преземат арктичкиот остров, при што не е отфрлена ниту опцијата за употреба на сила, пренесе ДПА.

Целта е да се тренира распоредување под специјалните услови на Арктикот и да се зајакне присуството на НАТО, се вели во соопштението. Гренланд е полуавтономна територија на Кралството Данска.

Активностите на вежбата би можеле да вклучуваат поддршка за гренландските власти, како што е полицијата, мониторинг на критичната инфраструктура, распоредување на борбени авиони во и околу Гренланд, извршување на поморски задачи, како и прием на сојузнички трупи, се додава во соопштението.

„Причината е што „безбедносните тензии се проширија дури до Арктикот“, соопштија министерствата.

Објавата дојде непосредно пред средбата на данскиот министер за надворешни работи Ларс Локе Расмусен и министерката за надворешни работи на Гренланд Вивијан Моцфелд со американскиот државен секретар Марко Рубио и потпретседателот на САД Џеј Ди Венс во Вашингтон.

Владите на Данска и Гренланд јасно ставија до знаење дека продажба или анексија на територијата од страна на Соединетите Американски Држави е неприфатлива.

Данската премиерка Мете Фредериксен предупреди дека доколку американската влада ги спроведе своите закани тоа ќе значи крај на НАТО.

The post НАТО ДА Ѝ КАЖЕ НА ДАНСКА ДА СЕ ГУБИ ОД ГРЕНЛАНД! Трамп распали пред средбата на Рубио со претставници од Данска appeared first on plusinfo.mk.

Украинскиот претседател Володимир Зеленски со остар тон ја прозва Унгарија да престане да купува руска нафта.

Во присуство на повеќе од 50 лидери на на самитот на Европската политичка заедница во Копенхаген, меѓу кои и домаќинката Мете Фредериксен, тој подвлече дека повикот на Доналд Трамп кон Унгарија треба да се сфати сериозно, посебно во Будимпешта, јави Ројтерс.

– Треба да го поддржиме повикот на американскиот претседател Доналд Трамп да се престане со купување руска нафта… Момците од Унгарија мора јасно да го чујат тоа – изјави Зеленски.

Меѓутоа, ова не бил единствениот удар упатен кон Кремљ. Украинскиот лидер инсистира на уште построги санкции насочени кон приходите од руска енергија.

– Тоа мора да престане – нагласи тој, додавајќи дека американската енергија може да биде соодветна замена.

„Мирот се добива со сила“ – тврдата порака на Фредериксен

Данската премиерка Мете Фредериксен, копретседателка на самитот заедно со шефот на Европскиот совет Антонио Коста, беше уште поексплицитна во својата анализа на конфликтот.

– Мирот со Русија може да се постигне само преку сила. Мораме да ја зајакнеме Украина и да ја ослабнеме Русија со дополнителни санкции – изјави Фредериксен.

Во нејзиниот говор, таа остро ги осуди тактиките на Кремљ и објасни дека војната претставува „јасен неуспех на Путин“.

– Сакал да го освои Киев, да ја собори украинската влада и да ја подели Европа. Не успеал во ништо од тоа – децидна е премиерката.

Хибридни напади и дезинформации – новиот фронт

Фредериксен предупреди дека Москва не се откажала од притисок врз Европа, туку дека сега користи и хибридни алатки.

– Соочени сме со непријател кој користи секакви алатки. Еден ден тоа се беспилотни летала, следниот ден ги туркаат мигрантите кон границите, ја таргетираат критичната инфраструктура, се бориме со дезинформации и обиди за влијание врз избори – истакнала таа.

Од друга страна, шефот на Европскиот совет Антонио Коста подвлекол дека поддршката за Украина не значи „поддршка за војна, туку за траен и праведен мир“.

The post „МОМЦИТЕ ОД УНГАРИЈА“ КУПУВААТ, ЗЕЛЕНСКИ ОСТРО ГИ ИСКАРА Стоп за руската нафта, порача украинскиот лидер appeared first on plusinfo.mk.

Во своето обраќање пред Европскиот парламент, данската премиерка Мете Фредериксен упати сериозни предупредувања за состојбата во која се наоѓа Европа, потенцирајќи дека Европската Унија мора да го засили темпото, и дома и надвор, ако сака да обезбеди стабилна, сигурна и конкурентна иднина за сите граѓани.

– Иднината не е нешто што ќе ни се случи, иднината ја создаваме ние, овде и сега – истакна Фредериксен, презентирајќи ги приоритетите на Данското претседателство со Советот на ЕУ.

Фредериксен порача дека следните чекори во процесот на проширување со Украина, Молдавија и земјите од Западен Балкан мора да се преземат без одлагање:

– Мораме да ги донесеме овие земји поблиску до Европа. Тоа не е само во нивен интерес, туку е инвестиција во силна, стабилна и заедничка иднина – рече таа.

Според премиерката, ЕУ се соочува со најголемите предизвици од Втората светска војна досега, војна во Украина, закани од тероризам, миграциски кризи, климатски катастрофи и геополитички притисоци од Исток.

– Нашите вредности, економии и начин на живот се под напад. Треба да се обединиме и да одговориме силно, мудро и заеднички – додава таа.

Фредериксен ја нагласи потребата од итно јакнење на европската одбранбена индустрија.

– Русија веќе не е сама, користи ракети од Иран, војници од Северна Кореја, технологија од Кина. Мораме да дејствуваме сега – вели данската премиерка.

Во исто време, истакна дека поддршката за Украина не е милост, туку директна одбрана на Европа.

Фредериксен повика на амбициозна климатска агенда, посочувајќи дека Европа мора да стане енергетски независна и да создаде стабилна рамка за бизнисите.

– Климатските промени носат миграција и сиромаштија. Мораме да обезбедиме чиста, евтина енергија и поодржлива иднина – вели таа.

Во однос на економијата, нагласи дека ЕУ мора да ја поедностави регулативата и да ги намали трошоците за компаниите.

– Европа е прекрасен и разновиден континент. Но мораме да бидеме подготвени да ја браниме демократијата, слободата и правото. Ајде заедно да изградиме посилна Европа – порача Фредериксен.

The post ЗАПАДЕН БАЛКАН ПОВТОРНО ВО ФОКУСОТ НА ЕУ Фредериксен бара итни чекори за интеграција appeared first on plusinfo.mk.

СAД вршат неприфатлив притисок врз Гренланд, изјави за ТВ2 премиерката на Данска, Мете Фредериксен, пред посетата на висока американска делегација на полуавтономната данска територија оваа недела.

Посетата на американската делегација, која ќе трае од четврток до сабота, ќе ја предводи Уша Венс, сопруга на потпретседателот Џ. Д. Венс, заедно со советникот за национална безбедност на Белата куќа, Мајк Волц, и со секретарот за енергетика, Крис Рајт.

– Морам да кажам дека притисокот што се врши врз Гренланд и врз Данска во оваа ситуација е неприфатлив. И тоа е притисок на кој ќе се спротивставиме. Посетата не може да се сфати како знак на почит. Планираните посети не можат да се гледаат одделно од сѐ погласните изјави и пораки што ги слушаме од Америка од јануари – изјави Фредериксен за ТВ2.

Ниту Владата на Гренланд ниту Владата на Данска не упатија покана до делегацијата.

The post САД ВРШИ НЕПРИФАТЛИВ ПРИТИСОК ВРЗ ГРЕНЛАНД, ДАНСКА ЌЕ СЕ СПРОТИВСТАВИ Копенхаген смета дека посетата на американската делегација е далеку од знак на почит appeared first on plusinfo.mk.

Данската премиерка Мете Фредериксен изјави дека не верува дека новоизбраниот претседател Доналд Трамп би се обидел насилно да го заземе Гренланд.

– Немаме причина да веруваме дека тоа ќе се случи – изјави данската премиерка.

Фредериксен рече дека се обидува да воспостави разговори со новоизбраниот американски претседател Доналд Трамп за неговите изјави за преземање контрола врз Гренланд.

– Гренланд им припаѓа на Гренланѓаните – рече Фредериксен, додавајќи дека Данска е отворена за дискусии за американските интереси на Арктикот.

Претходно, Фредериксен се сретна со лидерите на политичките партии во данскиот Парламент, вклучително и со двајцата претставници од Гренланд, за да ги информира за начинот на кој владата се справува со настаните.

– Ние предложивме разговор меѓу нас. Мислам дека ништо конкретно нема да се случи додека не се именува новоизбраниот претседател – рече Фредериксен.

• АКО ТРАМП ГО ОКУПИРА ГРЕНЛАНД ТОА БИ БИЛА НАЈКРАТКА ВОЈНА НА СВЕТОТ Какви шанси би имала Данска во таков случај?

Трамп, чија инаугурација е закажана за 20 јануари, повторно го покрена ова контроверзно прашање на неговата социјална мрежа „Вистина“.

„Гренланд е неверојатно место и луѓето ќе имаат огромна корист ако и кога ќе стане дел од нашата нација. Ќе ја заштитиме од многу лошиот надворешен свет. Да го направиме Гренланд повторно голем“, напиша Трамп.

Шефот на данската дипломатија Ларс Локе Расмусен пред два дена изјави дека островот нема амбиции да стане сојузна држава во рамките на САД.

– Не знам дали сме во надворешнополитичка криза. Сосема е легитимно американската страна да биде загрижена, а за тоа мора да биде свесно и Кралството Данска – рече Расмусен.

The post „ГРЕНЛАНД НА ГРЕНЛАНЃАНИТЕ“ Данската премиерка не верува дека Трамп би извршил инвазија appeared first on plusinfo.mk.