Маж, 61-годишен, почина откако бил вовлечен во апарат за магнетна резонанца (МРИ) во медицинскиот центар „Насау опен МРИ“ (Nassau Open MRI) во Њујорк, поради синџирот од тежок метал којшто го носел на себе.

Апаратите за магнетна резонанца користат силни магнети за да ги произведат потребните слики за здравствено-медицински потреби. Човекот, за жал, влегол во МРИ-собата додека апаратот за магнетна резонанца работел во тој миг, соопшти полицијата на Округот Насау. Пациентка во установата, којашто инаку се наоѓа на Лонг Ајленд, за тамошните медиуми изјави дека нејзиниот сопруг е оној што починал. Таа го повикала во собата откако имала скенирање во средата.

Службениците велат дека по немилиот настан, мажот бил однесен во болница, каде што во четвртокот починал, јави денеска Си-Ен-Ен.

„Машката жртва носела голем метален синџир околу вратот, што предизвикало да биде вовлечен во машината, што резултирало со медицински инцидент“, соопшти Полициската управа на Округот Насау, којашто го истражува несреќниот случај.

Од пациентите обично се бара да ги остават металните предмети и да се пресоблечат, пред да се подложат на МРИ-скенирања или да му се приближат на апаратот.

Иако полицијата официјално сѐ уште не ја именувала жртвата, пациентката по име Адриен Џонс-Мекалистер за ТВ-станицата „Њуз 12 Лонг Ајленд“ (News 12 Long Island) раскажа како починал нејзиниот сопруг, Кит.

– Тој само ми мавна за збогум, а потоа целото тело му се омалакса. Во тој миг, машината го превртела, го повлекла внатре и тој се удри во магнетната резонанца – рече таа низ солзи.

Техничарот се обидел да го одвлече нејзиниот сопруг од машината, но безуспешно. Сопругата потврди дека починатиот на себе носел синџир од 9 кг што го користел за тренинг за тежината.

Според американската Управа за храна и лекови, апаратите за магнетна резонанца имаат магнетни полиња коишто привлекуваат метални предмети од сите големини – клучеви, мобилни телефони, па дури и резервоари за кислород – кои „можат да предизвикаат оштетување на скенерот или повреда на пациентот или медицинските лица“ ако тие предмети се најдат близу магнетот.

Во 2001 година, шестгодишно момче почина од фрактура на черепот во медицински центар во Њујорк, додека било подложено на МРИ-преглед, откако моќниот магнет повлекол резервоар за кислород во просторијата.

The post МАЖ ПОЧИНА ОТКАКО БИЛ ПОВЛЕЧЕН ОД АПАРАТ ЗА МАГНЕТНА РЕЗОНАНЦА На себе носел синџир од 9 килограми appeared first on plusinfo.mk.

АХВ, како што наведува, ја следи состојбата со повлекувањето супи во Германија и доколку добие известување преку овој систем, навремено ќе преземе мерки за евентуално повлекување на производи.

„До овој момент Агенцијата за храна и ветеринарство нема добиено известување преку Системот за брзо известување за небезбедена храна и храна за животни – (RASSF) на ЕУ дека на македонскиот пазар се пласирани небезбедни супи“, нагласува АХВ.

Во текот на вчерашниот ден, некои медиуми објавија дека Германија повлекува серии готови супи на познат бренд поради можност за присуство на метални делови.

„МАГИ“ ПОВЛЕКУВА СУПА ОД БРОКУЛИ ПОРАДИ МОЖНО ПРИСУСТВО НА МЕТАЛНИ ДЕЛОВИ Постои ризик од повреди на устата, хранопроводот, стомакот и на цревата

The post ЗАСЕГА НЕМА ИНФОРМАЦИЈА ДЕКА ВО МАКЕДОНИЈА СЕ ПРОДАДЕНИ НЕБЕЗБЕДНИ СУПИ Агенцијата за храна и ветеринарство будно ја следи состојбата со производите на „Маги“ appeared first on plusinfo.mk.

Кока-Кола повлекува 28 милиони пластични шишиња од половина литар во Австрија поради можноста тие да содржат метални честички поради грешка во производството.

Ова е најголемото повлекување на производи во Австрија во последните 25 години, соопшти портпаролот на агенцијата за пазар во Виена, Александер Хенгл.

Кока-Кола објави дека ќе бидат повлечени шишиња од Coca-Cola, Fanta, Sprite и MezzoMix со рок на употреба до 4 февруари 2025 година и до 12 април 2025 година.

„Не може да се исклучи можноста дека многу ограничен број од овие шишиња би можеле да содржат метални честички поради техничка грешка во производството“, соопшти компанијата.

Coca-Cola истакна дека не сите шишиња од овој период биле продадени. Многу од нив сè уште се во компанијата или во малопродажните складишта, додаде портпаролот.

The post ВНИМАВАЈТЕ, КОКА-КОЛА МОЖЕ ДА ИМА ВКУС НА МЕТАЛИ Австрија поради тоа повлекува 28 милиони шишиња од половина литар appeared first on plusinfo.mk.

Имено, поради сознание дека Б.Б. поседува археолошки предмети – стари монети и други добра под привремена заштита, на 01.07.2022 година, од страна на ОСОСК во координација со СВР Струмица при извршен преглед на сопрено патничко возило управувано од него, биле пронајдени и одземени вкупно 276 стари монети во различна форма и големина, 10 метални предмети во форма на прстен со различна големина, метален приврзок, четири метални предмети во различни форми и големини, по што лицето е приведено во полициска станица.

При извршениот службен разговор со него, тој изјавил дека монетите и другите предмети ги нашол на локација во струмичко село пред околу една година, а потоа со метал детектор и на други разни локации наоѓал и собирал монети и други артефакти, по што тој во СВР Струмица доброволно го предал детекторот за метали и друг рачен алат.

Од страна на ОСОСК до ОЈО Струмица е доставено Известување, со барање до ОЈО Струмица да издаде Наредби за вештачење на пронајдените археолошки предмети, а по издадените Наредби, одземените предмети на 12.07.2022 се предадени на НУ Археолошкиот музеј на РСМ и на вештото лице вработено во истиот.

Според наодот на Комисијата за давање на стручно мислење за археолошки предмети во НУ Археолошки Музеј на РСМ, десетте метални предмети пронајдени кај Б.Б. претставуваат оригинали и спаѓаат во сферата на културното наследство, а по завршената стручна идентификација на нумизматичкиот материјал, од вкупно 276 монети, 275 претставуваат културно наследство т.е. добро под привремена заштита и како такви имаат своја историска и археолошка вредност, за што до ОЈО Струмица е доставен соодветен Извештај.

The post БАРАЈЌИ ГО ЗЛАТОТО СИ ЈА НАШОЛ БЕЉАТА Струмичанец фатен со 276 стари монети, прстени, метални предмети (ФОТО) appeared first on plusinfo.mk.

– Детекторот не покажува никакви знаци на метал во гробот, а тоа значи дека можеби Аркан не е тука – вели тој при крајот на видеото.

@skoro_pa_normalan Šta reći…#fyp #fypシ #fypage #fypシ゚viral #viral #viralvideo #viraltiktok #virall #fy #foryou #foryoupage #trending #tiktoksrbija #srbijatiktok #balkantiktok #tiktokbalkan #arkan #zeljkoraznatovic #zeljkoraznatovicarkan ♬ original sound – SKORO PA NORMALAN ®

The post ШТО ИМА ВО ГРОБОТ НА АРКАН? Типот отиде на гробишта со детектор за злато (ВИДЕО) appeared first on plusinfo.mk.

За големото затворање на овогодишниот „Таксират“ пристигнуваат водечки светски, регионални и домашни музички уметници на електронската, рок, метал и трап/хип-хоп сцена.

Како што информираат организаторите, на главната бина на „Таксират“, посетителите ќе уживаат во премиерниот настап во земјава на маестро Борис Брејча – истакнат суперхерој на светската електронска сцена и еден од најбараните изведувачи на денешницата.

Главната бина ја делат Брејча, Мизар и Санаториум

И покрај веќе трасираните музички правци, тој, сепак одлучи да создаде свој звук и да дочека неговиот „хај-тек минимал“ да биде еден од најпопуларните електронски стилови денеска, а тој да настапува на сите најголеми светски фестивали со препознатливата „џокер“ маска.

Заедно со Брејча, од Германија пристигнува и неговата долгогодишна соработничка, харизматичната ЕН КЛУ – позната по своите непредвидливи сетови и посебна енергија.

Исто така, на главната бина ќе настапат и три исклучително значајни, легендарни музички имиња од македонската и регионалната сцена и тоа: неуништливите „Партибрејкерс“ – еден од највлијателните и најистрајни рок бендови во регионов кои веќе 40 години воодушевуваат испорачувајќи моќен звук на сцена, потоа култната „Мизар“, ѕвездата водилка на македонската музичка авангардна, алтернативната рок група која важи за пионер на дарк-вејв естетиката во регионот и најзначајната македонска треш-метал група „Санаториум“, подеднакво култно име кое три децении е музичка лектира на балканската метал-сцена.

На втората бина ќе ечат трап и хип-хоп

Втората бина, лоцирана во малата сала на С.Ц. „Борис Трајковски“ е резервирана за највлијателниот трап/хип-хоп звук од земјава и регионот, кој ќе се чуе преку настапите на „З++“ од Хрватска, „Црни Церак“ од Србија и македонските предводници на жанрот „Бон Праскиза“, „Јанг Дади“, „Ајри Скреч“ и „Шорти Пи“.

Диџеи ќе ја „дрмаат“ третата бина

Третата бина „SILENT DISCO“ ќе понуди музичка селекција од страна на три докажани диџејски имиња кои владеат со подиумите низ македонските клубови, а кои оваа вечер во исто време ќе застанат зад диџејскиот пулт, додека посетителите преку слушалки ќе можат да ги менуваат трите фреквенции избирајќи го својот омилен ритам за танц.

Земете маска, дојдете час порано

Влезот за посетителите ќе биде отворен во 19:00 часот.

„Фестивалот ќе се одржи во согласност со актуелните безбедносни протоколи со ограничен капацитет, а влезот ќе биде овозможен само на посетителите кои имаат документ/сертификат дека примиле две дози вакцина против ковид-19 или дека го прележале вирусот во последните 45 дена“, информираат организаторите.

Со цел да се избегнат турканиците при влез на настанот, тие апелираат до сите посетители да дојдат порано, односно најмалку еден час пред настапот од програмата кои не сакаат да го пропуштат.

Сите оние кои купиле билети онлајн не треба да вршат замена на ваучерите за билети, туку треба само да ги приложат интернет ваучерите (ПДФ документот во нивниот и-мејл) при влез на Фестивалот, испечатени или од нивниот мобилен телефон.

The post ВЕЧЕРВА ЌЕ ПУКНЕ НАШИОТ „ТАКСИРАТ“ Борис Брејча, Партибрејкерс, Мизар и Санаториум меѓу изведувачите appeared first on plusinfo.mk.

– Идејата за песната ја добив читајќи го текстот кој е безвременски и до ден-денес многу малку работи се сменети – вели 21-годишниот Тодоров кој ја компонирал музиката, а потоа побарал музичари да ја отсвират.

Тодоров е познат по тоа што свири во разни бендови во Велес. Вели дека е задоволен од својата прва авторска песна, од пијаното и оргулите, од спојот на старото и новото, од прогресив-метал призвукот на песната, од беспрекорниот вокал.

– Дополнително за да се долови идејата на песната, го зачинивме спотот со најразлични снимки од работници денес, на кои што слушајќи го текстот неминовно помислуваме – објаснува тој.

Идејата на Тодоров брзо се ширела и допрела до новинарот Сашко Кукулев, кој е одличен познавач на делото на Рацин. Во кафето „Драма“ во Велес, на промоцијата на видео-спотот, Кукулев цитираше делови од свој текст посветен на Рацин:

– Ние се раѓаме со научени стихови, им се радуваме на првите планински цвеќиња со кои самовилите  те овенчуваат со секои нови бели мугри. Имаме силно оружје, со стихот удираме по неправдата, во болка-со стих воздивнуваме… а ти… конечно имаш право да се разлееш во насмевка… да погледнеш од пиедесталот на горската светлина и да видиш кој дошол во твојата планинска одаја на вечноста… сѐ Рацин до Рацин – се вели во текстот.

Песната била снимана и работена месец дена во студио. Аранжманот е на Симеон Иванов, а продуцент, басист и тапанар е Дино Зукиќ.

Во продолжение, оригиналниот текст на „Денови“ од Кочо Рацин:

The post „Денови“ од Рацин во метал варијанта на велешанецот Тодоров (ВИДЕО) appeared first on plusinfo.mk.