Основното јавно обвинителство Скопје отвори истрага против 49-годишен скопјанец, осомничен дека се занимавал со неовластена продажба на дрога, откако во подрум во Аеродром беа пронајдени поголеми количини наркотични и психотропни супстанции.

При претрес во просторија што ја користел осомничениот, полицијата открила 108,61 грама марихуана, 66,9 грама амфетамин и 210,5 милилитри метадон. Заедно со дрогата, биле пронајдени и пари за кои постои сомнение дека потекнуваат од нелегална продажба, како и две дигитални ваги со траги од различни наркотични материи.

Од Обвинителството информираат дека се работи за сомневање за организирана и континуирана продажба на дрога, при што доказите укажуваат дека просторијата била користена како складиште за нарко-супстанции.

Поради ризик од бегство и можност за продолжување на криминалните активности, јавниот обвинител побарал од судот да му биде одреден притвор на осомничениот.

The post 49-ГОДИШЕН СКОПЈАНЕЦ ОСОМНИЧЕН ЗА ДИЛАЊЕ ДРОГА Полицијата најде марихуана, амфетамин и метадон во подрум appeared first on plusinfo.mk.