Британскиот амбасадор во земјава Метју Лосон ги демантира тврдењата дека постојат и дека постоеле преговори меѓу Лондон и Скопје за прифаќање мигранти. Во интервју за емисијата „Европат“ на ТВ 24, Лосон истакнува дека британската влада ниту преговарала, ниту има намера да наметнува решенија што би биле неприфатливи за македонската влада. Нагласува дека таков договор не постои и никогаш не постоел.

Во разговорот, амбасадорот се осврнува и на стратешката соработка меѓу двете земји, можностите за визна либерализација, како и на евроинтеграциите и потенцијалната улога на Лондон во дијалогот меѓу Скопје и Софија. Целиот разговор со британскиот амбасадор Лосон, во емисијата „Европат”.

The post НИТУ ИМАЛО, НИТУ ИМА ПРЕГОВОРИ ЗА МИГРАНТИ ВО МАКЕДОНИЈА Британскиот амбасадор во Скопје ги отфрла шпекулациите appeared first on plusinfo.mk.

Во исчекување на вечерашниот натпревар, амбасадорот Лосон напиша: „Имаме пријателски облог со колегите од американската амбасада во Скопје. Шише виски оди во Американската амбасада ако САД ја победат Англија. Без притисок. Што мислите, каков ќе биде резултатот?“

Looking forward to the @England vs @USMNT @FIFAWorldCup match this evening. We have a friendly bet on with our colleagues at the @USEmbassySkopje.

A bottle of scotch heading to @USAmbNMacedonia if team beats . No pressure then. What do you think the score will be? pic.twitter.com/W6enauYhJM

— MatthewLawsonUK (@MatthewLawsonUK) November 25, 2022

На тоа американската амбасадорка Агелар возврати дека во облогот вложува „Џим Бим“.

„Нека победи најдобриот тим“, додаде таа.

Од денеска се играат средбите од 2. коло на Светското првенство, а токму оваа меѓу Англија и САД привлекува најголемо внимание. Дуелот е во рамки на Групата Б и се игра вечерва од 20 часот. Во натпреварот Англија влегува со 3 освоени бода, а САД имаат само 1 бод.

Англиската репрезентација никогаш не ја победила селекцијата на САД на светските првенства, ги потсети своите избраници Герет Саутгејт, селекторот на Англија пред вечерашниот натпревар.

Репрезентациите играа 2 пати на Светско првенство, во 1950 година САД ја победија Англија со 1-0, додека во 2010 година натпреварот заврши нерешено 1-1.

I see your scotch @MatthewLawsonUK, and I raise you a triple aged Jim Beam bourbon. Let the best team win. #ENGvUSA https://t.co/2yeeJ9EQ7p pic.twitter.com/elURKouFA4

— Ambassador Angela Aggeler (@USAmbNMacedonia) November 25, 2022

– Дали некогаш сме ги победиле САД на големи турнири? Не, мислам дека немаме победа па мора да се обидеме да испишеме историја. Добри сме да зборуваме гласно за себе како нација врз основа на малку докази. Она што треба да го направиме е да настапиме моќно на теренот. Знаеме дека ќе играме против многу мотивиран тим. Имаме огромна почит кон нашиот противник. Познаваме многу американски играчи од нашата лига. Мораме да бидеме на најдобро ниво – изјави Саутгејт.

Англија е апсолутен фаворит во Групата Б и има шанси да заврши како првопласирана.

САД имаат одлична млада генерација предводена од Пулишиќ, Мекени, Аронсон и Веа.

The post АМБАСАДОРИТЕ СЕ ОБЛОЖИЈА ВО ВИСКИ Ќе ги победат ли Англичаните за првпат Американците на Светско? appeared first on plusinfo.mk.

– Многу сум среќен што положив испит по македонски јазик, Ц1. Ова е доказ од Министерството. Негувајте ги вашите јазик и вашата култура – вели Лосон.

Одличен почеток на неделата со сертификат за положен испит по македонски јазик. Ми претставува чест и задоволство што го учам овој прекрасен јазик. pic.twitter.com/EWG2VOjIAE

— MatthewLawsonUK (@MatthewLawsonUK) October 17, 2022

Ова не е првпат новиот британски амбасадор да објави видеопорака во која зборува на македонски. Неговото прво видеообраќање, како и честитката за 11 Октомври – Денот на народното востание беа на македонски јазик.

The post БРИТАНСКИОТ АМБАСАДОР ДОБИ СЕРТИФИКАТ ЗА МАКЕДОНСКИ ЈАЗИК Зборува на ниво Ц1 (ВИДЕО) appeared first on plusinfo.mk.

На свечената церемонија, претседателот Пендаровски истакна дека Република Северна Македонија придава големо значење на развојот на односите и соработката со Обединетото Кралство, оценувајќи дека Обединетото Кралство имаше круцијална улога во развојот на Република Северна Македонија како европска демократија.

– Особено ги цениме силните партнерски односи кои ги негуваме во рамки на НАТО, посебно во време кога се соочуваме со сериозни глобални безбедносни предизвици. Ве уверувам дека Северна Македонија ќе продолжи активно да придонесува кон сите идни мировни процеси како земја – сојузник и партнер на НАТО, а во интерес на добробитта на европскиот континент и пошироко – рече претседателот Пендаровски.

На церемонијата амбасадорот Лосон истакна дека односите меѓу двете држави се навистина важни за Обединетото Кралство.

– Ја зголемуваме нашата поддршка и за Северна Македонија и за регионот со цел да ги поддржиме вашите напори за градење просперитет во безбедно и стабилно соседство. Успехот во овие области исто така ќе биде од корист за Обединетото Кралство и Европа како целина – рече амбасадорот Лосон.

Претседателот Пендаровски на амбасадорот Лосон му посака успешно извршување на значајната дипломатска мисија.

The post МЕТЈУ ЛОСОН Е НОВИОТ БРИТАНСКИ АМБАСАДОР Му вети на Пендаровски поголема поддршка за стабилно соседство appeared first on plusinfo.mk.

Тој ќе стапи на должност на местото на актуелната амбасадорка Рејчел Галовеј, чиј мандат истекува во јули годинава.

Лосон во Скопје доаѓа по амбасадорската функција во Душанбе, Таџикистан. Во неговата биографија се наведува дека ја вршел и функцијата заменик-шеф на британската мисија во Босна и Херцеговина од 2015 до 2018 година, а имал дипломатска служба и во Канада од 2013 до 2015 година.

Новиот британски амбасадор работел и како шеф на Одделот за Јужна Азија и Авганистан при Министерството за надворешни работи и Комонвелт од 2009-2011.

The post МЕТЈУ ЛОСОН НОВ БРИТАНСКИ АМБАСАДОР ВО ЗЕМЈАВА Доаѓа по служба во Таџикистан и во Босна appeared first on plusinfo.mk.