Проверувањето на Фејсбук утрово за многумина заврши со порака за грешка наместо со нови објави. Според платформата Downdetector, проблемите почнале околу 9:30 часот по источноамериканско време, кога нагло се зголемил бројот на пријави од корисници кои не можеле да пристапат до Фејсбук, Инстаграм и Месинџер.

Многумина при обидот за најавување добиле порака:

„Оваа страница моментално не е достапна.“

Засега нема официјално објаснување за причините за прекинот, ниту информација кога услугите ќе бидат целосно нормализирани.

Дел од корисниците имале проблеми и со апликцијата WhatsApp.

Ваквите прекини редовно предизвикуваат лавина реакции на други социјални мрежи, каде корисниците проверуваат дали проблемот е кај нивните уреди или станува збор за поширок пад на системот.

Сепак, ваквите прекини не се невообичаени за технолошкиот гигант на Марк Закерберг. Бидејќи Facebook, Messenger, Instagram и WhatsApp користат дел од истата инфраструктура, дефект во еден сегмент од системот често предизвикува проблеми и кај останатите услуги.

The post ФЕЈСБУК И ИНСТАГРАМ ВО ПРЕКИН Корисници од повеќе земји пријавуваат дека не можат да пристапат appeared first on plusinfo.mk.

Компанијата Meta најави значајни измени во услугата Messenger, кои ќе стапат на сила од април 2026 година. Од тогаш ќе биде укинат самостојниот веб‑сајт messenger.com, што значи дека повеќе нема да може директно да се пристапува до пораките преку веб. Корисниците кои сакаат да ги читаат или испраќаат своите пораки од компјутер ќе бидат пренасочувани кон facebook.com/messages.

За оние кои користат мобилна апликација, промената нема да има влијание – Messenger за iOS и Android продолжува со работа како досега. Сите пораки и разговори остануваат зачувани и достапни, а корисниците ќе можат да ги управуваат преку апликацијата или преку Facebook профилот на десктоп.

Оваа промена следува по претходното повлекување на посебната десктоп апликација на Messenger за Windows и Mac, што беше дел од постепената интеграција на Messenger во главната Facebook платформа. Целта на Meta е да ги обедини функциите за пораки и да понуди еден унифициран систем за комуникација, без потреба од самостојни верзии на веб и десктоп.

За корисниците кои користеа Messenger без Facebook профил, ова значи дека мобилната апликација ќе остане единствен начин за користење на услугата од април натаму. Сите разговори, вклучително и старите пораки, ќе бидат зачувани и достапни преку апликацијата, а корисниците ќе можат да го ресетираат заштитниот ПИН ако го заборавиле.

Со овие измени, Meta ја продолжува својата стратегија за поедноставување и обединување на комуникациските услуги, насочувајќи ги корисниците кон еден централен систем на пораки, кој е поврзан со главниот Facebook интерфејс.

The post МЕСИНЏЕР СО ЗНАЧАЈНИ ИЗМЕНИ ОД АПРИЛ Ќе се користи само апликацијата, но не и веб-страницата appeared first on plusinfo.mk.

Социјалните мрежи Фејсбук и Инстаграм паднаа на глобално ниво, вклучувајќи ја и Македонија, при што корисниците не можат да влезат во своите профили. Проблемите се појавија после 16 часот денеска попладне.

На корисниците на Фејсбук им се прикажува дека се одјавени од профилите и не можат повторно да се регистрираат, додека на Инстаграм не работи таканаречениот фид.

Паднати се и дел од сервисите на Гугл.

Според првичните информации, се работи за поголем глобален проблем на којшто во моментов се работи.

Не работи ниту апликацијата Месинџер.

The post ФЕЈСБУК, ИНСТАГРАМ, ГУГЛ… Паднаа во цел свет appeared first on plusinfo.mk.

Синоќа, Фејсбук, Месинџер и Инстаграм повторно станаа недостапни за корисниците во некои делови на светот. Според податоците на веб -страницата Downdetector, корисниците пријавиле прекини во работата на социјалните мрежи. Компанијата соопшти дека падот е предизвикан од „погрешна конфигурација“ на рутерите.

„Искрено се извинуваме ако немавте пристап до нашите социјални мрежи во последните неколку часа. Го отстранивме проблемот и ви благодариме уште еднаш за трпението оваа недела”, се нагласува во објавата на Фејсбук.

Податоците за проблемите со Фејсбук почнаа да се појавуваат вчера по 20 часот. Корисниците во САД и Европа изразија незадоволство од работата на страницата и мобилната апликација. Неколку минути по првите известувања за прекини на Фејсбук, имаше и извештаи за проблеми со Инстаграм. Во понеделникот, Фејсбук, Месинџер, Инстаграм и Ватсап беа недостапни со часови во многу делови на светот.

The post ФЕЈСБУК ПАК СЕ ИЗВИНУВА Отстранети се проблемите во вториот прекин на работата appeared first on plusinfo.mk.

Некои од најпопуларните апликации за социјално вмрежување во светот – Фејсбук, Инстаграм, ВатсАп и Месинџер „паднаа“ во цел свет.

Според веб страницата Даун Детектор (DownDetector), проблемите започнаа околу 16.44 часот по средно европско време и влијаат на потрошувачите ширум светот.

Мрежите се недостапни и нема коментар од компаниите за  прекинот.

The post ПАНИКА ВО ЦЕЛ СВЕТ Паднаа Фејсбук, Инстаграм, ВатсАп и Месинџер appeared first on plusinfo.mk.

Преку платформата „Down detector“, проблеми со Фејсбук месинџерот јавуваат луѓе од Јапонија, Унгарија, Бугарија, Тунис, САД, Холандија, Италија, Непал, Кипар, Полска, Тајланд, Романија, Британија…

Најголем дел од граѓаните (55%) пријавиле проблеми со примање пораки, 30% со конекција на серверот и 13% при логирање.

Има тајминзи во кои платформата е тотално неупотреблива и по неколку минути, а потоа пристигнуваат пораките со големо доцнење.

Се очекува компанијата да објави кои се причините за овој проблем, и кога тој ќе биде надминат.

The post Падна Месинџер, корисниците ширум Европа пријавуваат проблеми appeared first on plusinfo.mk.