Бројот на умрени лица во земјава минатата година бележи раст од 0,1%. Повеќе умираат мажите и тоа во просек за 4,9 години порано од жените, а во над една третина од случаите причина за смртта се болести на циркулаторниот систем, покажуваат податоците од Државниот завод за статистика.

Според месецот на смртта, најголем број случаи, 2.010, се регистрирани во јануари, а најмалку, 1 518, во април.

Од вкупно починато 20.201 лице, поголем број 10.604 или 52,5% се мажи, наспроти 9.597 или 47,5% жени.

Просечната возраст кај умрените од машки пол изнесува 71.9 години, односно 76.8 години кај лицата од женски пол или за 4.9 години е повисока просечната возраст кај жените.

Умрени доенчиња се 47, а нивното учество е 0.2 % на 100 умрени лица.

The post МАЖИТЕ УМИРААТ ПОРАНО И ПОЧЕСТО ОД ЖЕНИТЕ ВО МАКЕДОНИЈА Која е најчестата причина за смрт и кои месеци се најкобни? appeared first on plusinfo.mk.

Основното јавно обвинителство Скопје поведе постапка против 46-годишен жител на Гевгелија, кој е осомничен за дејствија на кривично дело „демнење“, кои ги извршил во Скопје кон еден оштетен и неговите три малолетни деца.

Како што информира Јавното обвинителство на Република Северна Македонија, во периодот од 29 јануари до 29 април осомничениот го следел оштетениот при доаѓање или одење од работното место, го следел движењето на неговите деца додека оделе во основно училиште во Кисела Вода и се обидувал со пораки да воспостави несакан контакт.

„Со ваквите дејствија, како што се наведува, предизвикал чувство на вознемиреност, несигурност и страв кај оштетените“, се вели во соопштението.

Јавниот обвинител до судијата на претходна постапка од Основниот кривичен суд Скопје достави предлог за определување мерки на претпазливост – забрана за приближување и воспоставување контакти со оштетените, како и забрана за посетување на локациите каде го вршел демнењето.

The post ЧЕТИРИ МЕСЕЦИ МУ ГИ ДЕМНЕЛ ТРИТЕ ДЕЦА Побарани мреки за претпазливост за 46-годишен гевгеличанец appeared first on plusinfo.mk.

Македонската јавност е револтирана од ниските казни за сообраќајни несреќи со фатален исход, кои честопати резултираат со минимални затворски пресуди. Според анализата на порталот Курир, низ годините биле донесени пресуди од само две години затвор за убиецот на Гоце и неговото неродено дете, три години за возачот кој ја усмрти 24-годишната Викторија и само шест месеци за Кичеец, виновен за смрт на Стража.

Случајот на Фросина Кулакова, 22-годишната девојка трагично загината во сообраќајна несреќа, станува симбол на барањето за реформи во правосудниот систем и воведување построги казни. Граѓаните бараат промени, засилена превенција и поригорозни мерки против несовесните возачи.

Порталот Курир потсетува за случајот од септември 2021-та, Зоран Милески – Кичеец во време кога издржуваше затворска казна за случајот „Рекет“ во затворот во Струга, беше еден од директните учесници во сообраќајната несреќа во близина на Новоселски гробишта.

Кичеец на 4 септември незаконски со својот Мерцедес „излета“ од својата коловозна лента на автопатот Гостивар – Кичево, премина полна линија и претекнувајќи удри директно во автомобил што возел отспротива, при што загина еден патник од тоа возило, а четворица беа потешко повредени и хоспитализрани. За ова, тој доби затворска казна од само 6 МЕСЕЦИ.

Во 2018-та, бизнисменот Васил Ч. од Тетово на улицата Теодосиј Гологанов кај Млечен ресторан во Скопје помина преку две полни линии со својот џип ситроен и удри во мотор, убивајќи го  возачот, а неговата сопруга која тогаш беше бремена, го загуби детото.

За ова двојно убиство, повторно верувале или не – судијката Елена Илиевска-Јосифовиќ од скопскиот Кривичен суд ПРЕСУДИ ДВЕГОДИШНА УСЛОВНА КАЗНА, наведувајќи го како главна олеснителна околност фактот што обвинетиот ја признал вината и немал умисла?!

На само километар од кобното место каде загина Фросина Кулакова, 24-годишната Викторија Николова од Радовиш во јануари 2022-та година го загуби животот во сообраќајна несреќа додека минуваше на пешачки премин пред трговскиот центар Сити мол во Карпош. На истите, кобни Партизански одреди во Скопје.

Трагичната незгода се случи нешто по 19.30 часот на оваа раскрсница кога дваесет и двегодишниот скопјанец со неговиот автомобил удри во Николова. За брзината со која возел сведочат трагите од ударот на возилото. Николова минувајќи го пешачкиот премин била само два чекори пред нејзиниот пријател и тоа го спасило од сигурна смрт.

Возачот доби казна од 3 ГОДИНИ затвор. Олеснителни околности биле што семафорот трепкал, а тој го признал делото?!

Семејството на загинатиот пешак Слободан Ангеловски деновиве одбележа три години од неговата смрт, но од правдата ниту трага ниту глас. Првичната казна беше 3 ГОДИНИ за делото, но случајот е вратен на Апелација.

Ангеловски беше прегазен на мостот „Гоце Делчев“ кај МНТ на 26 јануари 2022 година, а на вчерашното рочиште целиот случај почна од почеток.

Парадоксално и крајно иронично, токму ќерката на Филиповиќ загина во сообраќајка со возач под дејство на наркотици и алкохол. Тој доби казна од 7,5 ГОДИНИ затвор, а загинатата 17-годишна Јелена стана дел од кампањата „Спаси нечиј живот“, а билборд со нејзина фотографија и порака „Возев пијан и дрогиран… ја убив Јелена“ го имаше на повеќе места во родното Куманово, но и во Скопје.

Трагедијата имаше и продолжение кога таткото на Јелена беше приведен под сомнение дека барал платен убиец за ликвидација на луѓето кои ги смета за одговорни за смртта на Јелена.

Македонската јавност сè погласно бара заострување на казните за несовесните возачи, чии непромислени постапки често завршуваат со фатални последици. По низата трагични сообраќајни несреќи, граѓаните и семејствата на жртвите бараат конкретни мерки кои ќе спречат нови трагедии и ќе обезбедат поголема безбедност на улиците.

Сè повеќе граѓани и активисти сметаат дека е неопходно да се воведат построги законски измени, кои ќе вклучуваат подраконски казни за прекршителите. Идејата за носење на овие измени по забрзана постапка во Собранието, дури и со употреба на европското знаменце, се гледа како оправдан чекор во интерес на јавната безбедност.

Граѓаните коментираат дека време е за решителна акција, не само за декларативни заложби. Секој живот спасен со поригорозни закони е повеќе од оправдана промена.

Повикот за промени доаѓа во чест на жртвите како Фросина Кулакова, Гоце, Слободан, Викторија, нероденото бебе на Наташа, Јелена, но и стотици други загинати чии имиња не се доволно споменати во јавноста. Борбата против несовесното возење станува приоритет, а јавноста очекува институциите конечно да преземат решителни чекори во насока на поголема безбедност на патиштата.

Целиот текст на порталот Курир почитајте го тука!

The post ГОЦЕ, ВИКТОРИЈА, ФРОСИНА – ЖИВОТИ ИЗГУБЕНИ, КАЗНИ МИЗЕРНИ! Јавноста бара построги санкции за несовесните возачи appeared first on plusinfo.mk.

– Нема да опстојат ниту еден месец ако снемаат пари и, во широка смисла, куршумите. Сè би било готово за месец и половина или два – изјави Путин во интервју за руската државна телевизија.

Според него, разговорите со Украина се можни, но не и со нејзиниот претседател Володимир Зеленски, за кого смета дека е нелегитимен.

– Ако сака да учествува во преговорите, ќе назначам луѓе да учествуваат во преговорите -рече Путин, нагласувајќи дека украинскиот претседател е нелегитимен бидејќи неговиот претседателски мандат истекол за време на воената состојба во Украина.

The post БЕЗ ПОДДРШКА ОД ЗАПАДОТ, ВОЈНАТА ЌЕ ЗАВРШИ ЗА 2 МЕСЕЦА Путин е спремен за преговори, но не со Зеленски appeared first on plusinfo.mk.

Успешното работење продолжува како резултат на фокусот на модернизацијата и ширењето на мрежата, пионерството во воведувањето нови технологии и посветеностa на најдоброто корисничко искуство.

„Оперативната добивка пред камати, оданочување и амортизација (EBITDA) е зголемена за 4,4 проценти споредено со минатата година, а нето добивката е во пораст од дури 15,2 проценти. Приходите од продажбата се зголемени за 3 проценти во споредба со истиот период од претходната година и изнесуваат 2.967 милиони денари“, велат од компанијата.

The post ПРИХОДИ ОД ПРОДАЖБА ОД 2.967 МИЛИОНИ ДЕНАРИ Македонски телеком оствари импресивни резултати од првиот квартал appeared first on plusinfo.mk.

Образовните асистенти од Град Скопје бараат да им ги исплати заостанатите финансиски средства за кои подолг временски период, како што велат, им доцнат по месец или два.

Како што информира Илина Додева, денеска им било ветено дека парите ќе им бидат исплатени.

– Дури чекавме пред Град Скопје нѐ повикаа и ни ветија дека има можност денеска до 14 часот да пуштат плата, ако не биде денеска, најдоцна до 14 часот до утре – изјави за МИА, Додева.

Претходно, преку соопштение тие информираа дека кога се решиле на штрајк поради заостанати неисплатени средства за јануари, биле повикани на состанок на кој им биле образложени причините за доцнењето.

– На тој состанок ни објаснија дека Буџетот на Град Скопје за 2024 сѐ уште не е изгласан и за тоа се виновни партиските војници кои се препукуваат околу точките на секоја седница. Нѐ замолија да почекаме до 14 март, дека тогаш ќе се изгласа буџетот и веднаш ќе бидат исплатени средствата за веќе двата заостанати месеци – појаснуваат образовните асистенти.

Велат дека по изгласувањето на буџетот, им кажале дека треба да се чекаат уште седум дена за одлуката да излезе во Службен весник и веднаш потоа ќе бидат исплатени парите.

– Помина половина месец од тогаш. Сѐ уште немаме добиено ниту денар од Град Скопје – велат образовните асистенти.

The post ДАНЕЛА, КАДЕ СЕ НАШИТЕ ПЛАТИ? Образовните асистенти од Град Скопје си ги бараат заостанатите финансиски средства appeared first on plusinfo.mk.

Како што соопштуваат оттаму согласно измените на Изборниот законик, во Избирачкиот список се запишуваат сите граѓани со наполнети 18 години живот заклучно со денот на изборите, според актот за распишување на изборите, кои имаат живеалиште на територијата на Република Северна Македонија.

„Тоа конкретно значи дека на претседателските избори ќе може да гласаат граѓаните на кои по кој било основ, по сила на закон или по рок на важност им истекле личните документи од 24.07.2023 година до денот на изборите 24.04.2024 година и на парламентарните избори ќе може да гласаат граѓаните на кои по кој било основ, по сила на закон или по рок на важност им истекле личните документи од 08.08.2023 година до денот на изборите 08.05.2024 година“, се наведува во соопштението.

Ова известување, како што посочуваат од ДИК, ќе биде составен дел на Упатството на Државната изборна комисија за начинот на утврдување на идентитетот на гласачите, според кое ДИК ќе ја врши и законската задолжителна обука на сите избирачки одбори.

The post ЌЕ СЕ ГЛАСА И СО ДОКУМЕНТИ ИСТЕЧЕНИ 9 МЕСЕЦИ ПРЕД ИЗБОРНИОТ ДЕН Државната изборна комисија прави отстапка само за претстојните избори appeared first on plusinfo.mk.

– Хамас е терористичка организација која се формираше во текот на цела деценија за да се бори против Израел, а тие изградија инфраструктура под земја и над земја која не е лесно да се уништи. Ќе бара одреден временски период – ќе трае повеќе од неколку месеци, но ние ќе победиме и ќе ги уништиме -вели Галант.

Галант и Саливан разговара за оперативните случувања во Газа, како и за тензиите на север со Хезболах и регионалните закани предизвикани од акциите на Иран и неговата поддршка на полномошниците во Либан, Јемен, Ирак и Сирија.

Галант понатаму ја изрази својата благодарност за американската поддршка за Израел во војната и напорите на администрацијата на Бајден да обезбеди ослободување на заложниците земени од терористите на 7 октомври.

Саливан пристигна во Израел поради зголемените тензии меѓу Вашингтон и Ерусалим поради војната. Во вторникот, американскиот претседател Џо Бајден рече дека Израел ја губи глобалната поддршка во војната против Хамас поради „недискриминирачкото бомбардирање“ во палестинската енклава, забелешка што неколку официјални лица, вклучително и портпаролот на Советот за национална безбедност на Белата куќа, Џон Кирби, оттогаш се обидоа да ја „испеглаат“ и да ја омекнат.

The post ВОЈНАТА ЌЕ ТРАЕ ПОВЕЌЕ МЕСЕЦИ Израелскиот министер за одбрана Галант беше искрен со својот американски колега appeared first on plusinfo.mk.

Постапката за екстрадиција на Љупчо Палевски, првоосомничениот за убиствата на Вања Ѓорчевска и Панче Жежовски, може да трае неколку месеци, информираат од Министерството за правда.

Барањето за екстрадиција било изготвено истиот ден откако е добиено официјалното известување од МВР за апсењето на Палевски, велат од Секторот за меѓународна правна помош во Министерството за правда.

Оттаму појаснуваат дека постапката за барање на екстрадиција од наша страна е иста за сите земји, Министерството за правда постапува по добиено известување од СМПС-Интерпол, дека лице барано по меѓународна потерница е лоцирано или лишено од слобода во странска држава.

– Од дента кога се апсеше бевме во координација со СМПС-Интерпол, како и со ОЈО Скопје. Во 9:20 го добивме официјалното известување од МВР и отворивме предмет. Барањето за екстрадиција беше спремно, министерот го потпиша и истиот ден беше преведено. Пред тоа да го направиме побаравме веднаш да биде задржан во притвор за екстрадиција – велат во брифинг за новинарите од Секторот за меѓународна правна помош.

Оттаму појаснуваат дека постапката за екстрадиција во ваквите предмети трае неколку месеци, а исклучок се само случаите на скратена постапка кога лицето прифаќа да биде екстрадирано. Се што сме работеле со Турција, велат од Секторот, вклучено е и Министерството за надворешни работи, бидејќи како што појаснија, Турција има ставено резерва на вториот протокол на Конвенцијата за екстрадиција.

Барањето за екстрадиција на Палевски до Турција беше испратено преку три канали, соопштуваат од Секторот.

„Директно преку ДХЛ, вчера стигна известување дека го примија оригиналот, втор оригинал испративме другиот ден преку Министерството за надворешни работи, како и скенирана копија преку Интерпол“, соопштија од Секторот за меѓународна правна помош и додаваат дека Република Турција има повеќе од 100 барања за екстрадиција дневно.

Тие брифираат дека мала е можноста за Палевски да побара азил, бидејќи како што велат од Секторот, барање за азил се поднесува веднаш откако ќе влезете во државата.

Во врска со поранешното барање од страна на Република Турција за екстрадиција на т.н. „Ѓуленисти“ и за евентуалната можност за покренување на тоа прашање во овој случај, од Секторот за меѓународна правна помош појаснуваат дека тоа прашање не е на маса помеѓу двете земји.

The post МАЛА Е МОЖНОСТА ДА ПОБАРА АЗИЛ Постапката за екстрадиција на Палевски може да трае неколку месеци appeared first on plusinfo.mk.

Во првите четири месеци од 2023 година, Република Турција ја посетиле 11.093.247 туристи, јавува Анадолија.

Министерството за култура и туризам на Турција соопшти дека бројот на посети на странски државјани на оваа земја во првите четири месеци од 2023 година е зголемен за 27,51 отсто во однос на истиот период лани и изнесува 9.533.933.

Според бројот на туристи кои престојувале во Турција во првите четири месеци, на прво место е Руската Федерација, а бројот на туристи од оваа земја во однос на минатата година е зголемен за 134,96 отсто, и надминува еден милион.

На второ место по бројот на туристи е Германија, од каде во првите четири месеци во Турција дошле нешто повеќе од милион луѓе или 18,74 повеќе од истиот период лани. На трето место е Бугарија, а потоа следат Иран и Велика Британија.

Кога станува збор за месец април 2023 година и пристигнувањето на странски државјани во Турција, вкупниот број на пристигнати е 3.321.824, што е за 29,03 отсто повеќе во однос на истиот месец лани.

The post ИСТАНБУЛ, КАПАДОКИЈА, АНТАЛИЈА Над 11 милиони туристи ја посетиле Турција во првите четири месеци од 2023 година appeared first on plusinfo.mk.