Времето денеска ќе биде променливо облачно со повремени врнежи од дожд. Наместа ќе биде нестабилно каде врнежите ќе бидат поројни, проследени со појава на грмежи и засилен ветер. Температурите ќе се движат од 6 до 19 степени.

Во Скопје времето ќе биде претежно облачно со повремени врнежи од дожд. Ќе дува слаб до умерен ветер од југоисточен правец.

Под влијание на циклонска активност до крајот на месецов времето ќе биде променливо облачно со честа појава на повремени врнежи од дожд. Наместа процесите ќе бидат поинтензивни во форма на невреме со пообилен пороен дожд, појава на грмежи и силен ветер (над 70 километри на час), особено од четврток.

Во овој период локално се очекува да наврне поголема количина на дожд (над 60 l/m2).

The post ВРНЕЖЛИВО И РЕЛАТИВНО ТОПЛО Ќе врне до крајот на месецот appeared first on plusinfo.mk.

Минатиот месец беше најтоплиот јануари досега, продолжувајќи ја низата екстремни глобални температури и покрај промената на феноменот Ла Ниња за ладење, рекоа научници од Европската унија.

Со просечна температура од 13,23 степени Целзиусови според Коперникус, „јануари 2025 година беше 1,75 степени над прединдустриските нивоа“.

„Фактот дека уште гледаме рекордни температури надвор од влијанието на Ел Нињо е малку изненадувачки“, вели Саманта Бургес, заменик директор на Коперникус.

Јануари ја продолжи низата на невообичаено топло време, при што во 18 од последните 19 месеци просечната глобална температура е над 1,5 степени Целзиусови над прединдустриските нивоа, објави службата за климатски промени на ЕУ, Коперникус, во својот месечен билтен.

The post РЕКОРДНО ВИСОКИ ТЕМПЕРАТУРИ И ПОКРАЈ ФЕНОМЕНОТ ЕЛ ЊИНО Минатиот месец бил најтопол јануари досега appeared first on plusinfo.mk.

Во услови на големи топлотни бранови, практично е извесно дека јули ќе биде најтоплиот месец, со највисоки температури досега забележани некаде во светот, велат научниците.

Во јули годинава ќе бидат урнати топлинските рекорди, бидејќи се предвидува дека глобалната просечна температура за овој месец ќе биде околу 1,5 Целзиусов степен над прединдустриските нивоа, се вели во анализата на Универзитетот во Лајпциг, објавена денеска.

Овој јули ќе биде најмалку 0,2 степени Целзиусови потопол од јули 2019 година, што беше најтопол во изминатите 174 години мерења, покажуваат податоците на Европската Унија.

Разликата помеѓу оваа година и јули 2019 година е „толку значителна што веќе можеме со апсолутна сигурност да кажеме дека ова ќе биде најтоплиот јули“, изјави климатологот од Лајпциг, Карстен Хаустејн.

Некои научници веруваат дека јули оваа година би можел да биде дури и најтоплиот месец во изминатите 120.000 години, додава Би-би-си.

Светската метеоролошка организација на ОН (СМО) исто така соопшти дека е „исклучително веројатно“ јули 2023 година да достигне рекорд, но оти нема отворено да зборува за тоа додека не бидат достапни сите конечни податоци.

Новиот шеф на агенцијата на ОН за наука за климата, Џим Скија изјави дека светот ќе ја надмине целта од Парискиот договор за загревање од 1,5 степени Целзиусови над прединдустриските нивоа, и истакна дека политиките на земјите не се доволно амбициозни.

– Владите не воведоа политики што се доволно амбициозни за да овозможат исполнување на целите од Парискиот договор. Тоа е сигурно – рече тој.

The post ОВОЈ ЈУЛИ Е НАЈТОПЛИОТ МЕСЕЦ ВО ИСТОРИЈАТА Срушени се сите топлински рекорди appeared first on plusinfo.mk.

– Гледаме невидени промени ширум светот. Топлотните бранови што ги гледаме во САД, Европа, Кина и уриваат температурни рекорди… Не е изненадување – рече Гевин Шмит, директорот на Годард – Институтот за вселенски студии на НАСА.

Јуни 2023 година веќе беше најтоплиот јуни досега, а јули најверојатно ќе биде најтоплиот месец во целина.

– Од науката знаеме дека човековата активност, првенствено емисиите на стакленички гасови, недвосмислено го предизвикува затоплувањето што го гледаме на нашата планета – рече Кејт Калвин, главен научник и виш советник за климата во НАСА.

Има 50-50 шанси 2023 година да биде најтоплата година досега, но таа ќе биде надмината од 2024 година

Научниците на НАСА појаснија дека податоците собрани и анализирани од Институтот Годард веќе укажуваат на тоа.

– Има децениско зголемување на температурите во последните четири децении – рече Шмит.

Американската вселенска агенција последен пат забележа таков пораст на температурите во јули и август 2016 година поради супер Ел Нињо во текот на зимата 2015 и 2016 година. Но, овој пат тоа не е уште еден настан сличен на Ел Нињо. Топлотните бранови кои моментално се гледаат се резултат на целокупното затоплување ширум светот, особено во океаните.

– Видовме рекордни температури на површината на морето, дури и надвор од тропските предели, многу месеци по ред. Ќе предвидиме дека тоа ќе продолжи, а причината зошто мислиме дека ќе продолжи е затоа што продолжуваме да ослободуваме стакленички гасови во атмосферата – рече Шмит.

– Постои 50-50 шанси 2023 година да биде најтоплата година досега. Други научници на НАСА веруваат дека има 80 проценти шанси 2023 година да биде најтоплата година – додаде Шмит.

The post НАСА ИСПРАТИ СЕРИОЗНО ПРЕДУПРЕДУВАЊЕ Јули ќе биде најтопол во последните стотина, а ако не и илјадници години appeared first on plusinfo.mk.

Познат сиднејски златар е обвинет дека смислил и спроведувал измамнички план, кој вклучувал вооружен грабеж на сопствената златарница, со цел да собере 2,8 милиони долари од осигурување, пишува Гардијан.

Златарницата „Германи“ дизајнираше накит за некои од најбогатите и највлијателните луѓе во светот, како што се принцезата Дијана, Елизабет Тејлор и членовите на саудиското кралско семејство.

Шеесет и петгодишниот златар, кој е уапсен и е во затвор, првично ѝ изјавил на полицијата дека двајца мажи, преправајќи се дека се муштерии, со нож му се заканиле, нему и на вработена во неговата златарница во Сиднеј. Потоа им ги врзале рацете и нозете и побегнале со голема количина скап накит.

Полицијата уапси две лица, Шанел Тофаено и Мунир Хелу, за наводниот грабеж минатиот месец. Сепак, детективот Џо Духи сметал дека нешто не е во ред со целиот случај и ја продолжил истрагата. Во понеделникот, полицијата го уапси Германи под сомнение дека целиот грабеж е всушност измама.

Полицијата сега се сомнева дека сопственикот бил вклучен во „планирање и координирање на грабежот и обид за измама на осигурителната компанија“.

Вработената во златарницата, која беше повредена во грабежот, е целосно трауматизирана од нападот.

– И се заканувале со насилство и ѝ биле врзани рацете и нозете. Таа верувала дека тоа е вистински грабеж – вели детективот.

Германи сега се товари за тешка кражба, лишување од слобода, обид за стекнување финансиска корист со измама, заведување на полицијата и попречување истрага, учество во организирана криминална група и криминална активност.

The post КАКО ВО ЛОШ ТРИЛЕР, САКАЛ ДА ЛАПНЕ ПАРИ ОД ОСИГУРУВАЊЕТО Светски познат златар организирал грабеж на сопствената златарница appeared first on plusinfo.mk.

– Под влијание на изразена циклонска активност со центар над Медитеранот, во следните часови, како и во текот на претстојната ноќ врнежите од јужните и од југоисточните предели од Македонија ќе се прошират насекаде низ земјава. На местата со надморска височина од 1.000 метри па нагоре ќе има врнежи од снег и ќе се формира нова снежна покривка (над 15 цм, а на планините дури и над 20 цм). Ова ќе доведе до појава на мраз, особено на патиштата, но и поради ниските температури најмногу ќе страдаат овошките – вели за Плусинфо метеопрогнозерот Славчо Попоски.

Тој истакнува дека снежната граница особено во западните предели локално ќе се спушти и под 1.000 метри, со што појава на лапавица ќе има понекаде и во градовите (можно е и тука формирање на снежна покривка). Ќе продолжи да дува северниот и североисточниот ветер, и особено долж Повардарието ќе биде со засилен интензитет.

– Потоа во следните денови останува невообичаено студено и наутро температури на повеќе места ќе се спуштаат до околу, па и под нулата. Најстуден ден ќе биде утрешниот, кога максималните дневни температури ќе се искачат само во интервалот од 2 до 10 степени. Инаку во следните неколку денови продолжува променливото време со повремени локални послаби врнежи од дожд и снег. Појава на лапавица и понатаму ќе има и на некои пониски места особено на запад и север од Македонија – додава Попоски.

Според метеопрогнозерот причина за ваквите временски услови е топењето на мразот на Антарктикот, со што доаѓа до ладење на климата во Европа и на Балканот, па затоа ова ни се случува. Попоски истакнува дека во иднина, барем според сегашните анализи, би требало да биде сѐ постудено и ќе следуваат подолги периоди на ладно време, а со тоа повеќе ќе ги немаме топлите зими на кои се навикнавме во последните неколку години.

Од Управата за хидрометеоролошки работи велат дека времето денеска ќе биде променливо облачно и студено со повремени врнежи од дожд, а на планините и на некои повисоки места, од снег. Ќе дува умерен, а долж Повардарието засилен ветер од северен правец. Максималните температури ќе бидат во интервал од 1 до 10 степени.

Во Скопје и околината ќе биде облачно и студено, а претпладне со услови за слаб дожд. Ќе дува засилен ветер од северен правец. Максималната температура ќе достигне до 7 степени.

– Во текот на утрешниот ден ќе биде променливо облачно, со услови за локален дожд, а на планините и на некои повисоки места, пред сѐ во западните делови, ќе провејува снег. Од четврток ќе има зголемување на сончевите периоди, а в петок ќе биде сончево со мала до умерена облачност, што ќе придонесе за раст на дневните температури. Во наредните денови ќе дува слаб до умерен ветер од северозападен правец – информираат од УХРМ.

The post ЌЕ НЀ ИЗНЕНАДИ ЛИ СНЕГОТ ВО АПРИЛ? Славчо Попоски вели дека месецов ќе биде студен и дождлив appeared first on plusinfo.mk.

„Споредено со просечните октомвриски средномесечни температури, за триесетгодишен период од 1981 до 2010 година, годинашната температура беше за 0,4 степени Целзиусови повисока на ниво на држава. Средната максимална температура варираше од 16,5 степени во Лазарополе до 24,2 степени во Гевгелија. Највисоката максимална температура беше измерена на 1 октомври во Гевгелија и изнесуваше 28,8 степени. Средната минимална температура варираше од 1,7 степени во Берово до 9,5 степени во Гевгелија. Најниската минимална температура во текот на месецот беше измерена во Берово, на 18 октомври и изнесуваше -3,8 степени“, соопшти УХМР.

Оттаму прецизираат дека имаше невообичаено високи температури во третата декада од месецот кога е забележен и продор на есенски топлотен бран.

„Во октомври месечната сума на врнежи во државата варираше од 11 милиметри во Струмица до 83,7 милиметри во Маврово. Врнежите беа од дожд, а максимално дневно количество на врнежи од 30,5 милиметри беше регистрирано во Маврово на 2 октомври. Споредено со октомвриската просечна вредност за многугодишен период (1981-2010), измерената месечна сума на врнежи беше помала за 32 милиметри или е 51 процент под просечната на ниво на држава“, посочуваат од УХМР.

The post ВАКОВ ОКТОМВРИ НЕ СМЕ ИМАЛЕ Месецот беше за 0,4 степени Целзиусови потопол од вообичаено appeared first on plusinfo.mk.

Просечната месечна исплатена нето-плата по вработен во април годинава изнесува 31.525 денари е зголемена за 10,9 отсто во однос на април лани, објави денеска Државниот завод за статистика.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Објекти за сместување и сервисни дејности со храна (24,8 проценти), Уметност, забава и рекреација (20,1 процент) и Административни и помошни услужни дејности (17 проценти).

Раст на просечната месечна исплатена нето-плата по вработен, во однос на претходниот месец, е забележано во секторите: Дејности на здравствена и социјална заштита (8,3 проценти), Градежништво (5,6 проценти) и Дејности во врска со недвижен имот (4,5 проценти).

Исплатена бруто-плата по вработен, пак, во април годинава изнесува 47.092 денара и е за 11 отсто зголемена во однос на бруто-платата во април лани.

The post ПРОСЕЧНАТА ПЛАТА ПРОДОЛЖУВА ДА РАСТЕ Нето-платата по вработени во април изнесува 31.525 денари appeared first on plusinfo.mk.

Нумеролозите дошле до заклучок дека во 2022 година ќе има многу среќни денови во текот на секој месец, како и денови кои лесно се паметат, па затоа се идеални за големи работи, како што е склопувањето на брак.

Покрај тоа, во годината пред нас, постои и ден во осмиот месец кој според нумеролошките толкувања симболизира двојна среќа.

Затоа, ако планирате венчавка следната година, ова се датумите кои ви ги препорачуваат нумеролозите.

Јануари

Среќни денови: понеделник, 7 јануари; петок, 11 јануари; среда, 23 јануари

Датуми за паметење: сабота, 1 јануари, 1 (01.01.2022 година); недела, 2 јануари (02.01.2022 година); сабота, 22 јануари (22.01.2022 година)

Февруари

Среќни денови: недела, 4 февруари; понеделник, 5 февруари; четврток, 22 февруари

Датуми за паметење: четврток, 2 февруари (02.02.2022 година); вторник, 22 февруари (22.02.2022 година)

Среќни денови: недела, 3 март; четврток, 14 март; среда, 20 март

Датуми за паметење: четврток, 3 март, (03.03.2022 година); вторник, 22 март (22.03.2022 година)

Април

Среќни денови: недела, 1 април; среда, 11 април; петок, 20 април; недела, 11 април

Датуми за паметење: понеделник, 4 април (04.04.2022 година); петок, 22 април (22.04.2022 година)

Мај

Среќни денови: среда, 3 мај; сабота, 6 мај; вторник, 23 мај

Датуми за паметење: четврток, 5 мај (05.05.2022 година)

Јуни

Среќни денови: среда, 8 јуни; вторник, 14 јуни; петок, 17 јуни

Датуми за паметење: понеделник, 6 јуни (06.06.2022 година)

Јули

Среќни денови: петок, 8 јули; понеделник, 11 јули; четврток, 21 јули

Датуми за паметење: четврток, 7 јули (07.07.2022 година); петок, 22 јули (22.07.2022 година)

Август

Среќни денови: среда, 5 август; петок, 7 август; сабота, 8 август (двојна среќа = 08.08.2022); среда, 19 август

Датуми за паметење: сабота, 8 август (08.08.2022 година)

Септември

Среќни денови: понеделник, 1 септември; понеделник, 8 септември; четврток, 25 септември

Датуми за паметење: петок, 9 септември (09.09.2022 година)

Октомври

Среќни денови: понеделник, 7 октомври; вторник, 8 октомври; петок, 18 октомври

Датуми за паметење: понеделник, 10 октомври (10.10.2022 година) и сабота, 22 октомври (22.10.2022 година)

Ноември

Среќни денови: недела, 25 ноември; среда, 25 ноември; недела, 11 ноември

Датуми за паметење: вторник, 22 ноември (22.11.2022 година)

Декември

Среќни денови: понеделник, 4 декември

Датуми за паметење: петок, 2 декември (2.11.2022 година); понеделник, 12 декември (12.12.2022 година) и четврток, 22 декември (22.12.2022 година).

The post НУМЕРОЛОЗИТЕ ОТКРИВААТ Ова се најсреќните денови за свадби во 2022 година, а еден ден е особено важен appeared first on plusinfo.mk.

– Веќе добро функционира системот на закажување, близу 95 илјади граѓани се пријавени преку сајтот vakcinacija.mk или преку матичните лекари. Од нив, 44 илјади се граѓани на возраст над 70 години со хронични болести, значи се таа прва приоритетна група на граѓани која треба да бидат вакцинирани по медицинскиот кадар. Веднаш кога ќе пристигнат вакцините, за разлика од сегашните вакцини тие ќе бидат дистрибуирани до сите вакцинални пунктови во земјава и ќе започне масовното вакцинирање на населението – најави министерот Филипче.

The post Филипче: Вакцините ги очекуваме до крајот на месецов appeared first on plusinfo.mk.