Американскиот претседател Доналд Трамп повторно ги критикуваше Обединетите нации, но овојпат, поради неуспешниот обид од почетокот на 2000-тите да биде избран за реновирање на седиштето во Њујорк. На Генералното собрание на ОН, тој не го скри разочарувањето што бил одбиен за проект вреден милијарди долари.

– Тие решија да тргнат во друга насока, која тогаш беше многу поскапа, и која всушност резултираше со многу полош производ – рече Трамп од говорницата.

Реконструкцијата почнала во 2008 година со првична проценка од 1,2 милијарди долари, но на крајот чинела 2,3 милијарди. САД дале 488 милиони. Трамп уште во 2005 година сведочел во Сенатот дека цената ќе биде повисока и побарал тој да го изведе проектот.

– Сфатив дека немаат поим од градба. Нивните концепти беа погрешни, а производот кој сакаа да го направат, скап и катастрофален. Дури ни мермерните подови кои јас им ги ветив, не ги добија, Чекорите по терацо, свесни сте за тоа? – изјави тој пред Собранието.

Неговото излагање почнало со поплака за тоа што не му работел телепромптерот. А и ескалаторот во зградата бил блокиран.

– Искрено, кога гледаш каква е зградата и кога ќе заглавиш на ескалатор, сфаќаш дека уште не е завршена – истакна Трамп.

Trump spoke about a massive corruption scandal during the renovation of the UN headquarters in New York

“They had massive cost overruns and spent between $2 billion and $4 billion on the building and did not even get the marble floors. You walk on terrazza. Do you notice that?… pic.twitter.com/cWJLdnXl6K

— Visegrád 24 (@visegrad24) September 23, 2025

Коментарот на Трамп за ескалаторот се однесуваше на фактот дека пред да започне со говорот Трамп мораше да се справи со расипан ескалатор, кој застана штом тој и неговата сопруга Меланија Трамп стапнаа на него.

– Сè што добив од Обединетите нации беше ескалатор кој на патот до искачувањето застана точно на средина. Доколку првата дама не беше во одлична форма, ќе паднеше. Ова се двете работи што ги добив од Обединетите нации, лош ескалатор и лош телесуфлер.

Откако се качи на бината Трамп обзнани и дека ќе биде принуден да чита од своите белешки, бидејќи телесуфлерот се расипал, уште еден пропуст во организацијата на настанот.

Трамп во говорот го искористи примерот на реновирањето како метафора за подлабок проблем во организацијата.

– За жал, многу нешта во Обединетите нации се случуваат на сличен начин, само на многу поголемо ниво – рече Трамп.

На ден пред говорот, Трамп во Белата куќа беше придружуван од Роберт Ф. Кенеди Џуниор, секретар за здравство, и Џеј Батачарија, директор на Националниот институт за здравство. Тема на настанот била поврзаноста меѓу употребата на лекот Тајленол (парацетамол) во бременост и развојот на аутизам кај децата, тврдење кое многу здравствени агенции го сметаат за недоволно поткрепено.

„Промовираме значајни научни сознанија во корист на децата на Америка“, соопшти Белата куќа на 22 септември.

The post 📽️ НЕ МИ ДАДОВТЕ ДА ЈА РЕНОВИРАМ ЗГРАДАТА НА ОН, СЕ ПОЖАЛИ ТРАМП Шефот на САД уште тажи по мермерниот под appeared first on plusinfo.mk.

Државата за четири години (2018-2022) наплатила само 45 милиони евра од концесиски надоместок за експлоатација на минерални суровини од 257 концесионери кои поседуваат 348 концесии. Концесионерите доцнат со уплата на надоместоците, а дел од нив самоиницијативно ги прошириле границите на концесиските површини, утврдиле ревизорите.

Во извештајот од извршената ревизија која се однесува на експлоатација на минералните суровини, со посебен осврт на мермер се наведува дека во концесискиот надоместок од 45 милиони евра влегуваа: 4,6 милиони евра за користење на простор од 333,73 квадратни километри и 40,2 милиони евра за експлоатирани количини минерални суровини. Во вкупниот износ се и каматите за ненавремено плаќање по двата основа кои изнесуваат 99.772 евра.

Надоместоци за експлоатација на минерални суровини.

За истиот период ревизорите утврдиле дека се наплатени помалку пари од концесискиот надоместок за експлоатација на минерални суровини во износ од 341.000 евра. Од нив речиси 160.000 евра по основ на простор, 88.146 евра по основ на експлоатирана минерална суровина и 94.715 евра по основ на пресметана, а ненаплатена камата и ненаплатен надоместок по записници од УЈП.

По утврдениот рок односно по истекување на законски утврдениот рок наплатени се вкупно 19 милиони евра по основ на концесиски надоместок за простор и експлоатирана количина на минерални суровини.

„Во периодот на известување од ревизијата од вкупниот износ уплатени се 136.000 евра за концесиски надоместоци и камата, а по основ на дадените препораки од претходната ревизија наплатена е камата во вкупен износ од 99.772 евра која се однесува за периодот 2016-2022 година, што претставува додадена вредност во остварување на буџетски приходи“, се наведува во извештајот.

Ревизорите се уверени дека висината на надоместоците за користење простор кои се определени во државата е многу мала, а исто така и наплатата на надоместоците за експлоатирани количини е многу ниска во однос на реалните пазарни цени кои потоа ги наметнуваат концесионерите и од кои добиваат огромни добивки.

„Со извршената ревизија и обезбедените докази стекнавме разумно уверување дека мерките и активностите кои се преземаат од страна на надлежните институции не обезбедуваат целосна подготвеност и сигурност за остварување на оптимална искористеност на минералните суровини, сеопфатна и навремена наплата на концесиските надоместоци и ефикасен систем на надзор над реализацијата на склучените договори“, наведуваат ревизорите.

Во однос на експлоатацијата на мермерот кој е во фокус на извештајот, ревизорите утврдиле дека државата од надоместок на концесија добила само 1,7 милиони евра од 29 концесионери на мермер.

„Остварените надоместоци во корист на државата од експлоатација на најквалитетниот мермер во износ од 103.248.000 денари или 1,7 милиони евра за периодот од 2018 до 2022 година претставуваат 1 отсто од остварените приходи од продажба на концесионерот“, заклучува ревизорот.

Ревизорите утврдиле дека 2 концесии за ископ на минерални суровини експлоатирале надвор од дозволата за експлоатација што ја поседуваат концесионерите на вкупен простор од 9.989 квадратни метри.

„Тоа создава ризик концесионерите да не го пресметуваат и плаќаат надоместокот за експлоатираните количини надвор од експлоатационото поле“, наведуваат ревизорите.

Со извршената ревизија, ревизорите утврдиле и дека на национално ниво не е донесена долгорочна стратегија за оптимално искористување и управување со минералните суровини повеќе од 11 години, а активностите за нејзино изготвување се започнати во 2022 година, со рок на донесување до април 2024 година, додека законската регулатива која ја третира предметната област е изложена на чести измени и дополнувања, а одредени одредби не се доволно јасни и прецизни што создава несигурност при нивна примена.

Според ревизорите, државата нема систем за следење на плаќањето на надоместоците и преземање навремени мерки.

Надоместоците за концесиите за експлоатација на минерални суровини се утврдени во посебен тарифник. 

Во  оној од 2020 година овој надоместок се движи од 1 до 5% од пазарната вредноста на секој минерал. за рудата е определено тоа да биде по количина тон, а за другите минерали се утврдени и пазарните цени.

Концесионерот кој што врши експлоатација на минерални суровини е должен да плаќа: годишен надоместок за користење на просторот и надоместок за експлоатирана (продадена) количина на минерална суровина, предмет на концесијата. Средствата се уплатуваат на соодветна уплатна сметка во рамките на трезорската сметка и се 22% приход на државниот Буџет и 78% приход на буџетот на општината на чие подрачје се врши концесиската дејност.

The post ДРЖАВАТА Е ВО ЗИЈАН ОД ДАВАЊЕТО КОНЦЕСИИ ЗА МЕРМЕР За 4 години наплатила само 1,7 милиони евра од 29 концесионери appeared first on plusinfo.mk.

Утре и задутре, ако слушнете пукотници, немојте да се плашите оти станува збор за најобично минирање во околината на скопското село Говрлево, наведено е во соопштението што го испрати компанијата „Рудпроект“ до Регионалниот центар за управување со кризи.

„Ве известуваме дека на ден 24.01.2023 год. (вторник) и 25.01.2023 год. (среда) во периодот од 08 – 16 часот на површинскиот коп за калцитски мермер ‘Зелениковец’ – Говрлевска Краста – Скопско, ќе вршиме минирање.
Известувањето ви го доставуваме заради ваша информираност“, наведено е во известувањето.

The post НЕ ПЛАШЕТЕ СЕ АКО НЕШТО ПУКА Утре и задутре ќе се врши минирање кај скопско Говрлево appeared first on plusinfo.mk.