Основното јавно обвинителство Куманово поведе постапка против една 18-годишна девојка, а за две малолетнички на возраст од 15 и 14 години е поднесено барање за поведување подготвителна постапка до судијата за деца при Основниот суд во Куманово, бидејќи заедно учествувале во дејствија на кривично дело – Насилство согласно член 386 став 3 во врска со став 1 од Кривичниот законик.

На 13 март годинава тие повикале девојче кое тогаш имало 13 години да излезе од дома со нив и ја убедиле да влезе во запуштена просторија во близина на спортскиот центар „Соколана“. Таму жртвата грубо ја навредувале и физички ја нападнале, удирајќи ја по лицето и телото и ја кубеле за коса. Насилството го снимале со телефон, а на нападнатото девојче му се заканиле по живот доколку каже некому за настанот.

Јавното обвинителство, веднаш по објавата на видеото на социјалните мрежи презеде дејствија за обезбедување докази, а за полнолетната осомничена достави и предлог за определување мерки на претпазливост до надлежниот суд – задолжително јавување во судот, привремено одземање на патната исправа и забрана за приближување и воспоставување контакти со жртвата.

ЈА НАМАМИЛЕ, ЈА ПРЕТЕПАЛЕ И СÈ СНИМАЛЕ Расчистен случајот во Куманово, кривични за трите насилнички

The post ДВЕТЕ МАЛОЛЕТНИ НАСИЛНИЧКИ ОД КУМАНОВО ОДАТ ПРЕД СУДИЈА ЗА ДЕЦА За полнолетната предложени мерки за претпазливост appeared first on plusinfo.mk.

Основното јавно обвинителство Скопје поведе постапка против професор од средното уметничко училиште „Лазар Личеноски“, кој е осомничен за кривично дело „Сексуално вознемирување“ врз своја ученичка. Судија на претходна постапка одлучи да не одреди притвор, туку одреди мерки за претпазливост.

Судот донесе одлука со која на осомничениот му е изречена забрана за приближување – забрането му е да се приближува или да воспоставува каков било контакт со ученичката.

На професорот му е одземен пасошот и забрането му е да ја напушта државата. Професорот има обврска редовно да се јавува кај надлежно службено лице во Судот.

„Јавниот обвинител достави предлог за определување мерки за претпазливост со цел да се обезбеди присуство на осомничениот и да се заштити оштетената во текот на понатамошната постапка,“ соопштија од Обвинителството.

Случајот во „Лазар Личеноски“ ги вознемири родителите и учениците, кои бараат целосна одговорност и заштита на децата од предаторско однесување во образовните институции.

Доколку се докаже вина, на професорот му се заканува затворска казна и доживотна забрана за вршење на дејноста во образованието.

The post ОДЗЕМЕН МУ Е ПАСОШОТ НА ПРОФЕСОРОТ ОД УМЕТНИЧКО Ќе одговара за сексуално вознемирување на ученичка appeared first on plusinfo.mk.

Основното јавно обвинителство Кочани поведе постапка против 11 лица за коруптивни кривични дела поврзани со работата на клубот „Пулс“, соопшти Обвинителството.

За тројца од нив донесена е наредба за спроведување истрага.

„Станува збор за двајца даночни контролори од Службата за даночна контрола при Регионалниот даночен инспекторат во Регионална дирекција Штип, кои ја искористиле својата службена положба и овластување и пристапот до податоци и информации за ненајавени контроли во правни субјекти – даночни обврзници и со цел да прибават противправна имотна корист и подароци му ги откривале информациите и го предупредувале за контролите одговорното лице во клубот. Тие се осомничени за делото Примање поткуп од член 357 од Кривичниот законик, додека одговорното лице, син на реалниот сопственик на „Пулс“ е осомничен за делото Давање поткуп од член 358 од Кривичниот законик“, соопшти Јавното обвинителство.

За првите двајца Обвинителството до надлежниот суд достави предлог за определување мерка притвор, додека за третиот на сила се мерки на претпазливост во првиот предмет поврзан со пожарот во „Пулс”, па се бара проширување на тие мерки со забрана за воспоставување и одржување контакти и со новоосомничените, додава ЈО во соопштението.

„Шестмина осомничени, даночни инспектори и управници од регионалните дирекции на УЈП во Штип и Струмица, им овозможувале на правните субјекти „ММММ“ кафе и „Пулс” да ги избегнуваат даночните контроли и да работат без соодветна фискализација, со што се осомничени дека сториле Злоупотреба на службената положба и овластување согласно член 353 од Кривичниот законик. За нив се предложени мерки на претпазливост“, соопшти ЈО.

Сопственикот на „Пулс“, кој веќе е во притвор во другиот предмет, е осомничен за Фалсификување исправа според член 378 од Кривичниот законик, додава Обвинителството.

„Тој подолг временски период свесно и со умисла за време на контролите од УЈП приложувал преправени фискални апарати со контролни фискални извештаи со невистинити податоци, кои истиот ги употребувал како вистински, а  со цел и намера избегнување на парични глоби и затворање на објектот. Осомничена е и инспекторка од Државниот пазарен инспекторат, која исто така е опфатена со претходната постапка во која и се определени мерки на претпазливост и за која сега се обезбедени дополнителни докази и за кривично дело Оддавање службена тајна од член 360 од Кривичниот законик, поради откривање информации за ненајавени контроли“, соопшти Јавното обвинителство.

И полицијата соопшти дека уапсиле 8 лица, а во полициското соопштение се објавени и иницијалите на уапсените.

Двајцата даночни контролори кои примале поткуп од синот на Дејан Јованов, Михаил Јованов, се Д.П. и Д.Д.

Шестмина пријавени даночни инспектори од дирекциите на УЈП во Штип и во Струмица се Д.Ч., А.Ч., А.К., А.Ч., Н.Т. и А.К., а осомничена пазарна инспекторка е В.К..

УШТЕ 11 ВРАБОТЕНИ ВО УЈП ОПФАТЕНИ СО ИСТРАГАТА ЗА ПОЖАРОТ ВО КОЧАНИ, НАЈМАЛКУ 6 УАПСЕНИ Се товарат за поткуп, фалсификат, злоупотреба на положба…

The post ЗЕМАЛЕ ПОТКУП ОД СИНОТ НА ГАЗДА ДЕКО, ЗА ДА МУ ДОЈАВАТ ЗА КОНТРОЛИ НА УЈП ВО „ПУЛС“ Обвинителството бара притвор за двајца даночни контролори appeared first on plusinfo.mk.

Основниот кривичен суд Скопје соопштува дека е прифатен предлогот за определување мерки на претпазливост за осомничениот во случајот на тешка сообраќајна несреќа на булевар „Гоце Делчев“ кога управувајќи автомобил „фолксваген пасат“ удрил во сега починатиот Јорго Ќука, кој на велосипед се движел по обележаниот пешачки премин.

Мерките на претпазливост за осомничениот кој се товари за тешки дела против безбедноста на луѓето и имотот во сообраќајот се одземање на македонска и српска патна исправа, одземање на возачка дозвола, забрана за напуштање на живеалиште и обврска да се јавува повремено кај надлежен државен орган.

Како што информира ОЈО, на 3 ноември, управувајќи автомобил „фолксваген пасат“ по булеварот Гоце Делчев во Скопје, тој не се придржувал кон прописите и го загрозил јавниот сообраќај. Автомобилот го управувал со неприлагодена брзина која не му овозможувала да запре навремено во случај на потреба или пречка.

„Пристигнувајќи на пешачки премин на крстосницата со улицата Лазар Личеноски осомничениот 37-годишник со предниот дел на возилото удрил во велосипед, управуван од сега починатиот Јорго Ќука, кој се движел по обележаниот пешачки премин. Од ударот оштетениот се здобил со тешки телесни повреди и починал“, соопшти ОЈО.

ВОЗАЧОТ ШТО ГО УСМРТИ ЈОРГО ЌУКА ВОЗЕЛ ПРЕТЕРАНО БРЗО Не е во притвор, одземени му се два пасоши

The post СУДОТ НЕ ОПРЕДЕЛИ ПРИТВОР ЗА ВОЗАЧОТ ШТО ГО УСМРТИ ЈОРГО ЌУКА Одземени му се пасошите и возачката дозвола appeared first on plusinfo.mk.

Осум вработени во Казнено-поправната установа Затвор Скопје – Шуто Оризари се соочуваат со обвиненија за тешка злоупотреба на службената положба, откако Јавното обвинителство денеска поднесе обвинителен предлог против нив.

Во фокусот на случајот е поранешниот директор на затворот, Филип Андов – Сокол, кој заедно со двајца полициски службеници, според обвинителството, сториле продолжено кривично дело „Злоупотреба на службена положба и овластување“, додека петмина други затворски полицајци се гонат за „Несовесно работење во службата“.

Истражните органи утврдиле дека во периодот од март до јули 2024, обвинетите на петмина осуденици им овозможувале недозволени поволности, вклучително и излегување од затворот до нивните домови или на приватни локации, спротивно на сите законски процедури.

„Во овие дејствија се гледа јасна умисла и координација. Овие службени лица свесно ги прекршиле правилата и со тоа го нарушиле угледот и безбедноста на затворската установа“, се наведува во обвинителниот предлог од Специјализираното одделение за гонење на дела сторени од лица со полициски овластувања.

Оваа постапка следи по полициската акција од 20 февруари 2025 година, кога МВР приведе десет лица по извршени контроли на Управата за извршување санкции. Тогаш, покрај Андов, беше уапсен и затворскиот полицаец С.К., под сомнение за овозможување бегство на лице лишено од слобода.

Истата вечер, Судија на претходна постапка од Основниот кривичен суд Скопје определи мерки за претпазливост за сите десетмина. Тие вклучуваат забрана за напуштање на живеалиште, обврска за редовно јавување во судот, привремено одземање на пасошите и забрана за контакт со одредени лица.

За две лица постапката беше прекината поради недостаток на докази.

The post ДОЗВОЛИЛЕ ЗАТВОРЕНИЦИ ДА ШЕТААТ СЛОБОДНО ОД ЗАТВОР ДО ДОМА Обвинителство ги товари директорот Андов и уште 7 лица за тешка злоупотреба appeared first on plusinfo.mk.