Министерот за економија и труд Бесар Дурмиши вели дека цените на основните прехранбени производи се стабилни и дека засега нема потреба од мерки. Доколку кризата продолжи и има енормно зголемување, ќе бидат воведени мерки со цел да им се излезе во пресрет на граѓаните.

– Од 55 најпродавани производи, растот е минимален и изнесува само 0,43%, така што цените се стабилни. Ако забележиме девијантно однесување, како што сме постапиле порано, така ќе постапиме и сега. Значи, за 0,43% се зголемени цените, што покажува дека имаме стабилни цени – рече Дурмиши одговарајќи на новинарски прашања по прес-конференцијата, на која беше презентиран оперативниот план за вработување за 2026 година.

Тој вели дека една од опциите за мерки е намалување на ДДВ-то.

Во однос на инфлацијата, Дуршими вели дека имаме пониска инфлација од други држави и дека мерките што се преземени досега даваат резултати. До крајот на неделата тој очекува Државниот завод за статистика да излезе со нови информации за инфлацијата.

The post НЕМА ИНТЕРВЕНТНИ МЕРКИ ЗА ЦЕНИТЕ Дурмиши вели дека тие се стабилни appeared first on plusinfo.mk.