Во пожарите  во земјите од ЕУ изгореа 700.000 хектари, а шеснаесет земји имаа пожари над просекот, изјави комесарката на Европската комисија Хаџа Лахиб, најавувајќи ги новите мерки на телото во борбата против шумските пожари.

– Штетата од топлотни бранови, суши и пожари во ЕУ оваа година веќе изнесува 28,3 милијарди евра, нагласи Лахиб, додавајќи дека земјоделството е под најголем притисок.

Таа додаде дека ЕУ одговори на сите десет повици за помош во и два надвор од Европа, 40 пати со воздухопловните сили и 18 тимови на терен со 777 пожарникари од 14 европски земји.

ЕУ моментално има на располагање 18 авиони и пет хеликоптери, од кои еден за прв пат е целосно финансиран со европски пари, рече белгиската политичарка.

Таа објави дека ЕУ се движи кон обединување на пожарникарите во таканаречени  „европски пожарникари“.

На својата веб-страница, Европската комисија најавува воспоставување на центар за гаснење пожари на Кипар кој ќе биде достапен за медитеранската област, со шест противпожарни станици и полигони за обука на пожарникари.

ЕУ, исто така, помага во борбата против пожарите преку Европскиот информативен систем за шумски пожари (EFFIS), кој со помош на сателитски снимки и беспилотни летала дава предвидувања за претстојните опасности и го следи ширењето на пожарите во живо.

The post ОВА ЛЕТО ВО ЕВРОПА ИЗГОРЕА 700.000 ХЕКТАРИ Вкупната штета од сушата и пожарите се проценува на 28,3 милијарди евра appeared first on plusinfo.mk.