„Дали Путин ќе ја нападнеше Украина ако не се случеше пандемијата на коронавирус? Никој не може да каже“.

Вака изјави поранешната германска канцеларка Ангела Меркел во експлозивно интервју за унгарскиот медиум „Партизан“, во кое директно ги обвини Полска и балтичките земји дека ја саботирале дипломатијата со Русија и со тоа, посредно, ја овозможиле инвазијата врз Украина, јави Партизан.

„Сакав да зборуваме директно со Путин“

– Затоа сакав нов формат во кој ќе можеме директно да разговараме со Путин како Европска унија. Некои луѓе не го поддржаа тоа. Тоа беа пред сè балтичките земји, но и Полска беше против – изјави Меркел, алудирајќи на пропаднатите обиди за заеднички фронт во преговорите.

Според неа, овие земји биле „исплашени“ дека ЕУ ќе изгуби заедничка политика кон Русија.

– Во секој случај, тоа не се случи. Потоа ја напуштив функцијата и потоа почна агресијата на Путин – заклучи Меркел.

„Минскиот договор донесе мир… само привремено“

Меркел ја бранеше валидноста на првиот Мински договор, потпишан во септември 2014 година, меѓу претставници на Русија, Украина и ОБСЕ. Според неа, тој договор „донел мир“ во периодот од 2015 до 2021 година, додека Украина се подготвувала.

– Украина, која беше поразена од Русија за време на летната контраофанзива во 2015 година, доби време да собере сила и да стане поинаква земја – истакна таа.

Сепак, екс-канцеларката негира дека тој договор влијаел врз Путиновите соработници.

Од јануари 2015, само четири месеци по првиот договор, борбите во Донбас се разгорија. Русија и проруските формации влегоа во директни судири со украинските сили. Наредниот договор, познат како Минск II, беше потпишан во февруари, но до 2021 година, според украински извештаи, над 5.000 војници биле убиени или ранети и покрај обврзувачкиот прекин на огнот.

„Пандемијата ги уништи компромисите“

Меркел потенцираше и клучен момент кој, според неа, ја изменил динамиката на светската политика – коронавирусот.

– Коронавирусот ја промени светската политика бидејќи повеќе не можевме да се среќаваме. Ако не можете да се сретнете и да ги решите разликите во мислењата, тогаш повеќе не можете да најдете нови компромиси. Видеоконференциите не се доволни во таква ситуација – рече некогашната канцеларка.

Таа тврди и дека самиот Владимир Путин не присуствувал на самитот на Г20 во 2021 година „од страв од пандемијата на коронавирус“.

„Полска го блокираше договорот“

Целосната теза на Меркел се фокусира на тоа дека Полска и балтичките држави не поддржале продолжување на Минските преговори, што според неа, довело до колапс на дипломатскиот канал меѓу ЕУ и Москва.

– Според моето видување на историјата, тоа што Полска одби да ги поддржи Минските договори му даде охрабрување на Путин да ја нападне Украина во 2022 година – изјави Меркел.

The post КАНЦЕЛАРКАТА ПРОЗБОРЕ, ЈА ОБВИНИ ПОЛСКА ЗА ВОЈНАТА Да не беше ковид-кризата Путин немаше да нападне, тврди Меркел appeared first on plusinfo.mk.