– Ова немаше да биде проблематично, доколку не беше спротивно на Законот за енергетика, поточно член 17 став 3 точка 2. Согласно приложената документација која е јавна, овој предлог кадар на ДУИ не го исполнува овој услов. Мерита Дема се стекнува со прво вработување на ден 14.03.2013 година. За потсетување, денес сме 26.01.2022 година со што наведениот услов во Законот за енергетика целосно е прекршен. Мерита Дема во последните 15 години никако не може да има 10 години работно искуство во енергетиката, прво поради својата возраст, своето дипломирање, како и поради датумот на своето прво вработување. Ова е класично кршење и газење на законите и прописите во Република Македонија – рече Стојановски.

Поради ова пратеничката група на ВМРО-ДПМНЕ бара власта да одговори како може некој кој е нестручен и не ги исполнува законските услови да биде избран за член во тело кое ја регулира цената на струјата, гасот, парното и водата.

– Очигледно, власта свесно го прави ова и избира кадри кои за возврат ќе потпишуваат и аминуваат секакви одлуки за зголемување на цените на струјата, парното, горивата и гасот. Тоа е начинот на кој оваа власт размислува и функционира. Колку за потсетување, ова е веќе трет ваков случај. Ова е трето кршење на Законот за енергетика со противзаконски избор на членови на РКЕ.

Пратеничката група на ВМРО-ДПМНЕ на денешната пленарна седница предложи оваа точка да се тргне од дневен ред, но тој предлог беше одбиен.

– Уште еднаш, апелираме до Владата веднаш и без двоумење да го повлече овој предлог за именување на овој член на РКЕ. Тоа е реалноста во Македонија кога СДСМ и ДУИ е на власт. Така СДСМ владее отсекогаш. Тоа е матрицата на оваа власт. Токму затоа сме меѓу најкорумпираните, економско најслабите држави во Европа и светот. Ова мора да престане, на ова лудило мора конечно да му се стави крај бидејќи вака веќе не може – порача Стојановски.

The post НЕСООДВЕТЕН КАДАР ОД ДУИ ВЛЕГУВА ВО РЕГУЛАТОРНА? Од ВМРО-ДПМНЕ предупредуваат за нов скандал appeared first on plusinfo.mk.

– Од приложените документи се гледа дека на 27.12.2021 година владата на Заев и Ахмети испратила документ со којшто се предлага тоа да биде Мерита Дема, кадар на ДУИ. Дури во дописот во точка 2 е цитирано дека согласно Законот за енергетика за член на РКЕ се избира државјанин на Република Македонија кој во последните 15 години пред именувањето  има најмалку десет години работни искуство во енергетиката, односно во обезбедувањето на водни услуги – изјави Антовски.

Од ВМРО-ДПМНЕ ги приложија оргиналните документи од страната на Собранието, каде јасно се гледа дека Мерита Дема е родена на 29.6.1990 година, дипломирала на  8.11.20212, а прво вработување и било на 14.3.2013 година. За потсетување, денеска е 12.1.2022 година со што наведениот услов во Законот за енергетика целосно е прекршен. Од партијата нагласаија дека Мерита Дема во последните 15 години не можела да има 10 години искуство во енергетиката, поради својата возраст, дипломирање и прво вработување кое било во март 2013  година.

– Дали со ова грубо кршење на Законот за енергетика, Заев му се заблагодарува на својот коалиционен партнер ДУИ што му ја спаси власта – прашува Антовски.

Ова е класичен пример за партизација на институциите како Регулторната комисија која треба да биде независно тело. Ова е типичен пример за причина зошто е потребен рестарт со менување на власта. Без тоа ќе функционираме како најкорумпирана држава во која нема владеење на правото и законите, туку само бизнис интереси на СДСМ и ДУИ, додаде членот на Комисијата за енергетика на ВМРО-ДПМНЕ.

The post НОВО ПАРТИСКО ВРАБОТУВАЊЕ ВО РКЕ Од ВМРО-ДПМНЕ обвинуваат за свесно кршење на законот од страна на владината коалиција appeared first on plusinfo.mk.