Новите американски царини за автомобили од Европската Унија најмногу ќе ги погодат германските производители.

Царината од 25 проценти за автомобили произведени во ЕУ и извезени во САД би можела да предизвика дополнителни годишни трошоци од околу 2,5 милијарди евра (2,9 милијарди долари) за германскиот автомобилски сектор, покажува истражување објавено денеска.

Како што пренесува ДПА, се очекуваат и зголемени трошоци за извозот на германските производители кои произведуваат во други земји од ЕУ, според анализата на Центар за автомобилски истражувања.

Директорот на центарот, Фердинанд Дуденхофер, оцени дека мерката, која ја најави американскиот претседател Доналд Трамп, иако формално се однесува на целата ЕУ, е јасно насочена кон Германија.

– Бидејќи извозот на други странски производители на автомобили во САД е помал, новите царини може да се толкуваат како почеток на економска војна насочена кон Германија – изјави Дуденхофер.

Тој додаде дека е малку веројатно производителите целосно да го преземат товарот од царините.

– Ќе се направи обид дел од трошокот да се префрли врз американските купувачи преку зголемување на цените – посочи тој.

Според него, германските брендови имаат корист од силната лојалност на клиентите, што значи дека купувачите веројатно нема лесно да се префрлат на конкуренцијата.

Дуденхофер нагласи дека влијанието од царините ќе биде различно. Компаниите како „мерцедес“ и „бмв“ имаат големи производствени капацитети во САД и делумно се заштитени, бидејќи значителен дел од нивната продажба се базира на возила произведени таму.

Од друга страна, „порше“ и „ауди“ се поизложени на ризик, што може да ги забрза нивните планови за отворање производствени погони во САД.

Генерално, новите царини би можеле дополнително да го зголемат притисокот врз производителите да го префрлат производството надвор од Германија.

The post МИЛИЈАРДИ ЕВРА ЗАГУБА ОД НОВИТЕ ЦАРИНИ Германските брендови пред голем предизвик appeared first on plusinfo.mk.

Во тешка сообраќајна несреќа на скопската обиколница, кај клучката за Приштина, што се случила во неделата, повредени се седуммина млади луѓе, сите помлади од 23 години, соопшти полицијата.

„На 26.04.2026 околу 14:00 часот во СВР Скопје е пријавено дека на скопската обиколница, на клучката Стенковец, се случила сообраќајна несреќа помеѓу патничко возило „БМВ“ со скопски регистарски ознаки, управувано од Е.А.(23) од Скопје и патничко возило „мерцедес“ со скопски регистарски ознаки, управувано од Ф.Ќ.(22) од с.Грчец, Скопско. Во несреќата со тешки телесни повреди се здобиле сопатникот од патничкото возило „БМВ, Ф.М. и сопатничката од патничкото возило „мерцедес“ Е.Б.(23), додека со телесни повреди 23-годишната Е.А. и другите сопатници Ф.Х.(21) од с.Кондово, скопско, З.И.(22) од Скопје и Џ.Ф.(22) и Б.А.(18), двете од с.Раовиќ, Скопско, констатирани во Комплекс клиники „Мајка Тереза“ Скопје и Јавна здравствена установа „Св.Наум Охридски“ Скопје. Извршен е увид од екипа на СВР Скопје“, соопшти полицијата.

The post ВО ТЕШКА СООБРАЌАЈКА КАЈ СТЕНКОВЕЦ ПОВРЕДЕНИ 7 МЛАДИ ЛУЃЕ Сите се на возраст под 23 години appeared first on plusinfo.mk.

Валентин Манасиевски од ВМРО-ДПМНЕ го праша Андреј Жерновски, меѓународен секретар на СДСМ, во чија сопственост е ултра модерниот автомобил „мерцедес“ што го вози и ако е на Жерновски – зошто не е пријавен во ланскиот имотен лист.

„Неакредитираниот амбасадор и очаен дипломат, Андреј Жерновски, пред 2 недели во гостување на поткаст вели дека нема во сопственост автомобил марка „мерцедес“ со регистарски таблички од иста бројка, туку дека некогаш во животот возел „мерцедес“, во сопственост на негов братучед. Но, светот е мал, па вистината се дознава прилично брзо. Би сакал да го прашам господинот Жерновски, дали автомобил марка „мерцедес“ со регистарски таблички SK 8888 ZA е во негова сопственост? Ако да, зошто не е пријавен во имотниот лист кој го има во ланскиот извештај?“, напиша Манасиевски на Фејсбук.

Тој прашува колкава е цената на овој ултра модерен „мерцедес“ со регистарски таблички со негови иницијали.

The post ВО ЧИЈ „МЕРЦЕДЕС“ СЕ ВОЗИ ЖЕРНОВСКИ И ЗОШТО ИМА НЕГОВИ ИНИЦИЈАЛИ НА ТАБЛИЧКИТЕ? Манасиевски прашува колку чини ова ултра модерно возило appeared first on plusinfo.mk.

На социјалните мрежи се појави видео од необичен погреб во провинцијата Лјаонинг, Кина, каде што починат човек бил закопан заедно со својот луксузен автомобил „мерцедес“.

На видеото се гледа како црн луксузен „мерцедес“ се спушта во гробот со помош на багер, а потоа заедно со покојникот бил закопан како дел од погребната церемонија.

Возилото, кое во Кина се продава по цена од најмалку 1,1 милион јуани (околу 137.000 евра), било ставено во гробот во речиси непроменета состојба. На автомобилот била врзана црвена лента, по што бил затрупан со земја заедно со починатиот.

Посебно внимание привлече регистарската табличка „8888“. Во Кина, бројот 8 се смета за симбол на богатство и среќа, а ваквите таблички скапо чинат.

Локалната јавност е поделена околу случајот. Дел од луѓето сметаат дека станува збор за искрен чин на почит кон починатиот, кој ја имал таа желба пред да умре. Други го критикуваат настанот како претерано покажување богатство и екстравагантна погребна култура. Некои коментираат дека вакви сцени би можеле да привлечат и кражби.

The post 🎥 КИНЕЗ ПОГРЕБАН ЗАЕДНО СО НЕГОВИОТ ЛУКСУЗЕН „МЕРЦЕДЕС“ Тоа му била последна желба appeared first on plusinfo.mk.

Две паркирани возила изгореа во раните утрински часови на паркинг во Гевгелија, а полицијата истражува како дошло до пожарот.

Според информациите, пожарот бил пријавен околу 03:50 часот на улицата 7 Ноември. Огнот зафатил патничко возило „мерцедес“ со гевгелиски регистарски ознаки, сопственост на лице од селото Ѓавато, како и автомобил „хјундаи“ со чешки национални ознаки, сопственост на државјанин на Чешка.

Во пожарот нема повредени лица. Интервенирала екипа на Територијалната противпожарна единица од Гевгелија, која го изгаснала огнот, по што бил извршен увид.

Надлежните служби работат на утврдување на причините за пожарот.

The post 📷 ИЗГОРЕА ДВА АВТОМОБИЛИ ВО ГЕВГЕЛИЈА Пожар на паркинг во раните утрински часови appeared first on plusinfo.mk.

Вчера навечер и до раните утрински часови, полицијата во Скопје спроведе засилена акциска контрола низ Центар и низ Бит Пазар, по што лиши од слобода две лица. Причина: управување со патнички возила со прикриени регистарски ознаки.

Возачите С.С. и М.А. кои управувале патнички возила „мерцедес“ и се сомнева дека сториле кривични дела за прикривање на ознаки. За време на контролната акција откриен е и еден прекршок поврзан со оружје. Двете возила им биле одземени.

Во текот на проверките биле контролирани 24 лица, прегледани 17 лица и четири возила, при што откриени се седум сообраќајни прекршоци.

Полицијата исто така вршела превентивни обиколки во паркот на Капиштец, околу угостителскиот објект на булеварот „Партизански одреди“ и кај игралиштето „Дрвен Град“, каде што често се собираат малолетници.

Акциските контроли продолжуваат и во наредниот период со цел одржување на редот и безбедноста на централните градски подрачја.

The post НАДМУДРУВАЊЕ СО „СЕЈФ СИТИ“ Се обиделе да ги прикријат таблиците, но полицијата не им даде шанса appeared first on plusinfo.mk.

Она што требало да биде обично излегување од паркинг се претворило во една од најскапите сообраќајни несреќи во Германија оваа година, со вкупна материјална штета проценета на околу 1,2 милиони евра.

Неименувана 22-годишна девојка со својот „мерцедес“ предизвикала серија судири во германскиот град Вертхајм, објавува швајцарскиот портал „Блик“, повикувајќи се на полициски извештај.

Според информациите, девојката го напуштала паркингот кај станиците за полнење електрични возила, кога се судрила со друг „мерцедес“, при што е предизвикана материјална штета од околу 80.000 евра.

Инцидентот, сепак, тука не завршил. Веројатно во шок, возачката продолжила да притиска на педалата за гас, по што удрила во станица за полнење електрични возила, предизвикувајќи дополнителна штета од околу 10.000 евра.

Непосредно потоа, возилото неконтролирано продолжило да се движи, ја пробило оградата на индустрискиот комплекс и оштетило инфраструктура во вредност од околу 2.000 евра.

Кулминацијата на инцидентот се случила кога „мерцедесот“ удрил во транспортен контејнер, во кој се наоѓал скап систем за складирање електрична енергија со контролна електроника. И контејнерот и неговата содржина биле сериозно оштетени, а штетата е проценета на околу 1 милион евра.

Дополнително, и возилото на 22-годишната девојка претрпело оштетувања во износ од околу 100.000 евра.

Според полициските проценки, вкупната материјална штета достигнува приближно 1,2 милиони евра. И покрај драматичната низа судири, во несреќата нема повредени лица.

The post НАЈСКАПАТА СООБРАЌАЈНА НЕСРЕЌА ГОДИНАВА Излегување од паркинг заврши со штета од 1,2 милиони евра appeared first on plusinfo.mk.

Во трагична сообраќајна несреќа што се случи на 3 јануари вечерта во скопското село Волково, 40-годишна жена управувајќи автомобил „мерцедес“ удрила во пешакот Горан Иваноски, кој настрадал на лице место.

Според информациите од обвинителството, осомничената задржувала правец на движење, но не обрнала доволно внимание на пешаците на коловозот. Иваноски се движел покрај десниот рабник вдолж коловозот, но поради ударот со предниот десен дел од возилото, се здобил со повреди од кои починал на лице место.

Јавниот обвинител поведе постапка против скопјанката за тешки дела против безбедноста на луѓето и имотот во сообраќајот. За да се утврдат сите околности на несреќата, се наредени вештачења, а осомничената се предложени мерки на претпазливост – забрана за напуштање на живеалиштето и одземање на патната исправа.

The post СКОПЈАНКА ОБВИНЕТА ПО ТРАГЕДИЈАТА ВО ВОЛКОВО Обвинителството предложи мерки за 40-годишната жена appeared first on plusinfo.mk.

Трагедија во скопското село Волково – 60-годишен пешак загина откако беше прегазен од автомобил управуван од 40-годишна жена од Скопје. Несреќата се случила на улицата 100 вечерта на 3 јануари, а смртта на пешакот била констатирана на самото место од лекар од Итната медицинска помош.

Жената веднаш била лишена од слобода од страна на полициски службеници од СВР Скопје. Полицијата го извршила увидот, а се уште се собираат сите податоци за причините и околностите на трагичниот настан.

Според извори од полицијата, возилото учествувало во ударот беше „мерцедес“ со скопски регистарски ознаки, управувано од обвинетата. Случајот ќе биде предаден на надлежните органи за понатамошно постапување.

The post ЗАГИНА ПЕШАК ВО ВОЛКОВО Полицијата ја приведе 40-годишната скопјанка appeared first on plusinfo.mk.

Осум лица се повредени во несреќата која вечерва се случи во 20:05 часот, на патот Гостивар-Тетово, веднаш после клучката „Камењане“.

Во овој сериозен судир учествуваа патничкото возило „мерцедес“ со австриски регистарски ознаки и „бмв“ со тетовски таблички.

Во несреќата повреди добија осум лица, кои веднаш беа пренесени со возила на Итна медицинска помош во Клинички центар Тетово. Од полицијата информираат дека сообраќајот се одвиваше по една коловозна лента додека трае увидот.

The post ОСУММИНА ПОВРЕДЕНИ НА ПАТОТ ГОСТИВАР-ТЕТОВО Страшна несреќа на клучката кај Камењане appeared first on plusinfo.mk.