Германскиот канцелар Фридрих Мерц изрази сочувство откако шест возрасни лица вчера беа застрелани во установа за социјална помош за млади во северниот град Штаде, јави ДПА.

„Веста од Штаде е длабоко шокантна“, напиша Мерц на Икс, додавајќи дека многу луѓе „кои сакале да им помогнат и да ги заштитат другите биле убиени или повредени“.

„Моето сочувство е до жртвите и нивните семејства“, рече тој, исто така заблагодарувајќи им се на полицајците за нивната брза реакција.

Полицијата соопшти дека шест вработени во установата за социјална помош за млади биле убиени во вчерашниот напад.

Прелиминарните наоди сугерираат дека мотивот веројатно бил спор за старателство, наведуваат истражителите.

Осомничениот напаѓач, 45-годишен маж роден во Германија со турско потекло, бил уапсен подоцна попладнето додека бегал, соопшти полицијата.

The post ШЕСТМИНА ЗАСТРЕЛАНИ ПРИ КАВГА ВО СОЦИЈАЛНА УСТАНОВА Канцеларот Мерц шокиран од злосторот во северна Германија appeared first on plusinfo.mk.

Германскиот канцелар Фридрих Мерц изрази задоволство од атмосферата на неговите разговори со американскиот претседател Доналд Трамп и другите челници, велејќи дека Трамп соработувал за време на дискусиите за војната во Украина на самитот на Г7 во францускиот град Евијан.

– Ми изгледаше многу соработлив и видов дека слушаше многу внимателно – рече Мерц за Трамп, осврнувајќи се на разговорите за војната во Украина, пренесува германската новинска агенција ДПА.

Тоа на германскиот канцелар му дало одреден степен на оптимизам дека европската и американската страна сега ќе работат заедно за да ја завршат „руската војна“.

На прашањето дали Трамп се обврзал да поддржи нови санкции и дека Европејците ќе имаат место на преговарачката маса, Мерц рече дека тоа „никогаш не било доведено во прашање“.

– Сосема е јасно дека Русија не може воено да ја добие војната – уверува Мерц, тврдејќи дека „руската економија се задушува под товарот на војната и санкциите“.

– Ова би можело, можеби за првпат, да отвори можност за мир – рече германскиот канцелар.

Мерц добил впечаток дека Трамп „постепено се отвора кон оваа проценка и бара начин да се стави крај на војната“.

The post САД И ЕУ ПОВТОРНО НА ИСТА ЛИНИЈА ЗА УКРАИНА? Мерц оптимист поради однесувањето на Трамп на самитот Г7 appeared first on plusinfo.mk.

Во овие две години откако сум претседател на Владата пораките од Самитот ЕУ-Западен Балкан во Тиват беа најсилни а тоа е дека процесот на проширување не е завршен. Францускиот претседател Емануел Макрон и германскиот канцелар Фридрих Мерц дадоа силен мотив да продолжиме во делот на реформите, да испорачуваме, врз основа на методот на заслуга, а не врз основа на билатерални прашања и тоа беше неколку пати потенцирано на самиот самит, изјави денеска премиерот Христијан Мицкоски.

Во врска со „нон пејперот“ на Макрон и Мерц, Мицкоски посочи дека институциите во Брисел веќе добиле инструкции за операционализација на овој документ, што ќе овозможи поголемо користење на одредени алатки од страна на земјите од регионот и почести состаноци на високо ниво.

-Она што го слушав и од францускиот претседател и од германскиот канцелар, а и таму во работниот дел од Самитот, можев да заклучам дека документот што тие го имаат подготвено, „нон пејперот“, институциите во Брисел веќе добиле инструкции за негова операционализација и претставува значајно подигнување на нивото на односи помеѓу Западен Балкан и Европската Унија, односно, тој документ и таа реформа овозможуваат механизам со којшто ќе имаме, поголемо користење на одредени алатки од страна на земјите на Западен Балкан и тој никако не е во конфликт со проширувањето. Тоа се два паралелни процеси. Ова е еден процес, а проширувањето си останува како друг процес, нагласи Мицкоски одговарајќи на новинарски прашања по посетата на Институтот за јавно здравје.

Мицкоски информира дека на самитот било договорено да има почести состаноци кои нема да бидат веќе на ниво на самити ЕУ Западен Балкан – два пати годишно, еднаш во јуни, еднаш во декември, туку најмалку два пати месечно.

-Тоа ќе значи дека ќе можете со луѓето кои што одлучуваат да разговарате и да креирате политики и да ја градите иднината заедно, така што во секој случај и францускиот претседател и германскиот канцелар дадоа силен мотив да продолжиме во делот на реформите, да испорачуваме, врз основа на методот на заслуга, а не врз основа на билатерални прашања и тоа беше неколку пати потенцирано на самиот самит. Така што јас се враќам од самитот навистина задоволен и инспириран да продолжиме сите во Владата да работиме уште попосветено и уште помотивирано за да можеме да ги користиме сите оние алатки кои што со овие нови механизми ќе ни бидат ставени на располагање, рече Мицкоски.

Одговарајќи на новинарски прашања во врска тоа дека Македонија не била спомената на прес-конференцијата во Тиват, како и на пораките од претседателот на Европскиот совет, Антонио Кошта, и бугарскиот премиер Румен Радев дека без уставни измени нема поместување во процесот, Мицкоски истакна дека неговиот оптимизам е цврсто заснован на директните разговори во Црна Гора.

-Мојот оптимизам се темели на тоа што јас бев единствениот од земјите од Западен Балкан кој имаше билатерални состаноци и со францускиот претседател Макрон и со германскиот канцелар Мерц. И точно знам што се зборуваше на тие состаноци и точно знам што ќе следи во периодот којшто е пред нас – рече премиерот, додавајќи дека од страна на соговорниците добил одговори на некои од дилемите и кога ќе се земе сето ова предвид, оттаму доаѓа неговиот оптимизам.

​Мицкоски ја отфрли како неточна тезата на одредени експерти дека планот од „нон-пејперот“ не може да се аплицира за Македонија поради тоа што земјата формално ги нема стартувано преговорите по кластери. Според него, документот е прецизно направен за да овозможи механизми дури и за земјите кои се само кандидати или немаат одржано прва меѓувладина конференција.

-Планот на Мерц и Макрон ги вклучува сите земји на Западен Балкан. Не се сите земји на исто ниво во процесот на, на интеграција, но ги вклучува сите земји на Западен Балкан – групата шест и не е поврзан со процесот на проширување, бидејќи и едниот и другиот паралелно продолжуваат. Да, точно е, одредени делови од овој план подразбираат одредени поглавја да бидат затворени, но и тука ќе има во периодот кој што следи одредени поместувања, додаде премиерот.

Тој, одговарајќи на новинарско прашање, повтори дека додека е тој претседател на Владата нема никогаш да поддржи уставни измени во кои што нема да имаме јасен крај дека ќе го почнеме процесот и ќе го завршиме.

-Додека немам јасни гаранции дека нема да има повеќе билатерални прашања и идентитетски прашања, само таков тип на уставни измени можам да поддржам. Сè останато нема никогаш да го, еве поддржам, рече Мицкоски.

Во однос на тоа дали наишол на разбирање за оваа тема на средбите со Мерц и со Макрон, тој кажа дека и двајцата високи челници на ЕУ покажале голема заинтересираност, и очекува во периодот што следи да има интензивирање на разговорите за оваа тема. Тој истакна дека темелните европски вредности треба да важат за сите.

-Подготвени сме да бараме решение, но непринципиелно е, бидејќи ги слушав вчера изјавите, да се повикувате на почитување на човековите права, нели,  така кажа премиерот на Бугарија, а на бирото да ви стојат четиринаесет пресуди од Судот за човекови права во Стразбур и да не дозволувате македонската земница во Бугарија да си регистрира невладина организација. ната. Или принципите важат за сите или не важат, тоа се темелните европски вредности. Важно е дека многу почесто ќе бидеме во Брисел на масата и ќе можеме да зборуваме. Тоа е многу понапред од тоа што бевме пред година, две, три или или претходно, така што ја повикувам македонската јавност да не подлегнува на било какви притисоци кои што значат неизвесен крај, а дополнително национално понижување за граѓаните во Македонија. Ние мора да сме внимателни и прецизни со јасна стратегија која што ја имаме како влада и која што ја водиме. Имаме пријатели и чекор по чекор ќе дојдеме до целта, порача премиерот одговарајќи на новинарски прашања.

The post МАКРОН И МЕРЦ НИ ДАДОА СИЛЕН МОТИВ ДА ПРОДОЛЖИМЕ ВО РЕФОРМИТЕ Да напредуваме врз основа на заслуги, а не врз основа на билатерални прашања appeared first on plusinfo.mk.

The post 🎥 ПРОЦЕСОТ НА ПРОШИРУВАЊЕ Е ЖИВ, МНОГУ СУМ ЗАДОВОЛЕН ОД РАЗГОВОРИТЕ Мицкоски од Самитот во Тиват appeared first on plusinfo.mk.

Европска комисија денеска потврди дека го примила писмото од германскиот канцелар Фридрих Мерц, во кое предлага забрзана интеграција на Западен Балкан и Молдавија, како и придружно членство за Украина.

– Тоа покажува дека постои силна посветеност на земјите-членки проширувањето да стане реалност, што е можно поскоро. Многу е јасно дека проширувањето сега е геостратешка инвестиција во нашиот просперитет, мир и безбедност, наведе портпаролот на ЕК, Гијом Мерсие.

Тој додаде дека членството на Украина во ЕУ е суштински поврзано со безбедноста на Унијата, но оти „подеднакво е важно да се заврши процесот на проширување на ЕУ со сите земји-кандидатки кои работат кон пристапување со години“, при што „сите иновативни решенија треба да бидат водени и од процес заснован на заслуги“.

Но, Мерсие не одговори дали идејата за придружно членство во ЕУ е правно можно без измени на договорите и едногласно одобрување од земјите-членки.

– Сè уште не сме во фаза на правна дискусија, туку политичка дискусија што треба да се одржи во рамките на Европскиот совет. Проширувањето е дискусија водена од земјите-членки. Комисијата е таму за да го олесни процесот и да обезбеди експертиза, но прво ни е потребна политичка дискусија, истакна Мерсие.

ПРВО ПРИСТАП ДО ПАЗАРОТ, ПОТОА ЧЛЕНСТВО Мерц бара интеграција „чекор по чекор“ за Западен Балкан 

The post ПРЕДЛОГОТ НА МЕРЦ НАПРЕДУВА НИЗ ЕВРОПСКИТЕ ЛАВИРИНТИ Забрзано, но „постепено“ членство за Западен Балкан, за да влезе и Украина appeared first on plusinfo.mk.

Американскиот претседател Доналд Трамп одговори со жесток вербален напад на острите критики упатени од германскиот канцелар Фридрих Мерц кон американската офанзива врз Иран.

„Тој нема поим за што зборува. Иран да има нуклеарно оружје, целиот свет ќе биде заложник“, напиша Трамп на својот профил на платформата Трут соушл.

„Во моментов правам нешто со Иран што други држави или претседатели требаше одамна да го направат. Не е ни чудо што Германија стои толку лошо, и економски и инаку“, напиша американскиот претседател.

Германскиот канцелар и американскиот претседател некогаш имаа добри односи, а Мерц важеше за еден од ретките европски политичари со директен пристап до Трамп.

Сепак, во последниот период Мерц ја заостри реториката и ги критикуваше САД, обвинувајќи ги дека немаат јасна стратегија за излез од конфликтот со Иран.

Тој предупреди дека Американците влегле во конфликт без јасен план за негово завршување, споредувајќи го тоа со искуствата во Авганистан и Ирак.

КАНЦЕЛАРОТ МЕРЦ СМЕТА ДЕКА ИРАН ГИ ПОНИЖИЛ АМЕРИКАНЦИТЕ Се покажа посилен противник од очекуваното, војната ќе потрае

The post „ТОЈ НЕМА ПОИМ ШТО ЗБОРУВА!“ Трамп вербално му се нафрли на Мерц appeared first on plusinfo.mk.

Иран ги понижи Соединетите Американски Држави и се покажа поотпорен и посилен противник отколку што Вашингтон очекуваше, изјави германскиот канцелар Фридрих Мерц, предупредувајќи дека конфликтот веројатно нема да заврши наскоро.

– Иранците се очигледно посилни од очекуваното, а Американците очигледно немаат навистина убедлива стратегија во преговорите – рече Мерц за време на посетата на училиште во Марсберг, град во неговиот роден регион Зауерланд.

– Проблемот со ваквите конфликти е секогаш ист: не е само да влезете, туку мора да имате начин и да излезете од нив. Тоа го видовме многу болно во Авганистан, 20 години, го видовме и во Ирак. САД сосема очигледно влегоа во оваа војна без јасна стратегија. Во моментов не гледам каков стратешки излез ќе одберат Американците, особено поради тоа што Иранците, очигледно, многу вешто преговараат – или исто така, многу вешто не преговараат – рече германскиот канцелар.

Според него „целата нација на САД е понижена од иранското раководство“.

– Во моментов е прилично заплеткана ситуација. И сите нè чини многу пари. Овој конфликт, оваа војна против Иран, има директно влијание врз нашето економско производство. Германија ја задржува својата понуда да распореди миноловци за да помогне во повторното отворање на Ормуската Теснина, која е клучна за глобалните испораки на нафта – рече канцеларот, додавајќи дека, сепак, предуслов за тоа е да се стави крај на непријателствата.

The post КАНЦЕЛАРОТ МЕРЦ СМЕТА ДЕКА ИРАН ГИ ПОНИЖИЛ АМЕРИКАНЦИТЕ Се покажа посилен противник од очекуваното, војната ќе потрае appeared first on plusinfo.mk.

Европските сили се подготвуваат за заедничка мисија за обезбедување на пловидбата низ Ормуската Теснина, но иницијативата доаѓа во момент кога американскиот претседател Доналд Трамп отворено ја оттурна нивната понуда, порачувајќи дека „сега не му требаат“. Додека Кир Стармер и Емануел Макрон туркаат мултинационален, „строго мирен и дефанзивен“ ангажман, Фридрих Мерц и Џорџа Мелони сигнализираат подготвеност за учество – но со различни услови и очекувања за улогата на САД.

Трамп ја отфрли европската помош и прати јасна порака

– Им реков да се држат настрана, освен ако само не сакаат да ги наполнат своите бродови со нафта. Беа бескорисни кога ни беа потребни, хартиен тигар – напиша Трамп, одговарајќи на понудата од НАТО за помош во теснецот, со што практично ја оттурна европската иницијатива во оваа фаза. Тој притоа им се заблагодари на Саудиска Арабија, ОАЕ и Катар за, како што наведе, „големата храброст и помош“, најавувајќи дека Иран, со поддршка од САД, ќе ги отстрани сите мини од Ормуската Теснина.

Паралелно со оваа остра реакција од Вашингтон, Лондон и Париз веќе ја градат рамката за идната мисија, која според нив треба да се активира штом безбедносните услови го дозволат тоа, односно по стабилизирање на ситуацијата по конфликтот со Иран. Во таа насока, европските лидери се обидуваат да соберат поширока коалиција од земји заинтересирани за непречен проток на нафта и гас низ еден од најважните светски поморски коридори.

Лондон и Париз ја градат мисијата за Ормус

– Можам да потврдам дека заедно со Франција, Обединетото Кралство ќе предводи мултинационална мисија за заштита на слободата на пловидба штом условите го дозволат тоа. Ова ќе биде строго мирно и дефанзивно, како мисија за смирување на комерцијалниот превоз и поддршка на чистењето на мини, а ги покануваме сите нации кои имаат интерес за слободниот тек на глобалната трговија да ни се придружат, при што некои веќе ја изразија својата подготвеност да придонесат – изјави Стармер.

Тој најави дека иницијативата ќе добие конкретна форма веќе следната недела, кога во Лондон ќе се одржи конференција за воено планирање, на која ќе се прецизираат составот и задачите на мисијата, нагласувајќи дека повеќе од десетина земји веќе понудиле ресурси и капацитети за учество.

Германија бара правила, мандат од ООН и САД во системот

Германија ја поддржува идејата, но инсистира на јасни политички и правни рамки, како и на поширока меѓународна поддршка. Берлин гледа на мисијата како дел од поширок напор за гарантирање на слободата на пловидба, но истовремено сака да избегне еднострано ангажирање без јасен мандат.

– Ние сме способни за тоа, можеме да придонесеме со чистење мини и поморско извидување, но потребна е јасна правна основа, на пример преку резолуција на Советот за безбедност на ОН, како и одлука на владата и мандат од Бундестагот, заедно со одржлива воена стратегија. Тоа би било пожелно од наша гледна точка и во однос на евентуалната вклученост на САД, доколку е можно – рече Мерц.

Осврнувајќи се на одлуката на Техеран повторно да го отвори теснецот, германскиот канцелар нагласи дека тоа мора да се спроведе без условувања и во согласност со меѓународното право, за да се избегнат нови тензии околу протокот на енергенси.

– Тоа мора да биде уредено во целосна согласност со меѓународното поморско право, на таков начин што нема да има никакви ограничувања. Иран мора да го отвори теснецот сигурно, трајно и без да бара плаќања од каков било вид – истакна Мерц.

Италија се приклучува, се чека стабилизација на терен

Италија, пак, најави конкретен придонес, но со јасни внатрешни процедури. По разговорите во Париз, Рим сигнализира дека е подготвен да се приклучи на евентуалната мисија, нагласувајќи ја важноста на иницијативата за глобалната економија и енергетската стабилност.

– Иницијативата е исклучително важна и затоа сметав дека е неопходно лично да присуствувам. Италија е подготвена да стави на располагање морнарички единици за обезбедување на превозот во теснецот, но секое распоредување ќе мора да добие одобрение од парламентот согласно уставните процедури – изјави Мелони.

Во меѓувреме, Трамп ја поздрави одлуката на Иран повторно да ја отвори Ормуската Теснина, нагласувајќи дека „никакви пари нема да се разменуваат на кој било начин, форма или вид“, додека САД ќе продолжат со сопствена поморска контрола насочена кон бродови поврзани со Иран.

The post ОТВОРЕНИОТ ОРМУЗ ИМ ОТВОРИ АПЕТИТ ЗА АКЦИЈА! Европските сили се нудат, Трамп ги откачува: „Каде бевте до сега?“ appeared first on plusinfo.mk.

Берлин и Киев ќе ги координираат напорите за враќање на украинските мажи на воена возраст кои живеат во Германија во нивната матична земја, објави германскиот канцелар Фридрих Мерц по состанокот со претседателот на Украина, Вoлoдимир Зеленски.

Зборувајќи на заедничката прес-конференција со Зеленски во Берлин денеска, Мерц ја повтори „поддршката на германската влада за напорите на Украина да го намали бројот на украински мажи на воена возраст кои ја напуштаат својата матична земја“.

Според германскиот канцелар, „ова е од суштинско значење за обезбедување на одбранбените способности на Украина, социјалната кохезија и реконструкцијата“.

„Ни треба брз, видлив напредок тука, исто така во интерес на двете страни“, нагласи тој.

Зеленски се согласи дека прашањето „мора да се реши“, додавајќи дека „секако, нашите вооружени сили би сакале овие луѓе да се вратат во Украина“.

Во јануари Мерц слично ја повика Украина да создаде услови што ќе ги охрабрат нејзините млади мажи да останат во земјата, наместо да бегаат во Западна Европа.

The post МЛАДИТЕ УКРАИНЦИ ПОБЕГНАТИ ВО ГЕРМАНИЈА ЌЕ БИДАТ ВРАТЕНИ НА ФРОНТ Зеленски и Мерц прават договор appeared first on plusinfo.mk.

Камерите го фатија моментот кога германскиот канцелар љубопитно го следи настапот на десетици кинески хуманоидни роботи во Пекинг. Кинеските роботи кои можат беспрекорно во група да вежбаат кунг-фу, да прават салто и да се мечуваат го задржаа вниманието на светската јавност.

Западните медиуми пишуваат дека 2026 ќе биде година кога Кина го презема водството во вештачката интелигенција.

Германскиот канцелар Фридрих Мерц е во посета на Пекинг. Тој во понеделникот изјави дека Кина планира да нарача до 120 авиони од Ербас. По средбата со кинескиот претседател Си Џинпинг Мерц откри дека договорот ќе биде важен чекор во проширувањето на економските односи меѓу двете земји, објави „Шпигел“.

Мерц додаде дека постои и можност за други договори со германски компании, иако не сите се финализирани. Тој предупреди и дека трговскиот дефицит меѓу Германија и Кина изнесува повеќе од 80 милијарди евра.

China shows off its AI robotics edge.
German Chancellor Merz gets a taste of how the roles between China and Germany reverse.
Engineers partly uncomfortable with us filming.
An attempt to shut us in a waiting room during the Chancellor’s visit failed. German press too unruly. pic.twitter.com/ROJjcGvSRM

— Michaela Kuefner (@MKuefner) February 26, 2026

The post 📽️ КАНЦЕЛАРОТ ГЛЕДА КАКО КИНА ПЛАНИРА АИ ДОМИНАЦИЈА Мерц најави трговска соработка со Пекинг appeared first on plusinfo.mk.