Седум лица беа повредени во саботата, кога автомобил со голема брзина се заби во пешаци во италијанскиот град Модена, при што најмалку четворица беа сериозно повредени, јавија италијанските медиуми.

Откако ги прегазил пешаците, возачот, на возраст од 31 година, со нож нападнал минувач кој се обидел да го запре. Минувачот бил раскрвавен во главата, но не е посериозно прободен.

Откако група минувачи успеале да го совладаат, напаѓачот бил уапсен од полицијата.

Италијанскиот министер за внатрешни работи Матео Пјантедози изјави дека 31-годишниот напаѓач не е осомничен за терористички акт, туку имал психички проблеми.

Градската префектка Фабриција Триоло на прес-конференција изјави дека возачот, дипломиран економист роден во 1995 година и претходно непознат за полицијата, во 2022 година поминувал низ период на „психолошка нестабилност“.

– Во 2022 година беше на лекување во нашите центри за ментално здравје поради проблеми поврзани со шизоидно нарушување. Потоа исчезна од нашиот радар и, за жал, денес повторно се појави на ваков драматичен и трагичен начин – изјави градоначалникот на Модена, Масимо Мецети.

Неговиот дом во близина на Модена бил претресен, но извори цитирани во италијанските медиуми велат дека досегашната истрага не покажала никакви знаци на радикализација.

Меѓу повредените има и двајца странски државјани – германски турист кој бил на одмор во Италија и жена од Полска. Повредените биле пренесени во повеќе болници низ регионот Емилија-Ромања.

55-годишна жена, која била згмечена во излог на продавница, е хоспитализирана во болницата Оспедале Маџоре во Болоња. Нејзиниот живот е во опасност, а лекарите морале да ѝ ги ампутираат нозете.

Во истата болница на интензивна нега се наоѓа и 52-годишен маж. И уште еден маж, кој бил прегазен од автомобилот, останал без долните екстремитети.

53-годишна и 69-годишна жена биле примени во болницата Баџовара во Модена. Таму се лекува и 69-годишен маж, чии повреди се оценети како полесни.

27-годишна девојка, 71-годишна жена и 47-годишен маж се хоспитализирани во Поликлинико ди Модена. Тие се здобиле со полесни повреди и не се во животна опасност.

 

View this post on Instagram

 

A post shared by @premiernews.mk

The post 🎥 (ВОЗНЕМИРУВАЧКО) СЕ ПОЈАВИ ВИДЕО ОД ПРЕГАЗУВАЊЕТО ПЕШАЦИ ВО МОДЕНА, ИТАЛИЈА Сигурносните камери го фатија бруталниот момент appeared first on plusinfo.mk.

Вечерва (17 април) и утре (18 април) со почеток во 19:30 часот во Кино Манаки во Битола ќе се одржат две претпремиерни проекции на филмот “Железната тврдина” во режија на единствениот македонски добитник на наградата “Златна палма”, режисерот Митко Панов.

Железна тврдина е филм за кревки луѓе, кој од обична филмска работилница со штитеници на Психијатриската болница во Демир Хисар, прерасна во долгометражен филм во кој се раскажуваат најчовечките животни приказни…

Освен осум штитеници на Психијатриската болницата, во главни улоги настапуваат и Синоличка Трпкова, Пол Гордон (САД), Игор Џамбазов, Васко Тодоров (како Тошо Малерот), Стефан Шашков и Јасмина Котевска.

За разлика од физичкото здравје, менталното здравје и менталната хигиена, се чест предмет на стигматизација, додека лицата кои се соочуваат со такви проблеми истовремено се соочуваат и со феноменот на маргинализација.

Од таа перспектива, морален прерогатив на филмот „Железната Тврдина“, е поткревање на нивото на свест и информираноста, со цел надминување на таа друштвена стигма.

На проекцијата ќе бидат присутни режисерот Митко Панов, Јасмина Котевска и Стефан Шашков од Центарот за креативни индустрии „Небо“ кои по проекцијата ќе одговараат на прашања од публиката.

The post „ЖЕЛЕЗНАТА ТВРДИНА“ ВО БИТОЛА Долгометражниот филм кој ги раскажува најчовечките животни приказни со две претпремиери во „Манаки“ appeared first on plusinfo.mk.

Студија која ја поврзува менталната здравствена состојба со ризикот од срцев удар опфатила неверојатни 22 милиони луѓе, што ја прави една од најобемните досега направени на оваа тема.

Анализата, објавена во престижното списание JAMA Psychiatry, го потврдува она што долго време се претпоставуваше – менталните нарушувања не се само „работа на главата“, туку претставуваат директен ризик-фактор за срцето.

Споредени неколку клинички ментални нарушувања со ризикот од акутен коронарен синдром

Катедрата за медицина при University of Calgary спровела анализа во која неколку клинички ментални нарушувања биле споредени со ризикот од акутен коронарен синдром – поим што ги опфаќа срцевиот удар и болката во градите поради намален проток на крв во срцето, состојби кои се сметаат за итни.

Депресивното нарушување, анксиозните нарушувања, посттрауматското стресно нарушување и нарушувањата на спиењето покажале зголемен ризик во обединетите проценки.

Исхемичната срцева болест е меѓу најчестите причини за смртност во светот. Познато е дека третманот на кардиоваскуларните ризик-фактори ја намалува смртноста, но менталните нарушувања често се преклопуваат со традиционалните ризици како хипертензија, дијабетес, дислипидемија и метаболички синдром. Како можни дополнителни фактори се наведуваат и хроничните воспалителни состојби и засилените физиолошки реакции на стрес.

Кои нарушувања носат најголем ризик?

Во студијата „Менталните нарушувања како фактор на ризик за акутен коронарен синдром“, истражувачите пребарувале бази како MEDLINE, Embase и PubMed за трудови што ги анализираат менталните нарушувања дијагностицирани пред појава на акутен коронарен настан.

Резултатите се загрижувачки:

Посттрауматско стресно нарушување (ПТСП) – лицата со оваа дијагноза имаат речиси трипати поголем ризик од срцев удар.

Инсомнија и нарушувања на спиењето – поврзани се со околу 60% повисок ризик од срцеви проблеми.

Анксиозни нарушувања – го зголемуваат ризикот за 63%.

Депресија – иако често се споменува, во оваа студија е поврзана со 40% повисок ризик, што и понатаму претставува значаен фактор.

Злоупотреба на супстанци – лицата со вакви проблеми имаат двојно поголем ризик во споредба со општата популација.

Како менталното здравје „удира“ на срцето?

Научниците објаснуваат дека врската меѓу менталното здравје и срцевиот удар не се сведува само на лоши навики, како пушење или физичка неактивност кај депресивните лица. Поврзаноста има и биолошка основа:

Хронична воспалителна состојба – менталниот стрес предизвикува воспалителни процеси кои ги оштетуваат крвните садови.

Хормонален дисбаланс – постојано покачените нивоа на кортизол и адреналин го држат срцето во состојба на „постојана готовност“, што го исцрпува срцевиот мускул.

Променет физиолошки одговор – кај анксиозноста и ПТСП, зголемениот пулс и крвниот притисок стануваат хронична, а не моментална реакција.

Пораката на истражувачите: скринингот за ментално здравје да стане рутина

Главната порака од студијата е дека проценката на менталното здравје треба да стане дел од рутинските кардиолошки прегледи.

Менталните нарушувања не се само емоционална болка. Поради ваквото внатрешно „молчење“ се создава реален биолошки притисок врз срцето, кој со текот на времето доведува до физичко разболување. Раното препознавање на проблеми како траума, анксиозност или нарушувања на спиењето е подеднакво важно за превенција на инфаркт како и контролата на холестеролот.

Истражувачите нагласуваат дека кардиолозите, матичните лекари и психолозите треба тесно да соработуваат за да се намали стапката на смртност од срцеви заболувања – кои и понатаму се водечка причина за смрт во светот.

The post КАКО ОД ГЛАВАТА НИ СТРАДА СРЦЕТО Што покажало истражувањето спроведено на 22 милиони луѓе? appeared first on plusinfo.mk.

Испливуваат нови шокантни детали за масовното пукање во средното училиште во Тамблер Риџ, во канадската провинција Британска Колумбија, во кое според досега познатите информации загинаа 9 лица, а околу 25 се повредени, од кои неколку се во критична состојба.

Нападот се случи во вторникот околу 13:20 часот по локално време. Полицијата по добиената пријава издала итно предупредување и интервенирала во училиштето, каде што бил пронајден и осомничениот – 18-годишниот Џеси Ван Рутселар, поранешен ученик, кој починал од прострелна рана којашто самиот си ја нанел.

Според официјалните информации, напаѓачот бил роден како машко, а пред околу шест години започнал промена на полот и се идентификувал како жена. Училиштето го напуштил пред четири години.

Жртви во училиштето и во домот

Во училиштето биле пронајдени шест жртви – една 39-годишна наставничка и пет ученици на возраст од 12 и 13 години (три девојчиња на 12 години и две момчиња на 12 и 13 години). Едно тело било најдено на скалите, а останатите во училишната библиотека.

Претходно, во семејниот дом, напаѓачот ги убил својата 39-годишна мајка Џенифер Странг и својот 11-годишен полубрат. Телата биле откриени околу 14:45 часот, откако сосед ја повикал полицијата. Со тоа, вкупниот број жртви достигна девет лица, заедно со напаѓачот кој се самоубил.

Оружје без дозвола, познат на полицијата

Во училиштето полицијата пронашла долга пушка и модифициран пиштол. Оружјето не било регистрирано на име на Џеси Ван Рутселар, иако тој имал дозвола за поседување оружје, но таа истекла во 2024 година.

Полицијата претходно интервенирала во семејниот дом поради загриженост поврзана со менталното здравје на осомничениот. Во еден период било запленето огнено оружје од куќата, но законскиот сопственик подоцна поднел жалба и оружјето било вратено. Засега не е потврдено дали станува збор за истото оружје кое е употребено во нападот.

Надлежните соопштија дека мотивот сè уште не е утврден и дека не е пронајдена проштална порака или објаснување од напаѓачот.

Паника и забарикадирање

Ученици и наставници сведочеле дека се забарикадирале во училниците повеќе од два часа додека траела полициската акција. Првичното предупредување од властите го опишувало вооруженото лице како „жена во фустан“.

Тамблер Риџ е мало гратче со околу 2.400 жители, а средното училиште го посетуваат околу 160 ученици од седмо до дванаесетто одделение.

Премиерот на Британска Колумбија, Дејвид Еби, изјави дека властите ќе испитаат какви претходни интеракции имал системот на јавно здравје со осомничениот, имајќи предвид дека ѝ бил познат на полицијата. Истрагата продолжува, а властите најавија дополнителни информации во наредните денови.

The post ОБЈАВЕНИ ФОТОГРАФИИ И ДЕТАЛИ ЗА ТРАНСРОДОВИОТ УБИЕЦ Ги убил мајката, полубратот, наставничка и пет ученици од 12-13 години, па се самоубил appeared first on plusinfo.mk.

Врисоци ја расцепиле ноќта во индиската држава Утар Прадеш, кога три малолетни сестри скокнале од балкон на деветти кат, неколку часа откако родителите им ги одзеле мобилните телефони. Трагедијата се случила околу 2 и 15 часот наутро, во тишина што била прекината од крици кои го разбудиле целото соседство.

Сестрите, Паки 12 години, Прачи 14 години и Вишика 16 години, биле силно поврзани со корејската поп култура, со К поп музиката и со корејските серии. Според локалните медиуми, тие една по една излегле на балконот од станот и скокнале во смрт, пред родителите да успеат да реагираат.

Родителите се разбудиле од врисоците и ја скршиле вратата од станот, но кога стигнале до балконот, веќе било предоцна. Телата на девојчињата биле пронајдени под зградата, а полицијата веднаш започнала истрага.

Ghaziabad Triple Suicide: 3 Teen Sisters Jump to Death

Based on what I witnessed, one girl seemed resolute about ending her life, while the other two girls were desperately trying to stop her…: Eyewitness speaks to @BhawanaKishore @anchoramitaw with more details. pic.twitter.com/s4uDTFSgAe

— TIMES NOW (@TimesNow) February 5, 2026

Во нивниот дом, мајката и таткото подоцна пронашле осумстрана рачно напишана проштална порака во џебен дневник. Во неа, девојчињата изразиле длабока емоционална врзаност за Кореја и чувство дека родителите се обидувале да им ја одземат таа опсесија.

„Како ќе нè натерате да ја напуштиме Кореја? Кореја беше нашиот живот, па како се осмелувате да ни го одземете животот? Сега го видовте доказот“, напишале тие.

Во писмото стоело и дека корејските актери и К поп музиката за нив значеле повеќе од семејството, како и дека без тоа не го гледале својот живот. Девојчињата дури си дале и корејски имиња, Синди, Марија и Ализа, кои ги користеле во своите лични белешки.

Watch | Ghaziabad, Uttar Pradesh: Three minor sisters died after allegedly jumping from the 9th floor of a residential building. (Visuals from spot)#Ghaziabad | #UttarPradesh | #UNI https://t.co/SUYLEXOR33 pic.twitter.com/gictwBctDr

— United News of India (@uniindianews) February 4, 2026

Според полициските информации, таткото неодамна вовел строги ограничувања за користење мобилни телефони, поради загриженост за прекумерната зависност од содржини поврзани со корејската поп култура. Истражителите сметаат дека токму таа одлука ја продлабочила нивната емоционална криза.

Во детската соба биле забележани и пораки испишани на ѕидот, меѓу кои и речениците дека се чувствуваат многу осамено и скршено. Локалните власти наведуваат дека овие натписи дополнително укажуваат на подолготрајна психолошка состојба, а не на импулсивна одлука донесена во еден момент.

Случајот предизвика шок и силни реакции во Индија и пошироко, откако беше објавен од британскиот таблоид „Дејли Мејл“, кој објави и фотографии од сестрите, отворајќи повторно прашања за менталното здравје на младите и за влијанието на дигиталните содржини врз децата.

The post ИМ ГИ ОДЗЕЛЕ ТЕЛЕФОНИТЕ, СКОКНАЛЕ ОД БАЛКОН Трагедија на три сестри тинејџерки ја потресе Индија appeared first on plusinfo.mk.

Универзитетската клиника за психијатрија во Скопје на социјалните мрежи објави дека го вдоимла Роџер, лабрадор стар две и пол години кој им помага на пациентите во терапијата, исклучиво под надзор на лица од стручниот тим и во согласност со пациентите.

Причините за вдомувањето на Роџер, според директорката на клиниката, проф. д-р Славица Арсова е имплементацијата на „Animal Assisted Activities“ (активности поддржани од животни) – структурирани, но неформализирани активности во кои учествуваат одбрани животни (најчесто кучиња) со цел да обезбедат емоционална поддршка, чувство на смиреност, социјална интеракција и подобрување на општата психосоцијална благосостојба на пациентите.

Како што објавува Клиниката, Роџер бил вдомен неодамна и за исклучително кратко време се прилагодил на персоналот и на пациентите и како што велат нивниот нов „четириножен „колега“ е обожаван едноставно од сите.

Присуството на куче во терапискиот процес создава чувство на сигурност, прифаќање и доверба, што овозможува полесно воспоставување контакт, подобра емоционална регулација и поголема мотивација за вклучување во терапијата. Активностите на Роџер на клиниката вклучуваат средби со пациенти, индивидуално или во рамки на групи, секогаш под придружба и надзор на лица од нашиот стручен тим и се разбира, со согласност од пациентите. Со овој потег, сакаме да го поттикнеме и вдомувањето кучиња, како хуман и одговорен начин да им се даде втора шанса на напуштените животни и да се намали бројот на бездомни животни“, вели проф. д-р Арсова.

За Роџер е обезбеден бокс и куќичка пред влезот на клиниката, тој е под редовна ветеринарна контрола, има уреден здравствен и вакцинален статус и за него се грижат членовите на персоналот, а под надзор и мониторинг постепено се вклучуваат и пациентите, со нивна согласност.

Активностите на Роџер започнуваат во 8 часот наутро во дневната болница, тој нема контакт во деловите од установата каде што има храна или лекови, a неколку пати дневно има долги прошетки со вработените или со пациентите – доброволци од дневната болница.

Лабрадорот е една од најчесто користените раси при активностите поддржани од животни, бидејќи неговите природни карактеристики совршено одговараат на барањата на тераписката средина.

– Лабрадорите се познати по својата смиреност, трпеливост и предвидливо однесување и имаат висока емпатија и социјална интелигенција. Оваа раса интуитивно реагира на човечки емоции, односно препознава тага, страв или анксиозност и природно нуди утеха преку контакт и присуство, без наметнување – велат од Клиниката за психијатрија.

Дополнително, лабрадорите брзо учат, лесно следат команди и имаат исклучително висока толеранција на физички контакт – прифаќаат допири, галење и близина без да покажат вознемиреност.

– Сите овие карактеристики ги има и нашиот Роџер, кој ни донесе многу позитивна енергија на клиниката! – додаваат од Клиниката.

The post 📽️ НЕ Е ДОКТОР, А ПОМАГА ПОВЕЌЕ ОД МНОГУ ТЕРАПИИ Роџер, лабрадорот кој ги освои пациентите на Психијатрија appeared first on plusinfo.mk.

Поранешниот американски актер Тeјлор Чејс, кој беше ѕвезда на „Никелодеон“ (Nickelodeon), е снимен како живее како бездомник на улиците на Лос Анџелес. Видеото што кружи на социјалните мрежи ја растажи јавноста.

Тeјлор Чејс беше најпознат по улогата на Мартин Кверли во ситкомот „Ned’s Declassified School Survival Guide“.

Жената која го снима видеото најпрво го прашува дали глумел на каналот на „Дизни“.

– Никелодеон – одговара тој, додавајќи дека имал улога во споменатиот ситком.

Tylor Chase, who played “Martin” on Nickelodeon’s Ned’s Declassified School Survival Guide, was recently spotted homeless in California.

pic.twitter.com/wc8bQhf5KD

— Breaking911 (@Breaking911) December 21, 2025

Роден на 6 септември 1989 година, во Аризона, Чејс постигна ран успех кога ја доби улогата на Мартин во „Ned’s Declassified “, кој се емитуваше три сезони помеѓу 2004 и 2007 година.

Според IMDb, тој влезе во индустријата за забава преку платформа за откривање таленти наречена ProScout.

Приближно во исто време, тој се појави и во популарната ситком серија „Everybody Hates Chris“. Во 2007 година, Чејс го имаше своето филмско деби во „Good Time Max“ на Џејмс Франко, играјќи помлада верзија на ликот Адам.

По овие проекти, појавувањата на Чејс станаа спорадични. Се вели дека неговата последна улога била во видео играта L.A. Noire, по што се откажа од глумата и исчезна од очите на јавноста.

На видеото Тејлор Чејс изгледа многу неуредно, со разбушавена коса и пантолони кои си ги придржува со раката и неговиот изглед предизвика излив на сочувство и поддршка.

Во повторно објавените видеа кои сега станаа вирални, Чејс наводно отворено зборувал за своите борби со менталното здравје.

Тој дури открил дека живее со биполарно растројство и ја опишал емоционалната болка што ја претрпел низ годините, нудејќи редок и суров поглед во неговите лични битки.

Сепак, точната причина за состојбата на Тејлор сè уште не е откриена, пишува Индиа ТВ њуз.

Се наведува дека претходно била започната кампања на GoFundMe за да му се помогне на Чејс и успеале да соберат околу 1.200 долари. Сепак, собирањето средства подоцна било запрено откако неговата мајка се обратила до инфлуенсерката што го објави видеото.

Таа појаснила дека финансиската помош не е решение.

– Она што му треба на Тејлор не се пари, туку медицинска поддршка. Тој не е во состојба сам да се справи со лековите и често го губи телефонот во рок од неколку дена. Парите всушност можат да направат повеќе штета отколку корист. Тој е љубезен и со чисто срце, но очајно му е потребно лекување – наводно рекла таа.

По виралното видео, неговите колеги од „Ned’s Declassified“, Девон Веркхајзер, Даниел Кертис Ли и Линдзи Шо, се осврнале на ситуацијата на Чејс во нивниот подкаст, изразувајќи загриженост и наведувајќи дека ќе се вмешаат за да му помогнат на својот „стар пријател“.

The post 🎥 ОД ЅВЕЗДА ДО БЕЗДОМНИК Снимката од поранешен детски актер кој живее на улица, ја растажи јавноста appeared first on plusinfo.mk.

Повредените од кочанската трагедија и нивните семејства добија нова точка за поддршка. Во Кочани денес официјално почна со работа регионалниот Центар за ментално здравје и психо-социјална помош на Црвениот крст. Центарот веќе ги прима првите корисници, а ќе овозможи континуирана професионална психолошка грижа за сите погодени од пожарот и за пошироката заедница.

Министерот за здравство Азир Алиу ја посети новата установа, нагласувајќи дека целта е обезбедување долгорочна и доверлива поддршка за граѓаните кои се соочуваат со траума, загуба и емоционални последици.

– Центарот за ментално здравје ќе биде место за доверлива и безбедна грижа, со акцент на справување со траумата. Во првата фаза ќе работат девет психолози кои ќе обезбедуваат индивидуални и групни сесии, психоедукација и поддршка за волонтерите и вработените. Овој центар е пример како треба да изгледаат вакви објекти низ целата држава – изјави министерот Алиу.

Министерството за здравство, како што посочи Алиу, целосно стои зад проектот и ќе обезбедува континуирана поддршка, нагласувајќи дека менталното здравје е „подеднакво важно како и физичкото“.

Алиу информираше дека Центарот располага со обезбеден буџет од 150 илјади евра за наредните три години, донирани од Црвениот крст на Австрија и Србија, како и други партнери. Средствата ќе бидат насочени кон современа опрема, едукација и поддршка за стручниот кадар, со цел граѓаните да добијат најквалитетни услуги.

Министерот потсети дека државата од првиот ден ги покрива трошоците за лекување и рехабилитација на повредените во трагедијата во Кочани.

По болничкото лекување, повредените добија рехабилитација во Пониква, каде што им беше обезбедена 24-часовна нега, физиотерапија и психолошка поддршка, поддршка што сега продолжува во новиот центар.

– Нашата заложба е сите пациенти да ја добијат потребната здравствена заштита и соодветна психо-социјална поддршка – заклучи министерот Алиу.

The post КОЧАНИ ДОБИ НОВ ЦЕНТАР ЗА МЕНТАЛНА ПОДДРШКА Девет психолози ќе работат со повредените од трагедијата appeared first on plusinfo.mk.

Поранешниот пилот на авио-компанијата „Алјаска ерлајнс“, Џозеф Емерсон, кој во октомври 2023 година се обидел да ги исклучи моторите на патнички авион среде лет, е пуштен на слобода по одлука на американскиот федерален суд во Орегон.

Емерсон беше осуден на казна со веќе одлежано време и 3 години условен надзор, јави „Скај њуз“.

Инцидентот се случил на летот на „Хорајзон ер“ од Еверет до Сан Франциско. Емерсон, кој не бил на должност, седел на помошното седиште во кокпитот и се обидел да ги повлече двете црвени рачки што активираат систем за гаснење пожар, што би го прекинало снабдувањето со гориво.

Благодарение на брзата реакција на пилотите, катастрофата со 84 луѓе на бродот била избегната.

По апсењето, Емерсон признал дека 2 дена пред летот консумирал психоделични печурки и не спиел повеќе од 40 часа. Тој изјавил дека бил во психолошка криза поради смртта на близок пријател и дека мислел дека сонува, обидувајќи се „да се разбуди“.

More audio from the Alaska Airlines flight where an off duty pilot tried to shut down the engines mid-flight… #AlaskaAirlines #pilot #flying pic.twitter.com/x73c2BLkOi

— Mrgunsngear (@Mrgunsngear) October 23, 2023

На судењето во Портланд, судијката Ејми Бадџио нагласила дека случајот го открива човечкиот аспект на професијата.

– Пилотите не се совршени, тие се луѓе – истакна судијката.

Емерсон поминал 46 дена во притвор и бил ослободен во декември 2023 година со услов да се подложи на терапија за ментално здравје, да се воздржи од дрога и алкохол и да се држи подалеку од авиони.

Неговиот адвокат соопшти дека по излегувањето од затвор, клиентот започнал третман за нарушување предизвикано од консумација на алкохол и дека оттогаш е трезен.

– Не сум жртва. Тука сум поради моите постапки – изјави Емерсон пред судот.

Тој додаде дека трагичниот настан го принудил да порасне како човек. Тужителот Џефри Бароу потсети дека биле загрозени 84 животи, но дека „екипажот го спасил денот со својата интервенција“.

Покрај федералните обвиненија, Емерсон се соочи и со државна пресуда во Орегон – 50 дена затвор (веќе одлежани), пет години условна казна и 664 часа општествено корисна работа.

The post ЗАГРОЗИ 84 ЛУЃЕ НА ЛЕТ, СЕГА Е НА СЛОБОДА Еве зошто судот во САД се премисли за пилотот кој се обиде да ги повлече рачките appeared first on plusinfo.mk.

Газдарицата на една шпанска фирма откри дека на своите вработени им дозволува пауза од 30 минути за мастурбација, со цел да им помогне да се ослободат од „стресот“ и од својата „вознемиреност“, објави британскиот портал Џо.

Ерика Ласт, која води сопствена компанија за филмови за возрасни, наречена „Ерика ласт филмс“, вели дека редовните паузи за „самозадоволување“ му помогнале на нејзиниот тим полесно да ги поднесе напорните работни денови.

Вработените имаат пристап до приватни „станици за мастурбација“ и добиваат цел полчас за да се „опуштат“ во текот на денот.

Трендот, кој бил воведен во 2022 година, е толку добро прифатен што дури и производители на секс играчки почнале да ја снабдуваат компанијата со уреди за да ја олеснат „работата“.

Еден од вработените изјавил дека дополнителните паузи промовираат „помалку агресија“ и „повеќе продуктивност“ на работното место, со порака дека ваквиот пристап може да функционира подеднакво и во канцеларија и во магацин.

Дополнително, иако идејата за пауза за мастурбација надвор од ваква работна средина може да им биде непријатна на некои луѓе, едно неодамнешно истражување, спроведено меѓу повеќе од 1.000 луѓе, покажало дека дури еден од 20 луѓе мастурбирал на работа.

На Инстаграм, зборувајќи за оваа прогресивна иницијатива, Луст изјави:

– Вистината е дека мастурбацијата може да им помогне на луѓето подобро да се справуваат со стресот, да го регулираат сонот и да се поврзат со своето тело и сексуални желби, меѓу другите предности.

Истражувањата одамна покажуваат дека мастурбацијата и интимноста се поврзани со низа здравствени придобивки, вклучувајќи намалување на крвниот притисок, и дека воздржувањето може да биде штетно.

Според експертите, мастурбацијата предизвикува лачење на здрави количини корисни хормони како допамин, окситоцин, тестостерон и пролактин, а за сите тие е докажано дека позитивно влијаат врз расположението и врз физичкото здравје.

 

View this post on Instagram

 

A post shared by ERIKALUST (@erikalust)

The post 📷 ГАЗДАРИЦА ВО ШПАНСКА ФИРМА ИМ ДАВА НА ВРАБОТЕНИТЕ ПАУЗА ОД 30 МИНУТИ ЗА МАСТУРБАЦИЈА Било добро за справување со стресот и со вознемиреноста appeared first on plusinfo.mk.