Под мотото „Трчам напред, за таа да не чекори назад“, 150 жени од dm drogerie markt и Македонската асоцијација на гинеколози и опстетричари – МАГО учествуваа на годинашната „Женска трка“ во Градскиот парк во Скопје, а во рамки на иницијативата се обезбедени и 150 пакети со dm менструални производи, кои преку МАГО ќе бидат дистрибуирани до жените на кои им се најпотребни.

Соработката меѓу dm и МАГО продолжува и по трката, преку бесплатна едукативна работилница на тема менструално здравје, која ќе се одржи на 30 април во Општина Шуто Оризари. На овој начин, иницијативата добива поширока општествена димензија и продолжува да отвора простор за едукација и информирање на жените во заедницата.

Поддршката за оваа порака беше видлива и на самата трка, преку транспаренти со охрабрувачки пораки, меѓу кои и „Само 100 м те делат од тоа да бидеш хероина за некоја друга жена!“, со кои беше испратена порака за солидарност, заедништво и меѓусебна поддршка.

Како дел од настанот, dm беше присутен со свое катче кај фонтаната во Градскиот парк, каде учесничките и посетителите имаа можност бесплатно да добијат совети за женското здравје од специјалисти гинеколози, да дегустираат dmBio безалкохолни коктели и да се освежат со производи за дополнителна поддршка пред и по трката.

Во соработка со МАГО, во dm катчето беше организирано бесплатно советување со гинеколози, со цел посетителките да добијат стручно мислење, корисни информации и поддршка за теми поврзани со женското здравје. Во советувањето учествуваа д-р Весна Блажевска Сиљаноска и д-р Огнен Богданоски, специјалисти по гинекологија и акушерство.

Покрај советувањето, dm катчето понуди и зона за краток одмор и освежување, со дегустација на dmBio безалкохолни коктели и содржини наменети за пријатна атмосфера во текот на настанот.

Посебно внимание им беше посветено и на учесничките на трката. Во рамки на SOS катчето, за тркачките беа обезбедени Mivolis магнезиум, Balea спреј за освежување на телото, Sundance производи за заштита од сонце и Jessa влошки, со цел поголема удобност, нега и чувство на свежина пред и по трката.

Со своето присуство на „Женска трка“ и соработката со МАГО, dm и овојпат го насочи вниманието кон теми поврзани со женското здравје, менструалната хигиена и потребата од достапна поддршка за жените во заедницата.

The post ЗА ЖЕНСКИТЕ РАБОТИ dm го заокружи учеството на „Женска трка“ со донација од 150 пакети со менструални производи appeared first on plusinfo.mk.

Затоа, но и поради фактот што многу девојки и жени во нашата држава едноставно немаат доволно средства за основните менструални производи, од овој месец компанијата dm дрогерие маркт започнува со донација и поставување над 200 диспанзери и хигиенски влошки во женските тоалети на сите државни факултети во нашата земја кои ќе бидат редовно надополнувани со хигиенски влошки од нивната приватна марка Jessa, до крајот на годината и во текот на 2025 година.

Ова беше соопштено на прес-конференција на која освен Кристина Дуранска, менаџер за маркетинг и комуникации во dm Македонија, се обратија и ректорите на дел од државните универзитети кои се активни поддржувачи и учесници во кампањата.

Повеќе за ова прочитајте ТУКА.

The post ДОБИВ, ИМАШ ВЛОШКА? Почна кампањата за бесплатни менструални производи во женските тоалети на државните факултети appeared first on plusinfo.mk.

– Со првиот од амандманите се бараше намалување на ДДВ од 18% на 5% за менструалните производи т.е. влошки, тампони и за менструални чашки. Овие производи треба да се оданочат на исто ниво како фармацевтските производи зашто претставуваат здравствена неопходност, а управувањето со менструалното здравје е едно од основните човекови права. Доколку амандманот беше прифатен ќе им се помогнеше на 400 000 жени во репродуктивен период кои заедно трошат годишно и над 100 милиони денари за оваа намена. Намалениот прилив по основ на ДДВ е незначителен споредено со можноста да се обезбеди еднаков пристап на сите жени до менструалните производи и со тоа да се подобрат нивниот живот и здравје. Би се ублажила женската сиромаштија и би се подобрила социо-економската положба на жените и на девојчињата. Девојчињата на училишна возраст непречено ќе учествуваат во својот образовен процес. Ќе се намали бројот на вагинални инфекции кај жените и кај девојчињата, а со тоа и трошоците на државата за третирање на потенцијални инфекции и болести – рече Ласовска.

На првиот ден од амандманската расправа за Буџетот за 2023 година беа разгледани само три амандмани и тие беа одбиени од власта. Останатите два одбиени амандмани се однесуваа на барањето на ВМРО-ДПМНЕ да се одложи прогресивното оданочување за уште една година и да се намалат акцизите на течните горива.

– Би сакала да информирам за една трагикомична ситуација во која пратениците од власта нѐ убедуваа дека со Буџетот за 2023 година не е предвидена даночна реформа, ниту пак во колкав обем ќе биде. Со денови Лукаревска наведува дека ќе се зголеми ДДВ-то од 5 на 18% за одредени производи, а листата се крие, никој не ја знае. Бектеши се фали дека после Нова година цената на струјата нема да се зголеми, туку ДДВ-то ќе се зголеми од 5 на 10%. Бесими вели дека има закон со кој почнува прогресивното оданочување. Колегите од мнозинството ниту знаат што зборуваат, ниту знаат што гласаат, ниту некој во партија ги смета за битни да ги извести што се планира – додаде Ласовска.

The post ПРАТЕНИЧКИТЕ ОД СДСМ ОДБИЈА ДА СЕ НАМАЛИ ДДВ НА ВЛОШКИТЕ Одбиен предлогот на ВМРО-ДПМНЕ за намалување на данокот на менструалните производи appeared first on plusinfo.mk.

Барањето за намалување на цената на менструалните производи преку намалување на ДДВ-то од 18 на 5 отсто, претставниците од Новинари за човекови права и од Платформата за родова еднаквост денеска го доставија до Министерството за финансии.

Прочитајте повеќе на порталот „Мајка и дете“.

The post БЕСПЛАТНИ ЧАШКИ ИЛИ ВЛОШКИ ЗА СИТЕ Се бара чаре за намалување на женските трошоци за менструални производи appeared first on plusinfo.mk.