Во рамки на кампањата #НИКОГАШПОВЕЌЕСАМА, компанијата dm drogerie markt со проектот Bestie во соработка со Филозофскиот и Филолошкиот факултет „Блаже Конески “, Педагошки факултет „Св. Климент Охридски“-  Универзитет „Св. Кирил и Методиј“ – Скопје  и Педагошки факултет, Универзитет „Св. Климент Охридски“ – Битола  успешно реализираше гинеколошки советувањa по универзитетските кампуси со цел унапредување на менструалното здравје кај студентките.

 

View this post on Instagram

 

A post shared by Eva Jovanovska (@_evce_)

Посетите на факултетите во Скопје и Битола поминаа со голем интерес и позитивна атмосфера. Студентките имаа можност да разговараат со гинеколог и да добијат стручни совети во пријателска и доверлива средина.

– Ми се допадна што можев да поставам прашања што ме интересираа без страв и срам. Прекрасно е што конечно се отвара темата и можеме отворено да зборуваме, без да се срамиме. Се чувствувавме охрабрени и прифатени – истакна една од студентките што го посети гинеколошкото катче за советување.

Студентките поставуваа прашања и добиваа совети од гинеколози поврзани со менструалниот циклус, менструалните болки и правилната менструална хигиена – целосно бесплатно. Овие едукативни советувања беа организирани со цел да се разбијат предрасудите и табуата поврзани со менструалното здравје и да се поттикне отворен разговор за теми кои и понатаму се сметаат за чувствителни во нашето општество.

Дел од нив се пријавија и за Bestie амбасадорки – млади девојки кои преку сопствен пример и ангажман ќе придонесуваат за подигнување на свеста за менструалната правда и за охрабрување на отворена комуникација меѓу останатите студентки.

– Во текот на посетите на факултетите, забележавме голем интерес од студентките кои со искрена љубопитност и доверба разговараа со гинеколозите и со нашиот тим. Атмосферата на Bestie катчињата беше топла, отворена и поддржувачка – токму онака како што сакаме секоја девојка да се чувствува кога зборува за своето здравје. Со проектот Bestie сакаме да покажеме дека грижата за менструалното здравје не е индивидуален, туку општествен предизвик. Веруваме дека преку едукација, достапност и поддршка можеме да создадеме општество во кое ниту една девојка нема да биде сама – порачаа од dm drogerie markt.

Преку 230.000 донирани влошки и нова поддршка за студентките

Проектот #НИКОГАШПОВЕЌЕСАМА започна во октомври 2024 година и досега опфати повеќе од 200 диспанзери со хигиенски влошки поставени на државните факултети низ земјата. Во првата година беа донирани над 230.000 Jessa влошки, со вкупна вредност на донацијата од повеќе од 1,8 милиони денари.
Во новата студентска година, dm продолжува со поддршка – во септември 2025 година веќе е доставена нова количина од речиси 120.000 бесплатни Jessa влошки до сите државни универзитети, а до почетокот на 2026 се проектира донација од вкупно 260.000 поединечни влошки.

Со ова, dm уште еднаш ја потврдува својата заложба дека ниедна студентка не треба да се соочи со менструацијата без пристап до основни хигиенски производи.

Проектот претставува дел од континуираниот ангажман на dm за создавање на отворен и поддржувачки простор во кој младите жени слободно зборуваат за своето здравје, а темите поврзани со менструацијата се третираат како природен и важен дел од секојдневниот живот.

The post СТУДЕНТКИТЕ СО РАДОСТ ЈА ПРЕЧЕКАА БЕСТИ Грижата за менструалното здравје во фокусот на факултетите во Скопје и Битола заедно со dm! appeared first on plusinfo.mk.

Настанот започна претпладне, а публиката имаше можност да ужива во едночасовниот панел на кој дискутираа Кристина Дуранска – менаџер за маркетинг и комуникации во dm дрогерие маркт, проф. д-р Николина Кениг – редовен професор по психологија на Филозофскиот факултет во Скопје, Бојана Стојменовиќ – психолог, семеен и системски советник, организациски консултант за ментално здравје и основач на „Мој психолог“, Теодора Милеска – ко-основачка на иницијативата PERIOD Skopje, Адела Асани – секретар на Универзитетското студентско собрание при УКИМ и Цеце Николова – ТВ лице и инфлуенсерка. Модератор на настанот беше Јована Стојменовиќ – ТВ водителка и уредничка, која имаше навистина интересни прашања за сите панелистки.

Прашањата беа посветени на самиот проект „Никогаш повеќе сама“, за кој Дуранска истакна дека dm дрогерие маркт гласно ќе продолжи да ја пренесува пораката за важноста на менструацијата, преку активностите кои се дел од долгорочната посветеност на компанијата. Професорката Кениг даде свој експертски став околу дестигматизацијата на менструацијата како тема, и посочи како таа се одразува врз психолошкото здравје на жените. Свое гледиште сподели и Стојменовиќ која зборуваше за нејзината работа со девојките и предизвиците поврзани со менталното здравје кај нив од аспект на темата, а Милеска сподели повеќе околу активностите и чекорите потребни за подобра менструална правда и детабуизација. Асани посвети повеќе внимание на поддршката на УСС кон иницијативата на dm дрогерие маркт и испрати порака за повеќе вакви иницијативи. На самиот крај, Николова зборуваше за тоа колку е важно да се бориме против тишината за менструацијата и како таа лично работи на тој предизвик. Панел дискусијата беше проследена со огромно внимание од страна на публиката, а тоа беше евидентно по прашањата кои ги добија панелистките пред крајот на настанот.

Веќе во декември се одржува и втората панел дискусија на универзитетот „Гоце Делчев“ во Штип, исто така во организација на dm дрогерие маркт. Со оваа панел дискусија ќе се продолжи со работа на зголемување на менструалната правда, акцентирање на потребата за поголем фокус на менструацијата како исклучително важна тема и побивање на сите табуа во нашето општество околу оваа тема. Голем дел од активностите веќе придонесуваат кон промени преку нивното спроведување.

Кои активности се спроведоа во изминатиот период како дел од проектот „Никогаш повеќе сама“ на dm дрогерие маркт?

– Започнувајќи од 15 октомври, па сѐ до 15 ноември, поставени беа над 220 диспанзери за хигиенски влошки во тоалетите на факултетите кои се дел од седумте државни универзитети. Со поставувањето, dm дрогерие маркт ги достави и првите количини со влошки од приватната марка Jessa. Со овој дел од проектот, dm овозможи постојана поддршка за студентките во непредвидливите моменти, додека ги следат предавањата на факултет.

– Во текот на октомври и ноември, Bestie, која е главен виртуелен лик на проектот на dm дрогерие маркт подготви музички плејлисти на музичката платформа Spotify, а овие плејлисти се достапни за секоја девојка и жена во Македонија. Преку моќта на музиката, Bestie ѝ даде можност на секоја девојка во нашата земја полесно да ја помине менструацијата додека одмора и ја надополнува својата енергија.

– Во ноември, dm дрогерие маркт спроведе и герила активност. Неколку фреквентни автобуски постојки во Скопје осамнаа „украсени“ со лепенки во облик на менструални влошки со пораките: „Сè ќе биде ОК“, „Јас и ти можеме сè“ и „Никаде без Bestie“  и QR код кој води до голема база на податоци, информации, истражувања и едукативни содржини подготвени од dm за сите девојки и жени.

Ова се само дел од спроведените активности, дел од проектот „Никогаш повеќе сама“. Со уште голем број други активности предвидени за целата кампања, dm дрогерие маркт продолжува да работи посветено на темите поврзани со менструацијата, менструалната правда и хигиена во Македонија, со надеж за уште повеќе промени во општеството, носејќи подобри услови за секоја девојка и жена во Македонија.

The post МЕНСТРУАЦИЈАТА НЕ Е ТАБУ ТЕМА dm започна серија панел дискусии на државните универзитети appeared first on plusinfo.mk.

Бременоста носи голем број физички промени, вклучувајќи значајни промени во вашиот менструален циклус. Менструалното крварење престанува на околу девет месеци и може да остане отсутно подолго доколку доите.

Значи, што се случува кога менструацијата ќе се врати по бременоста и доењето?

Portal Health се консултирал со експерти за да објаснат што да очекувате кога ќе ви се врати првата менструација по породувањето.

Менструација по породувањето – кога се враќа?

Времето потребно за враќање на менструацијата многу зависи од тоа дали доите. Еве што можете да очекувате во врска со овулацијата и менструацијата по породувањето.

Повеќе за ова прочитајте ТУКА.

The post КОГА СЕ ВРАЌА МЕНСТРУАЦИЈАТА ПО ПОРОДУВАЊЕТО? Постпородилниот циклус многу зависи од тоа дали доите appeared first on plusinfo.mk.

Оваа мајка на едно дете имала толку многу болки што брзо била упатена на очен специјалист и била подложена на дополнителни тестови за да се утврди причината.

По обемните тестови, вклучително и МРИ, Џорџина почна да губи надеж дека ќе добие дијагноза. Дури кога сфатила дека нејзините алергиски реакции се случувале секогаш кога имала менструација, почнала да ја истражува својата хиперсензитивност на прогестерон (PH).

Повеќе за ова на „Мајка и дете“.

The post АЛЕРГИЧНА НА СОПСТВЕНАТА МЕНСТРУАЦИЈА! Еве кои се симптомите на пречувствителност на прогестерон appeared first on plusinfo.mk.

Трите извонредни жени-гостинки во втората епизода се: примариус д-р Искра Дукова, специјалист гинеколог акушер на Универзитетската Клиника за гинекологија и акушерство, Јана Коцевска, извршна директорка во Тиииит! Инк. и Сања Арсовска, актерка. Тие во повеќе од еден час успејаа да ги споделат своите искуства и стручни мислења, на еден емотивен начин кој ќе ви овозможи да се пронајдете низ приказните кои ги раскажаа и да разберете зошто менструацијата не е избор – што е и насловот на самата епизода.

Што му се случува на телото во текот на менструалниот циклус, колку долго тоа трае и што треба да знаеме за него, што значи ПМС-от и кои се неговите симптоми, но и што е она што се нарекува менопауза – д-р Искра нѐ едуцираше и ни одговори на овие прашања.

„Менструалниот циклус е нормален и здрав феномен – физиолошки процес којшто се случува специфично за жената. Тоа е една серија на настани која се случува на циклично ниво. Може да трае од 21 до 35 дена со некоја просечна трајност од 28 дена каде што се случуваат одредени хормонални промени во организмот – да кажеме во една деликатна комуникација меѓу гениталните органи и јајниците, хипофизната жлезда, хипоталамусната жлезда при што се одвива процес кој е многу важен во однос на репродуктивниот процес – еден од најбитните во човековото тело.“

Доколку некогаш сте почувствувале дека менструалниот циклус има големо влијание врз вашето секојдневие, но и дека само вие се соочувате со предменструален синдром, актерката Сања ќе ве убеди во спротивното и многу емотивно ќе ви раскаже за нејзиното искуство:

– Прилично е тешко кога при одредена психичка или физиолошка промена на телото треба да излезеш на сцена затоа што публиката не е свесна со што се справуваш ти и не можам јас на публиката да ѝ кажам дека ми е првиот ден од циклусот или дека овулирам и имам одредени проблеми, ниту пак дека имам предменструална дисфорија и тоа влијае врз моето расположение.

И за крај, дали некогаш сте се запрашале колку жени го делат истото искуство со вас, колку жени имаат засилени симптоми на ПМС, колку жени се чувствуваат засрамено дека поминуваат низ менструален циклус, но и колку чини менструалното здравје? На овие прашања, одговори ни даде Јана, а сподели и факт којшто со сигурност нѐ остави изненадени – во текот на својот репродуктивен период жената во просек троши околу 130.000 денари за набавка на менструални производи.

Изгледајте ја целата епизода веднаш:

Серијата од епизоди на dm поткастот ни носи богато знаење и стручни совети, истакнувајќи ги различните перспективи на предизвиците и триумфите со кои се соочуваат жените во својот живот. Сите епизоди може да ги изгледате на YouTube каналот на dm!

The post РАЗБЕРЕТЕ ГО ТЕЛОТО ЗА ВРЕМЕ НА МЕНСТРУАЛНИОТ ЦИКЛУС Гостите во поткастот на dm имаат поучни совети и пораки appeared first on plusinfo.mk.

Дали додека во супермаркетот поминувате покрај бесконечната серија полици со обични влошки, влошки со крилца, дневни влошки, миризливи, хипоалергични тампони, интимни шампони и дезодоранси, се прашувате како се снаоѓале нашите баби и прабаби?

Или, како се справувале партизанките за време на војната, жените во концентрационите логори?

Значи, да почнеме по ред, низ историјата на женското крварење и производите за менструална хигиена.

Верувале или не, имало тука сѐ, од дрво, до волна, животинска кожа, па дури и трева.

Историјата на менструалните производи е всушност историја на женската еманципација, ослободување и борба за удобност.

Антика – крвта е ОК: На почетокот, очигледно, немало ништо.

Жените слободно оделе и крвареле и тоа не му пречело никому посебно.

Одредени извори укажуваат дека жената за време на менструацијата се сметала за моќна и света, со изразени моќи за предвидувања и исцелувања.

Прочитајте го целиот текст на порталот „Мајка и дете“.

The post ИСТОРИЈАТА НА ПРОИЗВОДИТЕ ЗА МЕНСТРУАЛНА ХИГИЕНА Од слободно менструално крварење, преку дрво и волна, до влошки со крилца appeared first on plusinfo.mk.

Зборувањето за секс, менструација, сексуално преносливи болести и за тоа од каде доаѓаат бебињата е една од најтешките задачи за повеќето родители денес.

И тоа, порадо една (или две) едноставни причини – затоа што од мали нозе нè учеле дека е тоа „срамота“, дека се тоа теми за кои не треба да се разговара и пред сè, затоа што никој не разговарал со нас за тоа, како што треба.

Еден од најпочитуваните психолози денес, д-р Беки Кенеди, ги советува родителите како да најдат сила и слобода да разговараат на овие теми со своите деца и како да им ги прикажат на децата.

Нашиот народ има уште еден не многу рационален страв.

А тоа е дека, зборувајќи за тоа, ќе ги потурнат децата на експериментирање и ќе ги поттикнат да станат сексуално активни пред време.

Повеќе за ова прочитајте на „Мајка и дете“.

The post РАЗГОВОР СО ДЕЦАТА ЗА СЕКС, МЕНСТРУАЦИЈА И СЛИЧНИ ТЕМИ Зошто ни е толку непријатно и што треба да им кажеме? appeared first on plusinfo.mk.

Апликациите се отворени на dm платформата www.dm-zaedno.mk, а проектите треба да имаат за цел да го подигнат нивото на значење за менструалното и репродуктивното здравје на жените, да ја променат перцепцијата за менструацијата во јавноста, што значи отстранување на стигмата од менструацијата и отстранување на чувството на срам кој често се поврзува со овој поим, како и придонес кон менструалната правда во земјава. Секој кандидат може да регистрира само еден проект, кој ќе се реализира на територијата на Македонија.

– Преку овој инспиративен проект, имаме за цел да обезбедиме платформа за жените да истражуваат и да добијат увид во различни теми поврзани со здравјето, истовремено поттикнувајќи чувство на заедница и поддршка. Жените често им даваат приоритет на потребите на другите, занемарувајќи го сопственото здравје и благосостојба, па затоа преку оваа кампања dm сака да им го врати вниманието, да ја подигне свеста за важноста на превенцијата, но и да негува култура на поддршка на жените – изјави Кристина Дуранска, маркетинг менаџер во dm дрогерие маркт во Северна Македонија.

Пријавените проекти мора да се усогласат со Правилата и условите за поднесоци на проекти објавени на платформата dm-zaedno.mk, а на пополнетиот формулар мора да се приложат детален опис на проектот и елабориран буџет. Компанијата dm дрогерие маркт ќе избере проекти кои во најголема мера ќе го поддржат женското менструално или репродуктивно здравје, кои се одржливи на долг рок, оригинални и можат да имаат влијание врз подигање на јавната свест за важноста од подобрување и зачувување на менструалното здравје на жените во нашата земја.

Поддршката од компанијата dm ќе се состои од донација на производи од асортиманот на dm, финансирање на услуги и/или набавка на потребни материјали и опрема за реализација на проекти, директна уплата на средства на сметката на носителот или комбинација од сите овие ставки.

За потсетување, dm дрогерие маркт минатата година за прв пат распиша ваков конкурс, преку кој беа поддржани 6 проекти од повеќе од 70 пријавени со средства во висина од 3 милиони денари.

Со цел подобрување на менструалната правда во земјава, компанијата dm уште на почетокот на февруари 2024 ги намали хигиенските производи Jessa во целиот регион. Дополнително, на женската трка во Скопје, која се одржа на 7 април оваа година, вработените од компанијата „трчаа за менструална правда“ и донираа 300 пакети со влошки за социјално ранливи категории на жени. Оваа донација dm ја реализираше во соработка со Здружението на новинари за човекови права од Скопје, а приматели на донацијата беа 300 жени од Битола, Охрид, Штип, Тетово, Гостивар и од Скопје.

The post АПЛИЦИРАЈТЕ СО ПРОЕКТ ЗА ЖЕНСКО ЗДРАВЈЕ Кампања на dm за подигнување на свеста за репродуктивното здравје appeared first on plusinfo.mk.

Која е причината што сè уште зборуваме за менструацијата со доза на срам? Зошто користиме различни „кодирани“ имиња за менструацијата, за процес кој треба да биде природен и нормален за сите жени и девојки? Причината за тоа е средината во која живееме и социјалните аспекти, негативниот став кој општеството го има за менструалното здравје, што бара отворен разговор на оваа тема. Како составен дел од менструалното здравје, отворено треба да се зборува и за менструалната правда.

– Посебно важно за нас е во рамките на нашата актуелна кампања да ги претставиме факторите кои се особено важни за здравјето на жените. Поради оваа причина, во текот на летните месеци ќе се фокусираме на многу теми кои се важни за женското здравје, со посебен акцент на менструалното здравје и менструалната правда – изјави Кристина Дуранска, маркетинг менаџер во dm дрогерие маркт.

На почетокот на оваа година, со цел да ја поттикне менструалната правда, dm дрогерие маркт во рамките на ценовниот концепт „Секогаш поволно“ долгорочно ги намали цените на влошките и тампоните од сопствената трговска марка Jessa.

Но, ова не беше единствениот чекор кон оваа цел. На женската трка во Скопје, која се одржа на 7 април оваа година, вработените од компанијата „трчаа за менструална правда“ и донираа 300 пакети со влошки за социјално ранливи категории на жени. Оваа донација dm ја реализираше во соработка со Здружението на новинари за човекови права од Скопје, а приматели на донацијата беа 300 жени од Битола, Охрид, Штип, Тетово, Гостивар и Скопје.

Изминатата година општествено одговорната компанија ја поддржа и реализацијата на проектот „Менструацијата не е луксуз“ преку кој беа донирани над 170 пакети влошки за ученичките во основните училишта во земјава, 100 повеќекратни менструални влошки за жени вработени во текстилни фабрики, како и на други категории на ранливи сограѓани.

Како дел од своето општествено одговорно работење, dm ја продолжува сеопфатната кампања за женско здравје со уште повеќе активности, со цел да даде уште поголем придонес за позитивни промени во нашата заедница, но и да ја разбуди желбата кај секој поединец да се залага за поздрав живот. Од компанијата најавија повторно распишување на конкурс за поддршка на проекти од областа на женското здравје, како и dmPodcast на кој отворено ќе се разговара на темите кои ги засегаат жените од областите на физичкото, менструалното, менталното и социјалното здравје.

The post БЕЗ СРАМ И БЕЗ КОДИРАНИ ИМИЊА Да зборуваме отворено за женското здравје и за менструалниот циклус! appeared first on plusinfo.mk.

Кога „оние денови“ за многу жени стануваат тешки за справување, доаѓаме до поимот менструална сиромаштија. Но, дали всушност знаеме што точно овој поим подразбира и зошто и понатаму e актуелен во 21 век? Со цел да се разјасни овој поим, најприближната дефиниција гласи: недоволно образование за менструална хигиена, репродуктивно здравје и менструални производи, недостиг на санитарни услови, пристап до вода, здравствена заштита и лекови против болки.

За менструални влошки годишно трошиме повеќе од 3.000 денари

Со овој вид на сиромаштија се соочени дури половина милијарда жени во светот, а во нашата земја, да се биде женско значи месечно да се издвојува меѓу 100 и 400 денари за одржување на основната менструална хигиена, покажува истражувањето на организацијата „Тиииит! Инк.“ во партнерство со „Реактор“ од 2021 година. Според ова истражување, секоја трета учесничка во истражувањето барем еднаш во животот се нашла во ситуација да нема пари да купи влошки и да мора да импровизира со крпи или тоалетна хартија (половина од овие учеснички и повеќепати). Според истото истражување, повеќе од 43% од испитаниците отсуствувале од училиште поради менструација, 63% од нив вообичаено еден ден во месецот, а 21% два дена.

Борба за намалување на цените на менструалните производи

Покрај намалувањето на данокот на менструалните производи во нашата земја, неопходно е придонес кон оваа борба да даде и приватниот сектор, а позитивен напредок се гледа во потегот на компанијата dm дрогерие маркт која на почетокот на оваа година направи пионирски чекор на полето на намалување на цените на менструалните производи.

Имено, овој дрогериски ланец во склоп на СЕКОГАШ ПОВОЛНО концептот, долгорoчно ги намали цените на влошките и тампоните од нивната dm марка Jessa.

Да ги викаме ,,оние денови“ во месецот со нивното право име – менструација

Менструацијата одамна е претставена како табу тема за која и денес тивко се шепоти. Нема да згрешиме ако кажеме дека девојчињата уште од раното детство се учени овој период од месецот да го нарекуваат со различни имиња – „оние денови во месецот“, „женски проблеми“, „женска работа“, избегнувајќи го едноставниот израз – менструација. На сите барем еднаш им се случило во текот на менструацијата да стават влошка во ракавот или во задниот џеб на пантолоните, за да се сокријат од очите на другите дека имаат менструација. Затоа е време отворено да зборуваме за тоа и да се преземат конкретни чекори кон дестигматизација на менструацијата и предизвиците кои таа ги носи со себе.

Едно е сигурно, основната хигиена треба да ѝ биде достапна на секоја жена или девојка, без разлика на социјалниот статус, бидејќи менструацијата не е избор и не треба да претставува луксуз. Водејќи се по наведените позитивни примери, од големо значење е активирањето на што поголем број на актери на пазарот, за да се извојуваат мали победи кои водат кон оние големите и кон достоинствен менструален циклус за секоја жена.

(Истражувањето го спроведе Реактор – истражување во акција, Тиииит! Инк. (2021), Менструална правда – Сеопфатна студија за пристапот до менструална хигиена во Република Северна Македонија, проценка на состојбите со менструалната сиромаштија и препораки за унапредување на политиките)

The post ЗА ВЛОШКИ ТРОШИМЕ ПОВЕЌЕ ОД 3.000 ДЕНАРИ ГОДИШНО Менструални производи – привилегија или потреба? appeared first on plusinfo.mk.