Адвокатот Тони Менкиноски, кој доби црн печат од граничната полиција за влез во Бугарија до 2036 година, денеска го информирал Парламентот, Владата и Министерството за надворешни работи за да преземат соодветните чекори согласно нивниот мандат и овластување, бидејќи, како што рече, да се стави црн печат на адвокат не се случило ниту во Нинбершките процеси.

Менкиноски, кој ги застапува македонските здруженија од Бугарија пред Европскиот суд за човекови права, смета дека политиките кои во иднина ќе ги гради Македонија треба да бидат политики за демократизација на Бугарија која треба да ги почитува правата на македонското малцинство во целост.

– Образложение нема и она што е апсурдно бидејќи Македонија и Бугарија се членки на НАТО и ако јас сум ја загрозил националната безбедност на Бугарија по аналогија сум ја загрозил и нашата национална безбедност бидејќи сме сојузници. Претпоставувам дека нема официјален допис ниту до македонските власти ниту до кој било дека сум ставен на црната листа на Бугарија – изјави Менкиноски во Тема на денот на Сител ТВ.

Адвокатот изјави дека добил телефонски повик од премиерот, дека имал комуникација и со министерот за надворешни работи и со претседателот на Адвокатската комора. Менкиноски рече дека бил искомунициран и од претседателот на француската Адвокатска комора за застапување, од нивниот Оддел за застапување и од Израелска адвокатска куќа кои сакаат овој процес да го изведат пред меѓународните институции.

– Овде не е само Совет на Европа, овде се во прашање и тела на Обединети нации кои се грижат и имаат фокус на адвокатите и судиите и дали врз нив се врши притисок и заплашување. Причината е што сега мислам дека е почетокот на мај Комитетот на министри, 46 членки на Советот на Европа ќе расправаат во врска со непочитувањето или неимплементирањето на одлуката на Европскиот суд за човекови права за Бугарија. Бугарија е во паника бидејќи може да се донесе одлука за исклучување на Бугарија од Совет на Европа поради непочитување на столбот, на главниот столб, а тоа е Судот (ЕСЧП) во Стразбур – рече адвокатот Менкиноски.

Според него, постојат повеќе механизми за оспорување на оваа одлука и тоа пред Советот на Европа и Обединетите нации, а информирани се и Хјуман рајс воч и Амнести интернешнл. Менкиноски очекува силна реакција од ОН. Тој денеска се обратил исто така и до сите адвокатско конзуларни претставништва во Македонија.

– Како адвокат ми се оспорува слободата на движење и правото за правична постапка – рече тој.

Адвокатот Менкиноски рече дека го очекувал овој чекор и упати јавен апел до претседателката да ги одликува со орден за храброст претставниците на ОМО Илинден Пирин

– Зад овие 17 пресуди се луѓе кои никогаш не се поколебале во својот македонски идентитет и никогаш не ја смениле својата самосвест – рече Менкиноски.

The post СОФИЈА Е ВО ПАНИКА, МОЖАТ ДА ЈА ИСКЛУЧАТ ПОРАДИ МОЈОТ СЛУЧАЈ Црни печати за адвокати немало ниту во Нирнберг, вели Менкиноски appeared first on plusinfo.mk.

На денешното рочиште не се појавија уредно поканетите четворица претставници на МВР, односно четворица раководители на полицијата од каде беше покрената и прекршочната пријава. Од тие причини, судијата Милчо Клишески, кој го води предметот, реши рочиштето да се заокружи со изнесување на доказниот материјал и со завршна изјава на обвинетиот.

Во завршното обраќање обвинетиот Менкиноски рече дека не се чувствува виновен за делото за кое се товари и дека ниту со еден закон или меѓународен акт не е забрането истакнување на знамето од Кутлеш. Тој целосно ја презеде одговорноста за поставувањето на големо 40-метарско знаме со македонското сонце на првиот ред од Самоиловата тврдина во центарот на Охрид, за верскиот празник Водици.

Менкиновски рече дека независно каква ќе биде одлуката на Судот, ќе продолжи да го истакнува македонското знаме со сонцето од Кутлеш и во иднина и ќе работи на враќање на тоа знаме како национално и официјално одбележје на државата Македонија.

Со завршниот исказ на обвинетиот заврши процесот по предметот, а судската одлука ќе биде соопштена дополнително.

The post „БЕЗ ОГЛЕД ШТО ЌЕ ПРЕСУДИТЕ, ЌЕ ГО ВЕАМ ЗНАМЕТО ОД КУТЛЕШ“ Завршни зборови на адвокатот Менконоски во охридскиот суд appeared first on plusinfo.mk.

– Го почитувам знамето кое го истакнав. Тоа беше национално знаме на Македонија извесен период. Сите сме сведоци дека ова знаме може да го забележиме на бројни спортски натпревари и културни манифестации и дека е општоприфатено од голем број жители во државата. Немав намера да ги омаловажам државните симболи и да ја навредам државата. На местото каде го поставив знамето немаше во близина ниту едно друго знаме, не покрив ниту едно друго знаме, немаше пароли и натписи поставени од моја страна. Уште како дете, кога ме носел мојот дедо во црква, сум го гледал насекаде ова знаме за кое сум емотивно врзан – истакна Ѓурчев, јави Охридпрес.

Бранителот Тони Менкиноски во завршните зборови побара ослободителна пресуда за обвинетиот Ѓурчев.

Судијата Бојан Мартиноски рече дека постапката ќе се води во рамките на процесните и материјални закони.

The post „ЕМОТИВНО СУМ ВРЗАН ЗА ЗНАМЕТО ОД КУТЛЕШ“ На судското рочиште охриѓанецот Ѓурчев се изјасни за невин  appeared first on plusinfo.mk.

Тој информира дека освен за него, поднесени се обвиненија и за други граѓани кои присустувале на настанот кога на 27 април, исто така во Охрид беше истакнато македонското знаме.

– Мене ме водат дека за „Водици“ го имам истакнато македонското знаме на Самоиловите тврдини. На 27 април повторно го истакнавме македонското знаме во поддршка на уставобранителите. Тогаш полицијата спроведе повикување на граѓани кои присустуваа на поставувањето на знамето и сега против нив има поведено обвинение. Тие сакаат да го парализираат процесот во кој сум јас обвинет со тоа што не доаѓаат од министерствтото за внатрешни работи како властени предлагачи против мене. Не доаѓа и судијата и предметот е одложен на неодредено. Од друга страна, го забрзуваат процесот против овие обични граѓани. Јас им кажав и тогаш дека ја преземам одговорноста за истакнувањето на знамето. Тие сакаат да го притисннат народот со тоа што, повикувајќи ги овие луѓе, сакаат да ги заплашат и да не ни дозволат на нас Македонците да го истакнуваме нашето знаме кое е културно и етничко обележје и наследство на Македонците. Намерата е да се осудат овие луѓе и со тоа да се воспостави пракса да не се виори сонцето од Кутлеш – изјави Менкиноски за „Република“.

The post ДЕСЕТИЦИ ГРАЃАНИ ДОБИВААТ ТУЖБИ ЗА ВЕЕЊЕ НА ЗНАМЕТО ОД КУТЛЕШ Адвокатот Менкиноски вели дека целта е да се заплаши народот appeared first on plusinfo.mk.

„Македонците во Бугарија извојуваа голема победа пред судот во Стразбург“, вели Менкиновски, наведено е во соопштението на ВМРО-ДПМНЕ.

Според него, барањето за гаранции на бугарската министерка Захариева е несериозно и покажува основно непознавање на меѓународното право, меѓународната практика, па и меѓународната политика.

„Признавањето на правата на малцинствата не го бара Македонија, туку во случајот со Бугарија тоа го бара Советот на Европа. Почитувањето на малцинските права е демократски меѓународен стандард, кој треба да биде вграден во внатрешното уредување на секоја земја што се изјаснува за демократска, особено ако е и членка на ЕУ“, дополнува Менкиноски.

„Значи, на македонското малцинство во Бугарија му припаѓаат правата според стандардите на меѓународното право и Македонија едноставно не може да се откаже од тие права на Македонците во Пиринскиот дел на Македонија, зашто тоа не е во нејзина државна надлежност“, додава тој.

Тој во своето интервју посочи дека Европскиот суд за човекови права во Стрзбург на 28 мај годинава ја осуди Бугарија, носејќи пресуда со која утврди дека е повредено првото на здружување по член 11 од Европската конвенција за човекови права, на македонците во Бугарија.

„Случајот се однесуваше на прашањето дали е потребно во едно демократско општество бугарските судови да одбијат да регистрираат здружение кое се залага за идејата дека постои угнетено македонско малцинство во Бугарија и се обидува да ги заштити правата на малцинството, со образложение дека здружението било насочено против единството на бугарската нација и дека нејзините цели биле политички и дека имаат цели повеќе на политичка партија отколку на редовно здружение“, вели тој.

„Од Македонија се бараат гаранции за нешто што не го поседува. Правата на малцинствата се надвор од мандатот на Захариева и мандатот на македонските политичари“, вели адвокатот Менкиноски.

„Историско-идентитетските прашања воопшто не се дел од критериумите за членство во Унијата. Вообичаената аргументација за некакво блокирање на преговорите се темели на непочитување на владеење на правото, зголемена корупција, криминал…, но никако не е разбирливо оспорување нечиј национален идентитет и права на малцинствата да биде аргумент за блокирање на евроинтеграциите на некоја земја-кандидат“, вели Менкиноски за Нова Македонија.

Според Менкиноски, Бугарија ја има промашено темата за вето, а кога-тогаш ќе мора да овозможи регистрација на македонските здруженија кај неа, зашто тоа од неа го бара Советот на Европа.

The post Менкиноски: Бугарија ја има промашено темата со ветото, Стразбур бара да ги регистрира македонските здруженија appeared first on plusinfo.mk.

– Тој што ви ја пишувал програмата дали знаете од каде ја препишал. Познат ли ви е овој лик. Бенито Мусолини, од таму ви се преземени, дури дополнително во програмата имате флоскули од Бенито Мусолини. Ова е програмата ред и дисциплина на Бенито Мусолини и вие многу добро знаете некој кој ви ја правел програмата, дури семантички препишувал од таа програма која е фашистичка -рече Менкиноски.

Менкиноски рече и дека се урива принципот на демократијата со најавената ревизија на судските пресуди изминатите 5 години, додавајќи дека овој процес е необјективен и нетранспарентен, односно како што рече тој, ова ќе го искористат во заплашување на одреден број на судии да носат сега не по телефон, туку во четири очи пресуди, бидејќи ќе бидат под надзор.

– Ова ќе биде преседан во демократијата каде министерот за правда значи директно ќе влијае кои судии ќе бидат подобни, а кои нема да бидат подобни. Значи вие ги урнисавате демократските принципи и вешто се обидувате да скриете многу работи на пример последниот Извештај на Стејт Департментот каде што кажува во делот на корупцијата во судството има сериозен проблем – рече Менкиноски.

Маричиќ на тоа  рече дека овие пропаганди се прават за време на изборна кампања.

– Изборната кампања заврши имам нова влада, вакви фотографии имавме и во други дебати. Ред, правда и дисциплина се зборови од кои бега ВМРО.Трагикомични ви се протестите кои ги организирате и повикувате на ред, а единствениот поим за вас е ослободување на осудените за 27 април и само за вас не важи законот. Да кроиме политика во интерес на граѓаните. Опозицијата имала и ќе има подадена рака од власта – рече Маричиќ.

The post Менкиноски до Маричиќ: Програмата за правда ви е плагијат на таа на Бенито Мусолини appeared first on plusinfo.mk.